Parlamenti Evropian i ka bërë thirrje Serbisë që të normalizojë marrëdhëniet me Kosovën, ndërsa ka nënvizuar se avancimi i saj në rrugën drejt anëtarësimit në Bashkimin Evropian lidhet me reformat në sundimin e ligjit dhe respektimin e standardeve demokratike.

Në një postim në X, Parlamenti Evropian shkruan: “Serbia duhet të tregojë angazhim të vërtetë ndaj vlerave të Bashkimit Evropian.

Përparimi drejt anëtarësimit në BE është i mundur vetëm përmes reformave në sundimin e ligjit dhe forcimit të standardeve demokratike.

Serbia duhet t’i normalizojë marrëdhëniet me Kosovën. Për zgjidhjen e krizës politike nevojiten zgjedhje të lira dhe të ndershme”.

The post Parlamenti Evropian i kërkon Serbisë normalizim të raporteve me Kosovën appeared first on Albeu.com.

Nga kjo parti veçojnë si shumë domethënës qëndrimin e raportuesit për Maqedoninë e Veriut, Thomas Waitz, i cili ka theksuar se vendi ynë posedon potencialin dhe kapacitetin për t’u bërë pjesë e valës së ardhshme të zgjerimit të Bashkimit Evropian.

Sipas VLEN-it, kjo tregon se institucionet evropiane vazhdojnë ta konsiderojnë Maqedoninë e Veriut si pjesë të familjes evropiane dhe si një partner të besueshëm në rajon.

Po ashtu, nga VLEN vlerësojnë se integrimi në Bashkimin Evropian nuk paraqet vetëm një synim politik, por një përcaktim strategjik dhe civilizues, që garanton sundimin e ligjit, institucione funksionale, zhvillim ekonomik, standard më të lartë jetese dhe një perspektivë më të mirë për qytetarët.

Ata shprehen se rruga drejt Bashkimit Evropian kalon përmes reformave të mirëfillta, luftës kundër korrupsionit, forcimit të shtetit të së drejtës, administratës efikase dhe institucioneve transparente.

Për këtë arsye, siç bëjnë të ditur nga VLEN, ata do të vazhdojnë të kontribuojnë me përgjegjësi dhe vendosmëri në realizimin e agjendës reformuese dhe në avancimin e procesit eurointegrues.

Më tej, theksohet se marrëdhëniet e mira fqinjësore, dialogu konstruktiv dhe respektimi i vlerave evropiane janë elemente thelbësore për suksesin e këtij procesi.

Nga VLEN nënvizojnë se mbeten fuqishëm në krah të integrimit evropian dhe se do të vazhdojnë të punojnë për përparimin e procesit të integrimit të Maqedonisë së Veriut në Bashkimin Evropian, si një synim strategjik shtetëror.

The post VLEN: Parlamenti Evropian riafirmon se Maqedonia e Veriut e ka të hapur rrugën drejt Bashkimit Evropian appeared first on Albeu.com.

Në raport theksohet se autoritetet e Maqedonisë së Veriut duhet ta trajtojnë me urgjencë këtë çështje, ndërsa njëkohësisht kërkohet që protestat e studentëve të mos paraqiten si lëvizje destabilizuese apo si veprime me prapavijë politike.

“I bëjmë thirrje autoriteteve të Maqedonisë së Veriut që të zgjidhin sa më shpejt çështjen e përdorimit të gjuhës shqipe në provimet shtetërore, për të siguruar zbatimin praktik të Marrëveshjes Kornizë të Ohrit si në ligj ashtu edhe në frymë, dhe të mos i paraqesin në mënyrë të pasaktë protestat e studentëve si të motivuara politikisht apo si një faktor destabilizues”, thuhet në amendamentin e miratuar nga PE.

Disa ditë më parë, përfaqësues të grupit të studentëve protestues në Shkup zhvilluan takim me përfaqësues të PE-së, ku shprehën pakënaqësinë e tyre për mosrespektimin e gjuhës shqipe dhe për moslejimin e zhvillimit të provimit të jurisprudencës në shqip.

The post PE kërkon zbatim urgjent të Marrëveshjes së Ohrit dhe miraton amendamentin për shqipen në provimet shtetërore appeared first on Albeu.com.

Në raport eurodeputetët shfaqin keqardhje për mungesën e avancimit që prej Raportit të vitit 2025, sidomos në fushën e sundimit të ligjit, reformës në drejtësi dhe luftës kundër korrupsionit. Ata nënvizojnë se nevojitet urgjentisht një angazhim i ri politik dhe bashkëpunim mes partive, jo vetëm për të miratuar ndryshimet e domosdoshme kushtetuese që do të mundësonin hapjen e raundit të parë tematik të negociatave.

Pjesë e debatit ishte edhe propozimi i eurodeputetit austriak nga të Gjelbrit, Thomas Waitz, i cili kërkoi të hiqej nga raporti formulimi që “i bën thirrje urgjentisht Komisionit të Përbashkët Shumëdisiplinor të Ekspertëve për Çështjet Historike dhe Arsimore të Bullgarisë dhe Maqedonisë së Veriut, të krijuar si rezultat i Marrëveshjes së Miqësisë dhe Fqinjësisë së Mirë me Bullgarinë, të arrijë rezultate të qarta dhe të prekshme”.

Megjithatë, kjo nismë nuk kaloi. Kundër heqjes së këtij formulimi votuan 338 eurodeputetë, ndërsa 126 ishin në favor të fshirjes së tij.

Në paragrafin 73, raporti i kërkon Komisionit për Histori të prodhojë “rezultate të qarta dhe të prekshme”, duke e mbështetur punën në “burime dhe dokumente historike objektive, autentike dhe të provuara”, në përputhje me Protokollin e Dytë të Marrëveshjes së Fqinjësisë së Mirë mes Bullgarisë dhe Maqedonisë së Veriut. Në tekst përfshihet edhe nocioni i “historisë së përbashkët”.

Dokumenti ndalet sërish te ngecja në procesin e reformave, si edhe te vështirësitë që lidhen me sundimin e ligjit dhe luftën ndaj korrupsionit. Po ashtu, në raport ngrihet shqetësimi për ndikimin në rritje të Serbisë dhe Rusisë.

Paragrafi 71 dënon çdo përpjekje për zëvendësimin e monumenteve dhe objekteve historike, përfshirë edhe shkatërrimin e trashëgimisë kulturore autentike. Njëherazi, raporti vë në pah edhe nevojën për hapjen e arkivave të shërbimeve sekrete jugosllave UDBA dhe KOS, “të cilat mbahen në Maqedoninë e Veriut dhe Serbi”.

Raporti përshëndet ruajtjen e stabilitetit në marrëdhëniet ndëretnike dhe zbatimin e Marrëveshjes Kornizë të Ohrit. Po ashtu, vlerësohet përparimi në përgatitjen e udhërrëfyesve për administratën publike dhe sundimin e ligjit, në kuadër të hapjes së grupit “Vlerat Themelore” të kornizës negociuese.

Vlerësim pozitiv merr edhe progresi i moderuar në reformën e administratës publike dhe në transformimin dixhital, ku përfshihet edhe legjislacioni për identifikimin elektronik.

The post Parlamenti Evropian miraton Raportin për Maqedoninë e Veriut, Protokolli i Dytë dhe Komisioni për Histori mbeten pjesë e dokumentit, ndërsa kërkohet përshpejtim i reformave appeared first on Albeu.com.

Eurodeputetët vendosën të hënën të pezullojnë procedurat legjislative për miratimin e marrëveshjes, vetëm pak ditë pasi Supreme Court of the United States anuloi përdorimin nga Trump të ligjit për kompetencat emergjente për vendosjen e të ashtuquajturave tarifa “reciproke” në nivel global.

“Ne duam qartësi për situatën”, deklaroi gjatë një seance presidenti i Komisionit për Tregtinë Ndërkombëtare në Parlamentin Evropian, Bernd Lange.

“Duam garanci të qarta nga SHBA-ja se e respekton marrëveshjen, sepse kjo është një element kyç”, shtoi ai.

Shtyrja e re zgjat një proces tashmë të gjatë për marrëveshjen, e cila u arrit verën e kaluar, por ende nuk është zbatuar plotësisht. Nëse pakti dështon, mund të hapë një kapitull të ri tensioni mes dy anëve të Atlantikut, në një kohë kur marrëdhëniet janë vënë në provë nga qëndrimi i Trump për luftën e Rusisë në Ukrainë, presioni për Groenlandën dhe deklaratat e tij të ashpra ndaj liderëve evropianë.

Trump paralajmëroi të hënën në rrjetet sociale se çdo vend që do të “luajë lojëra” me vendimin e Gjykatës Supreme, veçanërisht ato që sipas tij “kanë shfrytëzuar” SHBA-në për vite apo dekada, do të përballet me tarifa edhe më të larta. Pak orë pas vendimit të gjykatës të premten, presidenti amerikan njoftoi vendosjen e një tarife globale prej 10%, të cilën më pas e rriti në 15%, duke lënë të paqartë se si do të harmonizohen këto masa me marrëveshjet ekzistuese tregtare.

Trump bëri të ditur gjithashtu se do të ruajë tarifat ekzistuese të vendosura mbi bazën e neneve 301 dhe 232 të legjislacionit amerikan për tregtinë, ndërsa udhëzoi Përfaqësuesin Amerikan për Tregtinë të nisë hetime të reja të përshpejtuara sipas Nenit 301. Këto procedura kërkojnë hetime specifike për çdo vend dhe konstatime për shkelje të rregullave tregtare përpara vendosjes së tarifave dhe mund të zëvendësojnë në të ardhmen normën bazë globale.

The post Parlamenti Evropian “ngrin” marrëveshjen tregtare me SHBA-në deri në një njoftim të dytë appeared first on Albeu.com.

Rezoluta kërkon gjithashtu që BE-ja ta ketë një buxhet më efikas, në mënyrë që të jetë në gjendje ta përballojë zgjerimin me vende të reja anëtare.

Rezoluta u mbështet nga 305 deputetë, ndërsa 157 deputetë votuan kundër dhe 71 abstenuan.

Bashkimi Evropian, aktualisht, për secilin vendim në fushën e politikës së jashtme dhe sigurisë, ku hyn edhe procesi i zgjerimit, duhet të gjejë konsensus. Kjo ka bërë që shpesh vendimet të bllokohen nga ndonjë shtet anëtar përmes vetos, edhe kur të gjitha tjerat ishin në favor.

Kjo është rezoluta e fundit për procesin e zgjerimit që miraton Parlamenti Evropian në këtë përbërje, pasi zgjedhjet e reja në bllok do të mbahen në qershor.

Ky institucion i BE-së e ka mbështetur fuqishëm procesin e zgjerimit, ndërkaq me këtë rezolutë kërkon që BE-ja të reformohet para se të zgjerohet.

Parlamenti Evropian mbështet edhe integrimin gradual të vendeve kandidate në tregun unik të BE-së përgjatë procesit të zgjerimit, edhe para se ato të bëhen anëtare formale të bllokut.

“BE-ja ka nevojë për një vizion afatgjatë politik dhe për reforma institucionale dhe financiare për të siguruar kapacitete për absorbimin e anëtarëve të ri”, thuhet në tekstin e rezolutës të cilën e kanë miratuar deputetët e Parlamentit Evropian të enjten.

Eurodeputetët kërkojnë që përgatitjet për zgjerim të zhvillohen paralelisht edhe në Bashkimin Evropian edhe në vendet kandidate. Ata kërkojnë po ashtu edhe mbrojtje më të fuqishme të vlerave demokratike të Bashkimit Evropian dhe sundimit të ligjit.

Sa i përket reformave institucionale të Bashkimit Evropian, rezoluta kërkon që ato reforma ta lehtësojnë procesin e miratimit të vendimeve, të hiqet miratimi i vendimeve me konsensus dhe të ketë mekanizma më fleksibil. Ajo propozon që të përdoret votimi me shumicë të kualifikuar për të përmirësuar baraspeshën mes vendeve më të mëdha anëtare dhe atyre më të vogla.

Parlamenti Evropian po ashtu kërkon që institucionet e BE-së të fillojnë ta adresojnë ndikimin që pranimi i vendeve të reja anëtare do të ketë në përbërjen e Komisionit Evropian dhe të Parlamentit Evropian.

Ndonëse kërkojnë që BE-ja të vendosë qëllime konkrete për reformat e vendeve kandidate, ata janë kundër vendosjes së afateve kohore për anëtarësim të ndonjë vendi në BE./rel

The post Parlamenti Evropian miraton rezolutën: Të hiqet vetoja në procesin e zgjerimit në BE appeared first on Albeu.com.

Në rezolutën e miratuar sot me 433 vota pro, 56 kundër dhe 18 abstenime, Parlamenti Evropian kujton gjithashtu se ”aktorët rusë u kanë ofruar mbështetje palëve aleate me to duke nënshkruar kontrata tregtare”.

The post Parlamenti Evropian ngre alarmin kundër propagandës ruse appeared first on Albeu.com.

Në tekstin e draftit të rezolutës së dakorduar nga disa grupe politike në PE, për të cilin do të votohet, shprehet keqardhje për faktin se Serbia nuk ka siguruar zhvillimin e zgjedhjeve sipas standardeve dhe normave ndërkombëtare. Aty po ashtu shprehet keqardhje edhe për refuzimin nga autoritetet e Serbisë që të pranojnë se kanë ndodhur parregullsi në zgjedhje.

Serbia ka mbajtur zgjedhjet lokale, parlamentare dhe krahinore më 17 dhjetor 2023.

“Bëjmë thirrje për hetime të pavarura nga ekspertë dhe institucione të respektuara ndërkombëtare për parregullsitë në zgjedhjet parlamentare, krahinore dhe lokale, me kujdes të posaçëm në zgjedhjet për Asamblenë e qytetit të Beogradit”, thuhet në tekstin e draftit të rezolutës.

“I bëjmë thirrje Komisionit Evropian që të shqyrtojë dërgimin e një misioni ekspertësh në Serbi, për të vlerësuar situatën dhe zhvillimet pas zgjedhjeve të fundit dhe të bëjë përpjekje për të lehtësuar një dialog shoqëror, i cili do të çonte deri te kthimi i besimit në institucione”, theksohet në draft-rezolutën.

Sipas tekstit të kësaj rezolute të propozuar, PE-ja ka dënuar mungesën e pluralizmit politik gjatë procesit zgjedhor, favorizimin e partisë në pushtet, Partisë Progresive Serbe (SNS) nga ana e mediave gjatë fushatës, fushatat e shumta të dezinformimit, në të cilat, sipas përpiluesve të këtij teksti, pos mediave pro-qeveritare në Serbi ishin përfshirë edhe struktura të Rusisë. PE-ja po ashtu dënoi edhe kërcënimet ndaj organizatave joqeveritare dhe gazetarëve të pavarur.

Ndër parregullsitë në zgjedhje në Serbi Parlamenti Evropian përmendi votimin e shtetasve nga vendet tjera, posaçërisht nga Bosnja e Hercegovina për zgjedhjet lokale, sjelljen në mënyrë të organizuar të votuesve në vendvotime nga partia në pushtet, shlyerjen e votuesve nga regjistri në disa raste, joshja e paligjshme e votuesve dhe forma tjera të shkeljeve të parimeve të zgjedhjeve të lira.

Deputetët e Parlamentit Evropian janë të mendimit se një vend si Serbia, që është kandidat për anëtarësim në BE, duhet të respektojë standardet themelore demokratike.

Në draft-rezolutë po ashtu dënohet edhe përdorimi i tepruar i forcave policore në Serbi ndaj protestuesve gjatë protestave kundër parregullsive në zgjedhje.

Po ashtu deputetët e Parlamentit Evropian përmes rezolutës, dënojnë edhe sulmet verbale nga përfaqësuesit e pushtetit në Serbi ndaj vëzhguesve nga BE-ja si dhe pohimet se vende të BE-së ishin përfshira në organizimin e protestave pas zgjedhjeve. Po ashtu është dënuar edhe gjuhën kundër BE-së që është përhapur në Serbi nga mediat e afërta me partinë në pushtet. Në tekst përmendet se kryeministrja e Serbisë, Ana Bërnabiq, publikisht i ka falënderuar shërbimet e Rusisë për informata rreth protestave, të organizuara nga opozita në Serbi.

Parlamenti Evropian ka kërkuar nga Komisioni Evropian që të shqyrtojë edhe pezullimin e fondeve të BE-së për Serbinë nëse dëshmohet se autoritetet e Serbisë kanë qenë direkt të përfshira në manipulimin e rezultateve zgjedhore.

“Shprehim keqardhje për mungesën e kritikave të zëshme nga Komisioni Evropian, posaçërisht nga komisionari për zgjerim në një varg dyshimesh për mashtrime zgjedhore në Serbi dhe bëjmë ftesë që Komisioni të adresojë këto çështje që solli deri te dyshimet, pa vonesa”, u tha në tekst.

PE po ashtu kërkoi që edhe negociatat e anëtarësimit të Serbisë me BE-në të lidhen me reforma, përfshirë edhe me adresimin e problemeve me zgjedhjet. Pa këto, u tha në tekst, nuk do të duhej të vazhdojnë negociatat.

Partitë opozitare në Serbi kanë akuzuar Qeverinë për manipulimin e procesit zgjedhor dhe kanë organizuar protesta pas zgjedhjeve të 17 dhjetorit. Nga BE-ja është shprehur shqetësim për raportet rreth parregullsive. Por, më kritik, duke kërkuar edhe masa, ka qenë Parlamenti Evropian i cili edhe i kishte dërguar vëzhguesit në zgjedhjet e dhjetorit në Serbi. Në Parlamentin Evropian ishte zhvilluar edhe debate rreth këtyre zgjedhjeve dhe tash pritet të miratohet edhe rezoluta. Qeveria e Serbisë i ka hedhur poshtë kritikat e eurodeputetëve dhe ka bërë akuza personale ndaj deputetëve që kanë folur për parregullsi në zgjedhje.

The post Parlamenti Evropian kërkon hetime ndërkombëtare për parregullsitë gjatë zgjedhjeve në Serbi appeared first on Albeu.com.

Në tekstin e draftit të rezolutës së dakorduar nga disa grupe politike në PE, për të cilin do të votohet, shprehet keqardhje për faktin se Serbia nuk ka siguruar zhvillimin e zgjedhjeve sipas standardeve dhe normave ndërkombëtare. Aty po ashtu shprehet keqardhje edhe për refuzimin nga autoritetet e Serbisë që të pranojnë se kanë ndodhur parregullsi në zgjedhje.

Serbia ka mbajtur zgjedhjet lokale, parlamentare dhe krahinore më 17 dhjetor 2023.

“Bëjmë thirrje për hetime të pavarura nga ekspertë dhe institucione të respektuara ndërkombëtare për parregullsitë në zgjedhjet parlamentare, krahinore dhe lokale, me kujdes të posaçëm në zgjedhjet për Asamblenë e qytetit të Beogradit”, thuhet në tekstin e draftit të rezolutës.

“I bëjmë thirrje Komisionit Evropian që të shqyrtojë dërgimin e një misioni ekspertësh në Serbi, për të vlerësuar situatën dhe zhvillimet pas zgjedhjeve të fundit dhe të bëjë përpjekje për të lehtësuar një dialog shoqëror, i cili do të çonte deri te kthimi i besimit në institucione”, theksohet në draft-rezolutën.

Sipas tekstit të kësaj rezolute të propozuar, PE-ja ka dënuar mungesën e pluralizmit politik gjatë procesit zgjedhor, favorizimin e partisë në pushtet, Partisë Progresive Serbe (SNS) nga ana e mediave gjatë fushatës, fushatat e shumta të dezinformimit, në të cilat, sipas përpiluesve të këtij teksti, pos mediave pro-qeveritare në Serbi ishin përfshirë edhe struktura të Rusisë. PE-ja po ashtu dënoi edhe kërcënimet ndaj organizatave joqeveritare dhe gazetarëve të pavarur.

Ndër parregullsitë në zgjedhje në Serbi Parlamenti Evropian përmendi votimin e shtetasve nga vendet tjera, posaçërisht nga Bosnja e Hercegovina për zgjedhjet lokale, sjelljen në mënyrë të organizuar të votuesve në vendvotime nga partia në pushtet, shlyerjen e votuesve nga regjistri në disa raste, joshja e paligjshme e votuesve dhe forma tjera të shkeljeve të parimeve të zgjedhjeve të lira.

Deputetët e Parlamentit Evropian janë të mendimit se një vend si Serbia, që është kandidat për anëtarësim në BE, duhet të respektojë standardet themelore demokratike.

Në draft-rezolutë po ashtu dënohet edhe përdorimi i tepruar i forcave policore në Serbi ndaj protestuesve gjatë protestave kundër parregullsive në zgjedhje.

Po ashtu deputetët e Parlamentit Evropian përmes rezolutës, dënojnë edhe sulmet verbale nga përfaqësuesit e pushtetit në Serbi ndaj vëzhguesve nga BE-ja si dhe pohimet se vende të BE-së ishin përfshira në organizimin e protestave pas zgjedhjeve. Po ashtu është dënuar edhe gjuhën kundër BE-së që është përhapur në Serbi nga mediat e afërta me partinë në pushtet. Në tekst përmendet se kryeministrja e Serbisë, Ana Bërnabiq, publikisht i ka falënderuar shërbimet e Rusisë për informata rreth protestave, të organizuara nga opozita në Serbi.

Parlamenti Evropian ka kërkuar nga Komisioni Evropian që të shqyrtojë edhe pezullimin e fondeve të BE-së për Serbinë nëse dëshmohet se autoritetet e Serbisë kanë qenë direkt të përfshira në manipulimin e rezultateve zgjedhore.

“Shprehim keqardhje për mungesën e kritikave të zëshme nga Komisioni Evropian, posaçërisht nga komisionari për zgjerim në një varg dyshimesh për mashtrime zgjedhore në Serbi dhe bëjmë ftesë që Komisioni të adresojë këto çështje që solli deri te dyshimet, pa vonesa”, u tha në tekst.

PE po ashtu kërkoi që edhe negociatat e anëtarësimit të Serbisë me BE-në të lidhen me reforma, përfshirë edhe me adresimin e problemeve me zgjedhjet. Pa këto, u tha në tekst, nuk do të duhej të vazhdojnë negociatat.

Partitë opozitare në Serbi kanë akuzuar Qeverinë për manipulimin e procesit zgjedhor dhe kanë organizuar protesta pas zgjedhjeve të 17 dhjetorit. Nga BE-ja është shprehur shqetësim për raportet rreth parregullsive. Por, më kritik, duke kërkuar edhe masa, ka qenë Parlamenti Evropian i cili edhe i kishte dërguar vëzhguesit në zgjedhjet e dhjetorit në Serbi. Në Parlamentin Evropian ishte zhvilluar edhe debate rreth këtyre zgjedhjeve dhe tash pritet të miratohet edhe rezoluta. Qeveria e Serbisë i ka hedhur poshtë kritikat e eurodeputetëve dhe ka bërë akuza personale ndaj deputetëve që kanë folur për parregullsi në zgjedhje./rel 

The post PE-ja kërkon hetime ndërkombëtare për parregullsitë e raportuara për zgjedhjet në Serbi appeared first on Albeu.com.

Ndryshimi i planit vjen tre javë pasi njoftoi se do të kandidojë në zgjedhje. Lajmin kreu i Këshillit Europian e konfirmoi me anë të një postimi në mediat e tij sociale.

“Nuk do të kandidoj për zgjedhjet europiane. Do t’u përkushtohem përgjegjësive që mbaj aktualisht, me vendosmëri të palëkundur derisa ato të përfundojnë. Unë do të jem gjithmonë një mbështetës i vendosur i një Evrope që është demokratike, e fortë, e bashkuar dhe sovrane e fatin e vet,” shkroi ai.

Vendimi i papritur vjen gjashtë ditë përpara një samiti vendimtar të liderëve të BE-së, ku do të vendoset e ardhmja e mbështetjes financiare të bllokut për Ukrainën.

Brukseli është nën presion të madh për të gjetur një marrëveshje kompromisi që do t’i lejojë kryeministrit hungarez, Viktor Orban, të heqë veton kundër përdorimit të buxhetit të përbashkët.

Vendimi i Michel për të kandiduar si kandidat për eurodeputet për partinë e Lëvizjes Reformiste në Belgjikë, ku ai ishte pothuajse i sigurt se do të fitonte një vend, u kritikua nga disa politikanë si një shpërfillje e detyrës së tij ndaj liderëve të tjerë të bllokut.

The post Charles Michel braktis planin për të kandiduar në zgjedhjet evropiane appeared first on Albeu.com.