Rama tha se në qershor, kompanisë ndërtuese i është vënë një gjobë prej 1.3 milionë dollarësh, por me vendim gjykate, nga një gjyqtar i korruptuar, shteti u rrëzua.

“Dje, publikova një dokument, të një ndërtimi pa leje. Nuk janë aty si një zbulim i këtij momenti dhe është e pavërtetë që aty nuk ka pasur asnjë sy dhe asnjë veprim më parë. Tani po ju jap një tjetër dokument, që është dënimi me gjobë sipas ligjit të asaj kompanie që ka ndërtuar për qëllim fitimi jashtë lejes së ndërtimit dhe gjoba është sipas ligjit për metër katror. Shuma 160 e kusur milionë që I bie 1.3 milionë dollar. Kjo gjobë është vendosur në fillim të muajit qershor. E çon në gjykatë gjobën dhe gjykatësi rrëzon shtetin. Një gjykatës i verbuar nga paraja, por nuk jam nga ata që ngre akuza pa prova. I padenjë fare, i thotë shtetit jo. Ndërkohë gjobën e ka ligji, dhe ky ka qenë rasti që ka derdhur kupën dhe na ka detyruar të futemi  me ligjin e fundit të qeverisë që asnjë gjyqtar të mos futet në mes. IKMT ka pezulluar penalisht 40 subjekte ndërtuese, 18 kryetarë bashkish dhe komunash. 12 drejtorë urbanistikë, 25 kryeinspektorë të IMT, 2 drejtorë rajonalë aluzini dhe 4 anëtarë të këshillave rajonale. Pyetja është sa nga këta kanë shkuar para drejtësisë? Asnjë, dosjet kanë zënë myk”,, tha Rama.

The post Rama: Kompaninë që kishte ndërtuar pa leje në Tiranë e gjobitëm me 1.3 milionë dollarë, por një gjyqtar i verbuar nga paratë e rrezoi shtetin appeared first on Albeu.com.

Ajo është arrestuar me urdhër të Prokurorisë së Vlorës për veprën penale “Shpërdorim detyre”.

Gjithashtu në kërkim është shpallur pronari i ndërtestës, Tandro Papuçi.

“Shërbimet e Komisariatit të Policisë Sarandë, në bashkëpunim me Drejtorinë Vendore të Policisë Vlorë, nën drejtimin e Prokurorisë pranë Gjykatës së Shkallës së Parë Sarandë, pas një pune hetimore 3-mujore, kanë bërë të mundur dokumentimin e plotë ligjor të aktivitetit të kundërligjshëm në fushën e ndertimeve në qytetin e Sarandës dhe kanë finalizuar me sukses operacionin policor të koduar “HESHTJA”, në kuadër të të cilit u kap dhe u arrestuan në flagrancë shtetasja: R. P., 31 vjeçe, me detyrë kryeinspektore e Inspektoriatit Vendor të Mbrojtjes së Territorit pranë Bashkisë Sarandë.

Si dhe u shpall në kërkim shtetasi P. P., 66 vjeç, pasi ka ndërtuar në mënyrë të paligjshme një pallat 7-katesh (në ndërtim e sipër), në lagjen nr.1, në qytetin e Sarandës.

Materialet i kaluan për veprime të mëtejshme Prokurorisë pranë Gjykatës së Shkallës së Parë Sarandë, për veprat penale “Shpërdorim i detyrës” dhe “Ndërtimi i paligjshëm””, thotë policia në njoftimin e saj./albeu.com

The post Ky është pallati pa leje që çoi pas hekurave drejtreshën e IKM-së në Sarandë (FOTO LAJM) appeared first on Albeu.com.