Ajo i ka bërë thirrje institucioneve të drejtësisë që të hapin hetim e të verifikojnë figurën e saj.

Sipas saj, përgjegjës për këto akuza të rreme është kryeministri Edi Rama. Deputetja e PL shtoi se Rama ka nisur një fushatë të gjerë dezinformimi duke përdorur shërbime izraelite.

Deklarata e plote: 

Jam sot në këtë deklaratë për t’ju treguar disa të vërteta.

Projekti Ndërkombëtar për Raportimit e Krimit të Organizuar dhe Korrupsionit, ka nxjerrë një artikull më datë 24 Mars 2023, lidhur me një organizatë shumë të famshme Izraelite, e cila ishte përfshirë në një fushatë baltosjeje kundër kundërshtarit politik të presidentit të Serbisë duke falsifikuar dokumente bankare.

Ja se çfarë thotë artikulli:

“Vuçiç më pas pretendoi se kundërshtari i tij kishte fshehur pasurinë e tij në mënyrë të paligjshme në banka në mbarë botën dhe parashikoi se më shumë detaje do të dilnin së shpejti.

Gjashtë ditë më vonë, gazetat pro-qeveritare serbe filluan të botonin histori rreth llogarive të supozuara të kundërshtarit të Vucicit në offshore.

Për dy javë, akuzat për milionat e supozuara të kundërshtarit të Vucicit dominuan titujt kryesorë të gazetave.

Gazetarët pohuan se kishin prova se llogaritë ekzistonin, komentuesit u shprehën se kishte pastrim parash dhe evazion fiskal, ndërsa zyrtarët kërcënuan me pasoja.

Dëshmitë e mbledhura nga OCCRP dhe partnerët e saj raportues sugjerojnë se raporti i falsifikuar i bankës është krijuar nga Tal Hanan, një ekspert izraelit i eksplozivëve që shet shërbime dezinformimi.”

Pra është ky grup, që quhet “Team Jorge”, i cili është botërisht i njohur si një falsifikator dhe prodhues dezinformimi për të mbajtur në këmbë autokratët.

“Team Jorge” e liderit Tal Hanan, ka një aktivitet të gjerë në ballkan dhe Tal Hanan është një emër i njohur edhe për organet e sigurisë të vendeve tona partnere.

Ka disa burime të cilat i besoj, më kanë krijuar bindjen se Edi Rama, shoku i ngushtë i planeve ballkanike me Aleksander Vucic, mund të ketë përdorur të njëjtat shërbime të Izraelitit Tal Hanan, për të prodhuar edhe fushatën e shpifjeve kundër emrit tim, që ka xhiruar në gojën e qeveritarëve dhe mediat e lidhura me ta këto ditët e fundit.

Unë dua të sqaroj përpara opinionit publik, se Monika Kryemadhi, nuk ka patur dhe nuk ka asnjë llogari bankare jashte territorit të Shqipërisë.

Dua t’ju konfirmoj, se nuk kam asnjë marrëdhënie biznesi jashtë territorit të Shqipërisë.

Si dhe nuk kam qenë kurrë aksionere në asnjë kompani private, as brenda, as jashtë vendit, në jetën time.
Arsyeja e angazhimit nga Edi Rama, të shërbimeve të ngjashme me ato që Tal Hanan ka ofruar në shërbim të Vucicit të Serbi, siç e deklaron OCCRP, kanë të bëjnë vetëm me një gjë:

INCENERATORËT!
Unë si kallëzuese e inceneratorëve, nuk i kthehem pas kallëzimeve të mija, për faktet flagrante të shkeljes së ligjit nga Edi Rama, Erion Veliaj, Armando Subashi, dhe të gjithë zyrtarët e zinxhirit të këtij grupi mafioz.

Për të gjithë shqiptarët, dua ta dini se këto shërbime të dezinformacionit janë të gjitha të financuara nga paratë tuaja.

Ndaj paratë për inceneratorët nuk ndalojnë. Sepse ndaj, Erion Veliaj paguan cdo ditë inceneratorin e Tiranës, që ju e keni parë me video se Aty mbetjet as nuk trajtohen, as nuk digje, por vetëm hidhen kapic në mënyrë primitive.
Sepse, me paratë që Erion Veliaj paguan inceneratorin e Tiranës, blihen media kombëtare brenda vendit dhe kontraktorë të botës së errët që ofrojnë shërbime nga më të dyshimtat.

Megjithatë,

Ju rikujtoj edhe njëherë se, me Artikujt, Mediat, Televizionet që ushqehen me paratë e vjedhura nga shqiptarët, do të shihemi në gjykatë.

Ndërsa për Edi Ramën, të jeni të sigurt se ai e di shumë mirë se cfare e pret.

Ashtu siç i kam përmendur e para në Shqipëri marrëdhënien dhe investigimin e McGonigal, në 15 shtator 2022 në emisionin Opinion, ashtu do të dali e vërteta edhe për Izraelitët e Ramës, me fushatën shumë të dobët të dezinformimit, kundër meje dhe opozitës shqiptare, me anë të së cilës ai kërkon në dëshpërim të shpëtojë veten e tij!

Faleminderit!

The post “Nuk kam llogari jashtë Shqipërisë”, Kryemadhi mohon akuzat: Dezinformimi kundër meje financohet nga paratë e shqiptarëve appeared first on Albeu.com.

Basha e cilësoi skandalin një përpjekje për ta baltosur dhe kjo sipas tij nuk është hera e parë që i ka ndodhur gjatë rrugëtimit të tij politik.

Ish-kreu i PD u shpreh se ajo që ka ndodhur me të është pjesë e kulturës së vjetër që nga komunizmi që vazhdon end; shkatërreimi i kundërshtarit politik gjë që siç tha duhet të marrë fund.

Basha: E vetmja gjë, është një keqardhje e madhe që kultura e vjetër politike e rrënjosur nga diktatura vazhdon, është detyra jonë si brez i ri për të ndërtuar një kulturë të re politike, duke lënë pas rrugën e shpifjeve dhe baltosjeve. Kësaj politike po i mbaron rruga, ky është momenti të kuptojmë 32 vjet pas rrëzimit të diktaturës se shqiptarët duan dhe meritojnë një kulturë të re politike dhe një politikë që ofron zgjidhj.

Në një intervistë për Euronewës Albania mohoi që gjatë kohës kur ka qenë në krye të PD të ketë përdorur para nga financim i huaj e aq më tepër rus.

Basha: Nuk besoj në baltën në politikë, faktet kanë dalë dhe janë ato që unë kam shprehur prej fillimit; as PD as unë s’kemi përdorur asnjë cent financim të huaj aq më tepër rus. Kemi qenë në krah të aleatëve, kemi bërë edhe zgjidhje të dhimbshme të vështira për të qenë në krah të SHBA. Kur faktet flasin vetë, futja në një betejë baltosjeje s’ka më vend, e vërteta po shpaloset çdo ditë. E vetmja gjë që duhet është që kjo e vërtet të shërbejë për të mbyllur plagët jo të keqpërdoret politikisht. Kjo duhet të shërbejë për të mbyllur politikën e vjetër, shkatërrimin e kundërshtarit politik./Albeu.com/

The post Paratë ruse në PD dhe skandali McGonigal, Basha thyen heshtjen: Manovër për të më baltosur appeared first on Albeu.com.

Kryeministri Edi Rama është kritikuar nga opozita në Shqipëri për fjalimin e mbajtur në Strasburg në Këshillin e Evropës.

Kritikave kryeministri iu përgjigj me një postim në tëitter ku shprehet se opozita e rublave është e zhytur shumë më thellë se sa duket në thesin e parave ruse.

“Rublat vazhdojnë të flasin mbrapsht në Tiranë, siç folën në 2011 përmes votës KUNDËR Kosovës, e vetë Shqipërisë dhe PRO Rezolutës famëkeqe, që lemerisi botën me shkulësit e organeve shqiptarë! Opozita e rublave është e zhytur shumë më thellë se sa duket në thesin e parave ruse…”, shkruan Rama.

Ish-kryeministri Sali Berisha e quan Ramën armik të kombit shqiptar, ndërsa qëndrimin e tij në Strasburg e quan si thikë pas shpine për Kosovën dhe Shqipërinë.

Berisha në konference me gazetaret u shpreh se fjalimi i Ramës ishte grotesk që mund ta mbante vetëm Lukashenko i Bjellorusisë./albeu.com

The post Kritikat për fjalimin në KiE, Rama sulmon opozitën: Rublat vazhdojnë të flasin mbrapsht në Tiranë appeared first on Albeu.com.

Fokusi i vizitës do të jetë i njëjtë me atë të mbledhjes së djeshme në KQZ. Ambasadorja Kim, paraditen e djeshme takoi komisionerin qendror të zgjedhjeve Ilirian Celibashi në KQZ. Të pranishëm në takim ishin edhe Damian Gjiknuri, Jorida Tabaku dhe Monika Kryemadhi.

Siç mësoi gazetarja Esiona Konomi, Kim ndodhej në KQZ për raportin e DASH për paratë ruse në partitë shqiptare.

Rusia ka dhënë fshehurazi mbi 300 milionë dollarë për parti politike dhe kandidatë në dhjetëra vende, që nga viti 2014 dhe Presidenti Putin është angazhuar në financim të fshehtë politik në mbarë botën, sipas një zyrtari të lartë amerikan.

Sipas zyrtarit që foli me median, ky është përfundimi në të cilin arrin një raport i komunitetit amerikan të zbulimit i cili ka analizuar financimet e Rusisë “në mbi 24 vende gjatë viteve të fundit në një përpjekje për të manipuluar demokracitë nga brenda”.

Sipas një burimi me njohuri mbi raportin amerikan të zbulimit, Shqipëria është një nga këto vende.

“Në Shqipëri, Rusia i dha rreth gjysmë milioni dollarë Partisë Demokratike në 2017 përmes kompanive fantazëm”, tha burimi i qeverisë amerikane.

Burimi nuk dha hollësi të mëtejshme për rastin e Shqipërisë. Por viti 2017, emri i Partisë Demokratike dhe shifra e përmendur prej 500 mijë dollarësh përkojnë me hetimet që janë hapur në Shqipëri në atë kohë ndaj PD-së bazuar në deklarimet që firma lobuese amerikane ‘Muzin Capitol Partners’ ka raportuar se ka marrë nga PD-ja.

The post Paratë ruse, Yuri Kim takohet sot me Ballën dhe Alibeajn appeared first on Albeu.com.

Ai tha se këto para ishin ato me të cilat Rama mbante peng opozitën e cila i fali të gjitha institucionet.

Sipas tij koha që opozita mbahej peng ka mbaruar, dhe shumë shpejt Rama do t’i kthejë të gjitha pushtete me hir apo pahir sovranit.

“Nuk është thjeshtë problemi i parave ishin ruse apo nuk ishin ruse, atë le ta sqarojnë vetë amerikanët dhe PD. Problemi është se u përdor kjo aferë për të prodhuar modelin rus të kapjes së shtetit. U përdor një aferë që gjithë drejtësinë ta kapte Rama. U bë një aferë për të provokuar opozitën në emër të popullit që të gjithë institucionet t’ia falnin Edi Ramës. E pra kjo kohë përfundoi, ndaj Edi Ramës i është futur frika në palcë, se e di shumë shpejt do t’i duhet me hir apo pahir të dorëzojë në duart e sovranit të gjitha pushtetet që ka uzurpuar”, tha Meta.

The post Paratë ruse në PD, Meta: Me këtë aferë qeveria ia mori të gjitha pushtete dhe institucionet Bashës appeared first on Albeu.com.