“Drejtori i policisë, kemi të drejtë të protestojmë sepse ndihemi të vjedhur. Kushdo polic që tenton të përdore dhunë do te përgjigjet sipas ligjit”, tha protestuesi.

Ndërkohë nga ana e saj policia i bëri apel qytetarëve që të lirojnë rrugën, pasi në të kundër do të veprojnë. “Lironi rrugën, policia do veprojë. Bllokimi i rrugëve është vepër penale”, tha policia me megafon.

The post Ndihemi të vjedhur, do protestojmë/ Policia paralajmëron qytetarët: Lironi rrugën, do veprojmë (VIDEO) appeared first on Albeu.com.

Ata theksojnë se imazhet që vijnë nga Shqipëria janë shqetësuese dhe se reagimi i policisë ndaj protestuesve ishte i ashpër.

Sipas Demokratëve Evropianë, njerëz pa uniforma ndërhynë, duke ngritur pikëpyetje nëse ishin oficerë policie apo persona të tjerë.

“Dje, ndërsa protestat në Tiranë hynë në ditën e tyre të 101-të radhazi, imazhet që na arritën u bënë thellësisht shqetësuese. Ndalimet u rritën, reagimi i policisë dukej në mënyrë disproporcionale i ashpër dhe njerëz pa uniforma të dukshme u panë duke ndërhyrë, duke ngritur pyetje serioze nëse ata ishin oficerë policie apo individë që vepronin jashtë çdo zinxhiri të qartë llogaridhënieje.

Kjo vjen pas bllokimit dhe kufizimit të llogarive të mediave sociale të lidhura me protestat javën e kaluar, një shqetësim i mëtejshëm për lirinë e shprehjes dhe aksesin në informacion”, theksojnë ata.

Më pas, ata drejtojnë gishtin nga kryeministri Edi Rama, për të cilin thonë se teksa është në krye, vendi po përballet me një provë serioze të standardeve të saj demokratike në një kohë kur synon edhe anëtarësimin në BE.

“Nën udhëheqjen e Edi Ramës, Shqipëria po përballet me një provë serioze të standardeve të saj demokratike. Një vend që kërkon të anëtarësohet në Bashkimin Evropian duhet të forcojë sundimin e ligjit, të mbrojë liritë themelore dhe të garantojë të drejtën për të mos u pajtuar, për të protestuar dhe për të folur lirisht.”, theksojnë Demokratët Evropianë”, shtojne ata.

The post Përplasjet para Parlamentit/ Demokratët Evropianë: Reagimi i policisë ndaj protestuesve ishte i ashpër! Nën drejtimin e Ramës, Shqipëria po përballet me një provë të standarteve demokratike appeared first on Albeu.com.

Ndërkohë, policia ka bllokuar rrugën përpara Parlamentit dhe ka vendosur një perimetër më të gjerë sigurie se në protestat e mëparshme, duke kufizuar lëvizjen e qytetarëve në zonë.

Vëmendje tërhoqi një pankartë me mbishkrimin “Pula në burg, është fabrikë e armëve”, një ironi që lidhet me ngjarjet e protestës së të enjtes, kur deputetët dhe ministrat u goditën me vezë gjatë hyrjes në Parlament.

The post VIDEOLAJM/ Qytetarët para Parlamentit: Edi Rama i pabesë, ju me gaz ne me vezë, poshtë qeveria… appeared first on Albeu.com.

Në të njëjtën kohë me seancën plenare, qytetarë mblidhen para godinës së Kuvendit për të shprehur pakënaqësitë e tyre, ndërsa policia ka rrethuar zonën.

Në terren janë dislokuar edhe mjete speciale, përfshirë një autoblin dhe një autobot me ujë, si pjesë e planit të masave për menaxhimin e protestës.

The post Protesta para Parlamentit, deputetët e PS mbërrijnë dy orë para nisjes së seancës appeared first on Albeu.com.

Forca të shumta policie kanë rrethuar gjithë perimetrin e zonës së Parlamentit, ndërsa janë vendosur edhe mjete të posaçme sigurie, përfshirë një autoblind dhe një autobot me ujë.

Ndërkohë, deputetët e Partisë Socialiste kanë mbërritur në ambientet e Kuvendit rreth dy orë përpara nisjes së seancës, për të shmangur ndonjë përplasje të mundshme.

The post Protesta qytetare para parlamentit, policia “blindon” zonën! Vendosen autoblinda dhe autobote me ujë appeared first on Albeu.com.

Në rrjetet sociale është publikuar edhe një poster që bën thirrje për pjesëmarrje në orën 10:00.

Posteri mban sloganet “është koha të zgjohemi”, “Një popull, një zë, një e ardhme!” dhe u bën thirrje qytetarëve të marrin pjesë në tubim.

Në të shfaqen edhe disa elemente simbolike, si një vezë, një presh dhe mielli, të shoqëruara me mesazhe proteste.

The post Vezë, presh dhe miell/ Qytetarët protestë para Parlamentit: Është koha të zgjohemi appeared first on Albeu.com.

Gjatë tensioneve, policia ka shoqëruar Dritan Goxhajn, si edhe një person tjetër.

Gazetari Osman Stafa, raporton se protestuesit kanë hedhur vezë ndaj makinës së deputetit Erion Braçe dhe në këtë moment ka ndërhyrë policia, duke bërë që situata të tensionohet.

The post Përshkallëzohet situata para Parlamentit, policia shoqëron Dritan Goxhajn dhe një person tjetër appeared first on Albeu.com.

Siç shihet edhe nga pamjet, efektivët kanë shtyrë protestuesit për t’i hapur rrugë automjetit të një prej anëtarëve të qeverisë, konkretisht zv kryeministres Albana Koçiu.

Gjatë momentit të kalimit të automjetit, një pjesë e protestuesve kanë hedhur vezë në drejtim të makinës.

Kjo situatë përsëritet sa herë makinat e ministrave dalin nga godina e Parlamentit, duke i gjuajtur me vezë dhe shishe uji.

The post VIDEO/ Policia shtyn me forcë protestuesit për t’i hapur rrugë Albana Koçiut, qytetarët godasin me vezë makinën e ministres appeared first on Albeu.com.

Deputeti Flamur Noka, është përplasur me deputetin e PS-së Frrok Gjini, i cili ka thënë se gjallë a vdekur do hyjë në parlament.

“Nuk ka bir k*** që më ndalon të hyj në Parlament”, tha Gjini.

Përplasja:

Flamur Noka: “Ik Frrok, hajde tani, ik”!

Frrok Gjini: “Mos më prek më dorë”!

Flamur Noka: “Ik Frrok, nuk hyn”.

Frrok Gjini: “Ore s’më prek kush më dorë mua. S’ka bir k**ve që më ndalon të hyj në Parlament”.

Flamur Noka: “Frrok hajde me mua të flasim”.

Frrok Gjini: “S’kam punë me ty, do hyj në Parlament. Nuk kthehem pas unë. Do hyj në Parlament.
“Jeni duke provokuar opozitën. Asnjëherë nuk është shpallur opozita armike. Është hera e parë që shpallet armike. Ju lutem asnjë provokim për opozitën”, tha Noka.

“Ne jemi në betejë jetë a vdekje, ju betejë humori”, iu drejtua Noka deputetit Gjini.

Opozita edhe sot ka vazhduar aksionin e saj, për të mos lejuar zhvillimin normal të punimeve të Kuvendit, si shenjë protestë për burgosjen e Ervin Salianjit.

Ndërkohë në Kuvend kanë shkuar edhe ministrat e PS, deputetët nuk i kanë lejuar që të futen, madje edhe janë përplasur me ministrin e Financave, Petrit Malaj.

Ndërsa deputeti Luan Baçi dëgjohet ti drejtohet Niko Peleshit “Niko mos bëni të fortin”.

The post Deputeti Frrok Gjini i kthehet ashpër Nokës: Nuk ka bir k*** që më ndalon të hyj në Parlament (VIDEO) appeared first on Albeu.com.

Protesta ka nisur në orën 10:00, në të njëjtën kohë me nisjen e seancës së sotme plenare. Ndërkohë para Kuvendit, janë mbledhur protestuesit ashtu siç ishte njoftuar.

Gjithashtu, raportohet se protestuesit janë parë me goma para Kuvendit. Në protestën e kaluar të opozitës para bashkisë së Tiranës, u dogjën disa goma duke krijuar tym dhe tensione. Pritet që gjatë kësaj proteste të ketë djegie të tjera të gomave.

Para grumbullimit të protestuesve, u raportua se rreth 400 efektivë nga Policia e Tiranës (efektivë të rendit, forcat Shqiponja, agjentë) dhe Forcat e Sigurisë Kombëtare (FNSH) janë angazhuar për mbarëvjatjen e protestës para parlamentit.

The post Në Kuvend seancë plenare, jashtë protestë, protestuesit vendosin goma para Parlamentit appeared first on Albeu.com.