Policia bën me dije se ka vënë në pranga shterasit M. S., 38 vjeç dhe D. A., 26 vjeç, të dy banues në Turqi.

Këta shtetas kanë paraqitur në sportel, në dalje, pasaporta greke me të dhënat e tyre, të cilat pas ekzaminimit në laborator, rezultuan të falsifikuara. Pasaportat false dhe biletat e udhëtimit të këtyre shtetasve, u sekuestruan në cilësinë e provës materiale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme./albeu.com

The post Tentuan të kalojnë kufirin me pasaporta greke të falsifikuara, arrestohen dy shtetas turq në Rinas appeared first on Albeu.com.

Një kontrabandist shqiptar është burgosur në Angli, pasi komplotoi për të sjellë 16 emigrantë shqiptar në Britaninë e Madhe, duke u pajisur me pasaporta false të BE-së dhe duke bërë prenotime mashtruese të linjave ajrore.

Shtetasi shqiptar Sait Ruci përdori një kartë identiteti të rreme italiane dhe vodhi identitetin e një njeriu të pafajshëm, për të hapur llogari bankare, të përdorur për të blerë bileta ajrore për në Mbretërinë e Bashkuar.

Emigrantët, të gjithë nga Shqipëria, paguanin një pasaportë false të BE-së dhe një biletë ajrore për në Britaninë e Madhe. Kriminelët mund të paguajnë mbi 10,000 £ për person për këtë lloj lehtësimi.

Ruçi u dënua sot me tre vjet në Gjykatën e Kurorës në Isleworth, për komplot për të ndihmuar imigracionin e paligjshëm.

Në shumë raste, dokumentet dhe rezervimet mashtruese janë identifikuar nga linjat ajrore ose autoritetet evropiane të aeroportit përpara nisjes. Gjashtëmbëdhjetë individë udhëtuan për në Mbretërinë e Bashkuar, por dokumentet e tyre u zbuluan si false nga oficerët e Forcave Kufitare pas mbërritjes.

Me bashkëpunimin e aeroporteve dhe linjave ajrore, hetuesit e Home Office ishin në gjendje të lidhnin prenotimet, së bashku dhe t’i gjurmonin tek Ruçi.

Analiza e celularit të Ruçit zbuloi edhe më shumë dokumente false, gati për t’u përdorur për qëllime kriminale. Ruçi tani do të trajtohet si shkelës i shtetasve të huaj dhe mund të largohet nga Britania e Madhe pas referimit në Ministrinë e Brendshme.

Chris Foster, Zëvendës Drejtor i Hetimeve Kriminale dhe Financiare në Home Office, tha: “Dënimi i sotëm është rezultat i një bashkëpunimi të fortë mes agjencive për të sjellë para drejtësisë këtë kontrabandist njerëzish. Sot kemi hequr një hallkë tjetër në zinxhirin e kriminelëve të organizuar që lehtësojnë hyrjen e paligjshme në MB. Unë jam mirënjohës për përpjekjet e palodhshme të oficerëve që identifikuan dhe hetuan këtë rast kompleks.”

The post Dënohet në Londër “ambasadori” shqiptar! Trafik njerëzish me pasaporta false appeared first on Albeu.com.

“The Telegraph”, ka bërë një tjetër investigim, ku tregon se trafikantë shqiptarë po shesin pasaporta me vlerë deri në 12 mijë paund për emigrantët e paligjshëm ose kriminelelët që dëshirojnë të udhëtojnë nëpër Evropë dhe të hyjnë në Mbretërinë e Bashkuar.

Ata pretendojnë se mund të anashkalojnë kontrollin biometrik duke përdorur pasaporta të vjetra që mund të kontrollohen vetëm manualisht.

Pasaportat e vendeve si Greqia, Rumania dhe Republika Çeke mendohet se janë vjedhur për t’i ngjasuar personit që banda kërkon të kontrabandojë .

“Bandat shqiptare reklamojnë shërbimet e tyre nëpërmjet një faqeje private në Instagram me etiketën “Passage to the UK” që ka 1600 ndjekës”, shkruan media britanike.

“12,500 paund për të hyrë në MB! Kjo reklamohet përmes story në Instagram, të cilat fshihen pas 24 orësh, në vend të një faqeje publike për të shmangur zbulimin dhe platformën që vepron për të mbyllur llogarinë. Instagram tha se kishte hequr llogarinë pasi u kontaktua nga The Telegraph.

Një gazetare e fshehtë që dërgoi një mesazh direkt tek operatorët e llogarisë iu tha se do të kushtonte 12,500 £ për person që ajo dhe i dashuri i saj të shkonin në MB.

“Shpenzimet e pasaportave dhe biletave të udhëtimit do të mbulohen nga ne. Do të paguani kur të mbërrini”, ishte përgjigja e tyre.

Komunikimet nëpërmjet Instagram

“Italia në Londër me avionë. Udhëtimi i sigurt 100 për qind me njerëzit tanë në aeroporte. Pagesa vetëm kur të mbërrini në Londër. Kontaktoni. Vetëm njerëz seriozë.”

“Shërbimet për njerëzit që kanë probleme në Mbretërinë e Bashkuar (kërkohen nga policia). Nga Italia në Irlandë. Nga Irlanda në Londër.”

“Arritja në MB 100 për qind e sigurt në avion dhe për ata që janë dëbuar nga vendet e BE-së”. Një tjetër ofronte ID dhe patentë, si dhe pasaporta.

The post “The Telegraph”: Trafikantët shqiptarë shesin mbi 12 mijë paund pasaporta false në rrjetet sociale appeared first on Albeu.com.

Në prangat e policisë kanë rënë 3 shtetas të cilët akuzohen se falsifikonin vizat angleze kundrejt pagesave të majme.

Njoftimi i policisë:

Shkodër

Finalizohet operacioni policor i koduar “Alias”, për goditjen e veprimtarisë kriminale të falsifikimit të dokumenteve.

Operacioni u zhvillua nga Seksioni për Hetimin e Krimit Ekonomik dhe Financiar në DVP Shkodër, në bashkëpunim me Drejtorinë e Forcës së Posaçme Operacionale në Departamentin e Policisë Kriminale në Policinë e Shtetit, nën drejtimin e Prokurorisë së Rrethit Gjyqësor Shkodër.

Vihen në pranga 3 shtetas, procedohet në gjendje të lirë 1 tjetër.

Sekuestrohen dokumente identifikimi dhe dokumente të tjera, të dyshuara të falsifikuara.

Specialistët e Seksionit për Hetimin e Krimit Ekonomik dhe Financiar në DVP Shkodër, në bashkëpunim me Drejtorinë e Forcës së Posaçme Operacionale në Departamentin e Policisë Kriminale në Policinë e Shtetit, nën drejtimin e Prokurorisë së Rrethit Gjyqësor Shkodër, pas një pune të mirëfilltë hetimore, kanë organizuar dhe finalizuar operacionin policor të koduar “Alias”. Si rezultat i këtij operacioni u ndaluan shtetasit:

S. P., 68 vjeç, banues në Tiranë, për veprat penale “Falsifikimi i letërnjoftimeve, i pasaportave ose i vizave”, “Falsifikimi i dokumenteve” dhe “Falsifikimi i dokumenteve shkollore”;

B. B., 64 vjeç, banues në Tiranë, për veprat penale “Falsifikimi i letërnjoftimeve, i pasaportave ose i vizave” dhe “Falsifikimi i dokumenteve shëndetësore”, të kryera në bashkëpunim;

P. B., 32 vjeç, banues në Tiranë, për veprat penale “Falsifikimi i letërnjoftimeve, i pasaportave ose i vizave”, kryer në bashkëpunim.

Gjithashtu, u procedua në gjendje të lirë për veprën penale “Falsifikimi i dokumenteve shëndetësore”, kryer në bashkëpunim, shtetasi B. Sh., 56 vjeç, banues në Tiranë, me detyrë teknik-radiolog pranë një spitali privat në Tiranë.

Gjatë muajit mars, këta shtetas, në bashkëpunim me njëri-tjetrin, kanë falsifikuar dokumente identifikimi, dokumente mjekësore dhe shkollore, në këmbim të vlerave të ndryshme monetare.

Në cilësinë e provës materiale janë sekuestruar 3 dokumente identifikimi (pasaporta), të dyshuara të falsifikuara, vizë angleze e dyshuar false, 1 laptop dhe një sasi e konsiderueshme parash.

Materialet iu referuan Prokurorisë së Rrethit Gjyqësor, për veprime të mëtejshme.

Vijon…

The post Viza angleze dhe pasaporta të falsifikuara, në pranga 3 shtetas në Shkodër appeared first on Albeu.com.

Nga hetimet ka rezultuar se Myftari në bashkëpunim dhe me shtetas të tjerë(punohet për identifikimin e tyre)kundrejt shumës rreth 25.000 Euro dyshohet se ka pajisur me pasaporta të falsifikuara spanjolle shtetasit K. M dhe S. A, dhe dy fëmijet e tyre të mitur me qëllim udhëtimin e tyre drejt Gjermanisë.

Shtetasit K. M dhe S. A, kanë tentuar dy herë të kalojnë nëpërmjet aeroportit të Rinasit por si rezultat i forcimit të masave të kontrollit në këtë aeroport nuk kanë mundur dot të largohen.

Njoftimi i policisë:

Tiranë

Finalizohet një tjetër operacion për goditjen e veprimtarisë kriminale e falsifikimit të dokumentave dhe të dhënies ndihmë për kalim të paligjshëm të kufirit.

Operacioni “Last Trip” i finalizuar nga Policia Kufitare Rinas dhe Seksioni për Hetimin e Trafiqeve të Paligjshme në DVP Tiranë.

Vihet në pranga një shtetas dhe procedohen 2 të tjerë.

Sekuestrohen 4 pashaporta të dyshuara të falsifikuara dhe sende të tjera të kundërligjshme.

Në vijim të punës për parandalimin dhe goditjen e veprimtarisë kriminale e falsifikimit të dokumentave dhe të dhënies ndihmë për kalim të paligjshëm të kufirit, si rezultat i shkëmbimit në kohë të informacionit, sherbimet e Policisë Kufitare Rinas në bashkëpunim me Seksionin e Trafiqeve në DVP Tiranë, kanë zhvilluar dhe finalizuar operacionin e koduar “Last Trip”, në kuadër të të cilit u bë arrestimi në flagrancë i shtetasit:

N. M., 35 vjeç. Si dhe u proceduan shtetasit K. M., 41 vjeç dhe S. A., 31 vjeçe.

Nga hetimet ka rezultuar se shtetasi N.M në bashkëpunim dhe me shtetas të tjerë(punohet për identifikimin e tyre)kundrejt shumës rreth 25.000 Euro dyshohet se ka pajisur me pasaporta të falsifikuara spanjolle shtetasit K. M dhe S. A, dhe dy fëmijet e tyre të mitur me qëllim udhëtimin e tyre drejt Gjermanisë.

Shtetasit K. M dhe S. A, kanë tentuar dy herë të kalojnë nëpërmjet aeroportit të Rinasit por si rezultat i forcimit të masave të kontrollit në këtë aeroport nuk kanë mundur dot të largohen.

Materialet proceduriale do ti kalojne Prokurorise pranë Gjykatës së Shkallës së Parë Tiranë, për veprat penale “Ndihma për kalim të paligjshem të kufirit”, dhe “Falsifikimit të leternjoftimeve, pasaportave ose i vizave”.

The post EMRI/ Pajisi familjen me pasaporta spanjolle të falsifikuara, arrestohet 35-vjeçari në Tiranë appeared first on Albeu.com.