Deputeti socialist Pandeli Majko, ka ironizuar duke thënë se po bëhet debat për fondet e BE, ndërkohë që PD ka marrë fonde nga Rusia.

Alibeaj i është përgjigjur duke i thënë se, lajmi është i pavërtetë dhe se për disa orë kjo do të provohet. Më tej tha se është një makinacion që e ka bërë Rama

“Më në fund Pandit i qenka shëruar goja. Për të tilla çështje delikate, duhet të ishe ti, sepse dinë një gjë. Është e pavërtetë, është një makinacion që e ka bërë ai qe nuk është sot. Si i vjetër që je, prit dhe ca orë se do të përgënjeshtrohet. Derisa pret disa orë, shko te dentisti”, tha Alibeaj.

Majko e replikoi duke ironizuar, duke thënë se uroj që Basha të shkoj lirshëm në SHBA.

“Në fakt unë i respektoj shumë këta tipat që kanë mjekër të bardhë dhe flokë të zinj. Dua që të përgënjeshtrohet kjo, por po e përsëris. Ajo që keni thënë ju edhe para sistemit të drejtësisë është përsëritur. Uroj që Basha të shkoj lirshëm në SHBA dhe partia që u krijua nga studentët, të mos jetë infiltrim”, tha Majko./albeu.com

https://www.facebook.com/kuvendishqiperise/videos/1237840833681601

The post Financimi rus, Alibeaj i përgjigjet Majkos: Më në fund Pandit i qenka shëruar goja, lajmi i pavërtetë appeared first on Albeu.com.

Majko do të zërë vendin e ish-deputetit Alqi Bllako në Kuvend, pasi ky i fundit dha dorëheqje nga mandati menjëherë pasi SPAK lëshoi urdhër arresti ndaj tij për përfshirjen në afera korruptive të lidhura me inceneratorët.

Sipas KQZ, nga verifikimet e kryera, Majko nuk rezulton i dënuar me vendim të formës së prerë kështu që nuk ka asnjë pengesë për marrjen e mandatit të ndërprerë nga Alqi Bllako i cili aktualisht ndodhet në burg.

“Ndaj Pandeli Majkos, nuk rezulton të ketë vendime penale të formës së prerë. Pas verifikimeve të kryera, kandiati për deputet, Pandeli Majko nuk përbën kusht për moszgjedhjen e tij. Për sa më sipër mandati i ndëprerë i Alqi Bllakos do i kalojë zotit Pandeli Majko”, thuhet në njoftimin e KQZ./albeu.com

The post ZYRTARE/ Bllako dha dorëheqjen dhe u arrestua, KQZ i jep mandatin Majkos appeared first on Albeu.com.

Largimi i Alqi Ballkos pas kërkesës për arrestim, rikthen në Parlament Pandeli Majkon.

Ish-deputeti Majko nuk arriti të thyejë herësin duke qenë i renditur i 19-ti në listën e Qarkut Tiranës, e për pasojë mbeti jashtë politikës aktive.

Kodi Zgjedhor e parashikon se në momentin kur një deputet ose anëtar ndërpret mandatin, atëherë ky i fundit i kalon kandidatit që vijon në listën e së njëjtës parti në zonën zgjedhore përkatëse.

“Mandati i ndërprerë i deputetit ose i anëtarit të këshillit të bashkisë i kalon kandidatit vijues të listës së të njëjtës parti politike në zonën zgjedhore përkatëse, përveçse kur plotësimi i vakancës me kandidatin e radhës ul përfaqësimin e gjinisë së nënpërfaqësuar. Në këtë rast plotësimi i vakancës bëhet nga kandidati i parë në listë i gjinisë së nënpërfaqësuar pavarësisht renditjes në listë. Emrat e tjerë të asaj gjinie ngjiten në listë duke marrë renditjen e kandidatit paraardhës të së njëjtës gjini. Ky rregull nuk zbatohet kur emrat e gjinisë përkatëse kanë shteruar”, thuhet në Kodin Zgjedhor./albeu.com

The post Sot Alqi Bllako dorëzon mandatin e deputetit, Pandeli Majko zë vendin e tij në Kuvend appeared first on Albeu.com.