Një ndër qytetet ku pritet të ketë një sfidë të fortë është edhe qyteti i Elbasanit.

Në sondazhin e zhvilluar brenda 24 orëve në Abcnews.al, me një pjesëmarrje rekord të qytetarëve,  rezultatet kanë treguar se demokratët në Elbasan preferojnë më së shumti Dashnor Sulën, i cili në listën e PD-së është i pari.

Ai ka marrë 38.98% të votave duke lënë pas Lucciano Boçin me 31.59% dhe Gazmend Bardhin me 9.09%.

Në listë bie në sy edhe prurja e re e demokratëve Flutura Açka, shkrimtare e njohur në vend e cila ka arritur të marrë 4.55% edhe pse është hera e parë që kandidon në zgjedhje.

Kujtojmë se Dashnor Sulën, kryeministri Edi Rama e ka cilësuar si huligan, teksa ka kujtuar një episod, sipas kryeministrit të ndodhur në stadiumin e Peqinit.

“Dash Sula është kthyer Dash Sula vetë Dash Sula! I cili në pikën më impresionuese të karrierës ke pasur në stadiumin e Peqinit. Për ato  që nuk lidhin emrin me figurën, është ai pamjet e të cilit bënë xhiro në media, ku doli si laraskë, se shqiponjë është fjalë e madhe, doli si laraskë me pistoletë për të kapur arbitrin. Me Dash Sulën fiton Shqipëri Shqipëria fiton me Dash Sulën.! Dash Sula është hata fare, Elbasanit në Aleksandër Xhuvanit i prezantohet Dash Shula. Ka qenë deputet në shekullin e kaluar dhe rikthehet si një huligan veteran. Kjo është Shqipëria që fiton me Dash Sulën. O zot, Dash Sula!’- tha Rama gjatë një takimi në Elbasan. /albeu.com/

The post SONDAZHI/ Rama e quajti “huligan”, kush është kandidati i PD-së që kryeson listën në Elbasan appeared first on Albeu.com.