Kryetari i Lidhjes Demokratike të Kosovës, Lumir Abdixhiku, ka njoftuar se janë siguruar 148 nënshkrime për thirrjen e Kuvendit të Jashtëzakonshëm të partisë. Sipas tij, tani pritet kontrollimi i nënshkrimeve të mbledhura.

Abdixhiku ka bërë të ditur se, pasi të përmbyllet verifikimi, LDK-ja do të publikojë datën dhe vendndodhjen e Kuvendit të Jashtëzakonshëm.

“Data dhe vendi i mbajtjes së Kuvendit do të bëhen publike pas verifikimit të plotë të nënshkrimeve. LDK-ja ka qenë dhe duhet të vazhdojë të jetë shtylla e fuqisë së vet. Për këtë arsye, nuk duhet t’i ikim asnjë procedure demokratike. Nuk do t’ia mohojmë askujt të drejtën e votës dhe as nuk do të mbajmë ndonjë funksion kundër vullnetit të shumicës”, ka deklaruar Abdixhiku.

Ndërkohë, analisti politik Faton Mehmeti ka vlerësuar në një prononcim për “Bota sot” se LDK-ja nuk e ka kohën e duhur për zgjedhje të brendshme. Ai ka thënë se fokusi kryesor në këtë fazë duhet të jetë formimi i institucioneve.

Sipas Mehmetit, ndasitë dhe konfliktet brenda partisë mund të prodhojnë pasoja serioze si për LDK-në, ashtu edhe për zhvillimet politike në vend.

“Mendoj se LDK-ja nuk është në kohën e përshtatshme për të hyrë në zgjedhje të brendshme, sepse përpara saj qëndron procesi i krijimit të institucioneve. Një LDK e ndarë mund t’i kushtojë vendit edhe me mbajtjen e zgjedhjeve të reja. Kjo nuk nënkupton që LDK-ja duhet të fajësohet për këtë gjendje, por zhvillimi i zgjedhjeve në këtë fazë, kur partia ka përçarje dhe akuza të brendshme, do ta dëmtonte rëndë atë”, ka thënë ai.

Mehmeti ka paralajmëruar gjithashtu se hapja e një procesi të tillë në këtë periudhë mund të ketë ndikim të madh në rezultatin elektoral të partisë, madje duke e përballur atë me rezultatin më të dobët në historinë e saj.

“Madje, besoj se LDK-ja mund të shënojë rezultatin më të dobët që ka pasur ndonjëherë dhe të përjetojë një debakël të vërtetë politik. Në këtë drejtim, dëmin më të madh po ia shkaktojnë grupet e interesit brenda saj, të cilat fillimisht është dashur të presin formimin e institucioneve, e pastaj të kërkojnë përgjegjësi ose vendimmarrje për z. Abdixhiku. Ky proces duhej të niste nga degët e partisë dhe të zhvillohej në mënyrë më serioze dhe institucionale”, është shprehur ai.

Sipas analistit, kërkesat për ndryshime në LDK mund të kenë arsye, por koha dhe forma me të cilën po paraqiten po e godasin ndjeshëm imazhin e partisë.

“Edhe nëse këta persona kanë bazë për të kërkuar ndryshime për shkak të humbjeve të njëpasnjëshme në zgjedhje, momenti kur po e bëjnë këtë, sipas mendimit tim, po e dëmton rëndë LDK-në. Ata rrezikojnë të mbajnë përgjegjësi për një rezultat të dobët të partisë në të ardhmen. Pra, goditjen më të madhe LDK-së po ia japin vetë njerëzit e saj, të cilët me këto përplasje të brendshme po e dobësojnë partinë dhe rrezikojnë ta çojnë në një gjendje shumë të rëndë politike”, ka përfunduar Mehmeti për “Bota sot”.

The post Mehmeti paralajmëron LDK-në: Zgjedhjet e brendshme mund ta çojnë drejt një humbjeje historike appeared first on Albeu.com.

Futbollisti i Kombëtares shqiptare, Rey Manaj, ka ndarë një mesazh të rëndësishëm në “InstaStory”, duke bërë të ditur se nuk zotëron asnjë platformë tjetër sociale përveç Instagramit.

Ai u bën thirrje fansave të tij që të jenë vigjilentë: nëse dikush u dërgon mesazhe përmes TikTok-ut apo Snapchat-it duke u prezantuar si ai, nuk është aspak e vërtetë.

Sipas sulmuesit, çdo ditë i mbërrijnë pyetje nga njerëz që duan të dinë nëse ai është aktiv në këto rrjete. “Për këtë arsye e kam shënuar edhe në biografinë e Instagramit. Unë nuk kam as TikTok, as Snapchat”, shpjegon Manaj.

“Nëse dikush pretendon se jam unë dhe ju kontakton në këto platforma, mos besoni se po komunikoni me mua. Bëhet fjalë për një person që po përpiqet t’ju mashtrojë”, përfundon lojtari në reagimin e tij në Instagram.

The post Rey Manaj paralajmëron ndjekësit: Mos u bëni viktima të mashtruesve në TikTok e Snapchat appeared first on Albeu.com.

Ndjekësit e formatit janë duke komentuar me të madhe mungesën e kujdesit nga banorët për hapësirën e përbashkët.

Pamje të ç’rregullta, dysheme e papastër dhe mbeturinat janë bërë pjesë e tablosë së shtëpisë luksoze.

E duket se Vëllai i madh nuk do të tolerojë për më gjatë.

Pas disa vërejteve të njëpasnjëshme, pak minuta më parë është lëshuar alarmi në shtëpi.

Vëllai i Madh iu komunikoi banorëve se i zbret 2 mijë euro nga çmimi i madh, duke e çuar atë në 171,000 euro aktualisht.

Paralajmërimi u bë që nëse nuk ka reflektim, vendimi për zbritje nga çmimi i madh do të aplikohet çdo të diel.

The post Ndizet alarmi në BBVK, Vëllai i Madh merr këtë vendim për banorët appeared first on Albeu.com.

Paralajmërimi për rrezikun e investimeve dhe punësimin e sektorit të manifakturës, bëhet nga kryetari i shoqatës së ProEksport Albania Edvin Prençe.

“Sektori i Manifakturës, i veshjeve dhe këpucëve punëson mbi 60 mijë persona, shumica gra dhe të rinj, në rajone ku industria është punëdhënësi kryesor. Reduktimi i porosive ka sjellë ndërprerje kontratash, ulje të orëve të punës dhe në disa raste mbyllje të linjave të prodhimit. Paralajmërojnë se në mungesë të një reagimi politik dhe institucional, rrezikohen qindra vende pune deri në fund të vitit”.

Shkaqet kryesore që po rëndojnë mbi performancën e sektorit sipas zoti Prençe vijojnë të jenë: Forcimi i vazhdueshëm i lekut, që ndikon negativisht në të ardhurat nga eksportet;

Kosto në rritje të prodhimit, veçanërisht për fuqinë punëtore dhe energjinë;

Mungesa e një kursi këmbimi industrial të mbrojtur, që do të siguronte një nivel stabiliteti për eksportuesit;

Rënie e kërkesës nga partnerët europianë, e lidhur me pasiguri ekonomike dhe konkurrencë nga tregje me kosto më të ulët.

Për shkak të këtyre vështirësive prezente edhe në vitet e mëparshme brenda 1 viti, përkatësisht nga nëntor 2023 deri në nëntor 2024 sipas shoqatës ProEskport Albania në sektor, u mbyllën 10 mijë vende pune nga mbyllja e fabrikave.

Shkurtime të vendeve të punës në sektorin fason pati edhe përgjatë vitit 2023, ku ndër zonat më të prekura ishin në Krujë, Fushë-Krujë, Laçi, Lezhë e Shkodër.

Për përmirësimin e situatës drejtuesi i shoqatës, propozon diskutimin e disa pikave që duhet të zbatohen nga institucionet shtetërore si:

Vendosjen e një kursi të mbrojtur industrial për transaksionet eksportuese;

Paketa mbështetëse për uljen e barrës fiskale dhe sigurimeve për sektorin;

Skema të dedikuara për kalimin nga modeli Fason në cikël të plotë me vlerë të shtuar;

Promovim të eksporteve jashtë BE-së dhe diversifikim të partnerëve tregtarë.

“Në mungesë të këtyre masave, viti 2025 rrezikon të jetë ndër më sfiduesit për industrinë prodhuese në Shqipëri, me pasoja afatgjata për bilancin tregtar, zinxhirin e furnizimit dhe zhvillimin ekonomik të qëndrueshëm”, thekson Prençe.

Pavarësisht rritjes së lehtë në muajin maj të eksporteve për grupin e tekstileve dhe këpucëve, për 5-mujorin tendenca është negative.

Eksportet për grupin tekstile dhe artikuj tekstile për janar-maj 2025 sipas të dhënave të INSTAT arritën në vlerën e 25,7 miliardë lekë. Krahasuar me të njëjtën periudhë të 2024, ekspertet ranë 2,5%.

Ndërsa eksportet e grupit veshjet e këmbëve për janar-maj 2025, arritën në vlerën e 19,6 miliardë lekëve. Krahasuar me janar-maj 2024 eksportet ranë rreth 0,5%./ Monitor

The post Fasonët paralajmërojnë sërish mbyllje fabrikash dhe shkurtim i vendeve të punës appeared first on Albeu.com.

“Konflikti midis Izraelit dhe Iranit ka rezultuar në ndërprerje të udhëtimit dhe mbyllje periodike të hapësirës ajrore në të gjithë Lindjen e Mesme. Ekziston mundësia për demonstrata kundër qytetarëve dhe interesave të SHBA-së jashtë vendit. Departamenti i Shtetit këshillon qytetarët amerikanë në të gjithë botën të tregojnë kujdes të shtuar.

Ju lutemi lexoni me kujdes Këshillën tonë të Udhëtimit, informacionin për vendin dhe çdo alarm sigurie të kohëve të fundit kur planifikoni udhëtimin në: https://travel.state.gov/content/travel/en/international-travel/International-Travel-Country-Information-Pages.html.

Izraeli goditi këtë të hënë burgun më famëkeq për të burgosurit politikë në Teheran, në një demonstrim të fuqishëm se po zgjeron objektivat e tij përtej centraleve ushtarake dhe bërthamore, duke synuar drejtpërdrejt shtyllat e sistemit sundues të Iranit.

Ndërsa Irani përsëriti kërcënimet e mëparshme për t’u hakmarrë kundër SHBA-së. Por ende nuk e kishte bërë këtë në një mënyrë kuptimplote, më shumë se 24 orë pasi bombarduesit amerikanë sulmuan me raketa centralet bërthamore nëntokësore të Iranit.”

The post Amerika lëshon “alarm sigurie” për qytetarët e vet në mbarë botën: Tregoni kujdes të shtuar, mund të ketë protesta anti SHBA appeared first on Albeu.com.

Por, duket se nuk e ka ndërmend të ndalet me projekte të reja muzikore.

Të paktën kështu ka lënë të nënkuptohet vet ajo përmes një fotografie të publikuar në Instagram, ku ka thënë se po vazhdojnë me xhirimet e tjera.

The post FOTO/ Egli nuk ndalet, ben paralajmërimin e papritur, ja për çfarë bëhet fjalë appeared first on Albeu.com.

Pjesë nga fjala e Berishës:

Këto zonja dhe zotërinj dallojnë si nata me ditën, si e vërteta me gënjeshtrën me kandidatët e Sakos, me kandidatët e Pojës, me kandidatët e Hajrit, me kandidatët e terroristëve elektoralë, të cilët do marrin ndëshkimin më të merituar pas datës 12 maj. Miq, këto zgjedhje ndajnë qytetarët, atdhetarët, ndajnë ata që duan Durrësin, ndajnë njerëzit me dinjitet, ndajnë njerëzit e virtytshëm nga ata të cilët komandohen nga bandat dhe krimi dhe besojnë se mund t’i imponojnë Durrësit vullnetin e tyre. Ja ku po e deklaroj para jush, vrimë miu nuk do gjejnë. Kudo që të jenë do i kapim, me Sakon, me Gjushin, me kandidatët e tyre.
Për ta nuk ka vend në parlament. Për ta ka vend në koshin e plehrave të historisë.

E dashur Ermira, krenaria e Durrësit, krenaria e Shqipërisë dhe krenaria e kombit. Historia që tregove këtu, arritjet tuaja janë një frymëzim për çdo shqiptar, janë frymëzim për çdo të ri dhe të re, dëshmi e asaj se çfarë mund të bëjnë me vullnetin e tyre, me karakterin e hekurt, me guximin e tyre, të rinjtë dhe të rejat mund të kapin Everestet e të gjitha fushave, në sport, në shkencë dhe kudo tjetër. Miq, 11 Maji është një ditë e madhe në betejën e shqiptarëve për dinjitet njerëzor. Në betejën e shqiptarëve për mirëqenie, begati dhe punësim.

Është një ditë e madhe në besimin e tyre tek Durrësi dhe Shqipëria. Shpresat dhe besimin tek e ardhmja. Durrësi i shekujve dhe mijëvjeçarëve, Durrësi i qytetarëve të mrekullueshëm, kryeurë e kombit me Perëndimin, kam bindjen më të thellë se me 12 Maj gdhin i tëri siç është në shpirt, fitimtar, virtuoz, i pamposhtur. Me 11 Maj, ne ndahemi nga një lëngatë. Nga një e keqe që kaploi Durrësin dhe Shqipërinë, që i varfëroi nga viti në vit shqiptarët dhe që i largoi ata nga Shqipëria.

The post Berisha paralajmërim për krimin elektoral në Durrës: Nuk do gjeni as vrimë miu! Kudo që jeni, do ju kapim appeared first on Albeu.com.

Në një bashkëbisedim virtual me qytetarët, kryedemokrati theksoi se beteja do të jetë pa kthim deri në krijimin e qeverisë teknike.

Ndërsa shtoi se është në dorën e demokratëve, për të rikthyer votën e lirë

“Jemi të angazhuar në një betejë pa kthim të mosbindjes civile për krijimin e një qeveri teknike që qytetarët të votojnë të lirë.

Me bindjen më të thellë se në zgjedhje të lira partia e krimit e Edi Ramës do të ndahet më keq se partia e Ramiz Alisë në ’92.

Është në dorën e demokratëve, PD dhe opozitës që në këtë betejë të rikthejë votën e lirë, të garantojë rotacionin dhe normalizimin e Shqipërisë”, tha Berisha.

The post Paralajmërimi i Berishës: Partia Socialiste do ndahet më keq se partia e Ramiz Alisë në ’92 appeared first on Albeu.com.

Dy përfaqësitë kryesore diplomatike në Tiranë, komentuan për “Zërin e Amerikës” hapat e hedhur në parlament për këtë nismë, ku brenda katër ditësh u miratua rezoluta e më pas dhe ngritja e një komisioni të posaçëm.

Ambasada amerikane “vëren nxitimin me të cilin u kaluan në parlament rezoluta dhe vendimi”. Ndërsa Delegacioni i BE-së nga ana e tij, vë në dukje faktin që ngritja e komisionit u bë “pa mbështetjen e opozitës”.

Kjo e fundit ka shprehur skepticizëm të hapur ndaj kësaj nisme dhe në të dy rastet zgjodhi të bojkotojë votimin e tyre në parlament.

Si në rezolutë ashtu dhe në objektin e punës së Komisionit të Posaçëm, flitet për një proces të thelluar reformimi “për të përmirësuar dhe konsoliduar praktikat e mirëqeverisjes në të gjitha nivelet”, për “një luftë më të thellë ndaj korrupsionit” dhe “forcimin e mëtejshëm të zbatimit të ligjit”.

Komisioni do duhet të realizojë “një vlerësim dhe analizë të situatës në të tre fushat” dhe më pas të kalojë në “hartimin dhe miratimin e një Plani veprimi me kohështrirje afatgjatë dhe të qëndrueshme, duke rekomanduar edhe masa konkrete për ndryshime të mundshme ligjore dhe institucionale”.

Ndonëse në dokumentat e propozuara prej saj, shumica flet për një proces gjithëpërfshirës shoqëruar me konsultime të gjera, mënyra se si ajo avancoi me shpejtësi, përballë një opozite që po i kritikonte hapat e saj, duket se ka bërë që si ambasada amerikane ashtu dhe Delegacioni i BE-së, t’i mëshojnë me forcë këtij momenti.

“Besojmë se procesi i propozuar kërkon një diskutim të bashkërenduar, gjithëpërfshirës me të gjithë aktorët, çka është kyç për suksesin e punës se komisionit të posaçëm”, shprehet ambasada amerikane duke vënë në dukje se diçka e tillë do të jetë po ashtu “kyçe dhe për mbështetjen tonë për të”.

Ndërsa Delegacioni i BE-së , thekson se “konsultimet kuptimplotë dhe gjithëpërfshirëse janë po aq të nevojshme sa gjithnjë, duke marrë parasysh rëndësinë thelbësore të çështjeve të trajtuara nga kjo nismë. Do të jetë thelbësore të arrihet një mbështetje ndërpartiake”.

Sipas përfaqësisë europiane “është me rëndësi jetike që procesi parlamentar i propozuar të jetë i bazuar në prova, të jetë transparent, të gëzojë mbështetje të fortë ndërpartiake dhe të mbështetet në një konsultim gjithëpërfshirës dhe kuptimplotë me të gjitha institucionet dhe palët e interesuara, duke përfshirë edhe shoqërinë civile”.

Debatet që kanë shoqëruar nismën e socialistëve kanë ushqyer shqetësime për ndërhyrje të mundshme në reformën në Drejtësi, e cila pati SHBA-të dhe BE-në si sponsorët e saj të fuqishëm.

Në dokumentat e miratuara socialistët zotohen të garantojnë “pakthyeshmërinë” e kësaj reforme. E megjithatë, ambasada amerikane në komentet e saj për Zërin e Amerikës shprehet se “theksojmë angazhimet e ndërmarra brenda masave të miratuara në parlament për pakthyeshmërinë e reformës në drejtësi, angazhime të cilat njohin shtyllat dhe parimet kushtetuese që janë në themel të reformës në drejtësi të miratuar në vitin 2016. Kjo përfshin pavarësinë dhe paanësinë e institucioneve të drejtësisë dhe vetëqeverisjes së sistemit të drejtësisë. Këto parime janë kyçe për punën e komisionit të posaçëm për të çuar përpara mirëqeverisjen, luftën kundër korrupsionit dhe sundimin e ligjit”. Edhe Delegacioni i BE-së vë në dukje se “parimi kryesor duhet të jetë pakthyeshmëria e reformës në drejtësi të vitit 2016”.

Shumica shprehet se procesi do të ketë si “udhërrëfyes gjetjet dhe rekomandimet e raporteve të Bashkimit Evropian dhe raportit Screening të Komisionit Evropian për grupkapitullin e pare”.

Delegacioni i BE-së nga ana e tij nënvizon se “nisma duhet të bazohet në arritjet e mëparshme të reformës dhe të jetë në përputhje me parimin kushtetues të kontrollit dhe balancimit, me gjetjet e raporteve të shqyrtimit analitik të legjislacionit dhe me angazhimet në kuadër të procesit të anëtarësimit në BE. Duhet të respektojë plotësisht marrëdhëniet ekzistuese mes Kuvendit dhe institucioneve të pavarura, siç garantohet nga Kushtetuta”.

Mbetet për t’u parë nëse shumica do të përpiqet të tërheqë në këtë proces opozitën, e cila duhet të përfaqësohet me 5 nga 11 anëtarët e komisionit, apo do të vijojë e vetme për ta çuar përpara nismën e saj.

The post Opozita paralajmëroi bojkotimin e Komisionit të Posaçëm Antikorrupsion/ Zëri i Amerikës: SHBA e BE këmbëngulin për një proces gjithëpërfshirës appeared first on Albeu.com.

“Është një skenar i frikshëm. Një luftë në shkallë të plotë me Rusinë, duke përfshirë hapur Belgjikën, është diçka që dukej e paimagjinueshme përpara pushtimit të Ukrainës nga Vladimir Putini”, tha ai.

Sot, sipas Michel Hfman, kreut të Mbrojtjes së Belgjikës, “ne kemi arsye për t’u shqetësuar”.

“Rusët kanë demonstruar tashmë gatishmërinë e tyre për ta sulmuar një fqinj”, deklaroi Michel Hofman

Ideja e një Belgjike në luftë, nuk duket më aq e largët, shkruan La Dernière Heure.

Gjithashtu, Michel Hofman, saktëson se Belgjika do të duhet të veprojë brenda kuadrit të forcave të NATO-s dhe të kontribuojë në parandalimin e besueshëm, në rast të sulmeve ndaj një anëtari të Aleancës.

Shefi belg i Mbrojtjes, nuk e përjashton asnjë skenar dhe madje deklaron: Europa duhet të përgatitet urgjentisht.

Ata që aspirojnë paqen do të bënin mirë të përgatiteshin për luftë.

The post Paralajmërimi i Michel Hofman: Është një skenar i frikshëm në Ballkan, Europa duhet të përgatitet urgjentisht appeared first on Albeu.com.