Çfarëdo kategorie që i përkisni, patjetër që dëshironi që parfumi juaj të zgjasë shumë dhe të mos zhduket pas një kohe. Disa janë më të fortë se të tjerët dhe zgjasin mjaft kohë me një spërkatje të vetme. Disa duan pak “ndihmë” dhe ne do t’jua japim.

Fillimisht le t’ju themi se parfumet me fruta dhe me lule zgjasin më pak se ato me drurë dhe pikante, kështu që nëse dëshironi qëndrueshmëri pa mundim, këto të fundit janë ato që ju nevojiten. Por nëse ju pëlqejnë ato të kategorisë së parë, do të ishte mirë t’i spërkatni në pjesët e trupit ku ka puls (brenda kyçeve dhe anëve të qafës), por edhe në vende si kërthiza dhe pjesa e brendshme e gjunjëve.

Një këshillë që patjetër do t’ju ndihmojë është të merrni kremin përkatës të trupit të parfumit që ju pëlqen dhe t’i vendosni së bashku për intensitet dhe kohëzgjatje më të madhe. Nëse nuk e dëshironi ose nuk disponohet në treg, përpiquni të shmangni edhe kremrat me një aromë ndryshe, të fortë, pasi në këtë mënyrë do të ngatërroni aromat.

Së fundi, ruani parfumet tuaja në një vend të errët dhe të freskët dhe gjithmonë sigurohuni që të mbyllni mirë kapakët e tyre, pasi ajri mund të ndryshojë përbërjen e tyre dhe, si rrjedhojë, kohëzgjatjen dhe intensitetin e aromës. /albeu.com

The post Doni që aroma e parfumit të zgjasë më shumë? Ndiqni këto tre “sekrete” appeared first on Albeu.com.

Tradita që filloi me mbretëreshën Viktoria vazhdon edhe sot e kësaj dite dhe nuk është rastësi që simbole të ndryshme të monarkisë zbukurojnë shishet e çmuara të shtëpisë.

Këtë herë shtëpia vendosi të hedhë në treg, një parfum që do të kalojë në çmim çdo gjë tjetër në treg. Imperial Majesty është një edicion special i Nr.1, tashmë aroma kryesore e gamës, e cila është e disponueshme në një shishe gjysmë litri. Vetë shishja është prej kristali Baccarat, qafa e shishes është prej ari 18 karatësh dhe në vend të tapës ka një diamant 5 karatësh.

Prodhimi i tij është kufizuar në 10 shishe dhe 5 ose 7 prej tyre janë dorëzuar te pronarët e tyre me fat. Për dërgesën është kujdesur vetë shtëpia e Clive Christian pasi transportohet me një Bentley që kushton pak më pak se parfumi dhe dërgohet privatisht. Pjesa tjetër e shisheve janë në dispozicion të shtëpisë dhe po vizitojnë butikët Clive Christian anembanë botës si pjesë e programit “eat fish eyes”. Parfumi kushton 400,000 euro.

Rikujtojmë, se një kompani amerikane ka nxjerrë në treg një parfum që mban aromë të pazakontë, atë të proshutës. Wright N°100 është prodhuar për të festuar 100-vjetorin e kompanisë dhe kushton rreth 20 dollarë në faqen e internetit Wright100.com. Parfumi është për të dyja gjinitë dhe është krijuar në bashkëpunim me Ann Gottlieb, e cila ka bërë edhe parfume për klientë si Britney Spears, Victoria’s Secret dhe Calvin Klein. Përveç aromës së proshutës, parfumi ka edhe aromë molle dhe druri.

The post Sa kushton? Ky është parfumi më i shtrenjtë në botë appeared first on Albeu.com.

Por a duhet të lyeni me parfum çdo cep të trupit?

Që parfumi juaj të zgjasë sa më gjatë, duhet ta hidhni atë jo vetëm tek kyçet e duarve dhe qafa, por dhe në zona të tjera të ndjeshme të trupit si pjesa pas gjunjëve, kërthiza dhe mbrapa veshëve, por kurrë në flokë.

Sipas ekspertes së flokëve Sophia Hilton, përdorimi i parfumit mbi flokë i than ata dhe aroma mund të çojë në disa dëmtime serioze.

“Ne nuk e mendojmë dy herë kur hedhim parfum në qafë çdo ditë. Kështu që ne nuk e mendojmë sesa e lartë është përqindja e alkoolit dhe si 1/3-ta e tij absorbohet menjëherë, jo nga lëkura, por nga flokët tanë! Më e keqja është se disa vajza u hedhin parfum flokëve, duke e bërë atë shumë të thatë”- përfundoi ajo.

The post A duhet t’i lyejmë flokët me parfum? Ekspertët japin përgjigje appeared first on Albeu.com.