Kryeministri Hristijan Mickoski tha se në periudhën nga tremujori i tretë i vitit 2024 deri në tremujorin e dytë të vitit 2026, gjatë dy viteve të fundit, janë krijuar 17.000 vende të reja pune.

Sipas të dhënave të prezantuara prej tij, numri i të punësuarve në vend është rritur nga 691.000 në 708.000. Mickoski u shpreh se qeveria e mëparshme nuk kishte arritur të krijonte një numër të tillë vendesh pune përgjatë shtatë viteve.

“Para dy ose tre ditësh, Enti Shtetëror i Statistikës publikoi shifrën se kjo qeveri, gjatë dy viteve të fundit, nga tremujori i tretë i vitit 2024 deri në tremujorin e dytë të vitit 2026, ka krijuar 17.000 vende të reja pune. Nga 691.000 të punësuar në 708.000 të punësuar”, tha Mickoski.

Kryeministri parashikoi se numri mund të rritet edhe më shumë me ndërtimin e qendrave të të dhënave (data center) dhe zhvillimin e industrive që lidhen me to.

Ai theksoi se zgjerimi i kësaj fushe mund t’u krijojë mundësi shumë të rinjve që janë larguar nga Maqedonia e Veriut të rikthehen në vend dhe të ndërtojnë këtu jetën e tyre së bashku me familjet.

Mickoski shtoi se kushtet në Evropën Perëndimore kanë ndryshuar dhe nuk janë më të njëjta me ato të pesë apo dhjetë viteve më parë. Sipas tij, Maqedonia e Veriut duhet ta shfrytëzojë këtë situatë për të nxitur zhvillimin ekonomik.

The post Mickoski: Qeveria ka shtuar 17 mijë vende pune në dy vjet appeared first on Albeu.com.