Kujojmë se Ergys Agasi, 39-vjeç, u arrestua më 26 gusht në autostradën pranë zonës së Plepave në Durrës, pas disa muajsh në arrati.

Në momentin e arrestimit, Agasi udhëtonte me një automjet tip “Audi”, së bashku me ish-zyrtarin e Policisë së Elbasanit, Uljan Shpataraku. Ky i fundit u arrestua gjithashtu dhe akuzohet për “Përkrahje të autorit të krimit”.

Shpataraku pritet të përballet me GJKKO-n për caktimin e masës së sigurimit.

Ergys Agasi, ishte shpallur në kërkim prej dhjetorit të vitit të kaluar, në kuadër të hetimeve të SPAK për një grup të dyshuar kriminal që lidhet me manipulimin e tenderave të Agjencisë Kombëtare të Shoqërisë së Informacionit (AKSHI).

Sipas hetimeve, Agasi dyshohet se kishte rol në një skemë ku tenderat publikë paracaktoheshin, ndërsa fondet dyshohet se devijoheshin drejt kompanive dhe personave të lidhur me grupin.

Në dosjen e SPAK janë përfshirë disa zyrtarë dhe biznesmenë, mes tyre ish-drejtorja e AKSHI-t, Mirlinda Karçanaj, zëvendësja e saj Hava Delibashi, biznesmeni Ermal Beqiraj dhe persona të tjerë.

The post U la në burg nga GJKKO pas arrestimit, Ergys Agasi dërgohet në paraburgimin e Bradasheshit appeared first on Albeu.com.