Rama: Dëshiroj të ftoj kapitenin e skuadrës tonë kombëtare, njëfarë Hysaj, Hysaj, është këtu ai? Kur skuadra jonë kombëtare u kualifikua në Eurpianin e 8 viteve më parë, ne u dhamë të gjithë sportistëve e trajnerëve pasaportën diplomatike, Mirëpo nuk u kualifikuan pas katër vitesh dhe pasaportave diplomatike iu dogj afati. Tani është koha për ta ridhënë pasaportën diplomatike me afat dhe nga kjo do të përfitojnë shumë nga lojtarët që e kanë për herë të parë, si ambasadorë të shtetit shqiptar. Ambasadorë të denjë për të cilët jemi krenarë dhe thirra kapitenin sepse ishte mosbesues deri në fund që do merrte pasaportën sot. Normale, se kujton se jam si të tjerët që e them fjalën dhe nuk e mbaj. Do e mësojë edhe ky që atë që them e mbaj. Kjo është pasaporta,. Këtu ke edhe pasaportat e gjithë skuadrës. Ti marrë presidenti që të jenë në duar të sigurta.

Hysaj: Ta kontrolloj njëherë se nuk i dihet. Hysaj, Elseid… Shumë faleminderit, mund ta humbim prapë si kemi humbur tjetrën. Dua të falënderoj presidentin për ftesën për të qenë këtu në këtë mbrëmje, kryeministrin për mbajtjen e fjalës. Nuk do jetë vetëm kjo, do të kemi edhe të tjera në Gjermani, nuk i dihet. Për mua është emocion i dytë kualifikimi dhe kënaqësi, akoma më e bukur me grupin e lehtë që na ra. Por unë kam besim që do ia dalim mbanë dhe ndoshta do bëjmë një tjetër ëndërr realitet në Gjermani.

Rama: E sheh një zotëri aty me këmishë të bardhë me papion të zi, ai që po ta bën me dorë? Për pasaportë gjermane apliko te ambasada gjermane…

The post Kryeministri Rama pajis skuadrën e Kombëtares me pasaporta diplomatike, batuta me Hysën: Ta kontrolloj njëherë… appeared first on Albeu.com.

“Në pikën 14, të vendimit nr.389, datë 12.6.2019, të Këshillit të Ministrave, të ndryshuar, fjalët “… pasaportat përkatëse deri më datë 30 qershor 2021.” zëvendësohen me “… pasaportat e vlefshme përkatëse deri më datë 31 dhjetor 2022” thuhet në vendim./albeu.com

The post Këshilli i Ministrave shtyn afatin mbi vlefshmërinë e pasaportave diplomatike appeared first on Albeu.com.

Kërkesa e fundit e Ministrisë për Europën dhe Punët e Jashtme për të dorëzuar dokumentin brenda datës 1 qershor 2021 e ka kapur në befasi edhe presidentin shqiptar.

Përmes rrjeteve sociale, Meta thotë se ky vendim është i pabesë dhe se është absurde të pengohen kuqezinjtë, ata që dërguan Shqipërinë në Europë.

“Vendimi i pabesë për ndërprerjen e vlefshmërisë së pasaportave për Kombëtaren tonë të futbollit është i paprecedent dhe një hakmarrje primitive, për shkak të qëndrimeve kritike të disa futbollistëve për sportin. Është absurde të pengohen të mbajnë pasaportë, kuqezinjtë, që e futën Shqipërinë në Europë dhe na bënë të gjithëve krenarë, ndërkohë që vazhdojnë ta mbajnë atë faqezinjtë, që na lanë jashtë Europës dhe që po na turpërojnë.  Jam i bindur se më 25 prill 2021, do të përfundojë koha e vendimeve autoritare, arrogante dhe përjashtuese. Ky vendim i Qeverisë ende në detyrë do të përmbyset dhe nderimi për kuqezinjtë, që na çuan në Europë do të mbetet i pacenuar”, ka shkruar Meta.

Kujtojmë që për këtë situatë ka reaguar edhe ish-trajneri, De Biasi.

“Më duket absurde. Pasaporta ime diplomatike skadon në vitin 2026, pse duhet ta dorëzoj 5 vite më parë?”, ka thënë ish-trajneri De Biazi./

The post Heqja e pasaportave diplomatik për “kuqezinjtë”, Meta: Vendim absurd appeared first on Albeu.com.

Xhaçka thekson se megjithëse lojtarët do të duhet të dorëzojnë pasaportat e marra deri më 30 qershor, asnjëri nuk humbet statusin e fituar 5 vite më parë.

Sipas ministres po bëhet “shumë zhurmë për asgjë”, pasi “Vlefshmëria e pasaportave diplomatike mbaron siç mbaron vlefshmëria e çdo dokumenti identifikimi”.

“Shumë zhurmë për asgjë! Vlefshmëria e pasaportave diplomatike mbaron siç mbaron vlefshmëria e çdo dokumenti identifikimi që përdoret në shtetin shqiptar, qofshin këto pasaporta apo karta identiteti.

Ajo që nuk ka mbaruar e nuk do të mbarojë kurrë është mirënjohja e çdo shqiptari dhe e shtetit shqiptar për ekipin e heronjve të kombëtares që u kualifikuan e luajtën me dinjitet në Europianin 2016, duke i bërë krenarë shqiptarët kudo që jetojnë.

Është kjo arsyeja përse djemtë tanë sipas rregullave duhet të dorëzojnë deri me datë 30 qershor pasaportat e marra asokohe, por ama asnjë prej tyre nuk do të humbasë statusin e fituar me aq të drejtë në 2016”, thuhet në deklaratën e ministres.

The post Shkurtuan 5 vite e kërkuan dorëzimin, Xhaçka reagon për pasaportat diplomatike të futbollistëve appeared first on Albeu.com.