DIAAA

Më herët, Zyra e Prokurorit në Nish konfirmoi për Radion Evropa e Lirë se Sandulloviq ndodhet në paraburgim që nga java e kaluar, nën dyshimet “se ka kryer vepër penale të nxitjes së urrejtjes dhe intolerancës kombëtare, racore dhe fetare”.

Në deklaratën e lëshuar nga BIA më 10 janar u tha se ata ndërmorën aktivitete “me qëllim të sqarimit të aktiviteteve të kaluara të paligjshme të Sandulloviqit, të cilat prokurori kompetent i cilësoi si vepër penale të nxitjes së urrejtjes dhe intolerancës kombëtare, racore dhe fetare”.

“Duke thënë gënjeshtra për sjelljet e supozuara të paligjshme të anëtarëve të BIA-s, Sandulloviç dhe promovuesit e tjerë e të ashtuquajturës Kosovë, duan të përhapin dezinformata dhe të shqetësojnë opinionin vendës dhe të huaj, të dëmtojnë reputacionin e BIA-s dhe të destabilizojnë situatën e sigurisë së Republikës së Serbisë”, u tha në deklaratë.

Më 2 janar, Sandulloviq publikoi një video në X – që më herët njihej si Twitter – ku ai shfaqej në kompleksin “Adem Jashari” në Prekaz duke vendosur kurorë me lule në monumentin që përkujton ngjarjet e 5, 6 dhe 7 marsit 1998, kur forcat serbe vranë mbi 50 anëtarë të familjes së Adem Jasharit, një nga themeluesit e ish-Ushtrisë Çlirimtare të Kosovës (UÇK).

Një ditë pas publikimit të videos në rrjetin X, avokati Çedomir Stojkoviç bëri të ditur se Sandulloviçi është arrestuar më 3 janar dhe se familja e tij nuk ka asnjë informacion për vendndodhjen e tij.

Institucionet e Bashkimit Evropian konfirmuan më 9 janar se po monitorojnë situatën dhe informacionet lidhur me arrestimin e Sandulloviçit.

Sandulloviç është president i Partisë Republikane që u themelua më 2015, por që nuk e ka kaluar pragun zgjedhor për t’u futur në Parlamentin serb.

Ai ka një biografi kundërthënëse, ku përfshihet edhe plagosja e tij nga shpërthimi i një makine 13 vjet më parë, dhe arrestimi i tij për “përhapje paniku” më 2020 gjatë pandemisë së koronavirusit.

The post Autoritetet serbe mohojnë se është ushtruar dhunë ndaj Sanduloviç, por paralajmërojnë secilin që promovon që pavarësinë e Kosovës appeared first on Albeu.com.

Qindra të rinjë Republikanë me miqtë nga Amerika dhe Europa vunë në dukje se besimi i jep një raport dhe kuptim të qartë rolit tonë si politikanë, vlerësimit të të drejtave dhe lirisë, na bën njerëz dhe kombe më të mira.

Madhështia e Amerikës dhe Europës është e lidhur qartësisht me ndërtimin e shoqërive që respektojnë Besimin, dhe kanë përcaktuar qartë në Kushtetutë dhe ligjet e tyre se asnjë politikan dhe pushtear nuk qëndrmbi lirinë, jetën dhe mundësinë për të ndërtuar lumturinë që na ka dhënë Zoti dhe kjo është në themel të pavarësisë dhe kushtetutshmërisë sonë

Në fjalëm e tij Mediu pasi falenderoj miqtë e pranishëm ju drejtua të rinjëve se ata duhet të jenë forca që duhet të ndryshojë politikën dhe vendin ashtu sic bën studentët në dhjetor të 1990.

“Misioni ynë është të ndërtojmë të mirën përballë së keqes, të ndërtojmë dashurinë përballë urrejtjes, të ndërtojmë respektin përballë përbuzjes. Këto janë rrugët për të ndërtuar një shoqëri e cila ecën përpara. Ne sot kemi një mision kundër së keqes. Kemi një pushtet i cili po shpopullon Shqipërinë, po e shpopullon prej jush, njerëzve të rinj, njerëzve të mëncur dhe të ditur, të cilët duan një jetë ndryshe, po shkatërron të ardhmen e familjeve tona, po shkatërron të ardhmen tonë si komb.

Prandaj ky është një moment jashtëzakonisht i rëndësishëm, për të tejkaluar thjesht dhe vetëm politikën, për të besuar tek vetja, për të besuar që Zoti na ka falur jetën, lirinë dhe mundësunë për të ndërtuar lumturinë, dhe ne kështu, duke besuar në këto principe, do të ecim të gjithë së bashku. Prandaj ju ftoj ju që deri më 14 maj të mos pushojmë, por mesazhin e mundësisë që na është dhënë nëpërmjet lirisë, mesazhin e asaj që na e ka dhënë si të drejtë Zoti, ne duhet ta kthejmë në duart e shqiptarëve të lirë, ashtu sic filluam ne vitet 1990.

Te mos pranojmë të rikthehemi në rrugën e errësirës, ku na u ndalua besimi, liria dhe e drejta. Të mos pranojmë që njerëz që kanë pushtet sot të sillen me ne dhe me taksat tona, sikur janë pronarë të asaj që ne paguajmë dhe asaj cka është jeta jonë. Prandaj më shumë se kushdo tjetër, rinia është kualitet, rinia është qëllim në vetvete për të bërë më të mirën. Mos jeto me zhurmën dhe dogmën e të tjerëve. Beso tëk vetja jote, tek zemra jote, sepse ajo nuk gabon. Prandaj le të bashkohemi ne që të gjithë, të shkelmojmë të keqen dhe të ligën, të tregojmë që dime dhe duhet të ndërtojmë.

Le të bashkohemi ne me bindjen që atë që i ka falur Zoti këtij vendi, si asnjë vendi tjetër, ne duhet ta kthejmë në mundësi, oportunitet, për cdo shqiptar të lirë, për të ndërtuar Shqipërinë europiane dhe për të qënë shqiptarë europianë”, u shpreh Mediu.

The post “Familja, besimi, liria”/ Partia Republikane bashkëbisedim me senatorë amerikanë dhe deputetë europianë appeared first on Albeu.com.

Arbios dhe të rinjtë e tjerë shprehën angazhimin e tyre për të fituar bashkinë e Tropojës.

Kandidati Besnik Dusha theksij se kjo qeveri e urren Veriun dhe Tropojën, duke e zhytur në papunësi dhe duke larguar nga puna sa erdhi në pushtet këdo që ishte tropojan.

Asnjë investim nuk është bërë në Tropoje tha ai, ndërsa nën qeverisjen e të djathtës janë bërë investime të rëndesishme në infrastrukturë.

Deputeti Isuf Çelaj theksoi se bashkia e Tropojës do t’i kthehet Tropojës dhe të rinjve. Deri me sot me këshillat bashkiak monist, bashkia ka qenë zgjatim i qeverisë, njësoj si ish-komitetet egzekutive te komunizmit.

Arritja e Ramës në Tropojë është varfëria dhe shpopullimi.

Ne fjalën e tij kryetari i Partise Republikane theksoi se ky është momenti i të rinjve në Tropojë dhe mbarë Shqiperinë është dita për të marrë në dorë fatin tuaj.

“Qeveria po përdor çdo mejt për të na thyer dhe manipuliar, duke bërë presion, duke varfëruar e shpopulluar, duke luftuar kundër lirisë sonë.

Pa liri nuk ka jete, pa besim nuk ka të ardhme, pa familje nuk ka komb dhe keto vlera te jashtëzakonshme ne duhet t’i mbrojmë.

Ata që na ka fal Zoti ne nuk mund ta lëmë ta shkatërrojnë njerëzit e pushtetit.

Prandaj çdo votë Republikane do jete dhe votë per Besnik Dushën.

Të shkojme tek cdo familje, tek cdo Tropojan per të votuar në 14 Maj dhe per te fituar kundër varferise, shpopullimit dhe shkatërrimit të familjes dhe Shqipërisë.”

/Albeu.com/

The post Fatmir Mediu takim me të rinjtë e Tropojës: Atë që na ka falur Zoti, nuk mund ta shkatërrojë pushteti appeared first on Albeu.com.

Thirrja e kryetarit të Partisë Republikane, Fatmir Mediut, i cili ishte i pranishëm në takim, ishte që të bashkohemi kundër varfërisë dhe largimit të shqiptarëve.

Fjalimi i plotë:

Në qoftë se flasim për problemet që ka Shqipëria, pyetja e parë që na shtrohet gjithësecilit nga ne, është çfarë duhet të bëjmë?

E para duhet patjetër që të bashkojmë shqiptarët.

Meqënëse unë kam kolegen time Metaliaj këtu, dhe ju jeni përfaqësues të partive politike, Republikane, demokratike, një detyrë të madhe kemi ne; detyra për të bashkuar shqiptarët kudo që janë, dhe bashkimi i parë ndodh pasi t`ju kemi dhënë atyre mundësinë për të votuar.

Nuk mundet që njerëz që kontribuojnë për familjet e tyre, mendojnë për familjet e tyre, sakrifikojnë për familjet e tyre, për vendin e tyre, të lihen në harresë sikur janë qytetarë të dorës së dytë.

Detyra e parë është që gjithë diaspora, gjithë emigrantët, të votojnë.
Kjo do t`i jepte një vlerë tjetër marrëdhënies sonë politike, ekonomike dhe sociale në vend. Por jo vetëm kaq. Mendoj që ka ardhur koha , që këta njerëz, të rinj e të reja, jo vetëm në Bashkinë e Lezhës, por në gjithë Shqipërinë, të vijnë dhe të na përfaqësojnë në Kuvend dhe në qeveri.

Por ka ardhur koha gjithashtu që t`i themi të rinjve të rejave, njerëzve më të mirë të këtij vendi, që është radha juaj për të qeverisur, sepse e djathta nuk është pronë, është marrëdhënie me qytetarin, është marrëdhënie me njerëz të lirë dhe njerëz të mirë dhe njerëz të mire dhe të lirë ka në Lezhë dhe në mbarë botën, të cilët duhet të kthehen dhe të bëjnë qeverisjen më të mirë për këtë vend.

Zoti na ka falur jetën, lirinë dhe mundësinë për të ndërtuar lumturinë dhe këto nuk mund t`i zëvendësojmë dot me autoritete dhe pushtete njerëzish të gabueshëm.
Është shumë e rëndësishme ne të kuptojmë që kjo vlerë që na është dhënë t`a vendosim në shërbim të jetës sonë. Prandaj ka dhe një gjë që mund `ta kurojë mirë shoqërinë shqiptare, përveçse duhet të flasim fort për problemet, për krimin, për korrupsionin, e rëndësishme është të dimë si të flasim me shqiptarët.

Të flasim me ta duke i dëgjuar dhe jo vetëm duke ju thënë, të dëgjojmë hallet dhe problemet që ata kanë, të flasim me gjuhën e shpirtit dhe të zemrës, me respekt për njëri-tjetrin, se mësimi më i madh i Zotit është; jo vetëm të duam Zotin, por të duam dhe të respektojme njëri-tjetrin.

Pa dashur dhe pa respektuar njëri-tjetrin, ne nuk mund të arrijmë asnjë lloj suksesi.

Ne, të gjithë duhet të kemi guximin për të qëndruar, përndryshe, ne, fëmijët tanë, do të futen në qerfull të errësirës, në një rrugë të gjatë, e cila do të jetë e dhimbshme dhe e mundimshme, për ne si prind, por dhe për ata.
Ne kemi sot një takim me fatin dhe ky takim me fatin është 14 maji.

Prandaj ju bëj thirrje ju, të gjithë të bashkojmë, të flasim me çdo lezhian, të trokasim në çdo derë, por në radhë të parë të trokasim në zemrat e njerëzve, të degjojmë me vërejtje problemet dhe hallet e njerëzve, mos të na duken si të tepërta, t`i japim kuptim dhe vlerë jetës së çdo qytetari, sidomos atyre që janë në nevojë, sepse duke i dhënë kuptim dhe vlerë problemeve dhe halleve që ata kanë, duke i dëgjuar me vëmendje dhe duke i dhënë zgjidhje, ne i kemi dhënë kuptim dhe vlerë edhe jetës sonë.

Prandaj dua të bashkohem me ju, si bashkëudhëtar i juaj, së bashku me Pashkun, për të bërë atë që është më e mira, për të sjellë Pashkun në krye të Bashkisë së Lezhës, për t`i dhënë Lezhës vlerën e saj historike, turistike dhe të një zhvillimi që i takon qytetarëve të Lezhës, për t`i dhënë mundësi, nëpërmjet Pashkut, Linditës dhe të tjerë, që Shqipëria të ndryshojë, të bëjmë më të mirën, duke votuar Pashk Gjonin.

The post Partia Republikane në Lezhë: Të bashkohemi kundër varfërisë dhe largimit të shqiptarëve appeared first on Albeu.com.

Këtë temë ka trajtuar edhe ditën e sotme emisioni “Log.” në Abc të gazetarit Endri Xhafo.

Në një lidhje me emisionin ‘Log.” kreu i Partisë Republikane, Fatmir Mediu, theksoi se në 3 raundet e para opozita vetë duhet të kishte propozuar një kandidat dhe ta kishte çuar atë për votim, duke shtuar se një gjë të tillë ka mundësi ta bëjë dhe në raundin e katërt.

I pyetur nga moderatori Xhafo se çfarë i ka interesuar mazhorancës në gjithë këtë proces duke i lënë “rrugë” për propozim opozitës në 3 raundet e para, Mediu tha se i interesoi përçarja, ndërsa me ironi shtoi se vetë opozita e ka lënë kryeministrin ta përdorë, dhe mesa duket kjo gjë u ka pëlqyer.

Pjesë nga biseda:

Mediu: Rama na e futi një herë, na e futi dy herë, na e futi tre herë, na e futi katër herë, po si duket na ka pëlqyer.

Xhafo: Shyqyr që ky është emision që ndiqet nga fëmijë të shoqëruar me prindër, por e futura në këtë rast ishte në kuptimin metaforik. Cila ishte loja e mazhorancës?

Mediu: Ramës i interesonte një opozitë të përçarë dhe ja arriti.

Minxhozi: Sapo deklaruar që opozita duhet të paraqesë kandidaturën e saj dhe në raundin e katër. Cila opozitë? Cili grup deputetësh, të cilës rrymë, stemë të paraqesë një kandidaturë, sepse ju e thatë vetë që ka përçarje?

Mediu: Opozita, dhe opozita janë të gjithë ata deputetë që kanë dalë nga zgjedhjet e 25 prillit. Nëse do të kishte mos kuptime, ishte që partitë e tjera të kërkonin mbështetjen e deputetëve të PD.

Xhafo: Por këta nuk miratuan as kandidaturën e Mirakajt?

Mediu: Ajo është njësoj si në kohën e partisë së punës, zoti Mirakaj 44 vite u internua për shkak të familjes. Unë nuk po them që të çojmë kandidaturë për ta votuar Rama, por të shohin shqiptarët që ne kemi një histori.

Xhafo: Po kush do ishte ai që do pranonte t’i digjej emri?

Mediu: Nëse opozita nuk gjen një emër, çfarë opozita është kjo?

Alibali: Ju dhe grupi tjetër zonja Doda dhe Idrizi mendoj se keni qenë të vetmit që kërkoni një president konsensual, a mundeni ju dy grupe parlamentare të bëni një propozim për kandidat>

Xhafo: Padyshim që ne duhet ta bëjmë këtë përpjekje, por unë mendoj se pavarësisht se nëse PS propozon dikë që ka një vlerë si President Republike, opozita duhet të mbajë qëndrim të qartë. Edhe nëse ka një gjë që vlen, unë jam kundër një pazari politik./abcnews.al

The post Presidenti i ri, Mediu: Rama na e futi 4 herë, mesa duket na ka pëlqyer appeared first on Albeu.com.

Republikani Youngkin mundi demokratin Terry McAuliffe, duke fituar 51 për qind të votave kundrejt 48 për qind sa mori zoti McAuliffe.

Përpara zgjedhjeve të së martës, të dy kandidatët theksuan rëndësinë e tyre për skenën politike kombëtare, para zgjedhjeve të vitit 2022 për Dhomën e Përfaqësuesve.

Demokratët kanë një shumicë të ngushtë si në Dhomën e Përfaqësuesve ashtu edhe në Senat dhe humbja e kontrollit të njërës ose të të dyjave vitin e ardhshëm do ta bënte më të vështirë për presidentin demokrat Joe Biden të ndjekë agjendën e tij legjislative.

Republikanët nuk kanë fituar postin e guvernatorit të Virxhinias që nga viti 2009.

Zoti McAuliffe kishte një epërsi në anketat e zhvilluara në muajt para votimeve. Por, kjo përparësi u ngushtua në kohën kur edhe presidenti Biden pësoi rënie të mbështetjes.

Presidenti Biden fitoi Virxhinian me një diferencë prej 10 pikësh në zgjedhjet e vitit të kaluar.

Sipas një ankete të agjencisë se lajmeve Associated Press, rreth një e treta e votuesve në Virxhinia thanë se ekonomia ishte çështja kryesore, pasur nga 17 për qind që thanë se shqetësimi kryesor ishte pandemia e koronavirusit dhe 14 për qind që renditën arsimin si çështjen kryesore./VOA/

The post Që nga 2009 kishin qenë humbës, republikani Glenn Youngkin zgjidhet guvernator i Virxhinias appeared first on Albeu.com.

Berisha shtoi se frymëzuesi i tij është ish-presidenti amerikan, Ronald Regan, i cili njihet edhe për “Luftën e Yjeve”, luftë e cila çmontoi njëherë e përgjithmonë diktaturat komuniste.

Berisha shtoi gjithashtu, se në Partinë Republikane Amerikane, të gjithë janë të bindur se Sali Berisha është i pastër dhe i pakorruptuar./albeu.com

The post “Janë perandoria e të gjallit”, Berisha tregon frymëzuesin e tij appeared first on Albeu.com.