Ajo bëri të ditur se vlerat termike do të jenë në përputhje me muajin korrik.

Sipas parashikimit të saj, të hënën termometri do të shënojë deri në 33°C, ndërsa të martën dhe të mërkurën pritet një ngjitje e lehtë, rreth 34°C.

Porja nënvizoi se në këto tre ditë në zonat malore si Bajram Curri, Puka, Bulqiza, Peshkopia, Librazhdi, Elbasani dhe qarku i Korçës do të ketë rrebeshe shiu.

Që prej së enjtes, sipas saj, masat e nxehta afrikane do të kthehen sërish në Shqipëri dhe në gjithë rajonin e Ballkanit. Kjo periudhë e të nxehtit ekstrem pritet të zgjasë të paktën 5 deri në 6 ditë.

Ajo shtoi gjithashtu se; gjatë fundjavës temperaturat do të rriten gradualisht nga dita në ditë dhe mund të shkojnë deri në 39°C ose 40°C. Sipas saj, nga data 9 korrik e në vazhdim do të regjistrohen vlerat më të larta të këtij muaji.

The post Paralajmërimi i meteorologes Lajda Porja: Ja kur rikthehen temperaturat ekstreme appeared first on Albeu.com.

Sipas tij, dita e sotme karakterizohet nga mot i qëndrueshëm dhe intervale të gjata me diell në të gjithë vendin, me kthjellimet më të theksuara përgjatë vijës bregdetare.

Për temperaturat, ai theksoi se vlerat më të larta sot pritet të regjistrohen pranë 36°C në qarkun e Elbasanit dhe Beratit. Deri në 35°C priten maksimumet në Tiranë, Shkodër dhe Gjirokastër, ndërsa në bregdet gjatë mesditës temperaturat do të lëvizin nga 31 deri shumë pranë 34°C.

Zona më e freskët e territorit shqiptar mbetet juglindja, ku temperaturat do të variojnë nga 28 deri në 30°C. Osmani sqaroi se kjo fundjavë sjell temperatura më të pranueshme, pasi ndonëse sot maksimumi arrin 36°C, të dielën pritet një ulje e lehtë dhe temperaturat maksimale në rang territori do të jenë rreth 34 apo 35°C.

I pyetur nga gazetarja Alba Xhani për ecurinë e motit gjatë javës tjetër, Osmani u shpreh se java që vjen do të dominohet nga kushte të qëndrueshme atmosferike, të shoqëruara me kalime të lehta vranësirash.

Ai bëri të ditur se e hëna do të nisë me mot të qëndrueshëm, intervale të gjata kthjellimesh dhe vranësira të pakta, situatë që do të vijojë deri në mesditë. Më pas, në pjesën e dytë të ditës, parashikohet shtim i vranësirave në gjysmën lindore të territorit, duke përfshirë zonat verilindore, juglindore dhe pjesërisht qendrën.

Sipas tij, lagështira e lartë në orët e pasdites do të krijojë mundësi për rrebeshe të izoluara shiu, të cilat pritet të jenë më të dukshme në veri dhe verilindje, konkretisht në qarkun e Bajram Currit, Pukës dhe Kukësit, ku reshjet do të jenë disi më prezente.

Edhe dita e martë, tha Osmani, do të nisë me intervale të gjata me diell gjatë orëve të mëngjesit, por më pas, në pjesën e dytë të ditës, priten vranësira dhe reshje të pakta shiu. Këto reshje do të jenë kryesisht lokale dhe më të dukshme në zonat jugore dhe juglindore, ndërsa pjesa tjetër e vendit, sidomos vija bregdetare, do të mbetet e mbrojtur gjatë gjithë 24-orëshit.

Përsa i përket temperaturave të ajrit, të paktën deri të mërkurën maksimumet në rang territori do të luhaten rreth 34-35°C në qytetet e zonës së ulët.

Pas të mërkurës, sipas meteorologut, temperaturat do të nisin sërish rritjen. E enjtja dhe e premtja pritet të sjellin maksimume mbi 36°C në të gjithë territorin.

Ai shtoi se rritje do të ketë edhe në temperaturat minimale të mëngjesit. Në qytetet e zonave malore, gjatë mesjavës minimumet do të ngjiten në 14-15°C, ndërsa në pjesën e dytë të javës do të regjistrohen rreth 17°C. Ndërkohë, në ultësirën perëndimore, orët e para të mëngjesit në pjesën e dytë të javës do të sjellin minimale nga 19 e shumë pranë vlerave 26°C, duke bërë që temperaturat e larta të ndihen sërish në vendin tonë.

The post Parashikimi i motit për fundjavën dhe javën e ardhshme, kthjellime dhe temperatura të larta në vend appeared first on Albeu.com.

Ai bëri me dije se, krahas temperaturave të larta, në pjesën e dytë të ditës do të ketë edhe vranësira dhe reshje shiu, kryesisht në zona të izoluara të vendit.

Sipas Osmanit, fillimi i javës për Shqipërinë mbetet nën ndikimin e valës së të nxehtit që ka përfshirë rajonin e Ballkanit. Për këtë arsye, temperaturat maksimale do të shkojnë në 40°C në qarqet e Elbasanit, Beratit dhe gjithashtu në Shkodër.

Vlera shumë të larta termike priten edhe në qarkun e Tiranës dhe të Gjirokastrës, ku maksimumet do të jenë mbi 38°C. Në vijën bregdetare, në këtë fillimjave, temperaturat më të larta do të luhaten nga 34 deri në 37°C, ndërsa në zonat malore maksimumet do të variojnë nga 31 deri në 34°C. Në tërësi, fillimi i javës paraqitet me temperatura ekstremisht të larta për vendin.

Pas të mërkurës, tha ai, pritet një tërheqje graduale e valës së të nxehtit, çka do të sjellë edhe ulje të temperaturave të ajrit. Kjo do të bëjë që në pjesën e dytë të javës maksimumet të zbresin rreth 34 apo 35°C.

Sipas parashikimit, gjysma e dytë e javës do të sjellë edhe rënie të temperaturave në orët e para të mëngjesit. Në qytetet e zonave malore, minimumet do të zbresin në 13-14°C, ndërsa në ultësirën perëndimore do të luhaten nga 17 deri në 22 apo 23°C në vijën bregdetare.

Për ditën e sotme, moti parashikohet i qëndrueshëm, me alternime kthjellimesh dhe me kalime të lehta vranësirash gjatë orëve të mbrëmjes. Duke nisur nga e marta e të paktën deri në fundjavë, orët e para të mëngjesit do të dominohen nga intervale të gjata me diell pothuajse në të gjithë territorin.

Në orët e pasdites, herë pas here do të ketë zhvillim të vranësirave, duke sjellë rrebeshe shiu në shtrirjen lindore dhe pjesërisht edhe në zonat qendrore. Në zona të izoluara të kryeqytetit dhe të Elbasanit pritet po ashtu që herë pas here të ketë rrebeshe afatshkurtra shiu, të cilat do të jenë të pranishme gjatë kësaj jave.

Prania e këtyre reshjeve do të ndikojë në rritjen e lagështirës në ajër. Si pasojë, edhe pse temperaturat do të pësojnë rënie të ndjeshme krahasuar me fillimjavën, ato do të ndihen një apo dy gradë më të larta se vlerat normale për shkak të lagështirës së lartë në ajër.

Në fakt, të paktën gjatë pjesës së dytë të javës, në territorin shqiptar reshjet në formën e rrebesheve do të shfaqen në zona të izoluara, kryesisht në zonat lindore, në verilindje dhe në juglindje të vendit. Rënia e menjëhershme dhe graduale e temperaturave do të sjellë edhe mundësinë që këto rrebeshe të shfaqen gradualisht në formën e breshërit.

Megjithatë, sipas Osmanit, këto fenomene pritet të kufizohen vetëm në zona të izoluara dhe nuk ka sinjale për një rënie drastike të temperaturave të ajrit. Po ashtu, nuk pritet që breshëri të jetë në ato sasi të përmendura, por në një formë më normale për sa i përket madhësisë. Ai theksoi se, në momentet kur rrebeshet me breshër paraqiten, në zonat ku bien ato mund të sjellin problematika për të mbjellat në ara dhe për frutikulturën.

Duke folur edhe për vendet e rajonit, meteorologu tha se fillimi i javës do të karakterizohet nga temperatura të larta, ndërsa në pjesën e dytë të saj pritet ulje e tyre.

Sipas tij, edhe Republika e Kosovës dhe Republika e Maqedonisë së Veriut po përjetojnë këtë fillimjave temperatura ekstremisht të larta. Në Kosovë, maksimumet arrijnë nga 36°C deri në 37°C, ndërsa në zona të izoluara të jugperëndimit të Republikës së Maqedonisë së Veriut temperaturat i afrohen 38°C.

Për pjesën e dytë të javës, ai sqaroi se pritet rënie e temperaturave të ajrit edhe në rajon, duke bërë që maksimumet në Kosovë të zbresin rreth 30°C, ndërsa në Republikën e Maqedonisë së Veriut të arrijnë deri në 31°C.

The post Java nis me vapë deri në 40°C, nga e mërkura pritet rënie graduale e temperaturave dhe reshje të izoluara appeared first on Albeu.com.

Sipas saj, kupola e të nxehtit që përfshiu kontinentin europian tashmë është zhvendosur drejt Ballkanit, ndërsa në Shqipëri dhe në pjesën më të madhe të rajonit priten të paktën tre ditë shumë të nxehta: e shtuna, e diela dhe e hëna.

Ajo sqaroi se, ndonëse nuk priten vlera aq ekstreme sa ato të regjistruara në Spanjë apo në jug të Francës, ku temperaturat arritën deri në 43 gradë, sërish sot termometri parashikohet të ngjitet në 40 gradë. Kjo vlerë pritet të shënohet në tre ose katër qarqe, konkretisht në zonat e Shkodrës dhe Koplikut, si edhe në Berat, Urën Vajgurore, Cërrik, Belsh, Elbasan, ndërsa nuk përjashtohet as Gjirokastra.

Në qytetet kryesore dhe pothuajse në të gjithë ultësirën perëndimore temperaturat do të luhaten nga 38 në 39 gradë. Në vijën bregdetare priten 36 deri në 37 gradë, ndërsa edhe zonat malore do të përjetojnë temperatura të larta, sidomos në verilindje. Në qarkun e Dibrës termometri pritet të shkojë në 32-33 gradë, në Kukës në 34 gradë, ndërsa pak më e freskët do të jetë juglindja, përkatësisht qarku i Korçës.

Fundjava dhe dita e hënë do të karakterizohen nga mot i thatë, pa reshje në të gjithë territorin. Porja theksoi se i nxehti do të ndihet edhe më i rëndë, sidomos të dielën dhe të hënën, për shkak të shtimit gradual të lagështirës, që e bën motin më mbytës.

Një tërheqje e lehtë e kësaj vale të nxehti pritet të ndodhë të martën. Vetëm atë ditë parashikohet një rënie e temperaturave me të paktën 2 deri në 3 gradë, ndërsa në disa zona deri në 4 gradë, duke bërë që termometri të zbresë nga 40 në rreth 37-38 gradë. Sipas saj, situata do të vijë duke u përmirësuar në mesin e javës së ardhshme, ku të martën, të mërkurën dhe të enjten, si edhe për tre-katër ditë, moti do të jetë disi më i freskët krahasuar me ditët aktuale.

Megjithatë, ajo theksoi se kjo nuk do të thotë se vendi do të përjetojë temperatura vërtet të freskëta, pasi zyrtarisht nis korriku, një muaj tradicionalisht i nxehtë. Sipas parashikimit, masat ajrore afrikane pritet të aktivizohen shpesh, duke sjellë shumë ditë me temperatura 38-39 gradë, ndërsa nga mesi i korrikut mund të ketë ditë kur termometri të ngjitet edhe më lart.

Porja rikujtoi se ishte paralajmëruar më herët një verë mjaft e nxehtë, e cila ka nisur që në fund të majit me temperatura të larta dhe me thyerje rekordesh historike. Ajo përmendi se në Britaninë e Madhe është thyer rekordi historik i majit, po ashtu edhe në Portugali dhe Spanjë janë regjistruar temperatura të paprecedenta për muajin qershor. Ndërkohë, në Francë dhe në Spanjë është raportuar edhe një numër i konsiderueshëm fatalitetesh të lidhura pikërisht me nxehtësinë.

Në përfundim, ajo nënvizoi se deri tani në territorin shqiptar nuk janë parë zakonisht temperatura 40 apo 41 gradë që në qershor, pasi këto vlera zakonisht regjistrohen në korrik ose në fillim të gushtit.

The post Fundjava sjell vapë intensive, ja zonat ku termometri pritet të arrijë kulmin appeared first on Albeu.com.

Mjegulla/mjegullina do të jenë prezente në orët e mëngjesit dhe të mbrëmjes kryesisht përgjatë zonave luginore.

Era do të fryjë me drejtim nga kuadrati i Jugut me shpejtësi mesatare 7 m/sek, e cila hera-herës përgjatë vijës bregdetare dhe zonave luginore pritet të fitoi shpejtësi deri në 14 m/sek.

Deti pritet të ketë valëzim të forcës 1-3 ballë.

The post Kushte të qëndrueshme atmosferike/ Njihuni me parashikimin e motit, 16 Dhjetor 2025 appeared first on Albeu.com.

Moti parashikohet me kthjellime e alternime vranësirash mesatare e hera-herës të dendura kryesisht në relievet malore në jug nga orët e mesditës.

Prezencë e reshjeve të shiut me intensitet të ulët kryesisht të karakterit lokal, në relievet malore në jug të territorit në orët e mesditës e pasdite.

Era do të fryjë e lehtë me drejtim Juglindje-Veriperëndim me shpejtësi mesatare 7m/s.

The post Parashikimi i motit 31 Tetor 2025, kthjellime dhe alternime vranësirash appeared first on Albeu.com.

Parashikohet që orët e vona të mbrëmjes, të përmirësojnë gradualisht kushtet atmosferike në vend.

Temperaturat e ajrit do të pësojnë rënie të ndjeshme të tyre, duke u luhatur nga 13°C vlera më e ulët deri në 31°C vlera më e lartë në rang vendi.

Era do të fryjë e mesatare dhe e fortë në det, duke arritur shpejtësinë mbi 65 km

The post Parashikimi i motit 11 Shtator 2025/ Vranësira të shumta dhe rrebeshe shiu appeared first on Albeu.com.

Situata problematike nga temperaturat e larta, do të jenë në zonën midis Elbasanit deri poshtë në Berat, ku termometri do të ngjitet serish në 40 gradë C.

Orët e vona të mbrëmjes do të sjellin vranësira të lehta e kalimtare, vetëm në zonat Verilindore dhe Juglindore.

Temperaturat e ajrit do të rriten sërisht në mëngjes dhe në mesditë, duke luhatur vlerat ditore nga nga 10°C vlera më e ulët e shënuar në Pukë deri në 39°C vlera maksimale, e cila do të shënohet në Elbasan.

Era do te fryjë e lehtë në tokë dhe në det, duke arritur shpejtesinë 38 km/h nga drejtimi Veriperëndimor, kjo do të bëjë që në brigjet detare të krijohet dallgëzim i ulët.

The post Parashikimi i motit 19 Korrik 2025/ I nxehti afrikan mbërthen Shqipërinë, temperatura deri në 40°C appeared first on Albeu.com.

Kthjellimet do të jenë prezente deri pasdite kur priten grumbullim i vranësirave në skajin Verior, duke rrezikuar momente me pika shiu në orët e vona të natës.

Temperaturat e ajrit do të pësojnë rritje në të dy vlerat ekstremale ditore, duke u luhatur nga 6°C vlera më e ulët në qytetin e Pukës deri në 28°C vlera më e lartë, e cila pritet në qarqet Elbasan dhe Berat.

Era do të fryjë e lehtë në toke dhe deri mesatare në det, duke arritur shpejtësinë maksimale 35 km/h nga drejtimi Jugperëndimor, për pasoje në brigjet detare do të krijohet dallgëzim i ulët.

The post Parashikimi i motit 20 Maj 2025/ Kthjellime dhe vranësira, temperatura deri në 28°C appeared first on Albeu.com.

Moti parashikohet me kthjellime si dhe alternime vranësirash mesatare dhe hera-herës deri të dendura, gjatë orëve të mesditës e pasdite më të theksuara përgjatë relieveve malore në lindje e jug, të cilat do të pasohen me reshje shiu me intensitet të ulët në formën e shtrëngatave afatshkurtra.

Era do të fryjë me drejtim me drejtim kryesor nga kuadrati i veriut me shpejtësi mesatare 8 m/s, ndërsa në lugina dhe bregdet hera-herës do të arrijë shpejtësi deri në 10-16 m/s, shoqëruar me dallgëzim në detet Adriatik e Jon të forcës 1-3 ballë.

The post Parashikimi i motit 11 Maj 2025, kthjellime dhe alternime vranësirash appeared first on Albeu.com.