Në çastin e votimeve, deputetët opozitarë u mblodhën përpara foltores dhe i binin me forcë tavolinave, duke shkaktuar trazirë në sallë.

Kur tensioni arriti kulmin, pamjet filmike tregojnë Gazment Bardhin, kreun e grupit parlamentar të PD-së, dhe deputetin Kelvis Balliu teksa hedhin ujë në drejtim të kryeministrit Edi Rama.

Pas këtij incidenti, Niko Peleshi e përjashtoi Bardhin nga seanca. I menjëhershëm, Bardhi e ashpërsoi përplasjen duke i drejtuar kartonët e votimit po ashtu kabinës së kryeministrit.

The post Përplasje në Kuvend: Bardhi dhe Balliu i hedhin ujë Ramës, Peleshi e nxjerr jashtë kreun e grupit demokrat appeared first on Albeu.com.

Aktiviteti i radhës është paralajmëruar për mëngjesin e së nesërmes, ku organizatorët u kanë bërë thirrje të gjithë mbështetësve të mblidhen në orën 08:30 në sheshin “Skënderbej” dhe prej andej të nisen në një marshim drejt godinës së Kuvendit të Shqipërisë.

The post Protestat opozitare vijojnë në Tiranë, thirrje për dorëheqjen e kryeministrit Rama appeared first on Albeu.com.

Megjithatë, në rendin e ditës të publikuar nga Kuvendi i Shqipërisë për seancën e 23 korrikut nuk figuron raporti i Komisionit të Posaçëm për Reformën Territoriale. Mandati i këtij komisioni përfundoi më 15 korrik.

Konferenca e Kryetarëve do të mblidhet paraditen e së enjtes për të shqyrtuar kalendarin e punimeve për periudhën 27-31 korrik. Në këtë takim pritet të diskutohet nëse do të thirret një seancë tjetër plenare, në rendin e ditës të së cilës, krahas ratifikimit të një marrëveshjeje në fushën e mbrojtjes, mund të përfshihet edhe raporti për Reformën Territoriale.

Nëse Konferenca e Kryetarëve vendos mbajtjen e një seance shtesë parlamentare, 27 korriku konsiderohet data më e mundshme për zhvillimin e saj.

Partia Socialiste kishte deklaruar se raporti do të paraqitej më 23 korrik. Përveç vlerësimit të reformës territoriale të vitit 2014, socialistët do të prezantojnë edhe propozimin e tyre për ndarjen e territorit në bashki.

Nga ana tjetër, të mërkurën pritet që Partia Demokratike të depozitojë në Kuvend vetëm analizën e saj për reformën territoriale të 2014-ës, pa paraqitur një propozim për hartën e re territoriale.

As raporti i PS-së dhe as ai i PD-së nuk u paraqitën në komision, ndaj nuk u hodhën as në votim.

Sipas Rregullores së Kuvendit, raporti për Reformën Territoriale duhet të shqyrtohet fillimisht në komision dhe vetëm më pas të kalojë për diskutim në seancë plenare.

Vendimmarrja e së enjtes, më 23 korrik, do të sqarojë nëse raporti për Reformën Territoriale do të shtohet në momentet e fundit në rendin e ditës apo nëse do të nevojitet një seancë tjetër parlamentare.

The post Kuvendi përcakton të enjten datën e paraqitjes së raporteve të PS-së dhe PD-së për Reformën Territoriale appeared first on Albeu.com.

Megjithatë, burime për gazetaren e Euronews, Enkelejda Mema, bëjnë të ditur se shqyrtimi i kësaj çështjeje pritet të kalojë në një tjetër seancë plenare. Shkak është ndërprerja e seancës së të hënës, pasi pikat që mbetën pa u trajtuar janë zhvendosur në rendin e ditës të seancës së të enjtes.

Konferenca e Kryetarëve pritet të mblidhet paraditen e së enjtes për të përcaktuar datën kur do të zhvillohet seanca e posaçme. Sipas burimeve, 27 korriku po diskutohet si mundësia më e mundshme.

Në të njëjtën kohë, PS-ja dhe PD-ja po punojnë për hartimin e raporteve të tyre. Ende nuk dihet nëse dokumentet do të përfshijnë propozime konkrete për konfigurimin e ri territorial, si edhe për numrin dhe emërtimet e bashkive.

The post Konferenca e Kryetarëve përcakton të enjten datën e seancës për reformën territoriale appeared first on Albeu.com.

Tensionet nisën kur deputetët e opozitës zunë foltoren dhe e bllokuan atë, duke mos lejuar paraqitjen e Avokatit të Popullit, Endri Shabani. Kjo situatë bëri që seanca të ndërpritet dy herë dhe të çojë në propozimin për shtyrje të diskutimeve.

Balla kërkoi që projekt-rezolutat për Këshillin e Lartë të Prokurorisë, Kontrollin e Lartë të Shtetit, Këshillin e Lartë Gjyqësor, Prokurorinë e Përgjithshme, Prokurorinë e Posaçme Kundër Korrupsionit dhe Krimit të Organizuar, Inspektorin e Lartë të Drejtësisë dhe Avokatin e Popullit të transferoheshin për shqyrtim në seancën e ardhshme.

“Të pesë institucionet e parashikuara për sot të kalojnë për në seancën pasardhëse. Synimi ishte një seancë e dedikuar raportimeve, por kjo nuk u realizua. Kërkoj që ky propozim të votohet,” tha Balla gjatë seancës.

Nga ana tjetër, Gazment Bardhi, kryetari i Grupit Parlamentar të Partisë Demokratike, e hodhi poshtë këtë zgjidhje. Ai propozoi që të përjashtohej vetëm raportimi i Avokatit të Popullit dhe Kuvendi të vazhdonte normalisht me institucionet e tjera.

“Nuk e shoh arsyen pas këtij propozimi. Nëse ramë dakord të ndryshojmë rendin, le ta vazhdojmë seancën tani. Ne kundërshtojmë vetëm praninë e Endri Shabanit, sepse çështja e zgjedhjes së tij ndodhet në Gjykatën Kushtetuese. Po e prishni këtë seancë dhe të radhës duke e provokuar opozitën,” argumentoi Bardhi.

Pas votimit elektronik, propozimi i Ballës u pranua me 76 vota për dhe 25 kundër, duke caktuar se të gjitha raportimet dhe projekt-rezolutat do të shqyrtohen në seancën plenare të 23 korrikut. Më pas, punimet e ditës u deklaruan të mbyllura.

The post Pas bllokimit të foltores nga opozita, Kuvendi shtyn raportimet e institucioneve kushtetuese për në 23 korrik appeared first on Albeu.com.

Në sallën e Parlamentit do të sillen dy raporte të veçanta, njëri i përgatitur nga Partia Socialiste dhe tjetri nga Partia Demokratike. Megjithatë, duke pasur parasysh peshën e mazhorancës, pritet që të kalojë dokumenti i socialistëve, të cilët kanë siguruar 84 vota, aq sa u duhen për ta bërë realitet.

Ajo që mbetet pezull është nëse krahas raportit, Partia Socialiste do të depozitojë edhe variantin e saj për konfigurimin e ri gjeografik të pushtetit vendor. Diskutimi përqendrohet në dilemën nëse vendi do të vazhdojë me 61 bashki apo do të hidhet një skemë e re që mund të shkojë në 50, apo edhe në 40 njësi vendore.

Sipas burimeve, propozimi që do të hidhet në tryezë do të fokusohet vetëm te rishikimi i ndarjes së territorit, pa ndërhyrë në kuadrin ligjor të vetëqeverisjes lokale dhe as në atë të financave të saj. Diskutimi mbi këto dy ligje parashikohet të zhvendoset për në sesionin e ardhshëm parlamentar, i cili fillon në shtator.

Ngelet për t’u parë nëse deri të enjten, shumica do të mbajë qëndrimet e shprehura më parë dhe do ta paraqesë për votim propozimin për një hartë të re administrative me një numër më të reduktuar bashkish.

The post Seanca e fundit parlamentare, PS dhe PD përplasin raportet për reformën territoriale, ç’e pret hartën e re? appeared first on Albeu.com.

Gjatë fjalimit të tij, ai përdori një gjuhë të ashpër për të ilustruar realitetin e përditshëm me të cilin përballen bujqit në terren.

Braçe ka marrë shembullin e shalqirit në Divjakë, teksa është shprehur se persona të paligjshëm, të palicencuar dhe të paregjistruar në organet fiskale shkojnë te bujku dhe imponojnë çmime të ulta.

Sipas tij, shitja e shalqirit në tregun aktual është 30 lekë kilogrami, kurse bujqve u merret me 6 deri në 7 lekë për kilogram.

Sipas deputetit të PS, “duhet bërë ndarja e zotëruesit të imputeve bujqësore nga grumbulluesi, eksportuesi dhe financuesi. Në rastin kur këto role bashkohen dhe nga ana tjetër, këta janë edhe prodhues, çmimi që do t’i imponojnë bujkut do të jetë gjithnjë e më i ulët sepse askush nuk është i interesuar të blejë me çmim të lartë”.

Ai ka ka treguar se bujku vihet para presionit për të shitur me çmim të ulët në të kundër i thuhet “ik pirdhu”!

“Çfarë po ndodh sot në Divjakë me shalqirin? Persona të paligjshëm, të palicencuar dhe të paregjistruar në organet fiskale shkojnë tek bujku, shfrytëzojnë situatën e tij të vështirë dhe i imponojnë çmimin e tyre.

Cili është çmimi sot? 6-7 lekë. Sa është çmimi pak më lart se këtu? 30 lekë.

Prandaj duhet të bëjmë diçka dhe t’i japim sukses kësaj skeme që po miratojmë sot me ligj. Për ta bërë këtë, duhet të nisim nga sistemi fiskal për prodhimin bujqësor dhe produktet bujqësore. Nëse nuk e bëjmë këtë, ky ligj do të dështojë.

Së dyti, duhet bërë ndarja e zotëruesit të imputeve bujqësore nga grumbulluesi, eksportuesi dhe financuesi. Në rastin kur këto role bashkohen dhe nga ana tjetër, këta janë edhe prodhues, çmimi që do t’i imponojnë bujkut do të jetë gjithnjë e më i ulët sepse askush nuk është i interesuar të blejë me çmim të lartë.

Shprehja që përdoret sot nga këta është: “Do ta lësh shalqirin me kaq lekë”?

“Jo”.

“Atëherë ik pirdhu, se nuk ta marr”!

Më falni për shprehjen, por kjo është marrëdhënia tregtare që ekziston sot në fusha.

Bëjmë mirë ta ligjërojmë këtë proces dhe të legjitimojmë një mekanizëm që mbron bujkun dhe prodhimin e tij. Asnjë dëftesë tregtare nuk do ta mbrojë bujkun nëse nuk rregullojmë tregun, nuk rregullojmë sistemin fiskal dhe nuk mbrojmë prodhuesit.

Raste suksesi ka, por ka edhe raste që duhet të trajtohen dhe të zhbëhen, sepse janë pjesë e abuzimit ndaj bujkut. Ato ekzistojnë dhe duhet të eliminohen sa më parë, në mënyrë që fermerët të mund të marrin frymë”, thekson Braçe.

The post Do e japësh me kaq lekë ose ik p*rdhu/ Erion Braçe në Parlament kërkon mbrojtje ligjore për prodhimet bujqësore! Persona të paligjshëm u imponojmë çmimet e ulta appeared first on Albeu.com.

Projektligji u votua nme 113 vota pro dhe vetëm 1 abstenim, votë e deputetit të Lëvizja Bashkë, Redi Muçi.

Javën tjetër pritet që kryeministri Rama të udhëtojë në SHBA, ku do të marrë pjesë në Shtëpinë e Bardhë në tryezën e Bordit, tryeza e parë ku Trump do të shpalosë planin e tij për të konkretizuar paqen dhe rindërtimin e Gazës.

The post Miratohet në parlament pjesëmarrja e Shqipërisë në “Bordin e Paqes” me 113 vota pro appeared first on Albeu.com.

Rama shprehu keqardhje për kundërshtimet ndaj emërimit të Diellës në kabinet dhe theksoi se pozicioni i saj është zyrtar.

Rama: Diella do të ushtrojë një ndikim vendimtar për përshpejtimin e këtij procesi të anëtarësimit. Ajo do të mbështetet nga AI 4 që do të ketë lirinë e plotë të operojë

Akseleratori AI 4 do të bashkojë talentet më të mira brenda vendit, shqiptare ne diasporë, por edhe të huaj.

Do të ndërtojë kompani që mund të kenë vlerë të konsiderueshme për Shqipërinë.

Diella me akseleratorin e saj AI 4 do të pasqyrojë bukur Shqipërinë si një vend me ambicie.

Do ta kthejë institucionet në platformat zhvillimore të AI. Jam i keq ardhur për kundërshtimet për Diellen si anëtare e kabinetit dhe me keqkuptimet për rolin.

Duke qenë se Diella është e integruar në dekretin e presidentit, atëherë para se të vazhdoj më tej kërkoj nga shërbimi i Kuvendit ti jap fjalën Diellës.

The post Rama i jep fjalën Diellës në Parlament: Jam i keqardhur për ata që kundërshtojnë ministren e Inteligjencës Artificiale, ja kush do ta mbështetë punën e saj appeared first on Albeu.com.

Berisha u shpreh gjithashtu se; po afron momenti kur PD do të marrë vendimet përkatëse mbi hapat e ardhshëm, por një gjë është e qartë, theksoi ai, “rezultati i zgjedhjeve nuk do të pranohet nga opozita”.

Mes të tjerash, ai theksoi se çdo qytetar apo opozitar që pranon rezultatin e këtyre zgjedhjeve, ku sipas tij, bëhet bashkëfajtor në një farsë që cenon themelet e demokracisë.

Po ashtu, Sali Berisha, u shpreh se aksionin opozita do ta zhvillojë edhe në parlament.

Pyetje: A do të shkojë PD në parlament?

Sali Berisha: “Po afrohet momenti kur PD do të marrë vendimet përkatëse, një gjë është e sigurt që PD këto zgjedhje nuk do ti njohë kurrë.

Unë deklaroj këtu se çdo shqiptar, çdo opozitar që mendon se mund të tolerohen këto zgjedhje, bëhet bashkë autor në këtë mega krim elektoral dhe shkelmon mbi idealet e lirisë. Kam përshtypjen se shqiptarët do ti përgjigjen në mënyrën më të fuqishme kësaj farse që zhvilloi Edi Rama më 11 maj

U përket shqiptarëve dhe opozitës të ngrihen me gjithë fuqinë e tyre, të gatshme për çdo betejë për rikthimin e votës së lirë të qytetarëve shqiptarë”.

Pyetje: A do ta bëjë këtë betejë edhe në parlament?

Sali Berisha: “PD do ta bëjë këtë betejë kudo. Është betejë për jetën ose vdekjen e votës së lirë”.

The post A do të shkojë PD në Parlament? Ja si përgjigjet kryedemokrati Sali Berisha appeared first on Albeu.com.