Policia thotë se nga verifikimet rezultoi se objekti ishte ndërtuar në tejkalim të lejes së ndërtimit, konkretisht me shtimin e kateve të 10-të dhe të 11-të në një godinë 9-katëshe, si edhe me një pjesë të katit të 12-të.

Autoritetet konstatuan gjithashtu se godina ishte vënë në shfrytëzim pa certifikatë përdorimi.

Sipas njoftimit zyrtar, aksioni u zhvillua nga strukturat e Policisë së Shtetit dhe Drejtoria e Monitorimit dhe Zbatueshmërisë së Lejeve të Ndërtimit, në kuadër të zbatimit të ligjit dhe mbrojtjes së interesit publik.

Policia e Shtetit dhe IMT, Bashkia Tiranë

Konfiskohet për interes publik, objekt banimi dhe shërbimi në rrugën “Llukë Kaçaj”, ndërtuar dhe përdorur në kundërshtim me ligjin. Si rezultat i një aksioni të përbashkët ndërmjet strukturave të Policisë së Shtetit dhe atyre të Inspektoratit të Mbrojtjes së Territorit, Bashkia Tiranë, nëpërmjet Drejtorisë së Monitorimit dhe Zbatueshmërisë së Lejeve të Ndërtimit, ndërmarrë në zbatim të ligjit dhe në mbrojtje të interesit publik, është konfiskuar për interes publik, objekt banimi dhe shërbimi, në rrugën “Llukë Kaçaj”, Njësia Administrative Nr. 4, Tiranë.

Nga verifikimet e kryera rezultoi se ishte ndërtuar në tejkalim të lejes së ndërtimit, kati i 10 dhe i 11 i objektit 9-katësh dhe një pjesë e katit të 12 të tij.

Gjithashtu, u konstatua se objekti ishte vënë në shfrytëzim, pa certifikatë përdorimi. Referuar Aktit Normativ Nr. 8, datë 01.10.2025, tejkalimi rezultoi mbi pragun ligjor 10% të parashikuar për masën e konfiskimit për interes publik.

Materialet procedurale iu referuan Prokurorisë, për veprime të mëtejshme. Gjithashtu, specialistët e Sektorit për Hetimin e Krimeve Ekonomiko-Financiare në Departamentin e Policisë Kriminale dhe shërbimet e Komisariatit të Policisë Nr. 4 Tiranë, kanë referuar disa herë materiale procedurale në Prokurori, për shkelje të konstatuara në këtë objekt.

Policia e Shtetit mbetet maksimalisht e angazhuar për të bashkëpunuar ngushtë me të gjitha agjencitë ligjzbatuese të ngarkuara për kontrollin e territorit, me qëllim parandalimin, konstatimin dhe goditjen e rasteve të ndërtimeve të paligjshme dhe krimeve kundër mjedisit në tërësi.

The post Konfiskohet pallati në Tiranë, tre kate ishin ndërtuar pa leje appeared first on Albeu.com.

Të miturit, banorë të kompleksit ku ndodhi ngjarja, janë pyetur në prani të psikologëve dhe prindërve. Sipas dëshmive të tyre, veprimet nuk kanë qenë të qëllimshme.

Ata kanë deklaruar se pranë një kondicioneri ndodhej një karrocë me mbeturina dhe një objekt i djegshëm, pa e kuptuar rrezikun që mund të shkaktonin.

Ndërkohë, burime nga hetimi bëjnë me dije se prokurori i çështjes ka urdhëruar kryerjen e veprimeve të tjera hetimore në vendngjarje, si dhe marrjen në pyetje të personave të tjerë që mund të kenë dijeni për rrethanat e ngjarjes.

Ekspertiza shkencore për shkaqet e plota të zjarrit ende nuk ka përfunduar.

Nga ana tjetër, bazuar në referimin e Policisë, janë proceduar katër shtetas; Razie Sula, Agron Cara, Enver Ademi dhe Altin Furtuna – të dyshuar për shkelje të rregullave të mbrojtjes nga zjarri.

Për katër të dyshuarit, Gjykata Penale, ka vendosur masën e sigurisë “detyrim paraqitje”, ndërsa hetimet vijojnë për të zbardhur plotësisht shkaqet dhe përgjegjësitë e zjarrit që shkaktoi dëme të konsiderueshme në ndërtesë.

The post Zjarri në pallatin te “Farmacia 10”, Prokuroria e Tiranës merr në pyetje pesë fëmijë appeared first on Albeu.com.

Në Podcastin “Flasim”, kreu i qeverisë ripërsëriti se godina do të ndërtohet nga ndërtuesi, ndërsa shtoi se me bonusin e qirasë do të lehtësojnë sadopak barrën e krijuar nga dëmet e pariparueshme në apartamentet e banorëve të prekur.

“Ndërkohë, çka mbeti pas zjarrit ishte shkrumbimi i asaj godine, për të cilën u vumë menjëherë në lëvizje dhe gjëja e parë dhe më e rëndësishmja, sipas meje, është që godina do të rindërtohet tërësisht nga e para, 100% nga vetë ndërtuesi i saj dhe nga ana tjetër, angazhimi për të ndihmuar banorët që, deri në momentin – dhe besoj nuk do të marrë shumë kohë, sepse karabinaja është aty – por deri në momentin kur ata banorë do të kthehen në shtëpi, të mund të kenë një bonus qiraje dhe, patjetër, edhe një mbështetje nga bashkia për të lehtësuar barrën e krijuar nga dëmet e pariparueshme që kanë ndodhur në banesat e tyre”, tha Rama.

Kryeministri ironizoi edhe akuzat për materialet e ndërtimit, teksa tha se gjithollogët dhe ekspertët në raste të tilla dalin si “kërpudha pas shiut”.

Sipas tij, materialet e ndërtimit, nga verifikimi i parë, ishin të gjitha të certifikuara dhe vinin nga importi.

“ Zjarri nuk ka lidhje në vetvete me ndërtimin, por, nga ana tjetër, kjo është një arsye për të parë dhe për të kuptuar ashtu siç duhet edhe çka lidhet me cilësinë dhe me materialet e ndërtimit, edhe pse, nga verifikimi i parë që është bërë, ndërtimi kishte të gjitha materialet të certifikuara dhe vinin nga importi, kështu që nuk dua të zgjatem më shumë në këtë pikë”, tha kryeministri.

Pjesë nga fjala e Ramës:

Gjatë kësaj jave pati një moment që, për hir të së vërtetës, fillimisht ishte rrëqethës për shkak se flakët që përfshinë një pallat në Tiranë u duk se mund të kërcënonin seriozisht jetët e banorëve, por, për fat të mirë dhe falë përpjekjes dhe punës realisht profesionale, por mbi të gjitha heroike të forcave të zjarrfikësve, gjithçka kaloi pa asnjë jetë të humbur dhe pa plagë të rënda. Ndërkohë, çka mbeti pas zjarrit ishte shkrumbimi i asaj godine, për të cilën u vumë menjëherë në lëvizje dhe gjëja e parë dhe më e rëndësishmja, sipas meje, është që godina do të rindërtohet tërësisht nga e para, 100% nga vetë ndërtuesi i saj dhe nga ana tjetër, angazhimi për të ndihmuar banorët që, deri në momentin – dhe besoj nuk do të marrë shumë kohë, sepse karabinaja është aty – por deri në momentin kur ata banorë do të kthehen në shtëpi, të mund të kenë një bonus qiraje dhe, patjetër, edhe një mbështetje nga bashkia për të lehtësuar barrën e krijuar nga dëmet e pariparueshme që kanë ndodhur në banesat e tyre.

Tani, gjithmonë në këto raste, shfaqen menjëherë, si kërpudhat pas shiut, lloj-lloj gjithologësh dhe lloj-lloj ekspertësh publikë, por pa licencat dhe pa njohuritë e nevojshme për të marrë një rol të tillë. Po gjithsesi, edhe për shkak të emocioneve, edhe për shkak të nevojës për të marrë protagonizëm, kush nuk del e çfarë nuk thotë. E vërteta është që kjo ishte një fatkeqësi e shkaktuar nga një shkëndijë, nga një nisje zjarri, po të doni, që nuk ka lidhje në vetvete me ndërtimin, por, nga ana tjetër, kjo është një arsye për të parë dhe për të kuptuar ashtu siç duhet edhe çka lidhet me cilësinë dhe me materialet e ndërtimit, edhe pse, nga verifikimi i parë që është bërë, ndërtimi kishte të gjitha materialet të certifikuara dhe vinin nga importi, kështu që nuk dua të zgjatem më shumë në këtë pikë. Më e rëndësishmja është që askush prej atyre banorëve që patën atë moment dramatik, që fatmirësisht dhe, përsëris, falë, në radhë të parë, forcave zjarrfikëse, por edhe forcave të rendit aty të pranishme, nuk u kthye në një moment tragjik, nuk do të lihet vetëm dhe nuk do të lihet në fatin e vet përballë nevojës për t’u rikthyer dhe për të jetuar normalisht në një banesë të veten, siç i takon, tërësisht të rindërtuar.

The post Zjarri në pallatin te Farmacia 10/ Rama: Bonus qiraje dhe mbështetje nga Bashkia për të prekurit, për gjithollogët pa licenca që dalin si kërpudhat pas shiut… appeared first on Albeu.com.

Ai tha se narrativa e këtyre ditëve ka qenë lirimi nga akuzat për Ramën dhe për Lubinë (Ballukun).
“Kundër asaj mafie, të mashtrimit të trillimit që përdoret si hanxhar për fjalën e lirë. Që nga mëngjesi deri në darkë pret të vërtetën si me thatër. Dje u mundua që të mbulohej ngjarja për djegien e pallatit. PD ka denoncuar atë ndërtues, për ngjarjet në fjalë. Rama Veliaj janë fajtorët kryesorë të zjarrit. Fatmir Xhafajn nuk e kemi kursyer. Por lejet e ndërtimit nuk ka dha Xhafaj, por Rama dhe Veliaj. Por zjarrfikëset nuk futeshin dot. E gjithë narrativa ishte si të liroheshin nga akuzat Rama dhe Veliaj, më saktë Lubia.”, tha ai.

The post Djegia e pallatit në Tiranë/ “Lejen e ndërtimit s’i dha Xhafaj”, Berisha: Fajtorë kryesorë, Rama dhe Veliaj appeared first on Albeu.com.

Në pranga është vënë edhe administratori i pallatit. Gjithashtu, mësohet se në kërkim është shpallur ndërtuesi i kompleksit, biznesmeni Armand Lilo.

Hetimet për shkaqet e zjarrit, janë ende në vijim dhe autoritetet po punojnë për të zbardhur plotësisht shkaqet e zjarrit dhe përgjegjësitë përkatëse të personave të përfshirë.

The post Flakët në pallatin te “Farmacia 10″/ Arrestohen 4 persona, mes tyre menaxherja e “Big Market”, në kërkim ndërtuesi Armand Lilo appeared first on Albeu.com.

Në një prononcim për mediat, ai thekson se shtëpia, që kishte blerë para dy vitesh, me një vlerë 150 mijë euro, është bërë shkrumb e hi.

“Shtëpia 150 mijë euro, e kam blerë para dy vjetësh. Është bërë shkrumb komplet edhe nuk të lë kush që të futesh brenda me parë shtëpinë time. Përjashta e kam kaluar natën, Unë jam prej Dibre, nuk kam shtëpi këtu”, tha ai.

Sipas të dhënave paraprake, dyshohet se rreth 30 apartamente janë shkrumbuar, por pritet një bilanc i saktë në orët në vijim.

Autoritetet dhe grupet e emergjencës, vijojnë punën në terren për vlerësimin e plotë të situatës dhe për të zbardhur shkaqet e rënies së zjarrit.

Kryeministri Edi Rama, reagoi ditën e sotme përmes një postimi në rrjete sociale, duke theksuar se pallati do të ndërtohet 100 për qind nga ndërtuesi.

Kreu i qeverisë theksoi se qytetarët e dëmtuar nuk mund të lihen vetëm përballë pasojave, ndërsa shtoi se edhe taksapaguesit nuk duhet të mbajnë barrën financiare të një dëmi që, sipas tij, duhet të mbulohet nga sigurimet.

Ndërkohë, Kryeinspektori i Përgjithshëm, Dashnor Sula, ka firmosur dy urdhra për inspektim. Në njoftimin zyrtar, thuhet se inspektimi do të kryhet nga trupat e Inspektoratit Shtetëror Teknik dhe Industrial dhe Inspektoratit Kombëtar të Mbrojtjes së Territorit me qëllim verifikimin e shkaqeve të zjarrit.

The post Flet banori i pallatit që u përfshi nga flakët: Shtëpia 150 mijë euro u bë shkrumb, e kam blerë para dy vitesh (VIDEO) appeared first on Albeu.com.

Në një prononcim për mediat, njëra prej tyre thotë se për fat të mirë banesa e saj nuk u dogj, por tha se shpreson që të ndërrohen të gjitha panelet e kompleksit me qëllim që banesat të jenë më të sigurta, nëse situata përsëritet.

“Shyqyr nuk më është djegur shtëpia. Të siguruar jemi, ka qenë goxha metri katror. Ne shpresojmë që të ndërrojnë të gjithë panelet, se mund të na ndodhë edhe ne. Nëse ndërrohen panelet jemi më të sigurt. Prej një viti e kam blerë shtëpinë”, tha banorja.

Ndërsa një tjetër grua ishte pranë kompleksit për t’u interesuar për një të afërmen e saj, pasi prej ditës së djeshme nuk kishte asnjë kontakt, madje edhe telefonin e kishte të fikur.

“Kam një njeriun tim, por ka telefonin e fikur. Nuk kam komunikuar, e ka të fikur telefonin, prandaj erdha të pyes. Nuk e di cfare ca ka ndodhur. Nuk kam komunikuar që dje. Them mos është larguar nga shtëpia se s’ka mundësi”, tha qytetarja.

The post Gruaja kërkon njeriun e afërt në pallatin që u përfshi nga flakët: Nuk kam asnjë kontakt, ka fikur edhe telefonin, nuk e di çfarë ka ndodhur appeared first on Albeu.com.

Përmes urdhrave të posacëm, Kryeinspektori Dashnor Sula, urdhëroi kryerjen e verifikimeve pranë subjekteve private që operojnë në këtë pallat, me qëllim zbardhjen e shkaqeve të incidentit.

Sipas njoftimit zyrtar, inspektimi do të realizohet nga trupat e Inspektorati Shtetëror Teknik dhe Industrial dhe Inspektorati Kombëtar i Mbrojtjes së Territorit.

Ky veprim vjen pas ngjarjes së një dite më parë, ku një zjarr përfshiu ambientet e pallatit, duke ngritur shqetësime mbi sigurinë teknike dhe respektimin e standardeve nga subjektet që ushtrojnë aktivitet në këtë godinë.

“Marrë shkak nga aksidenti i ndodhur ditën e djeshme, me pasojë zjarr, urdhërohet kryerja e inspektimit të menjëhershëm pranë subjekteve private në pallatin “Arlis”, me qëllim verifikimin e shkaqeve të aksidentit.

Inspektimi do të kryhet nga trupat inspektuese të:
– Inspektoratit Shtetëror Teknik dhe Industrial; dhe
– Inspektoratit Kombëtar të Mbrojtjes së Territorit”, sqaron Inspektorati.

The post Flakët në pallatin te “Farmacia 10”/ Kryeinspektori Dashnor Sula firmos dy urdhra: Të verifikohen shkaqet e rënies së zjarrit appeared first on Albeu.com.

Në vendngjarje, pamjet janë prekëse. Një grua, e cila besohet të jetë banore e pallatit, qëndron e përhumbur duke parë drejt ndërtesës së shkrumbuar, me lot në sy, teksa përpiqet të përballet me humbjen e madhe.

Mëngjesin e sotëm, dhjetëra qytetarë dhe kureshtarë janë afruar pranë zonës për të parë nga afër pasojat që la pas zjarri, i cili shkatërroi një pjesë të konsiderueshme të pallatit.

Ndërkohë, autoritetet vijojnë verifikimet për të përcaktuar dëmet e plota dhe shkaqet e zjarrit, ndërsa banorët përballen me pasiguri dhe nevojë për mbështetje pas kësaj ngjarjeje të rëndë.

The post Pallati u përfshi nga flakët, banorja në lot teksa sheh godinën e shkrumbuar appeared first on Albeu.com.

Siç shihet edhe në këto pamje, fasada e ndërtesës është djegur pothuajse tërësisht.

Autoritetet dhe grupet e emergjencës, vijojnë punën në terren për vlerësimin e plotë të situatës dhe për të zbardhur shkaqet e rënies së zjarrit.

Hetimet pritet të hedhin më shumë dritë mbi rrethanat e ngjarjes.

The post Dhjetëra apartamente të përfshira nga flakët pranë QSUT-së, pamjet çfarë ka mbetur një ditë pas ngjarjes (VIDEO) appeared first on Albeu.com.