Prokuroria Themelore në Prizren i është drejtuar Gjykatës Themelore në Prizren me kërkesë për caktimin e paraburgimit ndaj Egzon Reshanit. Ai dyshohet se ka kryer disa vepra penale, ndërsa Prokuroria vlerëson se janë përmbushur kushtet ligjore për vendosjen e kësaj mase.

Sipas organit të akuzës, Reshani ka qenë i kërkuar në bazë të dy urdhërarresteve aktive. Gjithashtu, ndaj tij ishin lëshuar letër-rreshtim vendor dhe ndërkombëtar nga gjykata kompetente, me kërkesë të Prokurorisë, transmeton Klankosova.tv.

Kërkesa për paraburgim lidhet me procedurën penale që po zhvillohet ndaj tij për veprat “Detyrimi”, “Privimi i kundërligjshëm i lirisë” dhe “Frikësimi gjatë procedurës penale në vazhdimësi”.

Përveç këtij rasti, ndaj të pandehurit po zhvillohen edhe procedura të tjera penale në Prokurorinë Themelore në Prizren, në Departamentin për Krime të Rënda dhe në Departamentin e Përgjithshëm. Procedura ka gjithashtu edhe në Prokurorinë Speciale të Republikës së Kosovës.

Rastet e tjera lidhen me dyshimet për veprat penale “Vrasja e rëndë e mbetur në tentativë”, “Mbajtja në pronësi, kontroll ose posedim të paautorizuar të armëve”, si dhe “Kanosja” ndaj zyrtarëve shtetëror.

Prokuroria ka deklaruar se, në këtë fazë të procedurës penale, ekzistojnë bazat ligjore për caktimin e paraburgimit. Në njoftim thuhet se i pandehuri ka qëndruar për një periudhë të gjatë i paarritshëm për organet e drejtësisë, ka qenë në kërkim përmes urdhërarresteve dhe letër-rreshtimeve vendor e ndërkombëtar, ndërsa ekziston rreziku që të arratiset ose të pengojë zhvillimin e procedurës penale.

The post Prokuroria kërkon paraburgimin e Egzon Reshanit, ndaj tij disa procedura penale appeared first on Albeu.com.

Gjykata Themelore në Prishtinë, përkatësisht Departamenti Special, ka miratuar kërkesën e Prokurorisë Speciale të Republikës së Kosovës për caktimin e paraburgimit ndaj të pandehurit J.R.

Ai dyshohet në mënyrë të bazuar se ka kryer veprën penale Krime lufte kundër popullatës civile, të parashikuar nga neni 142, lidhur me nenin 22 të ish-Ligjit Penal të ish-RSFJ-së.

Pas zhvillimit të seancës dëgjimore, gjyqtarja e procedurës paraprake vendosi që J.R. të qëndrojë në paraburgim për 1 (një) muaj.

Sipas njoftimit të Gjykatës Themelore në Prishtinë, kjo masë u konsiderua e përshtatshme për shkak të rrezikut real që i pandehuri, nëse lihet i lirë, të arratiset për t’iu shmangur përgjegjësisë penale. Gjykata theksoi gjithashtu se J.R. është shtetas i Serbisë, çka shton mundësinë që ai të largohet lehtësisht dhe të bëhet i paarritshëm për organet e drejtësisë, duke pamundësuar sigurimin e pranisë së tij dhe duke penguar zhvillimin normal të procedurës penale.

Një tjetër arsye e paraqitur nga gjykata lidhet me rrezikun që, në rast lirimi, i pandehuri të ndikojë te provat dhe dëshmitarët. Për këtë arsye, u konstatua se paraburgimi, në këtë fazë, është masa e vetme që garanton vijimin e papenguar të procedurës penale në këtë çështje.

Palët që nuk pajtohen me aktvendimin mund të paraqesin ankesë në Gjykatën e Apelit, përmes Gjykatës Themelore në Prishtinë.

The post J.R. dërgohet në paraburgim për një muaj nën dyshimet për krime lufte appeared first on Albeu.com.

Lamallari këtë të martë udhëtoi drejt Durrësit, për të parë nga afër situatën e krijuar në IEVP-në e këtij qyteti pas vërshimit të ujit prej reshjeve intensive të orëve të fundit.

Ministri tha se ka qenë në monitorim të situatës prej orëve të para të ditës së sotme dhe janë marrë masat e nevojshme për normalizimin e gjendjes.

“Janë marrë të gjitha masat e nevojshme me stakimin e energjisë elektrike në katin e parë dhe evakuimin në katet më sipër.

Në mbështetjen tonë kemi edhe pompat me kapacitet të lartë nga Ministria e Mbrojtjes për të larguar ujin”, u shpreh ai.

Drejtori i Përgjithshëm i Burgjeve, Klevis Qose, gjithashtu theksoi se situata është nën kontroll si dhe po kryhen furnizimet e nevojshme me mjete logjistike.

The post Përmbytjet në paraburgimin e Durrësit/ Ministri Lamallari: Situata nën kontroll! Janë marrë të gjitha masat appeared first on Albeu.com.

Dhomat e Specializuara në Hagë kanë publikuar dy vendimet me rishikimin e masës së paraburgimit ndaj ish-Presidentit Hashim Thaçi dhe të ish-kryeparlamentarit të Kosovës Kadri Veseli, që akuzohen për krime lufte.

Institucioni që njihet në masë si Gjykata Speciale urdhëron shtyrjen e masës së paraburgimit për dy nga krerët e Ushtrisë Çlirimtare të Kosovës.

Zyra e Prokurorit të Specializuar vlerëson se nuk ka ndonjë ndryshim të rrethanave që nga shqyrtimi i fundit, që kësaj radhe t’i aprovohet kërkesa e mbrotjes, për të mos i mbajtur edhe më tutje në paraburgim atë.

Sipas këtij vendimi, shqyrtimi i radhës rreth masës së paraburgimit ndaj tyre do të bëhet jo më larg se fundi i janari të vitit 2023.

Thaci, Veseli, bashkë me Rexhep Selimin dhe Jakup Kransiqin mbahen në paraburgim prej nëntorit të 2020-s.

The post Refuzohet sërish kërkesa për lirimin e Hashim Thaçit dhe Kadri Veselit nga paraburgimi appeared first on Albeu.com.

Kastrati ndërroi jetë gjatë rrugës për në spital. Ndërsa trupi i tij do t’i nënshtrohet ekspertizës ligjore për të përcaktuar shkaqet e vdekjes.

28 vjeçari ndodhej në paraburgim pasi akuzohej për thyerjen e masës “arrest në shtëpi”./albeu.com

The post EMRI/ Ky është 28-vjeçari që ndërroi jetë në paraburgimin e Lezhës appeared first on Albeu.com.