Sipas njoftimit zyrtar, specialistët për Hetimin e Krimeve në Komisariatin e Policisë Durrës kanë referuar materialet në Prokurori, duke e klasifikuar ngjarjen si aksidentale.

Nga veprimet e para hetimore dyshohet se zjarri është shkaktuar nga një shkëndijë elektrike në baterinë e njërit prej autobusëve.

Njoftimi:

“Në vijim të informacionit të dhënë ditën e djeshme, lidhur me zjarrin në parkun e autobusëve, ku u dogjën 8 autobusë që ndodheshin jashtë funksionit, informojmë se specialistët për Hetimin e Krimeve të Komisariatit të Policisë Durrës referuan materialet në Prokurori si ngjarje aksidentale, pasi nga veprimet e para hetimore dyshohet se zjarri është shkaktuar nga një shkëndijë elektrike në baterinë e njërit prej autobusëve”, njoftojnë uniformat blu.

The post Zjarri në parkun e autobusëve në Durrës, policia jep detaje appeared first on Albeu.com.

Terreni i thepisur malor vështirë, mungesa e rrugëve të aksesueshme dhe mungesa e burimeve ujore në afërsi vështirësojnë punën e forcave zjarrfikëse, të cilët janë duke punuar me mjete dore si lopata, kazma dhe pompa shpine.

Zjarri rrezikon të përhapet në drejtim të parkut kombëtar të Llogarasë, një zonë me rëndësi të lartë ekologjike dhe natyrore.

Raportohet se vija e zjarrit është e gjatë rreth 3 deri në 4 kilometra dhe ka degëzime të shumta që mund të përhapen më tej, për shkak të erës dhe terrenit të thyer malor.

Krahu jugor i zjarrit, i cili ndodhet më pranë zonës së mbrojtur të Llogarasë, konsiderohet si më kritik dhe po mbahet nën monitorim të vazhdueshëm.

The post Vijon zjarri në malin e Dukatit, rrezikohet parku kombëtar i Llogarasë appeared first on Albeu.com.

Investimet e bashkisë së Tiranës e kanë transformuar këtë park jo vetëm me korsitë e biçikletave, molin e varkave, por edhe duke krijuar kënde sportive dhe argëtuese, të cilat frekuentohen nga qytetarë të moshave të ndryshme.
Kryeministri Edi Rama ndau sot në rrjetet sociale foto nga Parku i Madh, të cilin e cilësoi një oaz të qetë të Tiranës.
Investimet në rrugë, ndërtimi i parqeve për fëmijë, shtimi i pemëve, sistemimi i koshave të mbeturinave, këndet sportive, lulishte dhe ndriçimi e bëjnë parkun, destinacion të preferuar për kryeqytet.

Shëtitorja e re me pista pedalimi e vrapimi me rrjet të ri ndriçimi, rrugicat ndërlidhëse, palestër në natyrë, si dhe fusha multisportive janë kthyer në atraksione për qindra kryeqytetas.  Parkut të Liqenit i është shtuar edhe Pagoda, një objekt origjinal që sjell traditën kineze të ndërtimit në Shqipëri, duke shërbyer si vend relaksi dhe bisedash mes miqve.

Në park është rikonstruktuar edhe moli i Liqenit të Tiranës, ku veç shkallëve u bë ndërtimi i tij nga e para. Për të qenë i aksesueshëm edhe në orët e mbrëmjes, ai është pajisur me sistem ndriçimi, ndërsa nuk mungon as gjelbërimi.

The post Rama: Parku i Madh i Liqenit, oaz i qetë i Tiranës appeared first on Albeu.com.

Kryeministri thotë se Beratit po i shtohet një atraksion i ri turistik, me projektin e Parkut të Liqenit të Mbreshtanit.

Rama gjithashtu, ka publikuar disa foto nga punimet në këtë park, ku thekson se do të shndërrohet në një pikë takimi me natyrën dhe se do t’i bëjë shëtitjet e qytetarëve edhe më të këndshme.

Postimi i Ramës:

“Një atraksion i ri turistik po i shtohet Beratit me projektin e Parkut të Liqenit të Mbreshtanit, i cili do të shndërrohet në një pikë takimi me natyrën, me shtimin e gjelbërimit dhe pedonalen e re rreth e përqark, për t’i bërë shëtitjet e qytetarëve edhe më të këndshme”, shkruan kreu i qeverisë.

The post Rama ndan pamje nga punimet në Parkun e Liqenit të Mbreshtanit: Beratit po i shtohet një atraksion i ri turistik appeared first on Albeu.com.

Në një njoftim në rrjetet sociale, Lëvizja Bashkë ka ftuar qytetarët të protestojnë, ashtu si edhe një ditë më parë.

Kjtojmë që edhe pasditen e djeshme qytetarët protestuan në vendin ku pritet të ndërtohet kulla dhe më pas shkuan drejt Bashkisë, duke akuzuar Erion Veliajn dhe Edi Ramën si përgjegjës për shkatërrimin e hapësirës publike.

Njoftimi:

Dy protestat e para kanë tërhequr vëmendjen e qytetarëve të Tiranës për krimin urbanistik që po ndodh me prishjen e parkut pas Teatrit të Operës dhe Baletit. Qindra qytetarë kanë marrë pjesë në to dhe shumë të tjerë janë informuar nga fushata ndërgjegjësuese intensive e aktivistëve të Lëvizjes BASHKË.

Ndonëse muaj pushimesh, i zgjedhur tinëzisht nga oligarkët dhe pushtetarët, qytetarët e Tiranës po tregojnë kundërshtinë e tyre ndaj përvetësimit të hapësirës publike, zhdukjes së gjelbërimit dhe ndotjes së ajrit.

Lëvizja BASHKË vazhdon me këmbëngulje të thërrasë qytetarët në protestë, e bindur se vetëm masiviteti i rezistencës mund ta shpëtojë parkun.

Ne luftojmë për jetën!

Ne angazhohemi për qytetin!

Ne përpiqemi BASHKË!

Ju ftojmë të na bashkoheni sërish, më të shumtë e të vendosur, në protestën e ditës së enjte, 10 gusht, aty ku sot është një vend krimi, por nesër mund të bëhet një hapësirë shprese!

Takohemi në parkun tonë!

The post “Vetëm rezistenca mund ta shpëtojë parkun”, sërish protestë kundër kullës pas Teatrit të Operas dhe Baletit appeared first on Albeu.com.

Pas reagimeve të shumta nga politikanë e personazhe të njohur, pritet një përgjigje edhe më e madhe në kundërshtim të ndërtimit të kullës.

Ditën e sotme në orën 18:30 “Lëvizja Bashkë” ka thirrur një protestë pranë parkut ku pritet të ngrihet kulla.

“Mbrojtja e parkut pas Teatrit të Operës dhe Baletit ka nevojë për angazhimin e çdo qytetari të ndershëm në një zinxhir protestash.

Në Tiranën e sotme, të mbytur nga ndërtimet pa kritere urbanistike, zhdukja e një parku është një humbje e madhe për jetën e qytetit dhe shëndetin e qytetarëve.

Ne mund dhe duhet ta zmbrapsim këtë logjikë çnjerëzore.

Lëvizja BASHKË fton të gjithë qytetarët e Tiranës që sërish sot (e martë) në orën 18:30 të ngremë zërin në vendin e krimit.

Qytetarët e bashkuar janë më të fortë se pushtetarët e korruptuar! Takohemi te parku ynë”, shkruajnë ata në një njoftim në Facebook.

Ndërkohë, anëtarja e Këshillit Bashkiak Enriketa Papa, ka dorëzuar në SPAK dosjen për kullën që do të ndërtohet pas Teatrit të Operas dhe Baletit.

Në një deklaratë për mediat ajo theksoi se ky është vetëm hap i parë dhe se Partia Demokratike nuk do të ndalet, por do të denoncojë aferat korruptive që bëhen në kurriz të qytetarëve.

The post “Larg duart nga parku!” Kundër kullës me 58 kate në mes të Tiranës, qytetarët dalin sot në protestë appeared first on Albeu.com.