Rishikimi i llogarive kombëtare nga INSTAT referoi se në vitin 2023, familjet shqiptare harxhuan për shëndetin mbi 84 miliardë lekë, ose mbi 840 milionë euro. Kjo shifër e gjeneruar nga anketa e buxhetit të familjeve ishte 8% më e lartë se në vitin 2022 dhe 41% më e lartë se në vitin 2019 para pandemisë Covid- 19.

Barra e sëmundjeve kronike është rritur rreth 6% çdo vit pas pandemisë sipas të dhënave zyrtare, duke rritur nevojën për ekzaminime dhe trajnime të përhershme. Të dhëna të tjera tregojnë se pjesa më e madhe e shpenzimeve shkojnë për blerjen e medikamenteve.

Sipas të dhënave zyrtare, në vitin 2024 u importuan mbi 28,1 miliardë lekë produkte farmaceutike (280 milionë euro), teksa fondi i rimbursimit të medikamenteve me 2024 kishte një tavan prej 12 miliardë lekësh.

Siç shihet, shteti ka kompensuar 120 milionë euro nga 281 milionë euro që kanë harxhuar qytetarët shqiptarë për mjekime. Rreth 160 milionë euro për produkte farmaceutike janë paguar nga të ardhurat vetjake.

Fondi i rimbursimit të medikamenteve vitin e kaluar kishte një tavan prej 12 miliardë lekësh, rreth 120 milionë euro, një shumë mjaft e ulët në raport me shpenzimet e familjeve shqiptare për shëndetin me mbi 840 milionë euro më 2023.

Shqipëria si një vend me nivel të lartë të varfërisë në popullatë dhe me të ardhurat më të ulëta në Europë nuk mund të ketë akses në terapitë inovative. Zhvillimet demografike të Shqipërisë tregojnë për presion në rritje të shpenzimeve në shëndetësi.

Fondi Monetar Ndërkombëtar vlerësoi më herët këtë vit se Shqipëria i ka hapësirat fiskale për të rritur shpenzimet për shëndetësinë. Edhe Banka Botërore në vlerësimet e mëparshme ka kërkuar rritje të investimeve për kapitalin human, me më shumë investime ne arsim dhe shëndetësi.

Shqiptarët ishin më të shqetësuarit në Rajon për kostot e larta të shërbimeve shëndetësore sipas anketës së fundit të “Security Metër” të zhvilluar në 6 vendet e Rajonit nga Këshilli i Bashkëpunimit Rajonal.

Rezultatet treguan se 24% e shqiptarëve ishin shumë të shqetësuar pasi nuk ishin në gjendje të përballonin kostot financiare për kujdes mjekësor rutine dhe mjekim.

Ky shqetësim ishte i pranishëm në një përqindje më të ulët ndër qytetarët e Bosnjës 16%, Kosovës 9%, Maqedonisë së Veriut 16%, Malit të Zi 20% dhe Serbisë, 20%./ Monitor

The post Pandemia rrit 41% shpenzimet për shëndetin, arrijnë në 840 mln euro në vit! 24% e shqiptarëve nuk përballojnë dot kostot appeared first on Albeu.com.

Sipas një raporti të Science Times, shpella më vdekjeprurëse në botë Kitum, e vendosur në Parkun Kombëtar Mount Elgon në Kenia, mund të shkaktojë pandeminë e ardhshme.

Shpella doli të ishte shtëpia e disa prej viruseve më vdekjeprurëse në historinë njerëzore. Virusi Ebola dhe virusi Marburg u raportuan se kishin filluar atje.

Tani, ekspertët shqetësohen se mund të jetë shtëpia e pandemisë së ardhshme – virusi Marburg, Organizata Botërore e Shëndetësisë lëshoi ​​një paralajmërim, duke deklaruar se virusi Marburg ishte “i prirur ndaj epidemisë”.

Sipas raportit, Marburg është një “sëmundje shumë virulente që shkakton ethe hemorragjike”. Sëmundja ul kapacitetin funksional të trupit dhe dëmton sistemin kardiovaskular.

Me një shkallë vdekshmërie deri në 88 për qind, virusi lidhet me virusin që shkakton Ebola.

Lakuriqët e natës, të cilët janë të përhapur në të gjithë Afrikën Qendrore, gjithashtu mund të përhapin virusin nga personi në person duke kontaktuar me lëngjet e trupit të një personi të infektuar.

Përveç kësaj, sëmundja mund të transmetohet te njerëzit e tjerë duke prekur peshqirët ose objekte të tjera që kanë rënë në kontakt me një individ të infektuar.

Veçanërisht, virusit i duhen të paktën tre javë për t’u “intubuar” përpara se një pacient të fillojë të shfaqë simptoma.

The post Pandemia e ardhshme mund të shkaktohet nga kjo shpellë në Kenia appeared first on Albeu.com.

E ftuar sot në “S’e Luan Topi”, mjekja Najada Çomo kujton mes lotësh sesi e niste mëngjesin duke lajmëruar familjarët për vdekjet e të afërmve të tyre. Më e rëndë kujton Najada, ishte ku duhej të lajmërohej nëna për vdekjen e fëmijës.

“Ka qenë një nga momentet më të vështira. Ne kishim zgjedhur që informacionin për familjarët e vdekur ta jepnin në mëngjes herët jo natën. Puna ime fillonte me këtë proces, për të lajmëruar familjarët që nuk i njihja. Ka qenë shumë e vështirë të marrësh dikë dhe t’i thuash. Marrja në telefon për t’i thënë ke humbur fëmijën ishte…(përlotet). Ka qenë një nga gjërat më të tmerrshme, shpesh ja mbyllja telefonin sepse po qaja vet. Shumë e rëndë por gjërat e vështira nuk të mbajnë, ose do rrije do qaje në dhomë ose do qanin bashkë si staf. Një doktoreshë kishte babanë e shtruar rëndë, njëra vëllanë rëndë dhe ishte e tmerrshme. Ishte rregull që nuk do i shërbeje prindit tënd se afeksionoheshe dhe mund të gaboje. Kur tre nga doktoreshat, infermierët kanë humbur prindërit e tyre, mendoja se këta njerëz do dorëzoheshin. Ishin humbje të mëdha. Të humbësh prindin ku punon është e rëndë, ata u kthyen pas pak ditësh në punë. Nuk e lanë asnjëherë punën, prandaj e meritojnë mirënjohjen nga njerëzit dhe nga ana ime për punën që kanë bërë”-tregoi mes lotësh Najada Çomo.

The post “Ishte e rëndë t’i thoje një nëne të ka vdekur djali”, Najada Çomo kujton me lot lajmërimet e vdekjeve çdo mëngjes në pandemi appeared first on Albeu.com.

Më 2022, gratë në vendin tonë jetuan mesatarisht 80,9 vite, kurse burrat 77.3 vite.

Gratë jetuan 2.2 vite më shumë se në vitin 2021 dhe burrat 2.9 vite më shumë, duke kaluar edhe nivelet para pandemisë.

Jetëgjatësia shënoi rritje të shpejtë, nga efekti numerik që krijoi pandemia Covid-19 me mortalitet të lartë në vitet 2020 dhe 2021 sidomos tek burrat.

Për gjithë vitin 2021, në vend u shënuan gjithsej rreth 30.6 mijë humbje jete, duke regjistruar nivelin më të lartë rekord të arritur ndonjëherë në historinë e vendit.

Në krahasim me mesataren e 2016-2019, kur ishte një periudhë normale, vdekjet në vitin 2021 janë rritur me 40%.

Mosha mediane (që ndan popullsinë në dy gjysma të barabarta) për burrat, në vitin 2022 është 38,1 vjeç, ndërsa për gratë, 39,7 vite.

Mosha mediane më e lartë te gratë shpjegohet me jetëgjatësinë më të lartë të tyre. Në vitin 2022 gratë jetojnë 3,6 vite më shumë se burrat.

Jetëgjatësia është përmirësuar ndjeshëm që nga mesi i shekullit të kaluar deri më tani.

Shqiptarët e viteve 1950 jetonin mesatarisht vetëm 54.4 vite sipas të dhënave zyrtare të INSTAT, ndërsa që nga ajo kohë deri në vitin 2022, jetëgjatësia u rrit me 45%.

Të dhënat historike mbi jetëgjatësinë në 70 vitet e fundit, tregojnë nëse përmirësimi më i madh ndodhi në dy dekadat e 1950-1970, ky tregues u rrit me 18 vite ose 33%.

Nga 54.4 vjeç, më 1950 jetëgjatësia mesatare në vitin 1970 arriti në 72.3 vite.

Që nga ajo kohë, treguesi i jetëgjatësisë në vendin tonë është rritur me ritme të ulëta.

Popullsia në Shqipëri ka ndryshuar gjatë 30 viteve të fundit.

Kjo vjen, veçanërisht, për shkak të ndryshimeve në sistemin ekonomik, duke kaluar nga ekonomia e centralizuar në një sistem të tregut të hapur i cili ka dhënë efektin e tij në lindje, vdekje, migracion, dhe sigurisht ka një ndikim në të ardhmen e popullsisë shqiptare./monitor

The post Rikthehet jetëgjatësia pas pandemisë, gratë jetuan mesatarisht 80.9 vite dhe burrat 77.3 vite më 2022 appeared first on Albeu.com.

Ilir Allkja mjek i urgjencës në një nga klinikat private pohoi për “Monitor” se 2 vitet e fundit është shtuar numri i pacientëve për trajtim të pasojave post Covid-19. Sipas vlerësimeve të mjekut Ilir Allkja pasojat kryesore afatgjatë në shëndet të pacientët e prekur nga Covid-19 po ndihen si te ndryshimi i ritmit të frymëmarrjes, te çrregullimet kardiologjike dhe neurologjike.

“Ndryshime të ritmit të frymëmarrjes. Pneumonia nga Covid-19 mund të dëmtojë alveolat (hojëzat) në mushkëri të cilat mund të çojnë në probleme afatgjata të frymëmarrjes, të tilla si gulçim, frymëmarrje të shpeshtë, me ndërprerje (apnea) etj. Përveç indit pulmonar në pneumonitë nga Covid-19 dëmtohen (raste të provuara) edhe muskujt e frymëmarrjes; ata ndërbrinjorë dhe diafragma.

Çrregullimet neurologjike janë hasur në shumicën dërrmuese tek personat që kanë kaluar pneumoni nga Covid-19.

Si mjek e kam ditur se viruset mund të ndikojnë në tru dhe funksionin e tij, dhe mjekët neurologë e kanë vërejtur shumë e shumë të tilla çrregullime. Këto çrregullime përfshijnë vështirësi në përqendrimin dhe vëmendjen, dëmtim të kujtesës dhe vështirësi në gjetjen e fjalëve janë ankesat më të shpeshta të pacientëve që unë vizitoj. Shqetësimet e gjumit dhe lodhja, mund të kontribuojnë më tej në problemet e të menduarit, duke e bërë jetën e përditshme, punën dhe aktivitetet më të vështira.

Gjithashtu në shumë raste infeksioni i Covid-19 përveç mushkërive ka prekur edhe zemrën, pjesërisht ose gjithë strukturat; perikardil, miokard dhe endokard. Ky infeksion ka shkaktuar inflamacion dhe dëmtim të qëndrueshëm të muskujve të zemrës. Dëme të tilla kanë ndodhur edhe tek personat që kanë pasur simptoma të lehta të virusit. Pasoja të diagnostikuara janë aritmitë, disfunksionet valvulare, ndryshime kinetike e hemodinamike”, thotë mjeku Allkja.

Për muajt janar-prill 2023 sipas të dhënave të raportit të Monitorimit të Ministrisë së Shëndetësisë shtrimet në spitale të pacientëve të trajtuar në kardiologji u rritën 6% krahasuar me të njëjtën periudhë të 2022-it.

Depresioni dhe ankthi gjithashtu sipas mjekut Allkja janë rritur shumë që në nisje të pandemisë.

“Një pjesë jo e vogël e të prekurve nga COVID-19, kanë pësuar ndryshime në shëndetin mendor. Simptomat e ankthit dhe depresionit janë rritur ndjeshëm që nga fillimi i pandemisë Covid-19 në Shqipëri. Nuk mund të parashikohet se sa gjatë mund të zgjasin këto pasoja, por vlerësoj se duhen trajtuar të gjitha simptomat, si ato fizike ashtu edhe ato shpirtërore”, pohon ai.

Për 4 mujorin e parë 2023 numri më i lartë i të shtruarve është te spitalet psikiatrike sipas të dhënave të raportit të monitorimit të Ministrisë së Shëndetësisë. Në këtë periudhë numri i pacientëve të shtruar në spitalet psikiatrike ishte 1,122 pacientë nga 749 pacientë të shtruar në 4-mujorin 2022. Krahasuar me vjet numri i të shtruarve në psikiatri është rritur 50%.

Pavarësisht se ankthi nuk mjekohet apo trajtohet nga spitalet psikiatrike, mjekët e poliklinikave pohojnë se rastet e pacientëve që vuajnë nga ankthi gjatë kësaj periudhe janë në rritje të lartë krahasuar me vjet.

Mjekja psikiatër Arjan Rreli pranë Qendrës Komunitare të Shëndetit Mendor Nr. 3 në Tiranë tha më herët për Monitor se pas ngjarjes së tërmetit të vitit 2019 dhe pandemisë së Covid-19 vijon tendenca rritëse e pacientëve me shenja ankthi dhe depresioni.

Mjeku Allkja gjithashtu pohon se ndër simptomat njohëse që nuk po përmirësohen mbeten edhe ato të çrregullimeve të përgjithshme trupore.

“Shumë pacientë me COVID-19 që vuajnë nga një sërë problemesh fizike: lodhje kronike, dobësi e përgjithshme, dhimbje kyçesh, dhimbje muskulare, shtim në peshë e në disa raste humbje në peshë, humbje të masës muskulore etj. Trajtime të tjera efektive mund të përfshijnë terapi fizike, terapi profesionale, terapi të folurit dhe terapi psikologjike. Për simptomat njohëse që nuk po përmirësohen, sugjerohet të punoni me ofruesin tuaj të kujdesit shëndetësor për të gjetur trajtime dhe medikamente që mund të ndihmojnë”, nënvizon ai.

Në gjithë botën sipas të dhënave të OBSH numri i rasteve të konfirmuara me Covid-19 nga fillimi i pandemisë deri në mesin e muajit gusht 2023 arriti në 769,806,130 infektime, duke përfshirë 6,955,497 vdekje. Gjithashtu deri më 20 gusht 2023 sipas OBSH në rang global janë administruar gjithsej 13,499,865,692 doza vaksinash kundër Covid-19. /Monitor

The post Dëmtimet afatgjata në shëndet post Covid-19; Mjekët: Në 2 vjet janë shtuar pacientët me çrregullime në frymëmarrje dhe depresion appeared first on Albeu.com.

Sipas një raporti të organizatës “Së bashku për jetën”, gjatë vitit të kaluar u shtuan dukshëm vizitat mjekësore, por ra ndjeshëm vaksinimi me dozën e tretë kundër Covid-19, si dhe kontrollet periodike.

Po ashtu u rrit me një të tretën edhe numri i pacientëve të trajtuar në spitalet psikiatrike.

Në sistemin shëndetësor të Shqipërisë u kryen vitin e kaluar mbi 8 milionë vizita mjekësore, shumë më tepër nga parashikimi, me të njëjtin fond paraprak shpenzimesh, ndërsa vazhdon paqëndrueshmëria edhe për shumë shifra të tjera, edhe pse pandemia Covid-19 u tejkalua.

Raporti vjetor i organizatës “Së bashku për jetën” mbi shpenzimet e sektorit të shëndetësisë dhe mbrojtjes sociale thekson po ashtu se gjatë vitit 2022 u kryen 455 mijë kontrolle shëndetësore periodike, me të njëjtin fond shpenzimesh sa ishte parashikimi për 475 mijë checkup-e, pra 20 mijë persona më pak.

“Sektori i shëndetësisë vazhdon gjatë tre dekadave të fundit të vuajë në mënyrë të jashtëzakonshme cilësinë e shërbimit ndaj pacientëve, korrupsionin e lartë, shkelje të të drejtave të pacientëve, dhe nuk shohim përmirësim në këtë fushë. Edhe fakti që shëndetësia është një sektor i keqfinancuar, ndikon po ashtu në kurriz të pacientëve”, thotë Egla Bardhi, drejtuese e Organizatës “Së bashku për Jetën”.

Programet e vaksinimeve ishin të qëndrueshme gjatë vitit 2022, ku sipas raportit, u vaksinuan 240 mijë fëmijë nga 203 mijë të parashikuar me të njëjtin buxhet të planifikuar.

Por në raport theksohet se gjatë vitit të kaluar u planifikuan 2 milionë vaksinime anti Covid-19, por u kryen vetëm një e katërta, 535 mijë, me të njëjtin fond shpenzimesh, sepse ra ndjeshëm numri i pacientëve që kryenin dozën e tretë të vaksinës kundër COVID-19.

Megjithatë trajtime në shërbimin spitalor kanë përfituar 278 mijë pacientë nga 330 mijë të planifikuar, pra 52 mijë persona më pak.

Pacientë të trajtuar në spitalet psikiatrike ishin rreth një mijë e 500 kundrejt 934 të tillë të parashikuar, pra u shënua rritje me një tretën e parashikimit.

“Ata që e pësojnë janë pacientët, të cilët duke mos patur informimin e duhur as raportimet transparente nga sektori publik, atëherë priren të shkojnë drejt privatit, duke “rënë pre e këtij tregu”, duke çuar përfitime tek privatët, për shërbime, që ata lehtësisht mund t’i marrin edhe në shërbimin shëndetësor publik”, thotë psikologia Redina Çanaku, koordinatore projekti.

Gjatë vitit të kaluar u kontrolluan për kancerin e gjirit një mijë gra më shumë se parashikimi, afro 5 mijë e 500 gra nga 4 mijë e 500 të planifikuara. Ndërsa për kancerin e qafës së mitrës u bënë 10 mijë e 400 kontrolle nga 16 mijë të planifikuara.

Nga pagesa sociale përfituan afro 162 mijë persona me aftësi të kufizuara dhe kujdestarë kundrej të 167 mijë të planifikuar.

Raporti veçon se nga skema e ndihmës ekonomike kanë përfituar afro 63 mijë familje nga 67 mijë të parashikuara në buxhetin fillestar për vitin 2022.

U rehabilituan 900 ish të përndjekur politikë nga 800 të planifikuar, ndërsa u kompensuan financiarisht afro 6 mijë e 200 ish të përndjekur kundrejt 7 mijë rastesh për t’u trajtuar.

Shqipëria, thuhet në raport, mbetet e fundit në rajon edhe për vitin 2022 sa i përket shpenzimeve për shëndetësinë publike, ndërsa politikat shëndetësore dhe ato të mbrojtjes sociale vlerësohen si të nënfinancuara dhe pa vëmendjen e nevojshme.

The post Situata pas pandemisë në vend, VOA: Numri i vaksinimeve ra, por u shtuan vizitat psikiatrike appeared first on Albeu.com.

OBSH, më 5 maj, duke theksuar tendencën në rënie të vdekjeve nga COVID-19 në gjithë botën, si dhe nivelet e larta të imunizimit të qytetarëve ndaj ndaj sëmundjes, këshilloi se është koha për të kaluar në menaxhimin afatgjatë të pandemisë.

“Drejtori i Përgjithshëm i OBSH-së përcakton se COVID-19 tani është një çështje shëndetësore e vazhdueshme që nuk përbën më një emergjencë të shëndetit publik me shqetësim ndërkombëtar”, thuhet në deklaratën e OBSH-së të cilën e përmendi ministri Vitia.

Kosova kishte shpallur emergjencë të shëndetit publik në mes të muajit mars të vitit 2020. Shpallja e kësaj gjendjeje krijoi mekanizma për të ofruar ndihmë të koordinuar qeveritare për qytetarët.

“Natyrisht, Ministria e Shëndetësisë me institucione tjera përgjegjëse do të vazhdojë të përcjellin nga afër dhe me shumë kujdes situatën epidemiologjike në vend dhe në përputhje me këtë do të marrë të gjitha veprimet e nevojshme në të ardhmen”, tha Vitia.

Në Kosovë, deri sot, 3,217 persona kanë vdekur si pasojë e COVID-19, dhe 273,934 të tjerë janë prekur nga virusi.

Kryeministri Albin Kurti në këtë mbledhje tha se brenda 6 muajve nga fillimi i vaksinimit masiv, kemi imunizuar 60% të popullatës së targetuar”.

Sipas OBSH-së, deri më 15 janar të vitit 2023, në Kosovë janë administruar gjithsej 1,836,901 doza vaksinash. /REL

The post Kosova shpall të mbyllur emergjencën me COVID-19 pas 3 vjetësh betejë me virusin appeared first on Albeu.com.

Duke iu drejtuar asamblesë vjetore të OBSH- së në Gjenevë nga 21 deri më 30 maj, Tedros Adhanom Ghebreyesus tha se tani është koha për të shpejtuar negociatat që synojnë parandalimin e pandemisë së ardhshme.

“Ne nuk mund ta shtyjmë atë”, tha ai, duke paralajmëruar se pandemia e ardhshme “është e detyruar të trokasë në derë”.

“Nëse ne nuk bëjmë ndryshimet që duhen bërë, atëherë kush do t’i bëjë? Dhe nëse nuk i bëjmë tani, atëherë kur?”, tha ai.

Takimi dhjetëditor i OBSH-së përkon me 75 vjetorin e saj dhe do të diskutojë çështjet globale të shëndetit, duke përfshirë pandemitë e ardhshme.

194 vendet anëtare po negociojnë reforma për rregullat detyruese që përcaktojnë detyrimet e tyre në rast të një kërcënimi ndërkombëtar shëndetësor dhe po punojnë për një traktat më të gjerë pandemik që pritet të ratifikohet vitin e ardhshëm.

The post OBSH: Vendet të përgatiten për pandeminë e ardhshme appeared first on Albeu.com.

Në mars, qeveria njoftoi se përdorimi i maskave tani është vullnetar dhe mediat lokale raportuan së fundmi se një qendër e kujdesit për të moshuarit në Tokio mbajti një seminar për të ndihmuar mysafirët e saj të buzëqeshnin përsëri.

Siç rezulton, kjo nuk është një ide e izoluar, por një fenomen më i çuditshëm që shpesh regjistrohet në shoqërinë e çuditshme japoneze. Në fakt, ajo ekzistonte para pandemisë së koronavirusit, pasi japonezët kanë në kulturën e tyre përdorimin e maskave.

Një nga kompanitë japoneze që organizon seminare të tilla në të gjithë vendin është Egaoiku, që në japonisht do të thotë “Buzëqeshje”. Sipas British Independent, një grua 79-vjeçare, e cila mori pjesë në një nga këto seminare, tha se “gjatë pandemisë, ajo nuk kishte mundësi të shihte njerëzit të buzëqeshnin dhe ajo vetë nuk e shfaqte buzëqeshjen e saj për vite me radhë”. “Më kujtuan se sa e rëndësishme janë buzëqeshjet”, shtoi ajo.

Egaoiku i kishte mbajtur këto seminare online përpara njoftimit për heqjen e masës së detyrueshme të maskës, por një zëdhënës tha se midis shkurtit dhe prillit 2023, numri i pjesëmarrësve “është rritur 4.5 herë” krahasuar me të njëjtën periudhë të vitit 2022.

Keiko Kawano, drejtoresha e kompanisë, ka trajnuar të paktën 4000 njerëz se si të buzëqeshin deri më tani. Në fakt, mediat lokale raportojnë se ka trajnuar mbi 700 njerëz për t’u bërë “ekspertë të buzëqeshjes” të certifikuar. “Më shumë buzëqeshje, më shumë lumturi”, është motoja e saj, siç raportohet nga New York Times.

Kawano filloi t’u mësonte buzëqeshjen shtëpive të të moshuarve dhe zyrave të korporatave, si dhe njerëzve që shpresonin se një buzëqeshje më e mirë mund t’i ndihmonte në marrëdhëniet e tyre personale, si dhe në karrierën e tyre profesionale.

Pjesëmarrësit në klasat e buzëqeshjes përdorin pasqyra për të kontrolluar përparimin e tyre, me disa që ndryshojnë dhe rregullojnë shprehjet e tyre derisa të jenë të kënaqur me buzëqeshjen e tyre, vëren Guardian.

The post E pazakontë në Japoni, pas heqjes së maskave, nisin leksionet për të mësuar buzëqeshjen appeared first on Albeu.com.

Emergjenca kombëtare ka përfunduar një muaj më herët se sa administrata e Biden ka planifikuar. Votimi për t’i dhënë fund emergjencës kombëtare përpara majit ka bërë që administrata të mbyllë disa nga programet e saj të urgjencës më shpejt gjatë muajve të fundit, shkruan CNN.

Një zyrtar i Shtëpisë së Bardhë minimizoi ndikimin e projektligjit, duke thënë se përfundimi i urgjencës nuk ndikon në aftësinë për të mbyllur programet e saj në një mënyrë të rregullt.

“Që kur Kongresi votoi për përfundimin e Urgjencës Kombëtare më herët se sa ishte parashikuar, administrata ka punuar për të përshpejtuar mbylljen e saj dhe për njoftuar sa më shumë individët e mundshëm të ndikuar”, tha zyrtari, shkruan The Washington Post.

Projektligji për t’i dhënë fund emergjencës kombëtare e miratoi Senati muajin e kaluar dhe kaloi në Dhomën e Përfaqësuesve në fillim të këtij viti

Më shumë se 1.13 milionë njerëz në SHBA kanë vdekur nga COVID-19 gjatë tre viteve të fundit, sipas Qendrave për Kontrollin dhe Parandalimin e Sëmundjeve, duke përfshirë 1,773 njerëz në javën e kaluar.

The post Biden nënshkruan projektligjin që i jep fund emergjencës kombëtare Covid-19 appeared first on Albeu.com.