Në Vatikan pritet të mblidhen liderë shtetesh, përfaqësues të lartë të kishës dhe besimtarë nga e gjithë bota për t’i dhënë lamtumirën e fundit Papës, që u njoh si zëri i të varfërve dhe i shtresave të margjinalizuara.

Presidenti Begaj, do të jetë pjesë e delegacionit shqiptar që do të nderojë figurën dhe trashëgiminë shpirtërore të Atit të Shenjtë, i cili për vite me radhë mbajti një qëndrim të fortë në mbrojtje të paqes, drejtësisë sociale dhe solidaritetit ndërkombëtar.

The post Presidenti Begaj niset drejt Italisë, do të marrë pjesë në varrimin e Papa Franceskut appeared first on Albeu.com.

Vendimi u mor në mbështetje të Kushtetutës së Republikës së Shqipërisë dhe legjislacionit në fuqi, me propozim të Kryeministrit.

Gjatë kësaj dite zie, flamuri kombëtar do të ulet në gjysmështizë në të gjitha institucionet shtetërore dhe publike.

SHPALLJE DITË ZIE KOMBËTARE

Në mbështetje të nenit 100 të Kushtetutës dhe të pikës 4, të nenit 4, të ligjit nr.8926, datë 22.7.2002, “Për formën dhe përmasat e flamurit kombëtar, përmbajtjen e himnit kombëtar, formën dhe përmasat e stemës së Republikës së Shqipërisë dhe mënyrën e përdorimit të tyre”, të ndryshuar, me propozimin e Kryeministrit, Këshilli i Ministrave

V E N D O S I:

1. Shpalljen ditë zie kombëtare ditën e shtunë, datë 26.4.2025, në shenjë dhimbjeje, respekti e mirënjohjeje për Atin e Shenjtë, Papa Françesku, i cili ndërroi jetë pas një sëmundjeje.

2. Në të gjitha institucionet shtetërore dhe publike të ulet flamuri kombëtar në gjysmështizë.

3. Ftohen të gjitha stacionet radiotelevizive, publike dhe private që gjatë ditës së zisë kombëtare të transmetojnë muzikë funebër.

4. Ngarkohen të gjitha institucionet shtetërore dhe publike për zbatimin e këtij vendimi.

Ky vendim hyn në fuqi menjëherë.

The post Ndarja nga jeta e Papa Franceskut/ Qeveria shqiptare shpall 26 prillin ditë zie kombëtare appeared first on Albeu.com.

Zia do të zgjasë deri të shtunën, kur varrimi i Papës së ndjerë do të bëhet jashtë Bazilikës së Shën Pjetrit.

Imazhet e Papës në një arkivol të hapur janë publikuar nga Vatikani, ndërsa trupi i tij do të zhvendoset në Bazilikën e Shën Pjetrit për zi publike të mërkurën.

Katolikët në mbarë botën, vazhdojnë të mbajnë zi për vdekjen e papës.

Në Vatikan, ka një fluks të vazhdueshëm njerëzish që vizitojnë kishën ku pritet të prehet Papa.

The post Italia shpall 5 ditë zie kombëtare për ndarjen nga jeta të Papa Françeskut appeared first on Albeu.com.

Papa Françesku, ka lënë edhe amanetin e tij, ku është shprehur se dëshironte të varrosej në një varr “të thjeshtë” në Bazilikën e Romës.

“Varri duhet të jetë në tokë, i thjeshtë, pa dekorim të veçantë dhe me mbishkrimin e vetëm: Francisco”, ka thënë Papa në testamentin e tij, i cili u publikua nga Vatikani.

Ai do të jetë Papa i parë në më shumë se një shekull, që do të varroset jashtë Vatikanit.

Testamenti i tij Papa e shkroi më 29 qershor 2022.

Papa vuante nga probleme shëndetësore dhe para se të kthehej në rezidencën e tij, ai kishte qëndruar për 38 ditë në një spital, pasi mjekët e kishin diagnostikuar me pneumoni të dyfishtë.

Ai ishte zgjedhur Papë në vitin 2013, pas dorëheqjes së Papa Benediktit XVI, dhe e kishte zgjedhur emrin Françesk, si nderim ndaj Shën Françeskut të Asizit dhe veprave të tij ndaj të varfërve.

Papa Françesku ishte Papa i 266-të i Kishës Katolike Romane, dhe i pari Papë nga Amerika Latine i njohur për qëndrimet e tij të forta kundër luftës, për kujdesinë ndaj të varfërve dhe grupeve të margjinalizuara dhe përulësinë ndaj të ndikuarve nga konfliktet.

The post Trupi i Papa Françeskut nuk do të prehet në Vatikan/ Zbulohet testamenti i tij, ja çfarë shkroi 3 vite më parë appeared first on Albeu.com.

Kisha Ortodokse Autoqefale e Shqipërisë, shpreh ngushëllime të sinqerta ndaj klerit dhe besimtarëve të Kishës Katolike, duke vlerësuar kontributin e Papës në shpalljen e Ungjillit dhe angazhimin e tij të pandalshëm për të varfërit dhe të margjinalizuarit.

Në mënyrë të veçantë, Kisha Ortodokse nënvizon përpjekjet e Papa Françeskut, për të afruar Kishat Ortodokse dhe Katolike, duke kujtuar fjalët e tij frymëzuese: “Ecim së bashku si vëllezër në rrugën e mëshirës dhe të dashurisë”.

Duke u mbështetur në fjalët e Shkrimit të Shenjtë, Kisha Ortodokse, lutet që shpirti i Papës të prehet në paqe dhe përfundon mesazhin e saj: “I përjetshëm kujtimi i tij!”.

KISHA ORTHODHOKSE AUTOQEFALE E SHQIPËRISË:

Tiranë, 21.4.2025

MBI FJETJEN E PAPA FRANÇESKUT

Duke marrë pjesë në hidhërimin për fjetjen e Papës së Romës, Françeskut, dëshirojmë të shprehim ngushëllimet tona ndaj klerit dhe besimtarëve të Kishës Romano-Katolike.

Gjatë misionit të tij si prift, peshkop dhe Papë, ai gjithmonë tregoi një përkushtim të thellë ndaj shpalljes së Ungjillit në kontekste të ndryshme gjeografike dhe kulturore, veçanërisht përmes kujdesit të tij të sinqertë për të varfërit dhe të margjinalizuarit.

Veçanërisht vlerësojmë përpjekjet e tij të sinqerta për të nxitur një mirëkuptim më të madh ndërmjet Kishës Orthodhokse dhe asaj Katolike. Sjellim ndër mend fjalët e tij gjatë takimeve me përfaqësuesit e Kishës Orthodhokse: “Ecim së bashku si vëllezër në rrugën e mëshirës dhe të dashurisë”.

Me shpresën tek Krishti i Ngjallur i Cili: “…do të fshijë çdo lot nga sytë e tyre dhe nuk do të ketë më as vdekje, as zi, as vajtim, as dhimbje, sepse bota e mëparshme mori fund” (Zb. 21:4), lutemi që Zoti ynë, Ati i mëshirshëm, t’i japë prehje shpirtit të tij. I përjetshëm kujtimi!

The post Kisha Ortodokse Shqiptare reagon për ndarjen nga jeta të Papa Franceskut: Nxiti mirëkuptim mes ortodoksëve dhe katolikëve, i përjetshëm kujtimi i tij appeared first on Albeu.com.

Begaj, ka vlerësuar figurën e tij si simbol të dashurisë universale, dhembshurisë dhe përkushtimit pa dallim feje apo kombësie.

“Shenjtëria e tij, Papa Françesku, sot u ngjit në qiell, pranë Atit, për të çuar në qiell atë që la trashëgimi në tokë – dhembshurinë, dashurinë dhe përkushtimin ndaj çdo njeriu, çdo besimtari e çdo feje”, – u shpreh Presidenti Begaj, i cili është pritur dy herë në audiencë nga Ati i Shenjtë.

Gjithashtu, kreu i shtetit shtoi se do të ruajë në kujtesë takimet me Papa Françeskun dhe u bashkua me lutjet e miliona besimtarëve në Shqipëri dhe mbarë botën për paqen e shpirtit të tij:

“Do të ruaj thellë në kujtesën time takimet tona. I bashkohem lutjeve të të gjithë besimtarëve shqiptarë që shpirti i tij të prehet në paqe!”, – përfundoi mesazhin e tij Presidenti.

The post Ndarja nga jeta e Atit të Shenjtë/ Reagon presidenti Begaj: Papa Françesku la pas një trashëgimi dhembshurie, dashurie dhe përkushtimi ndaj çdo njeriu appeared first on Albeu.com.

Rama shprehet se Papa ka qenë një mik i paharrueshëm i Shqipërisë. Kreu i qeverisë mbajti një minut heshtje edhe gjatë fjalës së tij në fushatën e PS-së në Kavëjë, në nder të Papa Franceskut.

Ai e quajti Papën një mik të madh të Shqipërisë.

Reagimi i kryeministrit Edi Rama:

“Lamtumirë, At i Shenjtë, mik i madh e i paharrueshëm i Shqipërisë🕊️”.

The post Ndarja nga jeta e Papa Françeskut/ Reagon Rama: Lamtumirë At i Shenjtë, mik i paharrueshëm i Shqipërisë appeared first on Albeu.com.