Pesë procedura të prokurimit publik, me vlerë të përbashkët prej 22.5 milionë eurosh, janë shoqëruar me një numër të madh shkeljesh. Këto parregullsi janë paraqitur nga Demokraci Plus (D+) në raportin me titull “Kostoja e procedurave të papërfunduara: rivlerësime të përsëritura dhe mungesa e kontratave”.

Të dhënat e raportit janë nxjerrë nga monitorimi i procedurave të zhvilluara prej Ministrisë së Industrisë, Ndërmarrësisë, Tregtisë dhe Inovacionit (MINTI), Ministrisë së Infrastrukturës dhe Transportit (MIT), Ministrisë së Punëve të Brendshme (MPB) dhe Ministrisë së Shëndetësisë (MSh). Sipas dokumentit, praktikat e evidentuara kanë sjellë zgjatje të procedurave, anulim të tyre ose dështim në lidhjen e kontratave.

Në një komunikatë thuhet se, mes problemeve kryesore, është konstatuar caktimi jo i rregullt i anëtarëve të komisioneve vlerësuese. Po ashtu, arsye të reja për përjashtimin e operatorëve ekonomikë janë paraqitur vetëm në fazën e rishqyrtimit, ndërsa për kontrata janë rekomanduar operatorë me çmime jo normalisht të ulëta pa u kryer një analizë e plotë dhe e dokumentuar. Gjetjet përfshijnë edhe shkurtimin pa arsyetim të afateve ligjore për paraqitjen e ofertave.

Dokumenti vë në dukje edhe procedura prokurimi që kanë qëndruar të bllokuara për më shumë se dy vjet, ndonëse Organi Shqyrtues i Prokurimit (OShP) kishte marrë vendime të përsëritura. Si pasojë, zbatimi i kontratave është vonuar dhe efikasiteti në shpenzimin e parasë publike është ndikuar negativisht.

Nisur nga këto konstatime, D+ u kërkon autoriteteve kontraktuese që komisionet e vlerësimit të emërohen në përputhje me ligjin dhe që, gjatë trajtimit të kërkesave për rishqyrtim, të zbatohet parimi i sigurisë juridike. Organizata rekomandon gjithashtu shqyrtim të rregullt të ofertave me çmim jo normalisht të ulët, garantim të transparencës dhe proporcionalitetit në prokurim, si dhe përmbyllje të procedurave brenda afateve ligjore përmes zbatimit efektiv të vendimeve të OShP-së.

The post Shkeljet në prokurim lanë pezull procedura në vlerë 22.5 milionë euro appeared first on Albeu.com.

Si datë për mbajtjen e tyre, Komisioni caktoi 30 dhjetorin, por ai nuk shkoi më shumë se kaq.

“Komisioni Republikan i Zgjedhjeve nuk është kompetent dhe nuk mund të veprojë sipas kërkesës së opozitës për përsëritjen e zgjedhjeve në Beograd”, deklaroi kryetari i rij, Vladimir Dimitrijevic.

The post Përsëriten Zgjedhjet në 28 qendra votimi në Serbi appeared first on Albeu.com.