Çështja e financave vijon të jetë “thembra e Akilit” për partitë politike.

Më 11 nëntor, Komisioneri Shtetëror i Zgjedhjeve, shqyrtoi rezultatin e auditimit të raporteve financiare të partive politike për vitin 2024 dhe vendosi 91 sanksione administrative me vlerë 50 mijë lekë për secilën.

Komisioneri Ilirjan Celibashi, në vendimin e marrë sqaroi se i ka gjetur këto subjekte politike në shkelje të nenit 23/4, pika 1: “shkelja e dispozitave për financimin e partive politike nga ana e personit përgjegjës për financat në partinë politike apo e personit përgjegjës sipas statutit të saj dënohet me gjobë nga 50 mijë deri në 100 mijë lekë”.

Me gjithë shkeljet e konstatuara, për ekspertët e partive politike, auditimi i partive politike është i mangët, pasi sipas tyre jo çdo shpenzim deklarohet.

“Auditimet e pasqyrave financiare të të ardhurave dhe shpenzimeve të partive politike, edhe pse kryhen nga ekspertë kontabël të autorizuar edhe/ose nga kompani të specializuara në ofrimin e shërbimeve të tilla, janë vetëm formalisht të sakta”, tha Zef Preçi, ekspert i ekonomisë dhe drejtor ekzekutiv i Qendrës Shqiptare për Kërkime Ekonomike.

“Në të vërtetë, situata është krejt ndryshe dhe vlerësime të ndryshme flasin për burime të tjera të ardhurash dhe shpenzimesh të padeklaruara apo të padeklarueshme që shkojnë në nivele dhjetëra herë më të larta se ato që pasqyrohen në bilance”, shtoi ai.

Nga 135 parti politike që janë regjistruar pranë Gjykatës së Rrethit Gjyqësor Tiranë, vetëm 51 prej tyre kanë dorëzuar në kohë raportin financiar, 1 e ka dorëzuar jashtë afatit dhe 84 të tjera rezultojnë se nuk kanë dorëzuar raport financiar për vitin 2024 në KQZ.

Sipas të dhënave të bëra publike nga Komisioni Qendror i Zgjedhjeve, edhe partitë që kanë depozituar janë gjetur në shkelje.

Mes subjekteve të sanksionuara ishin dhe disa nga partitë kryesore politike në vend, përfshirë Partinë Demokratike, Demokracinë Sociale dhe Partinë Socialdemokrate.

“Audituesi ka konstatuar parregullsi te zëri **Ndërtesa**, te Aktivet Afatgjata Materiale: shuma në vlerën 17.514.683 lekë e regjistruar në datën 1.1.2024, për të cilën subjekti nuk zotëron një dokument pronësie pasi është në proces; është llogaritur amortizimi në shumën 875.734 lekë”, shkruhet në relacionin e KQZ-së për Partinë Demokratike të drejtuar nga ish-kryeministri Sali Berisha.

“Gjatë procedurave të auditimit nuk është arritur të merren evidenca të mjaftueshme dhe të përshtatshme në lidhje me plotësinë, ekzistencën dhe saktësinë e vlerës së tyre për shkak të mungesës së dokumenteve përkatëse”, shton relacioni.

Po kjo forcë politike, sipas audituesve, edhe në zërin e tatimit në burim “ka diferencë materiale, pasi është raportuar shifra në bilancin 2024, shuma 134.763 lekë që përfaqëson detyrimin e muajit dhjetor 2023”.

Forca e dytë që ka kryer shkelje gjatë raportimit të bilancit financiar, sipas KQZ-së, është Partia Socialdemokrate, e drejtuar nga Tom Doshi.

“Shuma e gjendjes së llogarive bankare sipas ‘statement’-it në 31 dhjetor 2024 nuk përputhet me shumën e raportuar nga partia në raportin vjetor”, shkruan KQZ.

“Për honoraret e dhëna personave që nuk janë regjistruar në listëpagesë nuk është llogaritur tatimi prej 15% të vlerës së dhënë”, sqaron ajo.

Për këto dy forca politike dhe për 4 subjekte të tjera — specifikisht Partia Mendimi i Djathtë Liberal, Partia Aleanca Demokratike Shqiptare, Partia Komuniste e Shqipërisë dhe Partia Demokracia Sociale — raportet e auditimit janë certifikuar me rezerva, duke u gjobitur me një shumë prej 50 mijë lekësh të rinj.

Audituesi ka konstatuar gjithashtu se Partia Komuniste e Shqipërisë nuk disponon llogari bankare zyrtare, pohon KQZ-ja, duke shtuar se kjo e ka bërë të pamundur verifikimin e transaksioneve përmes dokumentacionit bankar.

“Sipas deklarimeve, të ardhurat janë realizuar në formë cash nga anëtarësia, në shumën 530 mijë lekë, përmes një blloku mandat-arkëtimesh”, shprehet KQZ.

“Megjithatë, këto nuk janë identifikuar nga ana e audituesit, ndërsa mungesa e dokumentacionit justifikues për shpenzimet nuk mundëson vlerësimin me saktësi dhe siguri të ligjshmërisë së këtyre transaksioneve”, citohet në relacion.

Ndërkohë, për Partinë Ligj dhe Drejtësi, edhe pse nuk kishte dorëzuar raportin financiar, audituesi shprehet se; “është kontaktuar me kryetarin e partisë, i cili ka deklaruar se partia është me status pasiv dhe nuk ka të ardhura dhe shpenzime”, ndaj edhe në raport kjo parti rezulton me bilanc zero.

Bashkë me Partinë Ligj dhe Drejtësi, bilanc zero kanë deklaruar edhe 9 subjekte të tjera, të cilat pohojnë se gjatë 2024-ës kanë pasur zero të ardhura dhe shpenzime.

Në vendimin e Komisionit Qendror të Zgjedhjeve rezulton edhe një fakt tjetër: mos-auditim për shkak se nuk është pranuar që të paguhet audituesi.

Partia Balli Kombëtar, sipas KQZ-së, rezulton se ka refuzuar “të kryejë pagesën e shërbimit të audituesit ligjor” dhe në këtë mënyrë financat e saj nuk kanë kaluar në sitë.

Procesin e auditimit të financave e shikon me rezerva edhe juristi Rezart Kthupi. Ai tha për BIRN se ligji aktual është mburojë për partitë politike në rastin e shpenzimeve gjatë fushatave elektorale, pasi i detyron që të raportojnë vetëm 60 ditë para zgjedhjeve.

“Është e nevojshme që të hartohet një ligj i posaçëm, ose në alternativë të rishikohen parashikimet e Kodit Zgjedhor përsa i përket financimit të partive politike nga njëra anë, dhe nga ana tjetër të hartohet një ligj i ri për partitë politike, i cili ndër të tjera të krijojë edhe kushtet ligjore në të cilat çregjistrimi i partive politike të bëhet edhe me kërkesë të subjekteve që kanë për detyrë t’i kontrollojnë ato — si KQZ dhe Tatimet”, shprehet Kthupi.

I mendimit se duhen ndërhyrje në ligj, të paktën për pjesën e auditimit të partive, është edhe eksperti i ekonomisë, Zef Preçi.

“Auditimi duhet të kryhet nga auditi i jashtëm (KLSH), kjo edhe për faktin se partitë përfitojnë fonde publike (partitë parlamentare) dhe kështu rritet siguria në respektimin e standardeve të auditimit”, përfundoi ai./ BIRN

The post Financimet, “thembra e Akilit” për partitë politike/ BIRN: Auditimi ngre pikëpyetje për transparencën appeared first on Albeu.com.

Burime thonë se kjo kërkesë vjen nga baza gjegjësisht nga strukturat e 4 partive në terren, të cilat siç thuhet, gjatë bashkëpunimit për zgjedhjet e fundit kanë krijuar një afërsi, andaj duan që të jenë të bashkuar në një subjekt.

Por cili prej liderëve do të vendoset që të jetë kryetar!? Emri më i pranuar për lider të VLEN-it thuhet se është Arben Taravari.

Taravari edhe në takime të ndryshme me protokoll është ulur në krye të vendit (te Kurti). Gjithashtu thuhet se dy liderët e tjerë, Izet Mexhiti dhe Bilall Kasami mund të emërohen si nënkryetar të partisë, ndërsa nga Alternativa, pasi Afrim Gashi është emëruar kryeparlamentar, dikujt nga kjo parti t’i takojë pozicioni i sekretarit të partisë.

Tani për tani këto informacione mbeten të pakonfirmuara, por burimet thonë se do të vendoset ashtu siç do të jenë kërkesat e përkrahësve të këtij koalicioni.

The post VLEN do të shndërrohet në një parti politike?! Kush do të jetë kryetar i partisë? appeared first on Albeu.com.

I ftuar në emisionin “Log.” përballë gazetarin Endri Xhafo, analistit Robert Rakipllari dhe themeluesit të AlbEu.com, Idaver Sherfi, Berisha u shpreh i vendosur për “të rrëzuar” kryeministrin Rama.

I pyetur nga themeluesi i AlbEu.com, zoti Sherifi nëse ka në plan të themelojë një parti të re, Berisha u përgjigj vetëm se “PD ekziston dhe do të ekzistojë.”

Sherifi: A do krijoni parti tjetër politike? Si do merrni pjesë në zgjedhjet parlamentare të 2025?

Berisha: Do marrim pjesë, do rrëzojmë Edi Ramën.

Sherifi: Po cili është plani juaj?

Berisha: Ne do çlirojmë Shqipërinë nga kjo bandë. Do ketë PD dhe ka PD shumë të fuqishme.

Sherifi: Por është Alibej zyrtarisht kryetar i Partisë Demokratike.

Berisha: Jo nuk është ai, është një vegël e Edi Ramës.

Xhafo: Do ketë rikonfigurim të Grupit Parlamentar?

Berisha: Do ketë zhvillime të rëndësishme pozitive në PD. Do jetë një fushatë e fuqishme e hapjes, tani fillon pas primareve. PD është forcë politike udhëheqëse. PD po udhëheq fushatën.

Më pas Berisha u pyet nga zoti Sherifi edhe për situatën aktuale politike në Shqipëri dhe ekonomike.  Ish-kryeministri tha se “mjerimin” në Shqipëri e krijoi kreu aktual i qeverisë, Edi Rama.

Sherifi: Ju e përmendët shpesh fjalën mjerim. Duke iu referuar mjerimit që ka kapluar shqiptarët, drejtuar gishtin te kryeminsitri Edi Rama, i cili është në mandatin e tretë. Por ka një perceptim ndryshe nga populli që në fakt është klasa politike e 30 viteve që është fajtore për situatën e tanishme. E ndjeni veten fajtor apo bashkëfajtor për sitiuatën e sotme në Shqipëri?

Berisha: Një nga arritjet epokale të Shqipërisë, që nga një vend që kishte 204 dollarë për frymë në vit në 1992, arriti në vitin 2008 të kalojë në grupin e vendeve me të ardhura të mesme të larta. Shqipëria me rrogat 4-5 dollarë në viti n1992 doli vendi me rrogat më të larta në rajon. Unë kisha një objektiv të arrija Slloveninë dhe në mënyrë absolute do arrija rrogat dhe pensionet. Edi Rama ngriu rrogat, çmimet u rritën rrogat mbetën po ato. Në vitin 2013 shqiptarët nuk ishin të pasur, por kishin optimizën se i rritej rroga. Kurse sot, vetëm nga rritja e çmimeve në 2021-2022 çdo shqiptar ka shpenzuar për ushqime një rrogë pothuajse. Këtë e krijoi Edi Rama. Kur është dorëzuar pushteti patëm bërë regjistrin digjital të njerëzve me ndihmë ekonomike. Pse e bëra këtë. Për të shtuar edhe 40 mijë të tjerë, për të bërë një shpërndarje më rë mirë të të ardhurave./Albeu.com/

The post Sherifi: A do të krijoni parti të re politike pas zgjedhjeve? Berisha: Unë jam kryetari i PD, Alibeaj vegël e Ramës appeared first on Albeu.com.

Zëdhënësi i KQZ-së, Valmir Elezi, në një konferencë për media, më 25 nëntor, ka njoftuar se ka periudha e aplikimit për certifikim të subjekteve politike dhe kandidatëve që duan të marrin pjesë në zgjedhjet e jashtëzakonshme për kryetarë të katër komunave në veri të vendit, e cila kishte nisur më 15 dhjetor, ka përfunduar të premten, më 25 nëntor.

“Iniciativa qytetare Mitrovica ka aplikuar për certifikim me kandidatin e saj në zgjedhjet për kryetar të komunës së Mitrovicës së Veriut. Partia Demokratike e Kosovës ka dorëzuar emrat e katër kandidatëve për cerifikim për zgjedhjet e katër komunave… Partia e Serbëve të Kosovës (Partia Kosovskih Srba) ka aplikuar për certifikim me kandidatin e saj në zgjedhjet për kryetar të Komunës së Leposaviqit. Është një kandidat i pavarur. Lëvizja Vetëvendosje ka dorëzuar emrat e katër kandidatëve për certifikim në zgjedhjet për kryetarët e katër komunave. Iniciativa qytetare “Mbijetesa Serbe” (Srpski Opstanak) ka aplikuar për certifikim me kandidatin e saj në zgjedhjet për kryetar të komunës së Mitrovicës së Veriut”, ka njoftuar Elezi.

Elezi ka shtuar se pas pranimit të aplikacioneve, KQZ-ja do t’u drejtohet institucioneve përkatëse kompetente të vendit për të verifikuar kandidatët nëse ata janë në përputhje me Ligjin për Zgjedhje të Përgjithshme. Sipas afateve të miratuara nga KQZ-ja, procesi i vendimmarrjes për certifikimtë subjekteve politike dhe kandidatëve do të zhvillohet deri më 28 nëntor.

Në aplikimin për zgjedhjet e jashtëzakonshme për kryetarë të katër komunave në veri të Kosovës, nuk ka marrë pjesë Lista Serbe. Deri më 5 nëntor, kryetarët e këtyre katër komunave i takoni këtij subjekti politik, të cilët dhanë dorëheqje. Presidentja e Kosovës, Vjosa Osmani, më pas shpalli zgjedhjet e jashtëzakonshme për kryetar të katër komunave të veriut të vendit, për datën 18 dhjetor.

Lista Serbe dha dorëheqje nga të gjitha institucionet në komunat veriore të Kosovës, Dorëheqje dhanë edhe 10 deputetët e saj në Kuvendin e Kosovës, që kishin ulëset e garantuara. Por, ata u zëvendësuan më 17 nëntor nga nëntë të tjerë nga lista zgjedhore e po këtij subjekti politik, si dhe një nga lista zgjedhore e Iniciativës qytetare për Liri, Drejtësi dhe Mbijetesë. Dorëheqje gjithashtu kanë dhënë edhe pjesëtarët e komunitetit serb në Policinë e Kosovës në katër komunat e veriut të vendit dhe në gjyqësor.

Dorëheqjet pasuan pas suspendimit të drejtorit të Policisë së Kosovës për rajonin verior, Nenad Gjuriq, për shkak se ai kishte kundërshtuar të zbatonte masat e Qeverisë së Kosovës për targa serbe. Qeveria e Kosovës nisi zbatimin e vendimit për riregjistrimin e automjeteve me targa ilegale në targa RKS (Republika e Kosovës) më 1 nëntor, i cili u kundërshtua nga serbët e veriut të Kosovës dhe Beogradi zyrtar. Kosova dhe Serbia më 23 nëntor në Bruksel kanë arritur marrëveshje për targat ilegale serbe.

The post Zgjedhjet lokale në veri të Kosovës, regjistrohen gjashtë parti politike, Lista Serbe bojkoton procesin appeared first on Albeu.com.

Me propozim- ligjin do të mundësohet transparencë më e madhe, si për partitë politike ekzistuese ashtu dhe ato të ardhshme, duke garantuar siguri juridike të qytetarëve me rëndësi për një shtet ligjor demokratik, modern dhe të civilizuar, thuhet në tekstin e propozuar.

Pritet që ligji të vihet në rend dite në seancën e sotme të 88-të.

Në shpjegimin e Ligjit të publikuar në ueb faqen e Kuvendit, thuhet se me Propozim- ligjin mbrohen vlerat demokratike dhe parimet e sigurisë juridike të qytetarëve në një shoqëri demokratike. Propozim -ligji për ndryshim dhe plotësim të Ligjit për partitë politike përmban katër nene.

Partitë politike do të duhet t’i harmonizojnë emrat e tyre me këtë ligj në afat prej tre muajsh.

Grupi parlamentar i VMRO-DPMNE-së ende nuk po prononcohet nëse do ta mbështesë këtë tekst ligjor.

Në këtë seancë plenare, deputetët do të diskutojnë edhe për propozimet për zgjedhjen e gjyqtarëve të Gjykatës Kushtetuese të Republikës së Maqedonisë së Veriut, si dhe për Projektligjin për ndryshimin dhe plotësimin e Ligjit për shoqata dhe fondacione, me procedurë të shkurtuar.

Gjithashtu, në rend dite janë edhe Propozim vendimi për sistemimin e mjeteve midis shfrytëzuesve buxhetorë të pushtetit qendror dhe midis fondeve, Propozimi për ndryshimin e Vendimit për shkarkimin dhe emërimin e kryetarit dhe anëtarëve të Këshillit për ndarjen e çmimit shtetëror “22 Nëntori”, Propozimi i ligjit për ratifikimin e Marrëveshjes ndërmjet Qeverisë së Republikës së Maqedonisë së Veriut dhe Këshillit të ministrave të Republikës së Shqipërisë për bashkëpunimin në fushën e diasporës, projektligji për ratifikimi i Marrëveshjes Kornizë për partneritet financiar midis Komisionit Evropian dhe Republikës së Maqedonisë së Veriut për procedurat e veçanta për zbatimin e ndihmës financiare në kuadër të Instrumentit për ndihmë parainkuadruese (IPA III).

Deputetët duhet të shqyrtojnë edhe propozimet për ndryshimin e ligjeve për marrjen dhe transplantimin e pjesëve të trupit të njeriut për qëllime trajtimi, për shëndetin publik, për sigurinë e produkteve kozmetike, për kimikatet, për materialin riprodhues nga llojet e pemëve pyjore.

The post LSDM dorëzon propozim ndryshime ligjore për partitë politike appeared first on Albeu.com.

Sekretari i Lëvizjes Besa, Arjanit Hoxha thotë se përvoja e deritanishme e subjektit tyre ka dëshmuar se marrëveshjes parazgjedhore nuk janë respektuar, ndërsa subjekti të cilit ai i takon ka dëshmuar se synimi i tyre nuk është vetëm pushteti por lufta efikase kundër krimit dhe korrupsionit.

“Koalicion me partitë maqedonase vetëm pas zgjedhjeve parlamentare dhe atë me marrëveshje partneriteti për të udhëhequr shtetin në përputhje me realitetit shoqëror. Lëvizja BESA gjatë veprimit të vet politik ka dëshmuar largpamësi politike duke dhënë shans për koalicione parazgjedhore por epilogu i atij koalicioni përfundoi duke mos lexuar drejt dhe saktë synimin e Lëvizjes BESA, prandaj në të ardhmen nuk do lejojmë që vizioni i Lëvizjes BESA të përdoret si shpëtim i partive maqedonase por do vazhdojmë që vizionin për të ardhmen e këtij shteti ta ndërtojmë duke bashkëvepruar me gjithë faktorin politik shqiptar që do të sjellë ndryshimin brenda spektrit politik shqiptar, duke e dërguar BDI-në në opozitë”, tha Arjanit Hoxha, Sekretar i përgjithshëm i Lëvizjes Besa.

Për opozitën maqedonase çdo subjekt shqiptar ose maqedonas i cili ka për qëllim rrëzimin e siç thonë qeverisë së inkriminuar LSDM-BDI do të jetë i mirëseardhur për bashkëpunim. Hristijan Mickoski thotë se rëndësi do të ketë nëse subjekti që ofron bashkëpunim ndanë të njëjtat vlera

“Secili që është kundër kësaj qeverie të zhytur në krim e udhëhequr nga LSDM-ja dhe BDI-ja është i mirëseardhur tek ne. Qoftë ai subjekt politik, aktivist qytetarë ose çfarëdo tjetër që ka vlera të njëjta dhe ndajmë vlera të njëjta. Kujdes. Kjo është shumë me rëndësi, të ndajmë vlera të njëjta”, deklaroi Hristijan Mickoski, Kryetar i VMRO-DPMNE-së.

Edhe partitë në pushtet në rrethana jo zyrtare thonë se në rast të mos marrjes së datës për bisedime në qershor, vendi do të shkon në zgjedhje të parakohshme parlamentare, pavarësisht se deri tani kishin deklaruar se me futjen e Alternativës në Qeveri, mandati i organit ekzekutiv do të shkon deri në fund, përkatësisht deri në korrik të vitit 2024.

The post Paritë politike jozyrtarisht përgatiten për zgjedhje të parakohshme parlamentare appeared first on Albeu.com.