Në një lidhje me studion e “News24”, ligjvënësi opozitar mohoi se ka zëra kundër brenda partisë apo përjashtime për mendime ndryshe.

“Nuk ka asnjë përjashtim për mendime kundër apo zëra kundër. Unë jam për bashkim, jo për përjashtim. Në PD nuk ka asgjë hermetike. Por gjithçka kalon nëpërmjet strukturave”, u shpreh ai.

Edi Paloka theksoi se çdo organizatë politike ka rregulla që duhet të respektohen dhe se edhe në statutin e PD-së parashikohen raste për përjashtimin e anëtarëve, duke shtuar se këto çështje nuk duhen trajtuar në mënyrë subjektive.

“Ka zgjedhje në PS, a pyetet atje për zgjedhjet që bëhen në parti. Unë jam i PD-së dhe ju më pyesni për zgjedhjet në parti. Pra atje janë të mbyllura. Në PD gara sa ka filluar, nuk e dimë ende se kush ka aspirata. Ka disa kritere, ka një proces gara, se nuk mund të kandidojë kushdo. Mund të jesh anëtar i PD-së dhe të mos kandidosh dot, ka hapa të tjerë në vazhdim, verifikohen emrat, kandidaturat, ka kritere”, vijoi ai.

Dhe më tej shtoi: “Nëse ka diçka që e dallon PD, është pikërisht debati. Nuk kemi pasur kurrë diçka hermetike”.

I pyetur nëse Ervin Salianji do të lejohet të kandidojë për kryetar të PD-së, Paloka u shpreh se procesi ende nuk ka nisur dhe se kandidaturat do të kalojnë përmes filtrit të kritereve dhe strukturave të partisë. Por tha se mund të jesh anëtar i PD-së dhe të mos kandidosh dot, sepse nuk plotëson kriteret.

“Gara nuk ka filluar akoma. Nuk mund të kandidojë kushdo. Ka kritere dhe një kryesi që selekton kandidaturat. Në fund do të shihet kush do të jetë në garë. E thashë, ka kritere, ka rregulla, ka një Kryesi që kontrollon figurat dhe më pas vendos”, u shpreh deputeti demokrat.

Paloka komentoi edhe protestat e PD-së, strategjinë, taktikat, sa do zgjasin ato dhe qëllimin.

Për deputetin e vetmja rrugë që i ka mbetur opozitës janë protestat e fuqishme deri në rrëzimin e diktaturës që ka vendosur Rama dhe se sa do zgjasnin ato nuk mund ta përcaktonte dot.

“Protestat janë mënyrë e detyruar e PD-së. Ka strategji dhe taktika, do shqyrtohen të gjitha. Pavarësisht formave dhe mënyrave se si do zhvillohet është çështje tjetër por forma e vetme e opozitës për t’u përballur. Rama e ka treguar se nuk ka ndërmend të bëjë zgjedhje të lira në këtë vend. Kjo është mënyra e vetme edhe për qëllimin që kemi. Sa do të zgjasin ato, unë nuk e di, por do shihet më tej, tha ai.

Duke folur për propagandën dhe taktikat qeverisëse, ai komentoi se:

“Ne jemi në diktaturë. Rama ka 13 vite që thotë fajin e ka Saliu. Ka 13 vite që qeveris vetë dhe pas kaq kohësh përsëri fajin e paska Saliu. Ai i përdor të gjitha mënyrat dhe frika në këtë diktaturë te qytetarët është e pranueshme, e kuptueshme. Pra ne jemi në diktaturë. Nuk të pëlqen PD-ja, dil në protestat e të tjerëve, protesto te Adriatik Lapaj dhe të tjerët”.

Por a do të kandidojë përsëri Paloka për postin e kryetarit të Këshillit Kombëtar të PD-së?

“Nuk e di, jam duke e menduar garën dhe kandidimin për postin e kryetarit të Këshillit Kombëtar. Nuk e kam vendosur akoma, por edhe mund të mos kandidoj”, u shpreh deputeti opozitar.

The post “Rama, 13 vite në pushtet, prap fajin e ka Saliu?” Paloka për zgjedhjet në PD dhe Salianjin: S’mund të kandidojë kushdo, ka kritere dhe një Kryesi që selekton appeared first on Albeu.com.

Paloka pyet me ironi se çfarë ka ndodhur me kryeministrin, nisur nga fakti se deri më tani ende nuk dihen arsyet përse kreu i qeverisë nuk u nis drejt Brukselit.

Paloka ngre pretendime se qeveria ka qënë në mbledhje deri në 4 të mëngjesit, nisur nga zhvillimet më të fundit lidhur me Veliajn, megjithatë kjo sipas tij nuk e ndalon Ramën të shkojë drejt Brukselit, pasi ky i fundit ka charter dhe avionë privatë.

“Atëherë çfarë ndodhi “o mret”?! – shkruan Paloka.

Reagimi i Palokës:

E pra , çfarë ndodhi o “mret”?!

Si do e lesh Evropën sot pa leksionet e tua ?!

E di që keni ndejt në mbledhje qeverie deri në 4 të mëngjesit, po ti këtë se ke problem, i fut dy viza dhe je prapë “në formë”.

Të thuash që të iku avioni…prape se thua dot se ti ke charter dhe shkon kur e si të duash!

Atëherë çfarë ndodhi “o mret”?!

The post Paloka ironizon Ramën: Çfarë ndodhi o mret, si do e lësh Evropën sot pa leksionet e tua? appeared first on Albeu.com.

Por, kreu i Këshillit Kombëtar të PD-së, Edi Paloka, jep mesazhin e qartë se duhen ndërmarrë akte që t’i shërbejnë arritjes së qëllimit, të jenë efikase, jo thjesht për të bërë ‘show’.

Deputeti demokrat thotë për gazetën “Panorama” se, greva e urisë vërtetë mund të tërheqë vëmendje ndërkombëtare, por është dyshues nëse do të sillte rezultatin që duhet. Edi Paloka ka bindjen se, “qeveritë i rrëzojnë popujt, padrejtësitë i lufton reagimi qytetar”, ndaj ai apelon shqiptarët për një reagim të fortë deri në përmbysjen e regjimit nga pushteti.

Teksa i konsideron zgjedhjet e 11 majit një farsë elektorale, deputeti demokrat flet për krijimin e një qeverie teknike si garante të votës së lirë dhe kërkon përsëritjen e zgjedhjeve.

Në këtë situatë, ai nuk mbështet zërat për një largim të Sali Berishës nga drejtimi i partisë.

Sipas tij, Berisha ka meritat që e nxori PD-në nga koma dhe dorëheqja e tij, do të ishte dëmi më i madh që mund t’i bëhej partisë në këtë moment.

Pyetje: A duhet të dorëhiqet Sali Berisha nga drejtimi i PD-së?

Përgjigjet Paloka: “Berisha u rikthye në krye të Partisë Demokratike kur PD-ja ishte në koma dhe zyrtarisht mbahej peng nga Rama. Sapo PD-ja filloi t’i rikthehej normalitetit, Berisha u arrestua. Praktikisht, Berisha e drejtoi Partinë Demokratike vetëm dy muaj. Pra, edhe sikur të mos ishim përballë një farse zgjedhore, Berisha do të ishte njeriu më pak përgjegjës për një humbje të PD-së. Përkundrazi, Berisha ka meritat që e nxori PD-në nga koma, mori mbi supe pothuajse i vetëm gjithë fushatën dhe sot është njeriu, që po me ato energji po demaskon përpara gjithë botës jo vetëm farsën zgjedhore, por edhe të gjithë të vërtetën për diktaturën më të re që është vendosur në vend! Dorëheqja e Sali Berishës do të ishte dëmi më i madh që mund t’i bëhej Partisë Demokratike në këtë moment”.

Pyetje: Është përmendur skenari për grevë urie të deputetëve në legjislaturën e re. A është greva e urisë një opsion?

Paloka: “Mendoj që ne duhet të ndërmarrim akte që t’i shërbejnë arritjes së qëllimit, të jenë efikase, jo thjesht të bëjmë show. Greva e urisë vërtetë mund të tërhiqte vëmendje ndërkombëtare, por unë dyshoj që do të sillte rezultatin që duhet. Deri tani, në kujtesën time, vetëm një grevë urie ka rezultuar e suksesshme, ajo e jona në shkurt të ’91-shit. Por, ajo grevë pati sukses sepse populli u lëshua në rrugë dhe përmbysi monumentin e diktatorit. Pra, nuk është greva në vetvete që detyron një qeveri të ndryshojë apo tërhiqet nga vendimet e saj, por reagimi qytetar. Nëse do të mjaftonte një greve urie për të rrëzuar qeveritë, atëherë nuk do kishte qeveri të qëndronte në këmbë. Qeveritë i rrëzojnë popujt, padrejtësitë i lufton reagimi qytetar. Për fat të keq unë shoh që populli im vetëm kur i shkon e keqja në derë, e kupton se nuk duhej lejuar e keqja të qëndronte në pushtet. Kjo është histori që vazhdon prej 12 vjetësh”.

Pyetje: Berisha ka paralajmëruar protesta antiqeveri në shtator, por sa efektive do të jenë ato në një kohë kur nuk mundi që ta rrëzonte dot me votë?

“Unë kam kohë që e them, ne jemi në diktaturë dhe diktaturat nuk ikin me votë! Shqiptarët e kishin në dorë ta hiqnin të keqen me votë edhe më 11 maj, po nuk e bënë! Të jem i sinqertë, për mua ata që i dhanë votën Ramës janë fajtorë e bashkëfajtorë në krim. Për mua pak rëndësi ka nëse u mashtruan, u blenë, ranë preh e shantazhit apo cilado qoftë arsyeja që pranuan të manipulohen e të votojnë Ramën; ata kanë bërë një krim ndaj vendit të tyre, por edhe ndaj vetes e fëmijëve të tyre. Po shohim shpesh këto ditë nga Vlora në Dukagjin nga ata që thonë: “Na u thaftë dora që votuam Ramën”. Në 12 vjet janë bërë shumë që mallkojnë kështu e pastaj e gjejnë zgjidhjen tek ikja nga vendi. Ia kanë bërë vetes, fëmijëve të tyre, por edhe gjithë pjesës tjetër të shqiptarëve që nuk e pranojnë këtë diktaturë e padrejtësi! I dhanë të keqes një mandat tjetër. Në sajë të tyre, ne sot nuk kemi më as demokraci, as liri, as një qeveri që të mendojë e mbrojë interesat e shqiptarëve. Tani ne kemi “mret” Ramën! Kemi “mretin” tonë, jo atë që do na duhej, po atë që meritojnë ata që e votuan dhe e mbajtën për ta mallkuar pak ditë pasi e votuan! Ne sot na sundon “mreti shurraq”. Shqiptarët e kanë në dorë të vazhdojnë të mashtrohen, të dhunohen e të poshtërohen nga “mreti shurraq”, ose të reagojnë. E keqja nuk luftohet vetëm kur të vjen te pragu i shtëpisë, se atëherë është vonë!”.

The post Do japë dorëheqjen Berisha? Paloka tregon çfarë pritet të ndodhë me PD-në në shtator appeared first on Albeu.com.

Paloka ka theksuar se ai ka dëgjuar shpifje dhe dezinformata që, ku sipas tij, janë përdorur për të sulmuar opozitën dhe për të nxjerrë PD-në si përgjegjëse për krime elektoralë, ndërkohë që ai e konsideron këtë një tentativë të qeverisë, për të mbuluar shkeljet dhe abuzimet që janë bërë gjatë periudhës që PS është në pushtet.

Ai ka theksuar se këto akuzat dhe denoncimet për blerjen e votave me shifra si 500 euro, janë një vazhdimësi e një skeme të njohur që qeveria e Edi Ramës përdor për të kontrolluar procesin zgjedhor, duke e pasur këtë si një praktikë të zakonshme të fushatave elektorale të PS.

“Atë të ‘Piranjave’ e dëgjova, është demaskim i qartë i njërit prej qindra shkeljeve ligjore dhe krimeve elektorale që PS i ka si normalitet, ajo janë fushata reale e Partisë Socialiste.

Nuk e dija që janë shoqëruar persona, shohim rezultatin se unë deri tani kam dëgjuar se krimin elektoral e paska bërë PD, dhe i arrestuari i vetëm që njoh unë është një anëtar i PD, sipas deklaratave të Veliut dhe asaj dashnorese të këtij Gysit të fortë.

Më qesharak se aq nuk ka, nuk vënë as ndonjë shifër që njerëzit ta besojnë se unë bëra dhe një status për këtë, pra 12 vitesh që ne jemi në opozitë, dhe pas 12 vitesh që kjo qeveri vetëm vjedh e manipulon, pra votat i blen PD dhe me 500 euro dhe jo 50 klasike.

Pra ne që kemi 12 vite në opozitë të blejmë vota nga 500 euro, dhe ne blejmë votat e në pushtet vazhdon Rama dhe kjo skemë dihet që do luhej sepse edhe me Belerin u luajt kjo skemë.

Kur ke të tilla monstra në vend, si ato që unë përmenda pak më parë, normal që Rama do i përdorë për të sajuar çdo gjë, ndërsa krimet elektorale të denoncuara dhe ato publike, sepse një pjesë me qindra e qindra krime elektorale ne i kemi denoncuar dhe janë publike, duke nisur që të asfalti elektoral natën deri te kjo që ka transmetuar Piranjat, që marin njerëz e i joshin me vende pune apo me zgjidhjen e problemeve të tyre“, u shpreh Paloka në Syri TV.

The post Edi Paloka: Rama po përdor shtetin për të manipuluar zgjedhjet appeared first on Albeu.com.

Paloka ironizon me simboliken 12, dhe i kujton Ramës së ka harruar 12, 22, 32 ministra, deputetë, kryetarë bashkie e funksionarë të lartë që ka në BURG.

“XHAJA paska zgjedh 12 si simbolike te hapjes se fushates: data 12, ora 12, qarqe 12…
Ka harruar vetem 12,22,32…ministra, deputete, kryetare bashkie e funksionare te larte qe ka ne BURG”, shkroi fillimisht Paloka.

“Hahahaha…I ka vene te kercejne si majmune dhe ai zbavitet duke i pare.
Te kopjuar e ka dhe kete!
Shoku Stalin dikur i vinte antaret e Byrose te kercenin para tij. Pastaj i pushkatonte”, shprehet ai

“Megjithese kandidatet i ka vene te kercejne e zgerdhihen si majmune prape duket se nuk po e zbavisin sic duhet…nuk duket hic ne humor!!!”, vijoi Paloka.

The post Hapja e fushatës së PS, reagon Paloka: Xhaja paska zgjedh 12 si simbolikë, i ka vënë të kërcejnë si majmunë dhe ai zbavitet duke i parë appeared first on Albeu.com.

Edi Paloka: Motra dhe vëllezër, është vërtetë kënaqësi e madhe dhe shumë emocion të ju shof të gjithëve bashkë me këtë entuziazëm de me besimin në fitore.

Kur hyra në këtë sallë toka duart me shumë nga ju, miq të vketrë, të njohur, disa prej tyre që në ’90 dhe në vazhdim gjithmonë në betejat e përbashkëta gjithmonë në luftë për të mbrojtur lirinë dhe demokracinë e Shqipërisë.

Sot me atë besim që hymë 30 e ca vite me parë dhe përmbysem diktaturën më të egër, ne do t’ia dalim të përmbysim edhe diktaturën më të re të Shqipërisë.

Me ndihmën e zotit dhe me ndihmën tuaj të të gjithë demokratëve në Shqipëri dhe jashtë Shqipërisë ne do t’ja thyejmë qafën Ramës diktatorit të fundit shqiptar.

Ne do të fitojmë pa diskutim.

The post Paloka me shqiptarët në Parma: Ne do t’ja thyejmë qafën Ramës, diktatorit të fundit shqiptar appeared first on Albeu.com.

Edi Paloka: Meqë këtë e kam thënë e stërthënë, reforma në Drejtësi u bë e tillë dhe me qëllim që të gjejë personazhe të cilat në radhë të parë të kenë nga një ngërç, nga një, si thonin dikur, njollë në birografi që të jenë të kapshëm.

Këtë janë zgjedhur të tillë. Shiko atë Irenen me disa mbiemra, tjetrin, tjetrin. Shiko atë prokurorin e diktaturës. Pra të gjithë janë gjetur të tillë që të kenë cene dhe që nëpërmjet këtyre të mbahen peng. Kështu funksionon Soros, jo vetëm me këta edhe më Ramën edhe me Velinë që i ka gjetur, i ka promovuar dhe i ka vënë këtu. Kështu funksionon ajo organizatë.

Është organizata më diabolike që funksionon sot në politikën ndërkombëtare dhe përzgjedhjen e njerëzve, rekrutimin e njerëzve e bën kështu, kështu është rekrutuar Rama që të ketë ku të kapet, që të jetë njeri pa personalitet, pa dinjitet, pa moral pa parime.
Pra, të ketë gjithë ato të zeza dhe që mund të kontrollohen lehtësisht dhe të përdoren pa problem fare. Rama shet edhe fëmijën e vet. Për interesa të tij e shet në publik e shet kudo.

Kështu janë edhe këta të tjerët. Veliaj e të tjerët mbrapa. Kështu që këto njerëz janë zgjedhur të tillë nga Sorosi dhe këta që u zgjodhën në drejtësi u zgjodhën pikërisht për këtë. Sot ata nuk munden edhe sikur të duan, pesa më e madhe e atyre nuk mund të dalë jashtë gardhit sepse i kanë ta kapur diku dhe ja përdorin. Prandaj janë bërë qesharakë dhe të diskredituar.

Kjo për shembull e Ministrisë së Shëndetësisë, siç e lexoi Arben Ahmetaj dje, që thonte prokurori, janë blerë 6 herë më shtrenjtë këto respiratorët se këtë thjesht nuk e kanë ditur se sa është vlera në treg. E kupton. Prokurori gjen këtë justifikim për një vjedhje të tillë. Dhe në një sektor që ka të bëjë me jetën e njerëzve.

Deri këtu arrin krimi i atyre që kanë kryer korrupsionin por edhe i këtyre që e mbulojnë. Kemi të bëjmë më njerëz të kapur dhe të vendosur aty qëllimisht për të bërë këtë që po bëjmë. I dalin në krah një qeverie të korruptuar dhe sulmojnë opozitën. Gjithçka siç e kemi deklaruar në fillim dhe siç vërtetohet përditë.

The post Deklaratat e Ahmetajt, Paloka: Drejtësia mbron aferat e qeverisë dhe sulmon opozitën appeared first on Albeu.com.

“Deri para zgjedhjeve do të ketë zhvillime të tjera, sepse po e shikoni që këtë herë Donald Trump e ka nisur me vrull.

Nuk e kam vetëm te “non grata” e Sali Berishës, pasi ajo praktikisht ka rënë me deklaratat që janë bërë. Ajo do të ishte një plus sepse vërteton gjithçka që kemi thënë”, deklaroi Paloka.

Gjithashtu, Paloka shtoi se; “Trump ka thënë që gjithë grupet e lidhura me narkotrafikun do të shpallen grupe terroriste. Të jeni të bindur që nuk ka në Europë një vend tjetër kaq të lidhur dhe kaq të kontrolluar nga narkotrafiku sa Shqipëria.

Me këtë punë do merren shumë zyrtarë. U tha për ish-ambasadoren se ishte e përfshirë në afera korruptive, kështu që këmbana ka rënë për disa”.

The post Edi Paloka: “Non grata” e Berishës ka rënë, grupet e krimit do të ndëshkohen nga Trump appeared first on Albeu.com.

Përmes një reagimi në rrjetet sociale, Paloka thotë se Berishës i kufizohet liria dhe te drejtat pa asnjë fakt kundër tij, ndërsa për kryebashkiakun e Tiranës, Erion Veliaj që endet i lirë edhe pse me katër vepra penale të vërtetuara ndaj tij, nuk ka asnjë masë.

Teksa e cilëson drejtësisë e re, pjellë e djallit Soros, reagimin e tij, Paloka e përmbyll me kërkesën e llogaridhënies para ligjit.

Reagimi

Pra Velina e bashkise me kater vepra penale te vertetuara ( sipas prokurorit) bredh i lire dhe ben ç’te doje, kurse Berishes i kufizohet liria dhe te drejtat megjithese pas viteve te tera qe germojne , nuk kane asnje fakt kunder tij!

Shpejte do duhet te pergjigjen dhe keta si te ngjashmit e tyre ne SHBA, pjelle e djallit Xhorxh Soros!

The post “Pjellë e djallit Soros”/ Paloka: Velina e bashkisë me 4 vepra penale bredh i lirë, Berishës pa prova, i kufizohet liria! appeared first on Albeu.com.

Kreu i Këshillit Kombëtar të Partisë Demokratike, Edi Paloka, ka uruar në një mënyrë shumë të veçantë për fitoren e Donald Trump, në zgjedhjet për President të SHBA.

Ai ka zgjedhur të postojë një foto në faqen e tij në “Facebook”, ku ironizon kryeministrin Rama, i cili ndodhet në foto me familjen Soros, miqtë e tij.

Ai ka postuar në faqen e tij në “Facebook” një montazh fotosh.

Ndërsa mesazhet dhe urimet vijojnë, opozita duhet të ketë kujdes nga ky entuziazmi për zgjedhjet nëpër botë se kështu ndodhi me Melonin kështu ndodhi dhe me Trumpin e parë, po ndërkohëqë këtij të dytit Rama i ka ofruar jo pak po ishullin e Sazanit.

The post Fitorja e Donald Trump/ Paloka ironizon Ramën duke i publikuar foton me… appeared first on Albeu.com.