Duke paraqitur raportin mbi punën e realizuar gjatë dy viteve të fundit, Toshkovski theksoi se në periudhën nga 2 shkurti deri më 22 qershor 2026 janë shënuar 33 viktima në komunikacion, ndërsa në të njëjtin interval të vitit të kaluar ky numër ishte 55.

Ai sqaroi gjithashtu se nga 2 shkurti, kur nisi zbatimi i sistemit, e deri më 22 qershor, përmes “Qytetit të Sigurt” janë konstatuar më shumë se 120 mijë shkelje të rregullave të trafikut. Sipas tij, mbi 95 për qind e këtyre rasteve lidhen me tejkalimin e shpejtësisë së lejuar.

Toshkovski u shpreh se “Qyteti i Sigurt” ishte një projekt për të cilin ishte folur prej vitesh, por që tashmë është realizuar. Ai theksoi se projekti ka përfshirë modernizimin e sistemit ekzistues në Shkup, Tetovë, Kumanovë dhe në korridoret 8 dhe 10, si edhe zgjerimin e tij në nivel kombëtar përmes teknologjive moderne të videombikëqyrjes dhe zbulimit automatik të shkeljeve në komunikacion.

Sipas tij, në përputhje me dinamikën e paraparë, deri në fund të vitit 2026 pritet që sistemi “Qyteti i Sigurt” të zbatohet plotësisht në të gjithë territorin e vendit. Ky shtrirje do të përfshijë qytetet më të mëdha dhe rrugët kryesore, me qëllim ndërtimin e një sistemi modern, efikas dhe parandalues për rritjen e sigurisë në komunikacion, përcjell Zhurnal.mk.

The post Sistemi “Qyteti i Sigurt” ka sjellë rënie prej 40 për qind të viktimave në trafik appeared first on Albeu.com.

Dokumenti u nënshkrua nga ministrat përgjegjës, Pançe Toshkovski dhe Besfort Lamallari.

Përmes kësaj marrëveshjeje synohet ndërtimi i një modeli më modern, më të sigurt dhe më funksional për menaxhimin e kufirit, me përfitime të drejtpërdrejta për qytetarët, ekonominë dhe institucionet e të dyja shteteve.

Po ashtu, pritet që kjo marrëveshje të ndikojë në lehtësimin e lëvizjes së njerëzve dhe të mallrave, në shkurtimin e kohës së pritjes në kufi dhe në forcimin e bashkëpunimit ndërinstitucional.

Ky zhvillim e përmbyll shtrirjen e këtij modeli edhe me vendet fqinje që nuk janë pjesë e zonës Shengen, pasi ai tashmë është në funksion me Serbinë dhe Kosovën.

Autoritetet shprehën mirënjohje për ekipet që punuan në hartimin e marrëveshjes dhe vunë në pah rëndësinë e bashkëpunimit rajonal.

The post Maqedonia e Veriut dhe Shqipëria firmosin marrëveshje për kontrolle dhe pika të përbashkëta kufitare appeared first on Albeu.com.

Duke prezantuar bilancin e punës së realizuar në dy vitet e kaluara, Toshkovski vuri në pah se MPB ka forcuar kapacitetet institucionale dhe ka çuar përpara luftën kundër krimit të organizuar dhe korrupsionit.

Ai theksoi se janë bërë investime në pajisje, trajnime dhe teknologji të reja. Sipas Toshkovskit, raporti i sotëm nuk paraqet vetëm shifra, por dëshmon konkretisht punën dhe profesionalizmin e nëpunësve të policisë dhe të gjithë të punësuarve në MPB. Ai shtoi se është i vetëdijshëm që mbetet ende shumë punë për t’u bërë, pasi siguria është një proces që kërkon përkushtim të madh. Për këtë arsye, theksoi ai, do të vazhdojnë me të njëjtën energji, me vizion të qartë dhe vendosmëri për të ndërtuar një MPB moderne që do të jetë në gjendje t’u përgjigjet sfidave.

Sipas ministrit, të jesh pjesë e MPB-së nuk përfaqëson vetëm një profesion, por edhe nder e përgjegjësi.

“Qëndrojmë për çdo ditë në shërbim të qytetarëve dhe shtetit. Qëllimi ynë është shtet i sigurt, sistem i qëndrueshëm dhe institucione të fuqishme”, theksoi Toshkovski.

Ministri po jep llogari për punën e realizuar në Qendrën për Trajnim në Idrizovë. Në këtë rast, teksa foli për çdo segment të punës së policisë, ai dërgoi mesazhin se nuk do të ketë të paprekshëm dhe as selektivitet, pa marrë parasysh funksionin, pozitën apo vendin e punës.

“Vetëm duke respektuar ligjet dhe duke i trajtuar të gjithë në mënyrë të barabartë do të arrijmë rezultate”, nënvizoi Toshkovski.

The post Toshkovski: Siguria ka qenë përparësia kryesore që në ditën e parë appeared first on Albeu.com.

Sipas ministrit, viktimat ndodhen në disa spitale në vend dhe pas identifikimit, do të duhet të dërgohen për obduksion në Shkup.

Toshkovski deklaroi se zjarri filloi kur u aktivizuan fishekzjarret, rreth orës 2:30 të mëngjesit dhe flakët shpërthyen në të gjithë lokalin.

Siç tregon ai, shkëndijat goditën tavanin, i cili ishte bërë nga një material shumë i ndezshëm dhe zjarri u përhap.

Sipas tij, tymi i dendur i mbyti disa nga viktimat dhe dogji të tjerët.

Ai konfirmoi se organizatorët ishin arrestuar dhe se të gjithë zyrtarët duhet të ndjejnë përgjegjësi morale për një tragjedi të tillë.

The post Tragjedia me 51 viktima në Maqedoninë e Veriut/ Ministri i Brendshëm: Disa u mbytën nga tymi, të tjerët u dogjën appeared first on Albeu.com.