Suedia aplikoi për t’u bërë pjesë e bllokut në vitin 2022 pas pushtimit të plotë të Ukrainës nga Rusia. Por Turqia refuzoi miratimin e saj pas mosmarrëveshjeve, në lidhje me pretendimet se Suedia mbështet separatistët kurdë.

Presidenti turk Rexhep Tajip Erdogan tani pritet të nënshkruajë legjislacionin. Kryeministri suedez Ulf Kristersson reagoi menjëherë në rrjete sociale duke shprehur lumturinë.

“Sot jemi një hap më afër anëtarësimit të plotë të NATO-s”,shkroi ai.

Hungaria është tani vendi i vetëm i NATO-s që nuk jep dritën jeshile për ofertën e Suedisë rreth anëtarësimit.

Kryeministri hungarez Viktor Orban ftoi të martën homologun e tij suedez në Budapest për bisedime. Por ministri i Jashtëm suedez Tobias Billstrom tha se nuk shihte “asnjë arsye” për të negociuar me Hungarinë.

Sekretari i Përgjithshëm i NATO-s, Jens Stoltenberg përshëndeti votën e Turqisë, duke shtuar se ai mbështet që të ndodhë edhe pranimi i ofeërtës së Hungarisë nga vendet anëtare të bllokut.

Turqia bllokoi aplikimin e Suedisë deri në muajin korrik, kur u arrit një marrëveshje. Të martën në mbrëmje ligjvënësit votuan 287-55 pro anëtarësimit suedez.

Turqia argumentoi më parë se Suedia po u jepte strehë militantëve kurdë dhe duhej të bënte më shumë për të goditur grupet rebele si Partia e Punëtorëve të Kurdistanit (PKK), të cilën ajo e konsideron një organizatë terroriste, për këtë arsye nuk jepte dritën jeshile për anëtarëismin në NATO. BE dhe SHBA e kanë cilësuar gjithashtu PKK-në si një grup terrorist.

Ashtu si çdo nga 31 vendet anëtare të NATO-s, Turqia ka fuqinë të bllokojë vendet e reja që t’i bashkohen grupit.

Por Suedia prezantoi ligje më të ashpra kundër terrorizmit në qershor, duke e bërë të paligjshme dhënien e ndihmës financiare ose logjistike për grupet terroriste.

Suedia dhe fqinji i saj lindor Finlanda, të dyja të konsideruara prej kohësh si ushtarakisht neutrale, njoftuan synimin e tyre për t’u bashkuar me NATO-n në maj 2022, disa muaj pasi Rusia nisi pushtimin e saj në shkallë të plotë të Ukrainës. Finlanda u bashkua zyrtarisht në prill.

Finlanda u bashkua zyrtarisht me NATO-n në prill, duke dyfishuar gjatësinë e kufirit të aleancës me Rusinë.

The post Parlamenti turk voton pro anëtarësimit të Suedisë në NATO appeared first on Albeu.com.

Turqia, vend anëtar i NATO-s, ka zvarritur ratifikimin e anëtarësimit të Suedisë në NATO për më shumë se një vit, duke akuzuar shtetin nordik se është shumë i butë ndaj grupeve që Turqia i konsideron si kërcënime sigurie. Turqia ka kërkuar që t’i bëhen lëshime nga Suedia, përfshirë një qëndrim më të ashpër ndaj militantëve kurdë dhe anëtarëve të një rrjeti që Ankaraja i akuzon për puçin e dështuar të vitit 2016.

Turqia është zemëruar gjithashtu nga një mori demonstratash në Suedi të përkrahësve të Partisë Punëtore Kurde, që është shpallur e jashtëligjshme në Turqi, si dhe nga protestat ku është djegur Kurani, që ngritën tensionet në shtetet myslimane.

Muajin e kaluar, pasi Presidenti turk Reçep Taip Erdogan ua dërgoi ligjvënësve protokollin e anëtarësimit për miratim, komiteti parlamentar për marrëdhënie me jashtë dha pajtimin e vet për anëtarësimin e Suedisë, që është hapi i parë i procesit legjislativ.

Partia në pushtet e Presidentit Erdogan dhe aleatët e saj nacionalistë përbëjnë shumicën në parlament dhe protokolli i anëtarësimit pritej të miratohej gjatë votimit mbrëmjen e së martës. Ai hyn në fuqi pas botimit në gazetën zyrtare të Turqisë, që pritet të ndodhë me shpejtësi.

Sipas zëvendës ministrit të Jashtëm të Turqisë, Burak Akcapar, Suedia ka bërë përpjekje për të përmbushur kërkesat e Turqisë, përfshirë heqjen e kufizimeve për blerjet në fushën e mbrojtjes dhe ndryshimin e ligjeve kundër terrorizmit.

Suedia ka premtuar bashkëpunim më të ngushtë me Turqinë në fushën e kundër-terrorizmit dhe mbështetje për synimin e Turqisë që të ringjallë përpjekjet për anëtarësim në Bashkimin Evropian.

Partia kryesore opozitare turke gjithashtu mbështet anëtarësimin e Suedisë në NATO, por partia e qendrës së djathtë dhe partia pro-kurde kanë njoftuar se do ta kundërshtojnë anëtarësimin e Suedisë.

Presidenti Erdogan e ka lidhur ratifikimin e anëtarësimit të Suedisë në NATO me miratimin e Kongresit amerikan të kërkesës së Turqisë për të blerë 40 aeroplanë ushtarakë F-16 dhe pajisje tjera për të modernizuar forcat ajrore turke. Ai po ashtu ka nxitur Kanadanë dhe aleatët të tjerë të NATO-s të heqin embargot e armëve ndaj Turqisë.

Presidenti amerikan Joe Biden kurrë nuk e ka lidhur formalisht shitjen e aeroplanëve F-16 me ratifikimin e anëtarësimit të Suedisë në NATO nga Turqia. Por, një numër ligjvënësish me ndikim në Kongres kanë deklaruar se nuk do ta mbështesin shitjen nëse dhe derisa Turqia të mos nënshkruajë anëtarësimin e Suedisë në NATO. Këta ligjvënës kanë fuqinë ta bllokojnë, apo të paktën ta vonojnë, shitjen.

Nëse dhe kur Turqia e ratifikon anëtarësimin e Suedisë në NATO, zyrtarët e administratës thonë se presin që shitja e aeroplanëve F-16 të bëhet shpejt.

Në Uashington, zëdhënësi i Shtëpisë së Bardhë për çështje të sigurisë kombëtare, John Kirby deklaroi se Shtëpia e Bardhë po përcjell me vëmendje veprimet e parlamentit turk.

“Siç ka deklaruar Presidenti, Suedia është më se është e gatshme të bëhet aleate e NATO-s”, deklaroi zoti Kirby. “Dhe ne po mirëpresim anëtarësimin e saj në aleancë, por nuk do të shprehem përpara vendimit të parlamentit turk”.

Ai shtoi: “Është koha për Suedinë të bëhet aleate e NATO-s. Ajo ka një ushtri moderne, të përparuar – me të cilën jemi shumë të përshtatur. Dhe do t’i shtojnë aleancës kapacitete të rëndësishme ushtarake”.

Krahas Turqisë, edhe Hungaria po vonon anëtarësimin e Suedisë në NATO, duke akuzuar diplomatët suedezë se kanë “thënë gënjeshtra” për gjendjen e demokracisë në Hungari. Kryeministri hungarez Viktor Orban deklaroi të martën se i ka dërguar letër homologut të tij suedez Ulf Kristersson për të vizituar Budapestin për bisedime rreth anëtarësimit të Suedisë në NATO.

Për t’u anëtarësuar në NATO kërkohet miratimi i të gjitha shteteve anëtare dhe Turqia e Hungaria janë dy shtetet që po vonojnë procesin, gjë që ka zemëruar aleatët e tjerë të NATO-s, të cilët duan që Suedia dhe Finlanda të anëtarësohen sa më parë.

The post Parlamenti turk fillon debatin për anëtarësimin e Suedisë në NATO, mundësi që shteti nordik t’i bashkohet aleancës ushtarake appeared first on Albeu.com.

Suedia dhe Finlanda hoqën dorë nga neutraliteti ushtarak dhe kërkuan që të anëtarësohen në aleancën perëndimore të NATO-s, pasi Rusia pushtoi Ukrainën vitin e kaluar.

Finlanda u pranua në NATO në prill, por që 19 muaj Suedia ende pret miratimin e Turqisë dhe Hungarisë, pasi për t’u bërë pjesë e aleancës kërkohet miratimi i 31 shteteve anëtare.

Në nëntor, Komiteti për punë të jashtme i Parlamentit turk dështoi të arrinte pajtim për teksin e marrëveshjes, dhe çështja u bart për diskutim sërish pasditen e 26 dhjetorit.

Në korrik, Erdogan hoqi dorë nga kundërshtimet për anëtarësimin e Suedisë në NATO, pasi Stokholmi shtypi grupet kurde që Ankaraja i cilëson grupe terroriste.

“Ne shohim se ka ndryshim të politikës në Suedi. Ne shohim se po merren vendime në gjykata”, tha Fuat Oktay, ligjvënës nga partia në pushtet e Erdoganit, AKP, që është pjesë e Komitetit për punë të jashtme të Parlamentit turk.

Pasi çështja të miratohet nga Komiteti për punë të jashtme, votimi bartet në Parlament, ku aleanca e Erdoganit ka shumicën.

Aleatët e NATO-s i kanë bërë presion Turqisë që të ratifikojë pranimin e Suedisë në NATO, përderisa Franca ka thënë se besueshmëria e aleancës “është në pikëpyetje”.

The post Parlamenti turk debaton për pranimin e Suedisë në NATO appeared first on Albeu.com.

Nuk dihej menjëherë se kur komisioni do të rifillonte diskutimet mbi protokollin e pranimit të Suedisë apo kur do të arrinte në asamblenë e përgjithshme të Parlamentit për fazën e fundit të procesit legjislativ.

Takimi u ndërpre pasi ligjvënësit nga partia në pushtet e presidentit Recep Tayyip Erdogan paraqitën një mocion për shtyrje me arsyetimin se disa çështje kishin nevojë për sqarime dhe se negociatat me Suedinë nuk ishin “pjekur” sa duhet.

Kryetari i komitetit Fuat Oktay u tha gazetarëve se ambasadori suedez mund të ftohet në seancën e ardhshme për të dhënë informacione të mëtejshme mbi hapat që ka ndërmarrë vendi i tij për të adresuar shqetësimet e sigurisë së Turqisë.

Turqia ka ngecur në ratifikimin e anëtarësimit të Suedisë në NATO, duke e akuzuar atë se është shumë e butë ndaj grupeve që Ankaraja i konsideron si kërcënime për sigurinë e saj, duke përfshirë militantët kurdë dhe anëtarët e një rrjeti që Ankaraja fajëson për një grusht shteti të dështuar në vitin 2016.

Turqia është zemëruar gjithashtu nga një seri demonstratash nga mbështetësit e Partisë së Punëtorëve të Kurdistanit [PKK], në Suedi, si dhe nga protestat e djegies së Kuranit që tronditën vendet myslimane.

Presidenti turk Rexhep Tajip Erdogan hoqi kundërshtimin e tij ndaj aplikimit të Suedisë gjatë një samiti të NATO-s në korrik dhe dërgoi protokollin e pranimit në Parlament për ratifikim muajin e kaluar.

Ndryshimi i qëndrimit të Turqisë erdhi pasi Stokholmi premtoi bashkëpunim më të thellë me Turqinë në luftën kundër terrorizmit dhe për të mbështetur ambicien e Turqisë për të ringjallur kërkesën e saj për anëtarësim në Bashkim Evropian.

Suedia dhe Finlanda braktisën pozicionet e tyre tradicionale të mosangazhimit ushtarak për të kërkuar mbrojtje nën ombrellën e sigurisë së NATO-s, pas pushtimit rus të Ukrainës vitin e kaluar.

Finlanda iu bashkua aleancës në prill, duke u bërë anëtari i 31-të i NATO-s, pasi Parlamenti i Turqisë ratifikoi aplikimin e vendit nordik.

Marrëveshja e Turqisë për anëtarësimin e Suedisë ka qenë gjithashtu e lidhur me përpjekjet e Ankarasë për të blerë avionë të rinj luftarakë F-16 nga Shtetet e Bashkuara dhe për të përmirësuar flotën e saj ekzistuese luftarake.

Megjithatë, si zyrtarët amerikanë ashtu edhe ata turq kanë këmbëngulur se çdo marrëveshje e tillë nuk do të lidhet me anëtarësimin e Suedisë në NATO.

The post Parlamenti turk shtyn vendimin rreth anëtarësimit të Suedisë në NATO appeared first on Albeu.com.