Vetëm një ditë para se të shpallet aktgjykimi për Hashim Thaçin dhe ish-udhëheqësit e tjerë të Ushtrisë Çlirimtare të Kosovës, gjyqtari Charles Smith ka miratuar zgjatjen e masës së paraburgimit për Kadri Veselin dhe Jakup Krasniqin. Lajmin e ka bërë të ditur gazetarja Rina Mujku nga Haga.

Masa e re e paraburgimit do të qëndrojë në fuqi edhe për dy muaj të tjerë, sipas raportimeve të Mujkut.

Ajo sqaroi se bëhet fjalë për një hap procedural që duhej ndërmarrë për shkak të skadimit të afateve. Vendimi paraprak për këtë çështje ishte marrë më 15 korrik dhe dita e sotme shënonte afatin e fundit për një vendim të ri. Megjithatë, Mujku vuri në dukje se gjyqtari Smith kishte mundësinë të priste të paktën deri nesër, kur do të bëhet e ditur vendimi përfundimtar për të gjithë të akuzuarit, dhe më pas të vendoste për katërshen në tërësi.

Në datën 10 gusht, gjykata kishte vendosur që edhe Thaçi të vijonte të qëndronte në paraburgim.

Në po atë akt, kryegjyqtari Charles Smith i udhëzoi palët që të mos dorëzonin më kërkesa lidhur me shqyrtimin e radhës për vazhdimin e paraburgimit të ish-presidentit të Kosovës. Sipas kalendarit procedural, një shqyrtim i tillë ishte parashikuar të mbahej më 9 tetor 2026.

Trupi Gjykues arsyetoi se një seancë e tillë nuk konsiderohej më e domosdoshme, duke marrë parasysh që data e shpalljes së aktgjykimit ishte fiksuar për në 16 shtator.

Po ashtu, në fund të muajit korrik, paraburgimi i ishte vazhduar edhe Selimit. Paneli gjyqësor njoftoi atëherë se shqyrtimi i radhës ishte planifikuar paraprakisht për datën 28 shtator.

The post Dy muaj shtesë paraburgimi për Veselin dhe Krasniqin një ditë para vendimit për Thaçin e të tjerët appeared first on Albeu.com.

Prokuroria Themelore në Prizren, përmes Departamentit të Krimeve të Rënda, i ka kërkuar Gjykatës Themelore në Prizren që ndaj të dyshuarit B.D. të caktojë masën e paraburgimit për 30 ditë. Ai ndodhet në ndalim prej 48 orësh, nën dyshimin e bazuar se ka kryer veprën penale “Vrasja e rëndë”, sipas nenit 173, paragrafi 1, nënparagrafi 1.3 të Kodit Penal të Republikës së Kosovës (KPRK).

Sipas kërkesës së prokurorisë, ngjarja ka ndodhur më 26.08.2026, rreth orës 00:05, në shtëpinë familjare të të dyshuarit në Prizren. Pas një konflikti verbal me bashkëshorten e tij, viktimën me inicialet L.D., B.D. dyshohet se e ka sulmuar fizikisht, duke i përplasur dhe goditur disa herë kokën në tokë.

Për shkak të plagëve të shumta në kokë dhe në pjesë të tjera të trupit, L.D. ka vdekur në vendin e ngjarjes.

Prokuroria pretendon gjithashtu se pas rastit, B.D. është përpjekur të largojë gjurmët e ngjarjes dhe më pas ka njoftuar familjarët për atë që kishte ndodhur.

“Prokuroria Themelore në Prizren mbetet e përkushtuar në luftimin e kriminalitetit, forcimin e sundimit të ligjit dhe sigurimin që secili person i dyshuar për kryerjen e veprave penale të përgjigjet para organeve të drejtësisë”, thuhet në njoftimin e institucionit.

The post Prokuroria kërkon 30 ditë paraburgim për 81-vjeçarin e dyshuar për vrasjen e bashkëshortes në Prizren appeared first on Albeu.com.

Gjykata e Apelit ka konfirmuar vendimin e shkallës së parë për mbajtjen në paraburgim të gjyqtarit Avdirrahman Gashi, i cili përballet me akuza për veprën penale “Keqpërdorimi i pozitës apo autoritetit zyrtar”.

Në aktvendimin e datës 21 gusht 2026, Apeli ka refuzuar si të pabazuar ankesën e paraqitur nga avokati mbrojtës i të pandehurit, Halit Shaljani, duke lënë në fuqi aktvendimin e Gjykatës Themelore në Prishtinë – Departamenti Special, të marrë më 15.08.2026.

Kolegji që shqyrtoi çështjen përbëhej nga kryetari Vaton Durguti dhe anëtarët Mentor Bajraktari e Valon Kurtaj.

Më 15 gusht 2026, Departamenti Special i Gjykatës Themelore në Prishtinë kishte vendosur masën e paraburgimit prej një muaji për Gashin.

Arrestimi i Avdirrahman Gashit u krye një ditë më parë, më 14 gusht 2026, nga Prokuroria Speciale me mbështetjen e Njësisë së Veçantë Hetimore të Policisë së Kosovës, pas një hetimi disamujor që kishin zhvilluar autoritetet.

Sipas Prokurorisë Speciale, ekziston dyshimi i bazuar se gjyqtari është i implikuar në kryerjen e veprës penale “Keqpërdorimi i detyrës zyrtare”.

The post Apeli lë në fuqi paraburgimin për gjyqtarin Avdirrahman Gashi, i dyshuar për shpërdorim detyre appeared first on Albeu.com.

Prokuroria Themelore e Prizrenit ka kërkuar caktimin e masës së paraburgimit për Fadil Selimin, Beqir Selimin dhe Arsim Doganin, të dyshuar për kryerjen e tri veprave penale: “Fajdeja”, “Sulm ndaj personit zyrtar” dhe “Rrezikimi i trafikut publik”.

Lajmi është konfirmuar për media nga Gjykata Themelore e Prizrenit, përmes zëdhënësit të saj, Marcel Lekaj.

Lekaj bëri të ditur se kërkesa është pranuar dhe është regjistruar rreth mesnatës.

Seanca gjyqësore ndaj tre të dyshuarve ka nisur në orën 10:00, ndërsa masa përkatëse pritet të caktohet nga gjyqtarja brenda afatit ligjor.

The post Prokuroria kërkon paraburgim për tre të dyshuarit në rastin e fajdesë në Prizren appeared first on Albeu.com.

Gjykata Themelore në Prishtinë ka vendosur masën e paraburgimit ndaj Igor Markoviqit, nën dyshimin se ishte i përfshirë në sulmet kundër pjesëtarëve të KFOR-it dhe zyrtarëve të Policisë së Kosovës në Zveçan, në maj të vitit 2023.

Në njoftimin e gjykatës thuhet se ekziston dyshim i bazuar se i pandehuri ka kryer veprat penale “Bashkimi për veprimtari kundër kushtetuese”, “Rrezikimi i personave nën mbrojtje ndërkombëtare”, “Pjesëmarrja në turmë që kryen vepër penale dhe huliganizëm”, “Sulmi ndaj personit zyrtar” dhe “Mbajtja në pronësi, kontroll ose posedim të paautorizuar të armëve”.

Në këtë etapë të procedurës, gjykata e ka konsideruar paraburgimin si masën më të përshtatshme, për shkak të rrezikut që Markoviqi të arratiset dhe t’i shmanget përgjegjësisë penale.

Si pjesë të arsyetimit, gjykata ka përmendur faktin se Igor Markoviq është shtetas i Serbisë, duke vlerësuar se kjo shton mundësinë e largimit të tij dhe të humbjes së qasjes së organeve të drejtësisë ndaj tij.

Gjykata ka konstatuar gjithashtu se ekziston mundësia që i dyshuari të ndërhyjë te dëshmitarët apo provat, duke krijuar pengesa për vijimin e procedurës penale.

Duke u mbështetur në këto rrethana, Gjykata Themelore në Prishtinë ka vlerësuar se paraburgimi është, për momentin, masa e vetme që mundëson zhvillimin pa pengesa të procesit penal.

Dyshimet ndaj Igor Markoviqit lidhen me ngjarjet e majit 2023 në Zveçan, gjatë të cilave u sulmuan pjesëtarë të KFOR-it dhe zyrtarë të Policisë së Kosovës.

The post Paraburgim për Igor Markoviqin, i dyshuar për sulmet në Zveçan appeared first on Albeu.com.

Departamenti për Krime të Rënda i Gjykatës Themelore në Pejë ka vendosur që i pandehuri Vezir (Ramush) Haziraj të mbahet në paraburgim për 30 ditë.

Masa do të përllogaritet nga 15 gushti 2026, kur Haziraj u arrestua, dhe do të jetë në fuqi deri më 13 shtator 2026, thuhet në aktvendimin e siguruar.

Ai është nën dyshimin për veprën penale “mbajtja në pronësi, kontroll ose posedim të paautorizuar të armës”, ndërsa ndaj tij Prokuroria Themelore në Pejë ka hapur hetime.

Aktvendimi u mor pas seancës dëgjimore të zhvilluar më 16 gusht, me ç’rast gjykata konstatoi se ekzistojnë kushtet e parashikuara me ligj për caktimin e kësaj mase.

Në vendim bëhet e ditur se hetimet nga Prokuroria kanë filluar më 10 gusht 2026 dhe se çështja ka të bëjë me dyshimet për kryerjen e veprës penale të armëmbajtjes pa leje.

The post Vezir Haziraj dërgohet në paraburgim për 30 ditë appeared first on Albeu.com.

Departamenti i Krimeve të Rënda në Prokurorinë Themelore të Pejës i është drejtuar gjykatës kompetente me kërkesë për caktimin e paraburgimit ndaj Vezir Hazirajt. Kërkesa është bërë pas veprimeve hetimore për ngjarjen e 7 gushtit 2026 në fshatin Orroberd të Komunës së Istogut.

Haziraj dyshohet në mënyrë të bazuar për veprat penale “Vrasje e mbetur në tentativë”, “Mbajtja në pronësi, kontroll ose posedim të paautorizuar të armëve” dhe “Kanosja”. Prokuroria ka vlerësuar se në këtë rast janë plotësuar kushtet ligjore për masën e paraburgimit.

Sipas njoftimit, rreth orës 20:40 të 7 gushtit 2026, pas një mosmarrëveshjeje mes të pandehurit dhe të dëmtuarit D.H. në Orroberd, dy personat janë përfshirë në një përleshje fizike. Haziraj dyshohet se gjatë konfliktit ka nxjerrë një pushkë gjuetie të modifikuar dhe ka qëlluar drejt D.H., duke e plagosur në kofshën e majtë dhe duke i shkaktuar lëndime trupore që i rrezikonin jetën. Pas të shtënave, ai dyshohet se është larguar nga vendi i ngjarjes.

Organi i akuzës pretendon gjithashtu se i pandehuri ka pasur në pronësi dhe posedim armë pa autorizim, në kundërshtim me legjislacionin në fuqi. Mes tyre përfshihen pushka e modifikuar e gjuetisë, me të cilën dyshohet se u krye vepra penale, dhe një armë e shkurtër, përkatësisht revole. Për këto armë nuk rezulton se ai kishte lejet përkatëse të lëshuara nga organet kompetente.

Një ditë më vonë, më 8 gusht 2026, rreth orës 20:53, Haziraj dyshohet se publikoi në rrjetet sociale një përmbajtje kërcënuese ndaj personave zyrtarë. Sipas dyshimeve, në atë publikim ai i kanosi seriozisht se do t’i dëmtonte duke përdorur armë zjarri dhe mjete shpërthyese.

Policia e Kosovës njoftoi dje për arrestimin e Vezir Hazirajt, i cili ishte në kërkim për veprën penale të tentim-vrasjes në fshatin Orroberdë të Istogut, të ndodhur më 7 gusht të këtij viti. Pas rastit, i dyshuari ishte arratisur.

Sipas Policisë, pasi konstatoi se nuk kishte mundësi të largohej, Haziraj u dorëzua. Dorëzimi dhe arrestimi u realizuan pa ndonjë incident.

The post Prokuroria kërkon paraburgimin e Vezir Hazirajt për tentim-vrasjen në Istog appeared first on Albeu.com.

Ministri i Punëve të Brendshme i Serbisë, Ivica Daçiq, ka bërë të ditur se autoritetet serbe kanë arrestuar një person, nën dyshimin se ka kryer krime lufte kundër popullatës civile në Kosovë gjatë vitit 1999.

Sipas Daçiqit, i dyshuari është një 47-vjeçar me inicialet D.M., i cili u ndalua në pikën kufitare të Batrovcit. Ndaj tij është caktuar masa e paraburgimit për një muaj.

Përmes një njoftimi, Daçiq deklaroi se ekziston dyshimi i bazuar që i arrestuari ka kryer vepër penale kundër popullsisë civile, në dëm të pjesëtarëve të dy familjeve, në qershor të vitit 1999, në fshatin Bec të komunës së Gjakovës.

Megjithëse ministri serb publikoi vetëm inicialet e të ndaluarit, avokati nga Kosova, Arianit Koci, kishte njoftuar një ditë më herët se bëhej fjalë për Dugagjin Maxhunin, 47 vjeç, nga Beci i Gjakovës.

Radio Evropa e Lirë ka kërkuar informacione për rastin nga Ministria për Punë të Jashtme dhe Diasporë, por deri tani nuk ka marrë përgjigje.

Në përgjigje të interesimit të Radios Evropa e Lirë, Organizata e Veteranëve të Ushtrisë Çlirimtare të Kosovës konfirmoi se Dugagjin Maxhuni gjendet në listën e personave që e gëzojnë statusin e veteranit.

Autoritetet serbe kanë arrestuar në vazhdimësi shtetas të Kosovës, duke i akuzuar për krime të pretenduara të luftës të kryera në Kosovë gjatë viteve 1998-’99.

Edhe në Kosovë, gjatë viteve të fundit, janë ndaluar dhjetëra serbë nën dyshimet për krime lufte. Disa prej këtyre rasteve janë mbyllur me aktgjykime dënuese.

Rasti i Maxhunit përbën arrestimin e dytë që Serbia ka kryer gjatë gushtit për pretendime që lidhen me krimet e luftës në Kosovë. Më 2 gusht, një burrë ishte arrestuar në kufirin ndërmjet Serbisë dhe Hungarisë.

Avokati Koci kishte deklaruar se personi i ndaluar në atë rast ishte Mentor Mustafa, shtetas i Kosovës, 44 vjeç, nga Novobërda. Edhe ndaj tij ishte vendosur masa e paraburgimit prej një muaji.

The post Serbia cakton një muaj paraburgim për Dugagjin Maxhunin, nën pretendimet për krime lufte appeared first on Albeu.com.

Hashim Thaçi do të mbetet në paraburgim deri në shpalljen e aktgjykimit në çështjen e përbashkët gjyqësore ndaj tij, Kadri Veselit, Rexhep Selimit dhe Jakup Krasniqit.

Kërkesa e ish-presidentit për lirim është rrëzuar nga Trupi Gjykues i Dhomave të Specializuara në Hagë, i cili ka urdhëruar vazhdimin e masës së paraburgimit. Ky përbën vendimin e 27-të për zgjatjen e paraburgimit të Thaçit.

Në vendimin e marrë më 10 gusht, gjyqtarët kanë arritur në përfundimin se, në këtë fazë, nuk disponojnë informacion të mjaftueshëm për të vlerësuar se Thaçi mund t’i shmanget drejtësisë nëse lirohet.

Pavarësisht kësaj, Trupi Gjykues ka çmuar se vazhdon të jetë i pranishëm rreziku i mjaftueshëm që ai të pengojë ecurinë e procedurave pranë Dhomave të Specializuara ose të ushtrojë ndikim mbi dëshmitarët.

“Paneli përfundon se, në këtë kohë, vazhdon të ketë informacion të pamjaftueshëm para tij që justifikon një konstatim se z. Thaçi mund t’i shmanget drejtësisë nëse lirohet. Megjithatë, Paneli është i kënaqur, bazuar në standardin përkatës, se ekziston një rrezik i mjaftueshëm që z. Thaçi do të pengojë përparimin e procedurave të Dhomave të Specializuara dhe se ai do të kryejë krime të mëtejshme kundër atyre që perceptohen si kundërshtarë të UÇK-së, përfshirë dëshmitarët që kanë dhënë prova në këtë çështje”, thuhet në vendim.

Vendimi përfundimtar në procesin kundër Thaçit, Veselit, Selimit dhe Krasniqit pritet të bëhet publik më 16 shtator 2026.

Kryegjyqtari Charles Smith, përmes të njëjtit vendim, ka udhëzuar palët që të mos dorëzojnë parashtresa të tjera për rishikimin e radhës të paraburgimit të Thaçit. Sipas afateve, ky shqyrtim duhej të mbahej më 9 tetor 2026.

Trupi Gjykues ka vlerësuar se një rishikim i tillë, për momentin, nuk është më i domosdoshëm, duke qenë se seanca për shpalljen e aktgjykimit është planifikuar për 16 shtator.

“Paneli vëren se, në përputhje me nenin 41(10), shqyrtimi i ardhshëm i paraburgimit të z. Thaçi, në parim, është i caktuar të bëhet të premten, më 9 tetor 2026, përveç nëse Aktgjykimi i Gjykimit shpallet ndërkohë”, përcaktohet në vendim.

Procesi gjyqësor ndaj Thaçit, Veselit, Selimit dhe Krasniqit zhvillohet në Hagë që prej vitit 2023. Prokuroria i ngarkon ata me një varg veprash penale që pretendohet se janë kryer gjatë luftës në Kosovë dhe pas saj, ndërsa të katër të akuzuarit janë deklaruar të pafajshëm.

The post Specialja lë Thaçin në paraburgim, vlerëson se ekziston rreziku për “krime të mëtejshme appeared first on Albeu.com.

Hashim Thaçi do të mbetet në paraburgim deri në dhënien e aktgjykimit në çështjen e përbashkët gjyqësore ndaj tij, Kadri Veselit, Rexhep Selimit dhe Jakup Krasniqit.

Kërkesa e ish-presidentit të Kosovës për lirim është rrëzuar nga Trupi Gjykues i Dhomave të Specializuara në Hagë, i cili ka urdhëruar vazhdimin e paraburgimit. Ky përbën vendimin e 27-të me të cilin masa ndaj Thaçit zgjatet.

Në vendimin e marrë më 10 gusht, gjyqtarët kanë arritur në përfundimin se, në këtë fazë, nuk disponojnë informacion të mjaftueshëm për të vlerësuar se Thaçi mund t’i ikë drejtësisë nëse lirohet.

Pavarësisht kësaj, Trupi Gjykues ka çmuar se ekziston ende rrezik i mjaftueshëm që ai të ndërhyjë në ecurinë e procedurave të Dhomave të Specializuara ose të ushtrojë ndikim mbi dëshmitarët.

Në arsyetimin e vendimit thuhet se Paneli nuk ka aktualisht të dhëna të mjaftueshme për të konstatuar se z. Thaçi do t’i shmangej drejtësisë po të lirohej. Megjithatë, sipas standardit përkatës, Paneli është bindur se ka rrezik të mjaftueshëm që ai të pengojë zhvillimin e procedurave të Dhomave të Specializuara dhe të kryejë krime të tjera ndaj personave që perceptohen si kundërshtarë të UÇK-së, përfshirë dëshmitarët që kanë paraqitur prova në këtë çështje.

Shpallja e aktgjykimit për Thaçin, Veselin, Selimin dhe Krasniqin parashikohet të bëhet më 16 shtator 2026.

Me të njëjtin vendim, kryegjyqtari Charles Smith ka udhëzuar palët që të mos dorëzojnë parashtresa të tjera për rishikimin e radhës të paraburgimit të Thaçit, i cili, sipas afateve, duhej të mbahej më 9 tetor 2026.

Trupi Gjykues ka vlerësuar se një shqyrtim i tillë nuk nevojitet më në këtë moment, për shkak se seanca e shpalljes së aktgjykimit është planifikuar për 16 shtator.

Paneli ka sqaruar se, në bazë të nenit 41(10), rishikimi i ardhshëm i paraburgimit të z. Thaçi në parim është paraparë për të premten, më 9 tetor 2026, përveç rastit kur Aktgjykimi i Gjykimit shpallet para kësaj date.

Procesi gjyqësor kundër Thaçit, Veselit, Selimit dhe Krasniqit po zhvillohet në Hagë që prej vitit 2023. Prokuroria i ngarkon ata me një varg veprash penale, për të cilat pretendon se janë kryer gjatë luftës në Kosovë dhe pas përfundimit të saj, ndërsa të katër të akuzuarit janë deklaruar të pafajshëm.

The post Thaçi do të qëndrojë në paraburgim deri në shpalljen e aktgjykimit appeared first on Albeu.com.