Policia e Kosovës ka bërë publike pamjet e ndalimit të personit me inicialet J.R., i dyshuar për kryerjen e krimeve të luftës.

Materiali filmik u shpërnda nga Policia e Kosovës përmes një postimi në Facebook, pasi Gjykata Themelore në Prishtinë vendosi më 3 gusht caktimin e masës së paraburgimit prej një muaji për të dyshuarin.

Gjykata e argumentoi vendimin me rrezikun se, në rast se do të qëndronte i lirë, i pandehuri mund të ndikonte te provat dhe dëshmitarët, duke vështirësuar zhvillimin normal të procedurës penale.

The post Policia publikon pamjet e arrestimit të personit të dyshuar për krime lufte appeared first on Albeu.com.

Dimal Basha, ministër në detyrë i Infrastrukturës, ka ndarë pamje nga punimet në rrugën Prizren–Tetovë, ndërsa ka nënvizuar rëndësinë që ky projekt ka për lidhjen ndërkufitare.

Në një postim në Facebook, ai njoftoi se puna për realizimin e kësaj rruge po vijon në Malet e Sharrit.

“Mirëmëngjesi nga Malet e Sharrit, ku po punohet në rrugën Prizren–Tetovë”, ka shkruar Basha.

Sipas tij, përmes këtij projekti do të ndërtohet infrastrukturë e re dhe do të krijohen përfitime për qytetarët që jetojnë në të dyja anët e kufirit.

“Qeveria Kurti me këtë projekt do t’krijon rrugë të reja, lidhje të reja, si dhe mundësi të reja për qytetarët në të dyja anët e kufirit”, ka deklaruar ministri në detyrë i Infrastrukturës.

The post Basha publikon pamje të reja nga ndërtimi i rrugës Prizren–Tetovë appeared first on Albeu.com.

E veshur me një fustan elegant me detaje vezulluese, artistja ka shfaqur një stil të kuruar deri në detaje, duke kombinuar në mënyrë perfekte veshjen, grimin dhe flokët e stiluar.

Fotot e publikuara tregojnë një look sofisticuar, ku Soni nxjerr në pah anën e saj glamuroze dhe sigurinë që e karakterizon në daljet publike. Paraqitja e saj është pritur me shumë reagime pozitive nga fansat, të cilët kanë vlerësuar stilin dhe elegancën e këngëtares.

Soni vijon të mbetet një nga emrat më të njohur të muzikës shqiptare, duke dëshmuar se krahas vokalit, edhe imazhi dhe moda kanë një rol të rëndësishëm në karrierën e saj artistike.

The post FOTO/ Soni mahnit me paraqitjen glamuroze/ Këngëtarja shqiptare shkëlqen me stilin elegant appeared first on Albeu.com.

Komisioni Qeveritar për Persona të Zhdukur ka njoftuar se i ka përcjellë deklaratat publike të aktivistes për të drejtat e njeriut Natasha Kandić dhe se çdo e dhënë që mund të ndihmojë në sqarimin e fatit të personave të zhdukur gjatë luftës në Kosovë merret me seriozitet maksimal.

Për ‘Bota sot’, Kushtrim Gara, udhëheqës i Njësisë në Komisionin Qeveritar për Persona të Zhdukur, është shprehur se lokacionet e përmendura mbeten ende në mesin e zonave që konsiderohen me interes dhe me prioritet për verifikim.

“Në dijeni të deklarimeve publike të znj. Natasha Kandić, Komisioni vlerëson çdo informacion që mund të kontribuojë në ndriçimin e fatit dhe vendndodhjes së personave të zhdukur me forcë gjatë luftës në Kosovë. Edhe lokacionet e përmendura vazhdojnë të jenë në mesin e zonave me interes dhe prioritet për verifikim”, thotë për ‘Bota sot’, Kushtrim Gara, udhëheqës i Njësisë në Komisionin Qeveritar për Persona të Zhdukur.

Sipas Garës, puna hetimore e zhvilluar deri tani rreth varrezave masive ka treguar se në raste të caktuara janë përdorur struktura shtetërore për të fshehur trupat e viktimave të luftës.

“Përvoja jonë, përfshirë konfirmimin e deri më tani pesë varrezave masive në territorin e Serbisë, ka dëshmuar se objekte dhe struktura nën kontrollin e aparatit shtetëror serb janë përdorur për fshehjen e trupave të viktimave të luftës”, thekson Komisioni.

Megjithatë, ky institucion vlerëson se kontrollimi i lokacioneve të dyshuara vazhdon të jetë një proces i ndërlikuar, sidomos kur bëhet fjalë për hapësira ushtarake ku qasja është e kufizuar.

“Bëhet fjalë për komplekse të mëdha ushtarake me qasje të kufizuar, prandaj verifikimi i tyre është sfidues dhe vështirësohet nga mungesa e dokumentacionit dhe mungesa e bashkëpunimit të plotë për lejimin e gërmimeve vlerësuese”, thuhet më tej.

Komisioni Qeveritar për Persona të Zhdukur ka theksuar gjithashtu se do të vazhdojë përpjekjet për të siguruar qasje në të gjitha informacionet dhe arkivat që lidhen me këtë çështje, në kuadër të zotimeve ndërkombëtare.

“Ne do të vazhdojmë të kërkojmë qasje në dokumentacionin e ish-Ushtrisë Jugosllave dhe institucioneve relevante të Serbisë, në përputhje me Deklaratën e Përbashkët për Personat e Zhdukur të 2 majit 2023. Vetëm përmes kësaj qasjeje mund të avancojë procesi i zbardhjes së fatit të personave të zhdukur”, thuhet në reagim.

The post Komisioni për Persona të Zhdukur: Mungesa e dokumentacionit dhe qasja e kufizuar po e bëjnë të ndërlikuar verifikimin e varrezave masive appeared first on Albeu.com.

Sipas Nokës, vajza e filmuar është një eskortë që, sipas pretendimeve të tij, ka hyrë në burg për t’u shërbyer të dënuarve.

Demokrati akuzon qeverinë se gjatë viteve të fundit burgjet janë shndërruar në ambiente luksi për personazhe të botës së krimit.

“Eskorta në burgun e Peqinit. Rama i shndërroi burgjet në motele për bandat e pushtetit. Edhe pse në rrjete sociale u bë virale një video ku shfaqej një qeli luksi, drejtorin e burgut të Peqinit s’e gjeti gjë. Altin Ago vazhdon detyrën e rehatimit të bandave, duke u siguruar që të mos mungojë gjësend”, shkruan Noka.

Akuza për votat e Sara Miles

Pas publikimit të videos, Noka ka shpërndarë edhe një fotografi të procesverbalit të votimit në Burgun e Peqinit, ku socialistja, tashme deputete, Sara Mila ka rezultuar më e votuara në këtë institucion.

Sipas tij, drejtori i burgut, Altin Ago, është “shpërblyer” pikërisht për rezultatin elektoral.

“Drejtori i burgut të eskortave u shpërblye sepse zbatoi porosinë për të shpallur Sara Milën të preferuarën e 90% të të burgosurve. Drejtorit Altin Ago i kanë dalë edhe skandale të tjera, por tani kuptohet pse është i paprekshëm. Karteli e emëron, karteli e mbron”, shprehet Noka.

Skandali i qelisë luksoze në Peqin

Akuzat e opozitës vijnë vetëm pak javë pasi gazetari Artan Hoxha publikoi pamje nga ajo që ai e përshkroi si një qeli luksoze në Burgun e Sigurisë së Lartë në Peqin.

Në videon e publikuar shfaqeshin ambiente të arreduara me mobilie, televizor, kuzhinë dhe punime dekorative, të pazakonta për një institucion vuajtjeje dënimi.

I ftuar në një emision televiziv, Hoxha deklaroi se kishte parë edhe më herët investime të kryera nga persona të botës së krimit brenda burgjeve, por jo në përmasa të tilla.

“Kjo është një qeli në burgun e sigurisë së lartë në Peqin. Kam parë investime në burg të bëra nga personazhe të botës së krimit, por të këtij niveli mu duk e pabesueshme. Kjo nuk është qelia e personit që ka filmuar, por e një personazhi shumë të rëndësishëm të botës së krimit, të narkotrafikut dhe lojërave të fatit”, deklaroi Hoxha.

Nuk ka reagim zyrtar

Deri në momentin e publikimit të këtij lajmi nuk ka pasur një reagim zyrtar nga Drejtoria e Përgjithshme e Burgjeve apo nga drejtuesit e Burgut të Peqinit lidhur me pretendimet e ngritura nga Flamur Noka dhe materialet e publikuara në rrjetet sociale./ Marrë nga “Boldnews”

The post Flamur Noka publikon pamjet: Vajza që largohet nga burgu i Peqinit është eskortë! Burgu si motel, po Tiku “i Burgjeve” a di gjë? appeared first on Albeu.com.

Duke shfaqur një pamje të zonës së Zvërnecit, Ivanka Trump, shkruan “Shqipëria është magjike”.

Ajo ka qëndruar në Shqipëri dy ditët e fundit, ndërsa ka vizituar Vlorën dhe më pas është takuar me kryeministrin Edi Rama.

The post Ivanka Trump publikon sërish pamje nga Vlora: Shqipëria është magjike! appeared first on Albeu.com.

Në fotot dhe videot e publikuara shfaqen peizazhe natyrore, si deti apo gjelbërimi i zonës, si dhe pamjet nga larg të ishullit të Sazanit, ndërsa në sfond dëgjohet kënga shqiptare “Luleborë”.

Kujtojmë që Ivanka Trump qëndroi për dy ditë në Vlorë, ndërsa mbrëmjen e djeshme ajo u prit në kryeministri nga kreu i qeverisë Edi Rama.

Rama e takoi Ivanka Trump edhe në Vlorë, ku darkuan bashkë me delegacionin që shoqëronte Ivanka Trump.

Mbrëmjen e së mërkurës, Ivanka Trump, ka zhvilluar një takim informal me kryeministrin Edi Rama në zonën e Ujit të Ftohtë në Vlorë.

Më pas, ata kanë darkuar në një restorant në Orikum. Në këtë takim, kanë qenë të pranishëm edhe rreth 60 arkitektë.

Ivanka Trump, mbërriti dy ditë më parë, e shoqëruar nga disa arkitektë, në kuadër të projektit për Ishullin e Sazanit dhe zonën e Zvërnecit.

The post Ivanka Trump publikon pamje nga Zvërneci dhe bregdeti i Vlorës, i shoqëron me këngën “Luleborë” (FOTOT+VIDEO) appeared first on Albeu.com.

Autobusi i linjës urbane, i cili po lëvizte në drejtim të “21 Dhjetorit”, është përplasur fillimisht me një vajzë që po kalonte vijat e bardha me biçikletë.

Gazetari i Vizion Plus Esido Barkaj, mëson se shoferi i autobusit ka tentuar të shmangë përplasjen, por mjeti ka devijuar në korsinë tjetër dhe më pas ka dalë në trotuar, ku ka përplasur disa makina të parkuara.

E plagosura ndodhet në spital, në gjendje të rëndë.

The post VIDEO/ Aksidentohet autobusi në Tiranë, merr para disa mjete të parkuara. Pamje nga vendngjarja appeared first on Albeu.com.

Siç shihet në këto foto, dy persona të maskuar kanë hapur zjarr me automatik në drejtim të 45-vjecarit, i cili mbeti i plagosur në këmbë.

Kujtojmë që ngjarja ndodhi paraditen e djeshme (25 nëntor) në qytetin e Lushnjes, ndërsa pas atentatit autorët janë larguar dhe nuk ka asnjë informacion për ta.

Në dëshminë e tij ai ka deklaruar se; “nuk i njeh personat që e qëlluan dhe madje nuk ka konflikte me askënd”.

Ngjarja

Julian Sulo, i njohur si i forti i Lushnjes i ka shpëtuar një atentati të organizuar ndaj tij në afërsi të spitalit të qytetit. Ai po lëvizte me makinën e tij tip ‘BMV’ në afërsi të spitalit të Lushnjes, kur 3 autorë ende të paidentifikuar i kanë zënë në pritë dhe kanë qëlluar në drejtim të tij me breshëri kallashi.

Ngjarja ka ndodhur rreth orës 10:40, ndërsa 45-vjeçari Sulo ndodhet jashtë rrezikut për jetën. Plumbat e kallashit që u derdhën drejt makinës së tij e kanë kapur në këmbë, ndërsa ishte i vetëm në mjet.

Autorët kanë qenë në makinë në momentin e qitjes dhe kanë qëlluar në lëvizje.

Pak minuta pas atentatit, mjeti i autorëve ‘Nissan’ u gjet i djegur në fshatin Lifaj. Brenda tij është gjetur edhe arma që kanë përdorur për të qëlluar në drejtim të 45-vjeçarit.

Policia ngriti menjëherë pika kontrolli në hyrje-dalje të qytetit, ndërsa grupi hetimor nën drejtimin e Prokurorisë po punon për identifikimin e autorëve dhe zbardhjen e plotë të rrethanave dhe motiveve, te cilat lidhen me konfliktet e hershme mes grupeve kriminale të Lushnjes.

Sulo është shoqëruar në Komisariat për të dhënë dëshminë e tij. “Nuk kam konflikte me asnjë”, ka deklaruar para hetuesve. Ndërkohë në polici, janë shoqëruar edhe gjashtë persona.

Kush është Juli i Pashakos

Julian Sulo njohur ndryshe si “Juli i Pashakos”, punon e jeton në Karbunarë të Lushnjes, ku menaxhon një bar–restorant së bashku me familjen.

Ai është rival i Aldo Bares, kreut të bandës së Lushnjës. Sulo ka qenë i dyshuar edhe për atentatin e organizuar ndaj nipit të Bares, Xhulio Shkurti, në 2017-ën. Sulo u la i lirë pasi nuk kishte asnjë provë që e lidhte me atentatin, që njihet ndryshe edhe si masakra e Lushnjes.

Për këtë ngjarje, janë dënuar me burg të përjetshëm, Anterio Kaloshi dhe Orgest Bilbili, vendim i lënë në fuqi edhe nga Gjykata e Lartë më 21 nëntor 2025. Në masakrën e Lushnjes u vranë Zamir Latifi dhe Jurgen Hoxha, si dhe u plagosjes e Bujar Turkut dhe Marius Xhepexhiut.

The post Pamje nga atentati në Lushnje, momenti kur autorët qëllojnë drejt automjetit të “Julit të Pashakos” appeared first on Albeu.com.

Me reagime të shumta që nga Presidentja e zyrtarë tjerë të shtetit është pritur ditëve të fundit informacioni se xhandarmëria serbe hyri në territor të Kosovës në veri, kidnapoi një qytetar dhe u largua.

Por, kjo nuk është hera e vetme që forcat serbe së fundmi kanë kaluar në Kosovë.

Dukagjini posedon që nga mesi i tetorit një video sesi forcat serbe hyn në vend por kah veri-lindja, saktësisht në fshatin Rakinicë, në afërsi të Orllanit të Podujevës.

Por, televizioni ka qenë në pritje të një konfirmimi për rastin nga Policia e Kosovës, pyetjet të cilëve u janë drejtuar që nga 20 tetori dhe ende nuk ka një përgjigje.

Megjithëkëtë, konfirmimin e krejt ngjarjes e ka bërë misioni i NATO-s në Kosovë, KFOR-i.
“Ne jemi në dijeni të kësaj ngjarjeje më 15 tetor. Ne ishim në kontakt me Forcat e Armatosura Serbe. Bazuar në informacionin e tyre, personeli i xhandarmërisë serbe po ndiqte individë të përfshirë në aktivitete të paligjshme të prerjes së pyjeve. Sapo kuptuan se kishin kaluar Vijën Kufitare Administrative (ABL), ata u kthyen menjëherë në anën e Vijës Kufitare Administrative të Serbisë”.

Televizioni ka komunikuar edhe me banorët e asaj ane dhe ata të cilët kanë xhiruar por të njëjtit nuk kanë dashur të deklarohen, veçse kanë konfirmuar se njërit, ushtarët serbë ia konfiskuan edhe traktorin.

Pretendimet e tyre janë se gjithashtu forcat serbe i kanë ofenduar dhe sharë gjatë këtij ballafaqimi.

Pos Policisë së Kosovës që nuk është përgjigjur, televizioni ka kërkuar një reagim edhe nga Ministria e Brendshme dhe informacion nëse institucionet e sigurisë kanë qenë në dijeni për rastin, por as ky institucion nuk ka kthyer përgjigje.

Policia është reaguesi i parë i sigurisë në vend e KFOR-i i treti, megjithëse misioni i NATO-s është përgjegjës për sigurinë e kufijve mes Kosovës e Serbisë.

The post Pamje, ushtarët serbë hynë në Kosovë edhe më 15 tetor – e konfirmon KFOR-i appeared first on Albeu.com.