Gruaja e tij, Hilaria Baldwin, gjithashtu shijoi kohën në natyrë këtë fundjavë dhe u pa duke hipur në kuaj me vajzën e saj.

Baldëin, 63 vjeç, është shfaqur i zhgënjyer dhe ka mbajtur një profil të ulët pasi qëlloi aksidentalisht me armën që vrau Hutchins në setin e filmit të tij në Neë Mexico më 21 tetor.

Javën e kaluar, mbikëqyrësja e skenarit të Rust, Mamie Mitchell, me lot njoftoi se ajo po padiste aktorin dhe e akuzoi atë se po luante “Ruleta ruse” kur ai qëlloi me armë pa e kontrolluar më parë për t’u siguruar që nuk ishte e mbushur, dhe më tej pretendoi se skena po filmohej, nuk bëri thirrje për shkrepjen e armës.

Fotot e bëra të shtunën tregojnë aktorin duke buzëqeshur dhe mesa duket po shijon shoqërinë me fëmijët e tij të vegjël. Me një xhaketë të gjatë, ai shihet duke mbajtur një çantë pazari që përmban një top futbolli. Babai i gjashtë fëmijëve më vonë u fotografua duke vrapuar dhe duke shkelmuar topin rreth fushës së futbollit me disa nga fëmijët e tij.

Ndërsa aktori është parë në publik edhe më parë, shpesh i shoqëruar nga gruaja e tij, ai është dukur i mërzitur.

The post Dalin pamjet, çfarë po ndodh me Alec Baldwin pas vrasjes aksidentale të kineastes (FOTO LAJM) appeared first on Albeu.com.

Duke folur për gazetarët, aktori tha se do të ishte në favor të kufizimit të përdorimit të armëve të zjarrit në të ardhmen në prodhimet filmike për të mbrojtur sigurinë e njerëzve.

Ai shtoi se policia e kishte urdhëruar që të mos diskutonte hetimet në vazhdim. Prokurorët thonë se nuk e kanë përjashtuar mundësinë e ngritjes së kallëzimeve penale për rastin.

Hutchins, 42 vjeçe, u qëllua në xhirimet e filmit “Rust” në shtetin amerikan të New Mexico, kur Baldwin qëlloi pa e ditur me një armë të mbushur me një plumb të vërtetë. Regjisori i filmit, Joel Souza, u plagos në shpatull.

“Ajo ishte shoqja ime. Ditën që mbërrita në Santa Fe dhe fillova të xhiroja, e çova në darkë me Joelin,” u tha Baldwin gazetarëteve që e kishin ndjekur atë dhe familjen e tij në shtetin e Vermontit.

“Ne ishim një ekip shumë, shumë i mirë, duke xhiruar një film së bashku dhe më pas ndodhi kjo ngjarje e tmerrshme,” ka shtuar ai.

Video e shkëmbimit u publikua nga faqja e internetit TMZ. Baldwin tha se incidenti ishte një “një në trilion ” dhe se aksidente të kësaj natyre ndodhin shumë rrallë.

“Një përpjekje e vazhdueshme për të kufizuar përdorimin e armëve të zjarrit në sete filmike është diçka për të cilën jam jashtëzakonisht i interesuar”, shtoi ai.

The post “Ishte shoqja ime”, Alec Baldwin flet për herë të parë publikisht pas vrasjes së kineastes appeared first on Albeu.com.