Bimët e kanabisit janë asgjesuar nga policia, ndërsa është vënë në pranga një 28-vjeçar, i dyshuar si kultivues i tyre. Gjithashtu është proceduar penalisht për shpërdorim detyre, kryetari i fshatit Gallatë.

Njoftimi i policisë

Kurbin/Vijon operacioni antikanabis “Imazhi 2” Si rezultat i kontrolleve me dron, është evidentuar dhe goditur një rast tjetër i kultivimit të bimëve narkotike.

Asgjësohen me anë të djegies, 285 bimë të dyshuara narkotike cannabis sativa, të kultivuara në zonë pyjore, në fshatin Gallatë.

Vihet në pranga 28-vjeçari, i dyshuar si kultivues i tyre.

Procedohet penalisht për shpërdorim detyre, kryetari i fshatit Gallatë.

Në zbatim të planit operacional mbarëkombëtar, të hartuar nga Drejtoria e Përgjithshme e Policisë së Shtetit, për intensifikimin e kontrolleve, me shërbime të shtuara dhe logjistikë bashkëkohore, me qëllim parandalimim dhe goditjen e tentativave që në fazë fillestare të kultivimit të bimëve narkotike, shërbimet e Komisariatit të Policisë Kurbin, në kuadër të operacionit policor të koduar

“Imazhi 2”, kanë goditur një rast tjetër të kësaj veprimtarie kriminale.

Gjatë këtij operacioni, përmes përdorimit të dronit, në një zonë pyjore të fshatit Gallatë, njësia administrative Milot, u konstatuan të kultivuara 285 bimë të dyshuara narkotike cannabis sativa, të cilat pas veprimeve procedurale dhe hetimore, u asgjësuan me anë të djegies.

Në vijim të veprimeve procedurale, u bë arrestimi në flagrancë i shtetasit A. B., 28 vjeç, i dyshuar si kultivuesi i bimëve narkotike.
Gjithashtu, nisi procedimi në gjendje të lirë, për shpërdorim detyre, për shtetasin Gj. B., 51 vjeç, me detyrë kryetar i fshatit Gallatë.
Materialet procedurale i kaluan Prokurorisë, për veprime të mëtejshme./albey.com/

The post VIDEO/ Gjendet parcelë me kanabis në Kurbin, arrestohet i riu, nisin hetimet për kryeplakun e fshatit appeared first on Albeu.com.