Partia Demokratike e Kosovës i ka dërguar një tjetër kërkesë kryesuesit Avni Dehari lidhur me vijimin e seancës konstituive.

Përmes letrës drejtuar Deharit, deputetët e PDK-së kanë kërkuar që seanca të vazhdojë nesër, më 18 gusht, duke nisur në orën 11:00.

Në letër, ata theksojnë se moskonstituimi i Kuvendit brenda afatit të caktuar ka sjellë tashmë një situatë të rëndë, të karakterizuar nga shkelja e Kushtetutës dhe mosrespektimi i aktgjykimeve të Gjykatës Kushtetuese.

Sipas tyre, situata rëndohet edhe më shumë nga moszbatimi i afateve dhe procedurave të përcaktuara në Rregulloren e Kuvendit.

The post PDK kërkon nga Dehari që seanca konstituive të vazhdojë më 18 gusht appeared first on Albeu.com.

“Në emër të PDK-së i kemi dorëzuar kryesuesit të seancës, Deharit, kërkesën që vazhdimi i saj të mbahet nesër në orën 11, ashtu siç parashikon rregullorja”, u shpreh ai.

Gruda e akuzoi Lëvizjen Vetëvendosje se po pengon përfundimin e procesit të konstituimit të Kuvendit.

“LVV-ja po na e pamundëson ushtrimin e funksionit të deputetit. Në emër të partisë, i bëj thirrje deputetit Kurti që ta lejojë Deharin të thërrasë seancën. Dehari nuk ka kompetencë të japë vlerësime politike; detyra e tij është teknike, të thërrasë dhe të zhvillojë seancën”, tha Gruda.

The post Kosovë/ Pas tensioneve në seancën e fundit, PDK kërkon vazhdimin e konstituimit të Kuvendit më 14 gusht appeared first on Albeu.com.

Partia Demokratike e Kosovës ka dalë me një apel të fortë për rivendosjen e normalitetit kushtetues, duke iu drejtuar drejtpërdrejt kryesuesit të seancës, Avni Dehari, që të mos e mbajë më të bllokuar procesin e formimit të Kuvendit të ri. Sipas PDK-së, seanca konstituive duhet të rinisë pa vonesa të mëtejshme.

Në një komunikatë për mediat, kjo forcë politike ka tërhequr vëmendjen se roli i Deharit, si deputeti më i vjetër që udhëheq mbledhjen e parë, është rreptësisht i kornizuar nga dispozitat kushtetuese, vendimet e Gjykatës Kushtetuese dhe Rregullorja e legjislativit.

“Zoti Dehari, ju përkujtojmë se mandati juaj në krye të kësaj seance është i qartë dhe i kufizuar, siç e përcaktojnë Kushtetuta, praktika e Gjykatës Kushtetuese dhe rregullat e Kuvendit”, shprehet PDK-ja në reagimin e saj.

Partia nënvizon se obligimi i tij kryesor konsiston në garantimin e mbarëvajtjes së seancës deri në përfundimin e plotë të procedurave konstituive. Po ashtu, PDK-ja ka insistuar se nuk i takon kryesuesit të përkohshëm të marrë vendime të bazuara në perceptime ose llogari politike.

“Ju nuk dispononi autoritetin që, të udhëhequr nga gjykime apo motive të natyrës politike, të përcaktoni fatin apo kalendarin e konstituimit të Kuvendit”, vijon deklarata e Partisë Demokratike.

Në fund të reagimit, PDK-ja ka lëshuar një mesazh të prerë dhe simbolik, duke e mbyllur me thirrjen: “Mendohuni – HAPENI KUVENDIN!”.

The post PDK i bën thirrje Avni Deharit: Të vijojë pa vonesë seanca konstituive e Kuvendit appeared first on Albeu.com.

Partia Demokratike e Kosovës ka reaguar pas dështimit të seancës së sotme për konstituimin e Kuvendit të Republikës së Kosovës, duke shprehur shqetësimin për situatën e krijuar. Sipas PDK-së, moskonstituimi i Kuvendit përfaqëson vazhdimin e bllokadës institucionale nga Albin Kurti dhe bie ndesh me frymën dhe detyrimet e përcaktuara në aktgjykimin e Gjykatës Kushtetuese.

Partia vlerëson se zhvillimet e sotme e bënë të qartë se vonesa në formimin e institucioneve nuk lidhet me rrethana të jashtme apo me mungesën e votave, por me një vendim politik të Lëvizjes Vetëvendosje dhe Albin Kurtit.

PDK-ja thekson se nuk ekzistonte asnjë pengesë për propozimin e kandidatit për kryetar të kuvendit dhe zhvillimin e votimit për konstituimin e tij. Ajo rikujton se Gjykata Kushtetuese ka përcaktuar qartë se Kuvendi duhet jo vetëm të mblidhet, por edhe të konstituohet brenda afatit 30-ditor nga certifikimi i rezultateve të zgjedhjeve.

Sipas Partisë Demokratike të Kosovës, mosveprimi i sotëm përbën shkelje të drejtpërdrejtë të rendit kushtetues dhe shpërfillje të detyrimeve që rrjedhin nga vendimi i Gjykatës Kushtetuese. PDK-ja nënvizon se askush nuk qëndron mbi Kushtetutën dhe se institucionet e republikës nuk mund të mbahen peng për interesa partiake.

PDK-ja përsëriti qëndrimin se Kosova ka nevojë të menjëhershme për institucione funksionale, stabilitet politik dhe zbatim të plotë të Kushtetutës.

Partia Demokratike e Kosovës u bëri thirrje Lëvizjes Vetëvendosje dhe Albin Kurtit të zbatojnë aktgjykimin e Gjykatës Kushtetuese, të ndalojnë bllokadën institucionale dhe të mundësojnë pa vonesë konstituimin e Kuvendit të Republikës së Kosovës.

The post PDK: Albin Kurti dhe Vetëvendosje vazhduan bllokadën e konstituimit të Kuvendit appeared first on Albeu.com.