Kreu i Vatikanit tha se në një konflikt, pala humbëse duhet të gjejë guximin ta pranojë disfatën dhe të përfshihet në negociata për një marrëveshje paqësore.

“Unë besoj se më i fortë është ai që e sheh situatën, ai që mendon për njerëzit, ai që ka guximin të ngrejë flamurin e bardhë dhe të negociojë”, tha Papa muajin e kaluar në një intervistë me transmetuesin publik zviceran RSI.

Në intervistë Papa shtoi se negociatat po zhvillohen me ndihmën e fuqive ndërkombëtare dhe se duhet pasur guxim për të negociuar, kur “gjërat shkojnë keq”.

Ai deklaroi se “ka shumë që duan të veprojnë si ndërmjetës, veçanërisht Turqia”. “Mos ki turp të negociosh përpara se situata të përkeqësohet”, tha Papa.

The post Papa Françesku thirrje për paqe: Ukraina duhet të gjejë guximin dhe të ngrejë një “flamur të bardhë” appeared first on Albeu.com.

Konsumi i filmave pornografikë është “një ves që e kanë kaq shumë njerëz, madje edhe priftërinj dhe murgesha.” – tha Papa Françesku.

Ai i paralajmëruar priftërinjtë dhe murgeshat për rreziqet e të paritfilma porno në internet, duke thënë se kjo “dobëson zemrën priftërore”. “Kështu futet djalli”, u tha Papa priftërinjve dhe seminaristëve.

Madje djalli depërton edhe përmes konsumimit të filmave pornografikë që mund të duken “disi normalë”, paralajmëroi Papa Françesku.

Deklaratë e papritur nga Papa

Askush nuk e kishte menduar që Papa Françesku do të bënte një deklaratë kaq konkrete për temën e pornografisë.

Papa 86-vjeçar i bëri këto deklarata duke iu përgjigjur gjatë një seanca në Vatikan një pyetjeje se si duhet të përdoren më së miri mediat digjitale dhe sociale.

Kisha e sheh pornografinë si një ofendim kundër dëlirësisë.

150.000 euro për faqe pornografike

Para disa kohësh mediat njoftuan se një prift katolik në Maltë kishte shpenzuar në faqet pornografike që ofrojnë shfaqje seksuale live në internet rreth 150.000 euro

Sipas prokurorëve këto para ishin para nga donacionet e besimtarëve. I dyshuari u tha hetuesve se i kishte pasur një “krizë seksuale”.

The post Papa Françesku: Djalli depërton përmes pornografisë appeared first on Albeu.com.