Balla tha se për operacione të këtij niveli vështirësie do të ketë gjithmonë shpërblim financiar, duke motivuar punonjësit e Policisë.

“Shumë faleminderit për operacionin e kryer me shumë sukses dhe parandalimin e ngjarjeve të rënda kriminale, në këtë kulm të sezonit turistik, ku detyra parësore e Policisë është garantimi i rendit dhe sigurisë publike. Këto grupe kriminale që prej vitesh kanë dëmtuar rendin publik në Vlorë, dukë krijuar ngjarje kriminale, po marrin po marrin dita-ditës goditje. Edhe 2 goditjet e 72-orëve të fundit kanë qenë parandalim nga ana e Policisë për disa ngjarje kriminale. Unë mendoj se ecja në këtë vazhdë në DVP Vlorë meriton të vlerësohet maksimalisht nga ana ime si Ministër, nga ana e Drejtorit të Përgjithshëm të Policisë, z. Rrumbullaku, u cili ju dërgon mirënjohje e falënderimet e tij. Natyrshëm sikurse e kemi bërë standard në vlerësimin e punës, besoj që drejtori ju ka njoftuar që për gjithë efektivët e përfshirë në aksione dhe operacione me sukses të këtij niveli do të ketë dhe shpërblim financiar për secilin prej jush”, u shpreh ministri.

Ai kërkoi angazhim të lartë dhe integritet në punën e oficerëve të Policisë, në betejën e përditshme me paligjshmërinë dhe krimin e organizuar në veçanti.

“Ju lutem mos e ulni ritmin që keni dhe këtë standard që po vendosni. Dua ta falënderoj Drejtorin, 2 nëndrejtorët dhe secilin prej efektivëve e oficerëve të përfshirë në këto goditje të njëpasnjëshme të krimit të organizuar dhe sigurisë publike”, nënvizoi ministri, duke theksuar mirënjohjen për punën e deritanishme.

The post Parandalimi i ngjarjes kriminale në Vlorë, Balla: Do të ketë shpërblim për efektivët e policisë appeared first on Albeu.com.

Pickimi nga mushkonjat ndodh më shpesh gjatë periudhës kur dielli lind dhe perëndon, momente këto kur mushkonjat janë më aktive. Për të gjithë ata që bezdisen shumë nga këto insekte ekzistojnë disa mënyra për t’i hequr qafe.

Edhe pse mushkonjat transmetojnë disa sëmundje vdekjeprurëse, për shumicën e njerëzve ato janë vetëm parazitë irritues, pickimi i të cilave sjell vetëm kruarje.

Ka disa gjëra që mund të bëni për të reduktuar ose eliminuar numrin e pickimeve të mushkonjave. Këtu janë 4 mënyrat kryesore për të parandaluar pickimin e mushkonjave këtë verë:

1.Përdorni ilaç kundër insekteve

Për të parandaluar pickimin e mushkonjave, duhet të përdorni ilaç kundër insekteve kur jeni jashtë. Orari kryesor i mushkonjave është nga agimi deri në muzg, kështu që është veçanërisht e rëndësishme të mbroni gjatë kësaj kohe. Ju gjithashtu mund të jeni më të ndjeshëm ndaj kafshimeve nëse jetoni në një zonë të pyllëzuar ose po bëni një shëtitje verore nëpër pyll.

2.Vishni pantallona dhe këmisha me mëngë të gjata

Ndërsa kjo mund t’ju bëjë të rënkoni në një pasdite të nxehtë vere, veshja e pantallonave dhe këmishave me mëngë të gjata kur jeni jashtë do të parandalojë pickimin e mushkonjave. Edhe pse kjo mund të jetë paksa e pakëndshme, është më mirë sesa të mbuloheni nga pickimi i mushkonjave! Ka shumë këmisha të lehta, me mëngë të gjata dhe rezistente.

3.Parandaloni ngecjen e ujit në oborrin tuaj

Nëse keni ujë të ndenjur të grumbulluar në oborrin tuaj, hiqeni atë sa më shpejt që të jetë e mundur sepse këtu shumohen mushkonjat! Nëse rregullisht zbrazni ujin e tepërt nga vazot e luleve, kulloni ujin në pishinat e fëmijëve dhe eliminoni zonat e tjera ku uji mund të grumbullohet, mund të zvogëloni numrin e mushkonjave në oborrin tuaj!

4.Mbani tendat tuaj në gjendje të mirë

Ndërsa mushkonjat kanë më shumë gjasa t’ju kafshojnë ndërsa jeni jashtë, mund të hyjnë edhe brenda shtëpisë tuaj nëse ekranet tuaja nuk janë në gjendje të mirë. Rregulloni menjëherë çdo tende me vrima ose grisje për të shmangur kafshimin. Ju dëshironi të relaksoheni në verandën tuaj këtë verë për të shijuar motin e këndshëm, jo për t’u ngrënë të gjallë nga insektet!

The post Disa mënyra se si të parandaloni pickimin nga mushkonjat appeared first on Albeu.com.

Sipas Organizatës Botërore të Shëndetit, gjithnjë e më shumë njerëz diagnostikohen me sëmundje të ndryshme të sistemit nervor.

Gjithashtu, një tjetër shqetësim shëndetësor që merr gjithnjë e më shumë jetë është zemra dhe të gjitha sëmundjet kardiovaskulare.

Teksa numrat e këtyre problemeve pritet të trefishohen brenda 50 viteve, mjekët rekomandojnë disa mënyra për të mbajtur organizmin nën kontroll.

Në studimet e fundit theksohet se shëndeti i trurit me atë të zemrës dhe funskionimin e të gjithë organizmit, janë të lidhura.

Më poshtë ju shpjegon se si këto dy organe shumë të rëndësishme e ndikojnë njëra tjetrën.

Ndikimi i zemrës në tru
Fakti se sëmundjet e forta ndikojnë të gjithë organizmin është tashmë i njohur dhe shumë prezent.

Sidomos sëmundjet të cilat bllokojnë arteriet e zemrës, pasi vështirësojnë arritjen e gjakut edhe në zona të tjera të trupit siç është truri.

Mesa duket çdo gjë fillon nga arteriet, sa më vështirësi të kenë ato në funksionim aq më shumë dëme në organizëm dhe sistemin nervor.

Bllokimet arteriale çojnë në sëmundje si ishemia, atakët dhe deri në dementia.

Përse ndodh
Shumë studime flasin për këtë lidhje shumë domethënëse që këto dy gjendje të trupit kanë me njëra-tjetrën.

Nën këtë rrjedhë mjekët thonë se të njëjtat shkaqe që zhvillojnë sëmundjet kardiovaskulare mund të shkaktojnë edhe plakjen e trurit.

Këtu përmendet presioni i lartë i gjakut, kolesteroli i lartë dhe sëmundja e diabetit.

Personat që vuajnë nga Alzhaimer ose Dementia, vihet re se kanë një presion gjaku më të ulët se normalja dhe arterie të dëmtuara.

Mjekët thonë se qarkullimi i mirë i gjakut ndihmon trurin të rigjenerohet dhe të mirëmbajë qelizat e mira të tij.

Kështu kur kjo hallkë nuk funksionon shfaqen problemet e plakjes së trurit.

Si t’a parandaloni
Dementia apo Alzhaimer mund të zhvillohen edhe is pasojë e historisë familjare, pra mund të jenë të trashëguara gjenetikisht.

Gjithsesi ka disa mënyra se si mund të ulni shancet e prekjes nga këto sëmundje.

Ekspertët neurologë thonë se, rrisqet mund të parandalohen deri në 50% nëse keni një stil jetese të shëndetëshëm.

Kjo do të thotë aktivitet i për javshëm sportive ose ecje në natyrë për të paktën 150 minuta.

Një dietë të bazuar në fruta dhe perime ku duhet të konsumoni të paktën 5 fruta dhe perime në ditë.

Evitoni sa më shumë ushqimet e dëmshme dhe të konservuara, alkoolin, duhanin, kriprat dhe sheqernat e tepërta.

The post A mund ta parandaloni? Plakja e parakohshme e trurit, ky është shkaku kryesor appeared first on Albeu.com.

Doktoresha Vojsava Leka, neurologe pranë Spitalit Amerikan 3, ishte e ftuar në emisionin “Abc-ja e mëngjesit” ku foli për simptomat dhe parandalimin e kësaj sëmundjeje. Dr. Leka theksoi se goditja në tru ndodh në mënyrë të menjëhershme dhe ndër simptomat kryesore janë problemet me shikimin, rëndimi apo pamundësia për të komanduar anësitë dhe ekuilibri.

“Faktorët e rrezikut ndahen në dy kategori: Faktorë të modifikueshëm dhe të pamodifikueshëm. Te të parët përmendim hipertensionin arterial, problemet kardivaskulare, diabeti, duhanpirja, alkooli, jeta sedentare, problemet kronike të veshjave, abuzimi me drogërat. Dhe terapitë hormonale dhe estrogjeni në doza të caktuara janë faktor. Ndërsa faktorët e pamodifikueshëm janë mosha, gjinia dhe gjenetika që nënkupton një histori familjare për stroke, rrit rrezikun që pacienti të ketë stroke në të ardhmen.”, tha Dr. Leka.

Ajo theksoi se është e nevojshme që pacienti duhet t’i drejtohet menjëherë mjekut nëse shfaq ndonjë simptomë pasi ndërhyrja në momentin e duhur mund të ulë rrezikun për invadilitet dhe vdekshmëri. Sipas saj, kjo sëmundje nuk prek vetëm moshat mbi 50 vjeç por dhe të rinjtë. Mjekja u ndal gjithashtu dhe te Stroke Unit, qendrën e specializuar për goditjet në tru në Spitalin Amerikan 3.

“Stroku nuk përjashton asnjë moshë. Moshat e avancuara rrisin rrezikun për stroke. Risku rritet mbi moshën 50 vjeç dhe për çdo 10 vjeçar dyfishohet. Ka dhe mosha të reja dhe fëmijë që mund të pësojnë goditje celebrovaskulare. Faktorët e rrezikut ndryshojnë sipas moshave. Moshat e reja janë sëmundjet kardiake apo problemet gjenetike.

Kemi dhe mosha të reja dhe janë nënshtruar trajtimeve për rivendosjen e fluksit të gjakut. Mund të luajë një rol dhe stili i jetesës pasi çrregullimet e ritmit të zemrës, problemet kardivaksulare, abuzimi me substanca të ndryshme, përdorimi i medikamenteve të caktuara por ka dhe një etnitet stroku që konsiderohet si idiopatik që nuk është gjetur shkaku.“, tha doktoresha.

The post Nuk kursen as fëmijët, mjekja neurologe tregon simptomat dhe si mund të parandaloni goditjen në tru appeared first on Albeu.com.

Duhet hequr dorë nga pijet alkoolike dhe mishrat, të ndjekim një dietë me supra dhe perime si dhe të konsumojmë sa më shumë fruta sidomos gjatë kësaj stine. Gjeta shpjegon se mjaft efektiv janë dhe çajrat, ku veçoi çajin e murrizit.

“Në dimër nuk duhet t’i ndahemi agrumeve, jo vetëm për lëngun por dhe vitaminën C. Si shtesë mund të përdorim çajrat, më kryesi që duhet në rastet e trashjes së gjakut është çaji i murrizit. Mund të përdoret dhe një përzierje çajrash. Përdorim lulen e blinit, sherebelën, murrizin dhe kamomilin në raporte të barabarta.

Një gjë e mirë që lidhet me gjendjen reumatizmale dhe mpiksjen e gjakut është dhe hardiçi i dëllinjës. Mbahet për 30-49 ditë në ujë, lëshon një lëng dhe bëhej një lloj uthulle kurative që përdoret. Në gjendje të agravuara mund ta përdorim deri në dy gota ujë në ditë por në raste të tjera një gotë.”, shpjegoi Gjeta.

The post Mund të shkaktojë probleme serioze, eksperti tregon mënyrat natyrale që parandalojnë mpiksjen e gjakut appeared first on Albeu.com.

Kardiologia Elona Dado ka shpjeguar se shpesh herë kjo sëmundje është e fshehtë dhe ka pacientë që nuk e ndjejnë fare. Sipas doktoreshës, hipertensioni ndahet në kategori, por ai që është më i zhvilluari prek organe të ndryshme.

“Nuk i jepet një rëndësi dhimbjes së kokës, e cila shpesh ka një hipertension. Duhet të drejtohesh te mjeku. Sot ekzistojnë disa suplemente efikase që duhen marrë për ta larguar.

Në këtë moment që flasim bëhet fjalë për një shifër 30% -40% të pacientëve të rritur që vuajnë nga hipertensioni.

Parahipertensioni fillon nga mosha 10 deri në 30-vjeç. Kemi të bëjmë me hipertensione fillestare. Pastaj kemi hipertensionin më të zhvilluar që prek organet si truri, veshka, këmbët. Që mund ta ndalojmë, duke ju drejtuar mjekut dhe aim err vendimin nëse duhet marrë mjekimi.

Një kategori ndjejnë shtrëngime në gjoks, ka edhe një kategori pacientësh që nuk e ndjejnë fare pasi kanë vite e vite që vuajnë nga tensione. Pacientët duhet të bëjnë dy vizita dhe në bazë të saj përcaktohen modalitetet”.

Më tej, Dado shpjegoi në “ABC News” se çfarë duhet të bëjnë pacientët fillestarë dhe se duhet të heqin dorë nga veset me ndërgjegjen e tyre të plotë, jo se çfarë dëgjojnë nga mjeku.

“Nëse kemi pacientët që vijnë për herë të parë, fillojnë me analizat e veshkës apo organe siç është mëlçia. Bëhet kontrolli i zemrës siç është aorta. Shikohet gjendja mbiveshkore, pastaj rekomandohet një kontroll te okulisti.

Çdo individ është përgjegjës për jetën e vetë. Ne mund të bëjmë kompromise me shëndetin. Gjërat duhen marrë me shkallë. Duhet të marrësh vetë vendime, jo të bëjmë atë që tha doktori. Lidhur me alkooli, tani thuhet që nuk dihet se kush dëmi evidencial i pijes”.

The post Tre organet që rrezikohen nga hipertensioni, mjekja kardiologe: Si parandalohet kjo sëmundje appeared first on Albeu.com.

Disa këshilla të njohura që mund të parandalojnë plakjen dhe ta bëjnë gushën tuaj të qëndrojë më e re.

1. Mos e teproni me parfumin.

Parfumet përmbajnë alkool dhe aromatizues të ndryshëm që thajnë lëkurën dhe e bëjnë më pak elastike. Nëse jeni mësuar të rifreskoni parfumin gjatë ditës, është më mirë ta aplikoni vetëm në kyçet e dorës

2. Mos mbani aksesorë të rëndë.

Është më mirë t’i përdorni varëset e rënda vetëm në raste të veçanta, sepse ato tërheqin lëkurën.

3. Kujdesuni për posturën (qëndrimin) tuaj.

Para së gjithash, një pozicion i keq mund të jetë arsyeja e dhimbjeve të kokës dhe qafës. Së dyti, për shkak të lakimit të vazhdueshëm, rrudhat mund të shfaqen dhe nuk janë të lehta për t’u hequr qafe.

4. Hidratoni lëkurën rregullisht.

Shumë gra harrojnë që qafa, ashtu si fytyra, duhet të hidratohet rregullisht. Ju nuk keni nevojë për locion të veçantë pasi kremi juaj i rregullt i fytyrës do të jetë po aq i mirë edhe për qafën. Ju duhet t’i kushtoni vëmendje mënyrës sesi e aplikoni, sepse është e rëndësishme të lëvizni gishtat butësisht lart.

5. Hani më shumë ushqime të pasura me vitaminë C dhe acide yndyrore.

Vitamina C rrit prodhimin e kolagjenit që e bën lëkurën elastike. Kjo është arsyeja pse është mirë të përfshini më shumë agrumet, domatet dhe manaferrat në dietën tuaj. Është gjithashtu mirë të hani më shumë produkte të pasura me acide yndyrore omega-3 dhe omega-6: vaj ulliri, peshk yndyror, arra dhe avokado. Ato ndihmojnë në ushqimin e lëkurës nga brenda.

6. Mos harroni të bëni ushtrime.

Ka shumë ushtrime të ndryshme për t’i mbajtur muskujt e qafës dhe fytyrës të qëndrueshëm. Këtu janë disa prej tyre:

a. Zhvendosni nofullën e poshtme para dhe mbrapa.

b. Zgjatini buzët (në formën e shkronjës “?”) dhe mbajini ashtu për 5 sekonda. Përsëriteni këtë ushtrim disa herë. Pastaj, bëni të njëjtën gjë, duke shqiptuar tingullin “E”.

c. Uluni drejt, ushtroni forcë me dorën e djathtë tek balli. Bëjeni pa e përkulur kokën. Mbajeni këtë pozicion për 10 sekonda.

ç. Uluni drejt, vendosni duart pas kokës dhe shtypni pjesën e pasme të saj pa e përkulur prapa. Mbajeni këtë pozicion për 10 sekonda.

d. Uluni drejt. Tërhiqeni kokën prapa dhe hapni gojën. Mundohuni të arrini buzën e sipërme me buzën e poshtme, pa i bashkuar dhëmbët. Përsëriteni ushtrimin disa herë.

Për të arritur rezultate më të mira, kryejini këto ushtrime 1-2 herë në ditë. Edhe ushtrimet e rregullta fizike përmirësojnë rrjedhën e gja kut dhe pasurojnë lëkurën me oksigjen, duke e bërë atë më elastike.

The post Zbuloni arsyen përse gusha juaj po merr këtë formë, si ta parandaloni në kohë appeared first on Albeu.com.

Kodi Evropian Kundër Kancerit (KEKK) është një iniciativë e Komisionit Evropian, me qëllim këshillimin e qytetarëve në mënyrë që ata të zvogëlojnë rrezikun e shfaqjes së kancerit. Nëse të gjithë do të ndiqnin këto rekomandime vlerësohet se pothuajse gjysma e vdekjeve nga kanceri në Evropë mund të parandaloheshin. Edicionin e katërt të KEKK mund ta gjeni në anglisht këtu. Ky dokument është një mjet i rëndësishëm në parandalimin e kancerit dhe bazohet në të dhëna shkencore. Ai është rezultat i një bashkëpunimi të gjerë midis specialistëve të kancerit, shkencëtarëve dhe ekspertëve të tjerë nga Bashkimi Evropian. Për më shumë informacione rreth metodologjisë së krijimit të KEKK mund të lexoni këtu.

Këto janë 12 rekomandimet e Kodit Evropian Kundër Kancerit:

1. Mos pini duhan. Mos konsumoni asnjë lloj duhani.
2. Bëjeni shtëpinë tuaj një ambient pa duhan. Mbështetni politikat kundër duhanit në vendin tuaj të punës.
3. Mbani një peshë të shëndetshme.
4. Kryeni aktivitet fizik çdo ditë. Kufizoni kohën e të qendruarit ulur.
5. Ushqehuni shëndetshëm:
   1. Konsumoni më shumë fruta, perime, bishtajore dhe drithëra.
   1. Kufizoni ushqimet hiperkalorike (të pasura me sheqer ose yndyrë) dhe shmangni pijet me sheqer.
   1. Shmangni mishin e përpunuar (si :sallam, salçiçe, suxhuk etj); kufizoni konsumin e mishit të kuq dhe ushqimeve me shumë kripë.
6. Shmangni konsumin e alkoolit. Nëse pini alkool, kufizoni sasinë e tij. Mospirja e alkoolit është mënyra më e mirë kundër kancerit.
7. Shmangni ekspozimin e tepërt në diell, veçanërisht për fëmijët. Përdorni mbrojtje nga dielli. Mos përdorni kabina UV të panevojshme (për shembull, nxirje artificiale të lëkurës).
8. Në punë, mbroni veten nga substancat kancerogjene (si p.sh azbesti, benzeni, emetimet e motorrëve me naftë, ose arseniku).duke respektuar udhëzimet e rregullave të mbrojtjes së shëndetit dhe sigurisë.
9. Sigurohuni që të mos jeni të ekspozuar ndaj rrezatimit natyral, në nivele të larta të radonit në shtëpitë tuaja. Nëse po, atëherë ndërmerrni masa për ta zvogëluar atë.
10. Për femrat:
    • Ushqyerja me gji zvogëlon rrezikun e kancerit të gjirit, veçanërisht nëse zgjat më shumë se një vit. Nuk duhet harruar se jo të gjitha nënat kanë mundësi të ushqejnë me gji fëmijët e tyre.
    • Terapia e zëvendësimit të hormoneve rrit rrezikun e llojeve të caktuara të kancerit. Kufizoni keto trajtime kur është e mundur.
11. Sigurohuni që fëmijët tuaj të marrin pjesë në programet e vaksinimit kundër:
    • hepatitit B (te të sapolindurit)
    • human papilloma virus (HPV) (për vajzat).
12. Merrni pjesë në programet e rekomanduara të kontrollit të kancerit, bazuar në moshën dhe gjininë tuaj:
    • kanceri kolorektal (burra dhe gra)
    • kanceri gjirit (gratë)
    • kanceri i qafës së mitrës (gratë).

The post Cilat janë 12 mënyra për të parandaluar kancerin sipas Kodit Evropian appeared first on Albeu.com.