Ndër të tjera, Berisha zbuloi se kishte pasur edhe probleme në njërin prej degëve ku votohej pasi kandidatët kërkuan që asnjëri prej tyre të mos votonte, duke shtuar se me qindra anëtarë kishin mbetur pa votuar.

Pyetje: A dyshoni se kjo garë për shkak të humbjes mund të shkaktojë përplasje edhe benda Rithemelimit?

“Tensione ka pasur mes kandidatëve. Nëse modeli që shënon fundin e kryetarokracisë mori fund nuk mund të them se vota mori dimensionin e duhur për shkak të listave. Ne trashëguam 3 lista, nuk u arrit të prdodhohet lista gjithëpërfshirëse e anëtarësisë. Kjo mbetet për të ardhmen. Sot pati probleme në një rreth ku kandidatët kërkuan që asnjeri prej atyre që janë në listë të mos votojnë. Të garantoj se së paku rreth 200 anëtarë të PD-së kanë ngelur pa votuar. Por të gjitha këto do të marrin fund pas kontraktimit të një kompanie që do merret me rregullat e votimit të primareve”, tha Sali Berisha./albeu.com

The post Zgjedhjet për kryetarë degësh, Berisha: Probleme dhe tensione mes kandidatëve appeared first on Albeu.com.

Ka qenë sekretari i përgjithshëm, Gazment Bardhi, i cili ka sqaruar se logo e PD, por edhe të dhënat personale të anëtarëve, përdoren vetëm me lejen e bazës. Ndaj sipas tij, duke qenë se nuk janë autorizuar nga asnjë organ përfaqësues i PD, ato cilësohen si të paligjshme.

Bardhi sqaron më tej se ky veprim synon të dëmtojë interesin politik të Partisë Demokratike.

Mesazhi i Gazment Bardhit:

Të nderuar,

Në vijim të shqetësimit të shprehur nga disa anëtarë të Kuvendit Kombëtar të PDSH për përdorimin pa të drejtë të të dhënave të tyre, në një dokument që përmban simbolet e Partisë Demokratike të Shqipërisë, kam konstatuar se:

Është e vërtetë që në media dhe në rrjetet sociale janë publikuar disa dokumente me simbole të Partisë Demokratike dhe të dhënat e anëtarëve të Partisë Demokratike dhe/ose anëtarëve të Kuvendit Kombëtar të PDSH. Këto dokumente dhe përdorimi i të dhënave të anëtarëve nuk është autorizuar nga asnjë organ përfaqësues i Partisë Demokratike të Shqipërisë, dhe për pasojë ato janë dokumente të paligjshme dhe të falsifikuara, të prodhura nga persona të paidentifikuar dhe që nuk përfaqësojnë asnjë organ të Partisë Demokratike të Shqipërisë. Ky veprim synon të dëmtojë interesin politik të Partisë Demokratike, duke e shfaqur atë në sytë e opinionit publik si një celulë ilegale, ku cilido për intersin e tij personal mund të përdor simbolet e PD apo të dhënat e anëtarëve të PD.

Në përputhje me nenin 6 të Statutit të PD, ku theksohet se simbolet e Partisë Demokratike përdoren vetëm nga organet përfaqësuese të PDSH-së ose me autorizim të tyre, kërkoj përcjelljen e informacionit të plotë dhe të dokumentuar mbi personat që në Degët respektive administrojnë, shpërndajnë apo prodhojnë dokumente të tilla të paligjshme dhe të falsifikuara, duke keqpërdorur të dhënat e anëtarëve të PDSH.

Duke ju uruar punë të mbarë,

Sekretari i Përgjithshëm

Gazment Bardhi./albeu.com/

The post Shpërndarja e kartave të PD për 11 dhjetorin, reagon Gazment Bardhi: E paligjshme, si celulë ilegale (FOTO LAJM) appeared first on Albeu.com.