Ligjvënësit e partisë opozitare maqedonase VMRO-DPMNE akuzojnë kryetarin e Parlamentit të Maqedonisë së Veriut, Talat Xhaferi se ka shkelur gjatë një sërë procedurash rregulloren e punës së parlamentit si dhe e ka kthyer institucionin në një “makinë votimi për pazaret kriminale të qeverisë”, siç u shpreh kreu i grupit të deputetëve të opozitës maqedonase.

VMRO-ja ka ngritur mocionin para një muaji, kur deputetët e saj fillimisht e fajësuan zotin Xhaferi se i kishte mbyllur me çelës dyert e sallës së seancave dhe se kishte kryer në këtë mënyrë, sipas tyre, një vepër penale duke i mbajtur deputetët brenda sallës kundër vullnetit të tyre. Por, kreu i parlamentit shpjegoi sot sikur edhe më parë se mbyllja e dyerve lejohet me ligj, ndërsa bëhet numërimi i deputetëve për të konstatuar kuorumin.

Ndërkohë, ligjvënësit e VMRO-së po ashtu akuzojnë zotin Xhaferi se nuk e hoqi deputetin e BDI-së Arbër Ademi nga detyra e kryesuesit të Komisionit për Çështje Evropiane pas një incidenti para pak ditësh, kur ai kishte hedhur sende të forta kundër deputetëve opozitarë.

Por, kryetari i parlamentit si dhe partitë e koalicionit qeveritar, Lidhja Social Demokrate dhe Bashkimi Demokratik për Integrim, thonë se opozita po provokon situata të tensionuara, duke penguar zhvillimin e seancave përmes sjelljeve dhe veprimeve agresive.

Zoti Xhaferi u tha deputetëve të VMRO-DMNE-së se duhej ta shikonin së pari veten në pasqyrë para se ta akuzonin atë për shkeljen e ligjeve dhe rregullores së parlamentit.

“Dikush tjetër i hapi dyert në prill të vitit 2017 kur u rrezikuan jetët e deputetëve”, tha ai në lidhje me ngjarjet e dhunshme të atij viti, për të cilat u akzuan disa ligjvënës të VMRO-së. Ai theksoi se do të vazhdojë të punojë për të mbrojtur integritetin e institucionit kryetar i Parlamentit.

Ligjvënësit e BDI-së, nga ana tjetër thonë se Maqedonia e Veriut nuk ka pasur një kryetar më të mirë të Parlamentit se sa zotin Talat Xhaferi.

Sidoqoftë, opozita nuk i ka votat e mjaftueshme për ta rrëzuar kreun e parlamentit nga posti. Që kjo të ndodhë, nevojiten 61 vota nga 120 vendet në parlament./VOA

The post Seancë mosbesimi ndaj kryetarit të Parlamentit në Maqedoninë e Veriut appeared first on Albeu.com.

Pyetja ka qenë nëse Kuvendi do të vijonte punimet me 60, më pak se 60 apo me shumicë të ngushtë të deputetëve?

Ai është përgjigjur: “Unë i kam 120 deputetë”, duke mos dhënë sqarime të mëtejshme.

Kjo vjen pasi shumica parlamentare zyrtarisht ka 60 deputetë edhe pse paralajmërimet janë se janë 61, duke mos zbuluar emrin e deputetit të 61.

Mungesa e një shumice në Kuvend do të pamundësonte miratimin e ligjeve dhe buxhetin për vitin 2022, i cili momentalisht është në tryezë dhe pret miratimin.

Shumica parlamentare tashmë disa herë ka siguruar se buxheti dhe ligjet do të miratohen me anë të një “shumice të zgjeruar”, por deri në këtë moment nuk është bërë e ditur se cilët deputetë që do I bashkohen Zoran Zaevit./albeu.com/

The post Kriza në Maqedoni, si do të punojë Kuvendi, me 60, më pak se 60 deputetë apo me shumicë të ngushtë? appeared first on Albeu.com.