Policia e Tiranës, ka përgatitur planin e masave për të garantuar rendin dhe sigurinë gjatë derbit të kryeqytetit që luhet sot mes Partizanit dhe Tiranës.

Masat përfshijnë bllokimin e disa segmenteve rrugore për lëvizjen e tifozëve.

Bllokimet do të fillojnë nga ora 17:00 dhe do të përfshijnë:

Rrugën “Lek Dukagjini” përreth stadiumit
Rrugën “Dervish Hima”
Rrugën “Gjergj Filipi”
Rrugën “Papa Gjon Pali II” (nga kryqëzimi me rrugën “Ismail Qemali” deri tek stadiumi)
Bulevardin “Dëshmorët e Kombit” (nga Presidenca deri te sheshi “Nënë Tereza”)
Tifozët e Partizanit do të lëvizin nga kryqëzimi i rrugës “Muhamet Gjollesha” me rrugën “Artan Lenja”, ndërsa tifozët e KF Tiranës do të nisen nga sheshi “Skënderbej”.

Policia do të ushtrojë kontrolle për sende të ndaluara, dhe çdo tifoz duhet të ketë me vete dokument identifikimi. Hyrja në stadium do të ndalohet për ata pa dokumente identifikimi dhe për fëmijët nën 16-vjeç pa shoqërimin e prindit.

Policia e Tiranës, kërkon mirëkuptimin e tifozëve dhe qytetarëve për të evituar lëvizjet me automjete në segmentet e bllokuara.

The post Sot Partizani-Tirana, ja rrugët që do të bllokohen appeared first on Albeu.com.

Bardheblutë mposhtën në Elbasan Arena 3-2 Laçin duke i lënë këta të fundit në zonën e ftohtë.

Sa i përket sfidës, gjithçka u zgjidh që në pjesën e parë kur Hasani realizoi dopietë 6′ 22′ ndërsa ndërsa Lulaj thelloi avantazhin 45′.

Në pjesën e dytë Guindo 56′ realizoi me penallti për miqtë, ndërsa Ujka ngushtoi shifrat në shtesa 93’.

Tirana mban kreu me 56 pikë, 2 më shumë se Partizani, ndërsa Laçi ngelet në vendin e 8 me 30 pikë.

Në ndeshjen e radhës, bardheblutë luajnë në transfertë përballë Bylis, ndërsa Laçi pret Vllazninë.

Në ndeshjen tjetër Partizani i dehur nga suksesi nuk shkoi më shumë se barazimi 1-1 në Shkodër ndaj Vllaznisë.

Da Silva zhbllokoi shifrat për të kuqtë që në minutën e 3′, por 6 minuta më vonë Balaj realizoi me penallti.

Partizani renditet i dyti me 41 pikë, vetëm 2 pikë larg kreut që mbahet nga Tirana.

Në ndeshjen e radhës, Partizani pret Kastriotin, ndërsa Vllaznia luan në transfertë përballë Laçit./Albeu.com/.

The post Tirana “likujdon” Laçin dhe lë kurbinasit në zonën e ftohtë, Partizani dehet nga suksesi në derbi appeared first on Albeu.com.