Rregullorja u aprovua me 418 vota pro, 218 kundër dhe 30 abstenime, me mbështetjen e Partisë Popullore Europiane dhe forcave të djathta.

Sipas rregullave të reja, një vendim për kthim nënkupton detyrimin për të lënë menjëherë, ose brenda një afati të caktuar, territorin e shtetit anëtar përkatës. Gjithashtu, emigrantët mund të mbahen në qendrat e ndalimit deri në 24 muaj.

Një tjetër element i rëndësishëm i rregullores është mundësia për transferimin e emigrantëve, me përjashtim të të miturve të pashoqëruar, drejt “qendrave të kthimit” të vendosura në territorin e vendeve të treta.

Kryeministrja italiane, Giorgia Meloni, e cilësoi këtë vendim si një arritje historike për Italinë dhe për gjithë Europën.

“Në këtë mënyrë, Italia ka arritur një sukses të madh në Europë. Parlamenti Europian ka miratuar rregulloren e re për kthimet, një masë historike që është edhe fryt i punës së qeverisë italiane dhe që na lejon të kthejmë më shpejt ata që nuk kanë të drejtë të qëndrojnë në BE”, u shpreh Meloni në një video të publikuar në rrjetet sociale nga Eviani, ku ndodhet për samitin e G7.

Ajo theksoi se rregullorja parashikon edhe hapjen e qendrave të kthimit në vendet e treta, duke ndjekur modelin e marrëveshjes së Italisë me Shqipërinë.

“Sot Europa ndjek rrugën që hapi Italia me protokollin me Shqipërinë, një zgjidhje inovative që u kundërshtua nga e majta, por që tashmë është kthyer në një instrument për gjithë BE-në”, deklaroi ajo.

Meloni shtoi se objektivat mbeten të qarta: mbrojtja e kufijve, ulja drastike e zbarkimeve, lufta kundër trafikantëve të qenieve njerëzore dhe kthimi i menjëhershëm i atyre që nuk kanë të drejtë të qëndrojnë.

“U kishim premtuar italianëve se do të ndryshonim Europën dhe e bëmë këtë, me guxim dhe vendosmëri. Nuk do të ndalemi, do të vazhdojmë përpara”, përfundoi kryeministrja italiane.

The post Parlamenti Europian miraton rregullat e reja për kthimin e emigrantëve të paligjshëm, Meloni: Sukses historik për Italinë appeared first on Albeu.com.

Në një postim të fundit, Rama u shpreh se Parmenti Europian “ndau shqapin nga shqeri” për çështjen e ndërtimeve në Zvërnec, duke e shoqëruar me një amendament që sipas tij është në favor të qeverisë.

Por në realitet është krejt e kundërta, amendamenti i detyron qeverinë të ndërpresë çdo punim, apo leje në zonat e mbrojtura, të pezullohen çdo leje në vijim, me anë të një moratoriumi.

Protesta e qytetarëve cilësohet si të drejta dhe paqësore, ndërkohë që kritikat për qeverinë vijojnë duke kërkuar që të shfuqizohet ligji që mundëson ndërtimin në zonat e mbrojtura.

“Amendamenti 46a (pika e re) – Përkthim fjalë për fjalë

46a. Shpreh shqetësim serioz se zhvillimet në vazhdim brenda zonës së mbrojtur Vjosa-Narta demonstrojnë pasojat praktike të këtyre ndryshimeve legjislative dhe rreziqet që rezultojnë për zonat me vlerë ekologjike të njohur; ndjek nga afër protestat paqësore që po zhvillohen lidhur me këtë çështje; u bën thirrje autoriteteve shqiptare që të vendosin menjëherë një moratorium për të gjitha procedurat e reja të dhënies së lejeve, punimet e ndërtimit dhe ndërhyrjet zhvillimore brenda zonave të mbrojtura, derisa dispozitat e papajtueshme të Ligjit të ndryshuar për Zonat e Mbrojtura të jenë shfuqizuar, bazuar në një kërkesë afatgjatë të Komisionit dhe Parlamentit dhe në përputhje me standardet përmbyllëse të Kapitullit 27, si dhe derisa të jetë siguruar pajtueshmëria e plotë me standardet e Bashkimit Evropian për mbrojtjen e natyrës; thekson se çdo projekt në këtë zonë duhet t’i nënshtrohet vlerësimeve gjithëpërfshirëse të ndikimit në mjedis, plotësisht në përputhje me standardet e BE-së, duke përfshirë një proces transparent të pjesëmarrjes publike me komunitetet lokale, shkencëtarët dhe shoqërinë civile”, thekson amendamenti i miratuar nga Parlamenti Europian.

The post Parlamenti Europian ‘shuplakë’ Edi Ramës për Zvërnecin: Të miratohet moratorium, të ndalohen lejet dhe punimet në zonat e mbrojtura! appeared first on Albeu.com.

Këto janë disa nga pikat kyçe që Parlamenti Europian vazhdon të mbrojë fort në favor të pasagjerëve ajrorë, duke hedhur poshtë me shumicë dërrmuese propozimet e Këshillit dhe Komisionit Europian për reformimin e rregullave mbi të drejtat e udhëtarëve.

Në seancën plenare të mbajtur në Strasburg, 632 eurodeputetë votuan kundër propozimeve të Këshillit të BE-së, ndërsa vetëm 15 ishin kundër dhe 9 abstenuan. Sipas Parlamentit Europian, ndryshimet e propozuara do të dobësonin ndjeshëm mbrojtjen e konsumatorëve. Liberalizimi i tregut ajror të BE-së, i përfunduar në vitin 1997, ka sjellë rritje të itinerareve, ulje të çmimeve dhe një rritje të ndjeshme të numrit të pasagjerëve, që në vitin 2024 arriti mbi 1.1 miliardë. Megjithatë, kjo rritje ka sjellë edhe më shumë vonesa, anulime fluturimesh dhe humbje bagazhesh.

Për vite me radhë, linjat ajrore – veçanërisht përmes shoqatës “Airlines for Europe” (A4E), ku bëjnë pjesë Lufthansa, Air France-KLM, Ryanair dhe IAG (British Airways) – kanë ushtruar presion për ndryshimin e rregullave aktuale, duke argumentuar rritje të kostove operative.

Sipas rregullave ekzistuese të BE-së, të miratuara në vitin 2004, pasagjerët kanë të drejtë për kompensim nga 250 deri në 600 euro për çdo fluturim të vonuar mbi tre orë. Ndërsa Këshilli i BE-së propozoi rritjen e këtij limiti në 4, 6 apo edhe 12 orë, në varësi të distancës, Parlamenti Europian e ka refuzuar kategorikisht këtë ide.

Eurodeputetët theksojnë se rritja e kufirit të vonesës do të përjashtonte nga kompensimi rreth 80% të pasagjerëve. Po ashtu, PE kundërshton uljen e shumave të kompensimit dhe tarifimin e bagazhit të dorës, duke kërkuar që çdo pasagjer të ketë të drejtën e një sendi personal dhe një bagazhi të vogël dore falas, pa tarifa shtesë.

Një tjetër pikë e fortë e qëndrimit të Parlamentit Europian lidhet me mbrojtjen e grupeve vulnerabël, si personat me lëvizshmëri të kufizuar, gratë shtatzëna dhe fëmijët, për të cilët kërkohen vende falas pranë shoqëruesve dhe procedura më të thjeshta kompensimi.

Raportuesi i Parlamentit Europian, Andrei Novakov, deklaroi se PE nuk do të bëjë kompromis me të drejtat e pasagjerëve:
“Ka mënyra të tjera për të ndihmuar linjat ajrore, si ulja e taksave aeroportuale, por jo duke cenuar kompensimin dhe duke i detyruar familjet të presin gjashtë orë në aeroport.”

Pas këtij refuzimi, negociatat mes Parlamentit Europian, Këshillit të BE-së dhe Komisionit Europian pritet të rifillojnë në një raund të ri diskutimesh.

The post Parlamenti Europian kundër ndryshimeve të reja në transportin ajror: Bagazhi i dorës falas dhe kompensimi për vonesat mbeten të panegociueshme appeared first on Albeu.com.

Rregullorja vendos një ndalim juridikisht të detyrueshëm për importet e gazit natyror të lëngshëm (GNL) dhe të gazit përmes gazsjellësve, me një ndalim total që do të hyjë në fuqi përkatësisht në fund të vitit 2026 për GNL-në dhe nga vjeshta e vitit 2027 për gazin e tubacioneve.

Marrëveshja duhet ende të ratifikohet nga të 27 vendet anëtare dhe nga seanca plenare e Parlamentit Europian.

“Më në fund, dhe përgjithmonë, po e mbyllim rubinetin e gazit rus. Nuk do të kthehemi kurrë më te varësia jonë e rrezikshme nga Rusia”, deklaroi komisioneri europian Dan Jorgensen.

Ndalimi do të zbatohet gjashtë javë pas hyrjes në fuqi të rregullores, me një qasje graduale në shuarjen e kontratave ekzistuese.

Afatet për ndërprerjen e kontratave

Kontratat afatshkurtra të nënshkruara para 17 qershorit 2025 duhet të ndërpriten më 25 prill 2026 për GNL-në dhe më 17 qershor 2026 për gazin nga gazsjellësit.

Kontratat afatgjata të GNL-së do t’i nënshtrohen ndalimit më 1 janar 2027, në përputhje me sanksionet e paketës së 19-të kundër Rusisë.

Kontratat afatgjata të gazit të tubacioneve do të ndalohen nga 30 shtatori 2027, me kusht që vendet anëtare të përmbushin objektivat e mbushjes së rezervave të gazit. Afati më i vonshëm i mundshëm është 1 nëntor 2027.

Sipas rregullores, shtetet anëtare do të duhet të paraqesin plane kombëtare të diversifikimit, duke përcaktuar hapat për ndërprerjen e energjisë ruse. Parashikohet gjithashtu një sistem autorizimi paraprak për importet e gazit, si rus, ashtu edhe jo rus, për të siguruar zbatimin korrekt të ndalimit.

Aktualisht, Sllovakia dhe Hungaria janë të vetmet vende të BE-së që vazhdojnë të importojnë naftë ruse, e cila përbën rreth 80% të importeve të tyre gjithsej të naftës së papërpunuar.

Marrëveshja përfshin sanksione për vendet që nuk respektojnë ndalimin, si dhe një klauzolë pezullimi në rast të një “kërcënimi për sigurinë e furnizimit energjetik” të një ose më shumë shteteve anëtare. Rregullorja do të rishikohet brenda dy vitesh nga hyrja e saj në fuqi.

“Sot është një ditë historike për Bashkimin Europian: shumë mendonin se nuk do të ishte e mundur, por ja që ndodhi. E kam ditur gjithmonë se do t’ia dilnim. Tani jemi gati të hapim bashkëpunime me partnerë të rinj e të besueshëm. Ky është vetëm fillimi i një suksesi të vërtetë europian”, deklaroi presidentja e Komisionit Europian, Ursula von der Leyen.

The post Këshilli i BE-së dhe Parlamenti Europian arrijnë marrëveshje për ndalimin gradual të importeve të gazit rus deri në vitin 2027 appeared first on Albeu.com.

Një i tillë është edhe 24-vjeçari Fidias Panayiotou nga Qipro, i cili është një influencer i njohur në YouTube që numëron mbi 2.6 milionë ndjekës, shkruan BBC.

Ai do të jetë një deputet i pavarur i Parlamentit Evropian.

“Fidias” – siç njihet online është i njohur për shakatë e tij dhe klipet humoristike.

Klipet e tij më të ndjekura përfshijnë një mision për të përqafuar 100 të famshëm, konkurse për të ngrënë pica dhe shmangie të tarifave në trenat japonezë.

Edhe pse ai nuk ka përvojë politike – dhe e quan veten “një gabim profesional” – fushata e tij tërhoqi një numër të madh votuesish të rinj.

The post E pazakontë në Parlamentin Evropian/ I riu me 2.6 milionë ndjekës në YouTube zgjidhet deputet appeared first on Albeu.com.

Siç raportohet shkak janë bërë fletët e votimi të shënuara me emrin e tij të cilat ai ua ka shpërndarë zgjedhësve që i janë afruar qendrës së votimit për të ushtruar të drejtën e tyre demokratike.

Gjithashtu nuk dihet se sa fletë votimi ka arritur të shpërndajë para se të arrestohej nga autoritetet.
Bëhet fjalë për zonën ku banojnë muslimanët e Trakës.

The post Zgjedhjet për Parlamentin Europian, arrestohet kandidati për deputet në Greqi appeared first on Albeu.com.

AFP raporton se në një rezolutë të miratuar me 506 vota në asamblenë prej 705 vendesh, parlamenti tha se “Qeveria ruse dhe Vladimir Putin mbajnë personalisht përgjegjësi penale dhe politike për vdekjen e kundërshtarit të tyre më të zëshëm, Alexei Navalny”.

Ligjvënësit kërkuan një “hetim ndërkombëtar të pavarur dhe transparent” mbi rrethanat e vdekjes së Navalny dhe kërkuan nga 27 shtetet anëtare të BE-së që të “intensifikojnë” mbështetjen për të burgosurit politikë rusë. Nëntë ligjvënës votuan kundër rezolutës.

The post Parlamenti Europian fajëson qeverinë ruse dhe Putinin për vdekjen e Alexei Navalny appeared first on Albeu.com.

Në rezolutën e miratuar për rezultatet e politikës së jashtme dhe të sigurisë BE-së, përmes së cilit flet për nevojën e rritjes së ndikimit të BE-së në botë dhe për një qasje më të vendosur edhe ndaj rajonit të Ballkanit Perëndimor, PE-ja gjithashtu i paralajmëron Kosovën dhe Serbinë edhe për pasoja nëse mungon zbatimi i marrëveshjeve të dialogut.

Por, PE-ja i bëri thirrje Bashkimit Evropian që ta ndryshojë qasjen në dialog në mënyrë që të ketë përparim.

“Ftojmë BE-në që të miratojë një qasje të re në ndërmjetësimin mes palëve në mënyrë që të tejkalohet ngecja aktuale. Rikujtojmë se dështimi i këtij dialogu po ashtu do të reflektojë në rolin e BE-së si një faktor i besueshëm në politikën e jashtme”, thuhet në tekstin e këtij raporti.

Ky është një raport mjaft që përfshin temat nga raportet e BE-së me Shtetet e Bashkuara, bashkëpunimi me NATO-n, forcimi i kapaciteteve evropiane të mbrojtjes, lufta kundër fushatave të dezinformimit, e deri tek situate në rajonin e Ballkanit Perëndimor, përfshirë edhe raportet mes Kosovës dhe Serbisë.

Sa i përket Kosovës në këtë raport “dënohet sulmi terrorist ndaj zyrtarëve policorë me 24 shtatorë në Banjskë të Republikës së Kosovës, si dhe provokimet e tjera”.

Më 24 shtator, një grup i serbëve të armatosur e sulmoi Policinë e Kosovës në Banjskë të Zveçanit, duke e vrarë rreshterin Afrim Bunjaku. Gjatë shkëmbimit të zjarrit u vranë edhe tre sulmues.

Përgjegjësinë për këtë sulm e mori Millan Radoiçiq, ish-nënkryetari i Listës Serbe – partisë kryesore të serbëve në Kosovë, që gëzon mbështetjen e Beogradit zyrtar.

Kosova e fajësoi Serbinë për sulmin, e cila e mohoi çdo përfshirje, por e ka lënë të lirë Radoiçiqin prej atëherë, me kusht që të mos udhëtojë drejt Kosovës.

Në këtë rezolutë, Parlamenti Evropian kërkon që të sillen para drejtësisë “të gjithë ata që kanë përgjegjësi për sulmet terroriste në veri të Kosovë” dhe kërkon që, nëse dëshmohet se Serbia kishte gisht në to, të ndërmerren masa kundër Qeverisë së Serbisë.

Palëve u kërkohet që të punojnë për t’i ulur tensionet dhe për t’i shmangur retorikën apo veprimet të cilat mund të krijojnë tensione të reja.

Më pas, rezoluta e mbështet dialogun mes Kosovës dhe Serbisë, të cilin e lehtëson BE-ja, dhe u bën thirrje të dyja palëve që me mirëbesim dhe frymë kompromisi t’i qasen vazhdimit të dialogut. Rezoluta, megjithatë, i bën thirrje edhe BE-së që të ketë një qasje në re në rolin e ndërmjetësuesit mes palëve.

“Ftojmë Kosovën dhe Serbinë që t’i përkushtohen dialogut me besim të mirë dhe frymë të kompromisit në mënyrë që, pa vonesa, të arrihet marrëveshja gjithëpërfshirëse, ligjërisht obliguese për normalizimin e marrëdhënieve mes tyre, bazuar në njohjen e ndërsjellët, në përputhje me të drejtën ndërkombëtare” thuhet në një pikë të këtij raporti.

Rezoluta i paralajmëron Kosovën dhe Serbinë se dështimi për të shënuar përparim në normalizimin e marrëdhënieve “do të ketë ndikim negative në integrimin e të dyja vendeve në BE”.

Me ndërmjetësimin e BE-së, Kosova dhe Serbia arritën Marrëveshjen për normalizimin e marrëdhënieve më 27 shkurt të vitit 2023.

Marrëveshja parasheh, mes tjerash, respektimin e ndërsjellë të pavarësisë dhe integritetit territorial, njohjen e dokumenteve, diplomave, targave, si dhe thellimin e bashkëpunimit në fushën e ekonomisë, sundimit të ligjit, shëndetësisë dhe të personave të zhdukur.

Serbia, gjithashtu, mori përsipër që të mos e bllokojë anëtarësimin e Kosovës në organizatat ndërkombëtare, ndërsa Kosova pranoi që komunitetit serb t’i sigurojë një nivel të caktuar të vetëmenaxhimit, përkatësisht themelimin e Asociacionit të komunave me shumicë serbe.

Por, një vit më vonë, nga të gjitha pikat e marrëveshjes u zbatuan vetëm ato që kanë të bëjnë me personat e zhdukur dhe njohjen e targave.

Ndërkohë, PE-ja thotë në rezolutën e saj se “ndien keqardhje për masat kufizuese të BE-së ndaj Kosovës dhe ftojmë në heqjen urgjente të tyre”.

Raporti po ashtu përshëndet aplikimin e Kosovës për anëtarësim në BE dh kërkon nga Komisioni që të përgjigjet ndaj këtij aplikimi. Rikujton se kërkesa e Kosovës për status kandidati duhet të vlerësohet në bazë të meritave në përmbushjen e kritereve./rel

The post Parlamenti Europian kritikon mungesën e suksesit në dialogun Kosovë-Serbi appeared first on Albeu.com.

Kërkesën për këtë rezolutë e bëri vetë Picula, në lidhje me raportet mes dy vendeve fqinje dhe gjendjen e sigurisë në veri të Kosovës pas sulmit.

Picula tha se e mori shumicën e nevojshme për propozimin e tij dhe se për këtë rezolutë do të diskutohet në seancën e dytë plenare gjatë këtij muaji.

“Ne e dënojmë agresionin e fundit të terroristëve të armatosur ndaj oficerit të policisë së Kosovës. Të gjitha faktet për këtë sulm duhet të zbardhen dhe përgjegjësit të përballen me drejtësinë“, tha Picula.

Policia e Kosovës u sulmua nga një grup i armatosur serb në fshatin Banjskë, në komunën e Zveçanit më 24 shtator, ku mbeti i vrarë rreshteri Afrim Bunjaku. Sulmuesit u strehuan në manastirin e fshatit, pasi e kishin sulmuar në një pritë një patrullë të policisë, nga ku e vazhduan konfrontimin me policinë, dhe si pasojë tre prej tyre u vranë.

Policia kosovare i arrestoi dhe i paraburgosi tre sulmues, si dhe gjeti arsenal të jashtëzakonshëm armësh në vendin e ngjarjes pas sulmit.

Serbia i ka mohuar akuzat e Kosovës se ajo është përfshirë në këtë sulm të cilësuar si terrorist nga autoritetet kosovare.

Për marrëdhëniet mes Kosovës dhe Serbisë, ecurinë e dialogut dhe tensioneve në veri, do të diskutohet të martën me 3 tetor në një seancë plenare të Parlamentit Evropian.

Pesë ditë pas sulmit, Millan Radoiçiqi e mori përgjegjësinë për këtë sulm, dhe dha dorëheqje nga posti i nënkryetarit të Listës Serbe – partisë më të madhe të serbëve në Kosovë, e cila e ka mbështetjen e Qeverisë serbe.

Sulmi në veri ndodhi rreth dy javë pasi Kurti dhe Vuçiqi dështuan të arrijnë marrëveshje për normalizimin e marrëdhënieve gjatë takimit të nivelit të lartë të dialogut të ndërmjetësuar nga Bashkimit Evropian më 14 shtator në Bruksel.

Prishtina beson se duhet të jetë një njohje reciproke, ndërsa Beogradi insiston në një zgjidhje kompromisi.

Serbia nuk e njeh pavarësinë e Kosovës, e shpallur më 2008, dhe ka mbështetjen e aleatëve Rusisë dhe Kinës kundër saj për këtë./rel

The post Parlamenti Evropian pritet të miratojë një rezolutë për raportet Kosovë-Serbi appeared first on Albeu.com.

Eurodeputetët po ashtu shprehën shqetësim edhe për tentimet për ndërhyrje dashakeqe nga jashtë që sidomos vijnë nga Rusia, Kina dhe Serbia.

Raporti për Malin e Zi u miratua në Komisionin e Politikës së Jashtme të PE-së me 51 vota në favor, tri kundër dhe tetë abstenime.

Në raport u tha se ligjvënësit evropianë mirëpresin vazhdimin e përkushtimit të Malit të Zi për integrim në BE dhe mbështetjen e lartë që ekziston për këtë gjë në opinionin publik.

“Eurodeputetët shprehen se dështimi për të ndërtuar konsensus për çështjet e interesit kombëtar dhe mungesa e dialogut ndërpartiak, e kanë vonuar progresin në reformat evropiane dhe e kanë kthyer Malin e Zi në një krizë të thellë institucionale dhe politike”, u tha në njoftimin e lëshuar nga PE-ja pas miratimit të raportit.

Eurodeputetët kanë mirëpritur përshtatjen e plotë që Mali i Zi ka bërë me politikën e jashtme të BE-së, përfshirë edhe vendosjen e sanksioneve ndaj Moskës për shkak të pushtimit të paprovokuar rus të Ukrainës.

Raporti është përpiluar nga deputeti kroat, Tonino Picula, i cili ka thënë se ky raport, që është i fundit në këtë mandat të Parlamentit Evropian, dëshmon një ngecje të gjatë të rrugëtimit të Malit të Zi drejt BE-së dhe ekzistimin e një krize të thellë politike në këtë shtet.

“Deputetët presin formimin e një qeverie pro-evropiane sa më shpejt që të jetë e mundur, një Qeveri e cila qartë dhe pa dyshime mbështet politikat dhe vlerat evropiane, në përputhje me pritjet e shumicës domethënëse të qytetarëve të këtij vendi”, tha Picula, që është raportues në PE për Malin e Zi.

Mali i Zi cilësohet si lider në Ballkanin Perëndimor sa i përket procesit të anëtarësimit në BE. Ky vend ka qenë kandidat që nga viti 2010, dhe më 2012 i hapi bisedimet për anëtarësim me Brukselin.

I hapi të gjithë kapitujt e procesit të anëtarësimit, por i mbylli përkohësisht vetëm tre kapituj.

Pavarësisht faktit se vlerësohet si vendi më i avancuar në bisedimet për anëtarësim, që nga viti 2012, Mali i Zi nuk e ka pasur asnjë konferencë ndërqeveritare (që është brenda kornizës së bisedimeve për anëtarësim), për shkak të përparimit të pamjaftueshëm në procesin e reformave, që është hap shumë i nevojshëm për të shënuar përparim në bisedimet për anëtarësim.

Ndryshe, Mali i Zi ka mbajtur të parakohshme parlamentare më 11 qershor. Lëvizja Evropa Tani fitoi më së shumti vota, përkatësisht 26 për qind.

Qeveria e re pritet të formohet nga Millojko Spajiq, do të jetë e treta që nga largimi i Partisë Demokratike të Socialistëve të Millo Gjukanoviqit nga pushteti, në gusht të vitit 2020.

Qeveria e parë e Zdravko Krivokapiqit, e formuar nën ndikimin e Kishës Ortodokse Serbe, zgjati 14 muaj.
Në të, Jakov Millatoviq dhe Millojko Spajiq ishin ministra.

Qeveria e dytë, në krye me Dritan Abazoviqin, u përball pas tre muajsh me votë mosbesimi dhe deri më sot ajo funksionon me mandat teknik. /REL

The post PE shpreh keqardhje për situatën në Malin e ZI: Kriza politike rrezikon integrimin europian appeared first on Albeu.com.