Faza e parë e armëpushimit do të zgjasë gjashtë javë, ku Egjipti ka luajtur një rol të rëndësishëm për arritjen e marrëveshjes midis Izraelit dhe Hamasit.

Rikujtojmë se sipas marrëveshjes së kundërshtuar nga disa anëtarë të vijës së ashpër të kabinetit, një armëpushim gjashtë-javor hyn në fuqi të dielën kur do të realizohet i pari mes disa raundeve të shkëmbimeve mes pengjeve izraelitë dhe të burgosurve palestinezë. Marrëveshja mund të hapë rrugën për t’i dhënë fund luftës 15-mujore në Gaza.

The post Marrëveshja u arrit, Egjipti deklaron se rreth 1900 të burgosur palestinezë do të lirohen në fazën e parë appeared first on Albeu.com.

Ushtria izraelite tha se forcat e saj goditën në mëngjes herët një automjet në një zonë rurale në veriperëndim të qytetit të Tulkaremit, duke vrarë pesë pasagjerët brenda tij. Ushtria tha se ata kishin në plan të kryenin një sulm.

Ministria palestineze e Shëndetësisë tha se trupat e të vrarëve u dërguan në një spital aty pranë. Hamasi më vonë i identifikoi të pesë personat si militantë të grupit, përfshirë një komandant lokal.

Më vonë të shtunën, ushtria izraelite tha se vrau katër militantë të tjerë palestinezë në zonën e Tulkaremit, menjëherë pasi ata hapën zjarr ndaj trupave izraelite që vepronin në zonë, por nuk dha hollësi të tjera.

Mbi 590 palestinezë janë vrarë në Bregun Perëndimor që nga fillimi i luftës Izrael-Hamas në Gaza në tetor, sipas Ministrisë palestineze të Shëndetësisë që nuk bën dallim mes civilëve dhe luftëtarëve.

Grupet militante palestineze, përfshirë Hamasin dhe Xhihadin Islamik Palestinez, janë aktive në qytetin e Tulkaremit. Sulmet e fundit vijnë disa ditë pas vrasjes së drejtuesit të Hamasit Ismail Haniyeh në Teheran të mërkurën herët dhe komandantit të lartë të Hezbollahut, Fuad Shukr në Bejrut një natë më herët.

Përshkallëzimi ka shkaktuar shqetësim për rrezikun e zgjerimit të konfliktit në rajon. Irani dhe grupet e lidhura me të, përfshirë Hezbollahun në Liban, janë zotuar të hakmerren kundër Izraelit që ka konfirmuar se ka vrarë Shukurin, por as nuk ka konfirmuar as mohuar se ka pasur rol në vrasjen e Hanijesë.

Garda Revolucionare e Iranit tha se Hanijeh u vra si rezultat i një goditjeje me rreze të shkurtër veprimi dhe akuzoi Shtetet e Bashkuara se e kishte mbështetur sulmit.

Pentagoni tha të premten vonë se ushtria amerikane do të dërgojë zhvendosë një avionësh luftarakë shtesë në Lindjen e Mesme dhe do të mbajë një aeroplanmbajtëse në rajon.

Një ditë më herët, Presidenti Joe Biden tha se i kishte kërkuar kryeministrit izraelit Benjamin Netanyahu të shfrytëzonte mundësinë për një armëpushim me Hamasin, duke shtuar se vrasja e Hanijesë “nuk i kishte ndihmuar” përpjekjet për të negociuar për përfundimin e luftës./ VOA

The post Ushtria izraelite vret nëntë militantë palestinezë në Bregun Perëndimor appeared first on Albeu.com.

Grupi njoftoi se Sekretari i Përgjithshëm i tyre Hassan Nasrallah, do të mbante një fjalim me rastin e funeralit të komandantit Shukr, të enjten. Trupi i komandantit të Hezbollahut u gjet në rrënojat e një ndërtese në periferinë jugore të Bejrutit, të mërkurën.

Ushtria izraelite njoftoi të martën në mbrëmje se kishte vrarë Shukrin, të cilin e fajësoi për një sulm në fundjavë që la të vdekur mbi 10 persona, kryesisht fëmijë në Lartësitë e Golanit që kontrollohen nga Izraeli. Grupi Hezbollah që ka mbështetjen e Iranit, mohoi çdo përfshirje në sulmin e së shtunës.

Ministri izraelit i Mbrojtjes Yoav Gallant tha se Shukri “ka gjakun e shumë izraelitëve në duart e tij. Tani, ne kemi treguar se gjaku i popullit tonë ka një çmim dhe se nuk ka vend të paarritshëm për forcat tona për këtë qëllim”. Një zyrtar që merret me çështjet e sigurisë në një vend tjetër në rajon konfirmoi në kushte anonimiteti se Komandanti Shukr kishte vdekur nga plagët. Të paktën dy gra dhe dy fëmijë u vranë gjithashtu në sulmin izraelit, thanë burimet mjekësore dhe të sigurisë.

Shukri ishte këshilltar i udhëheqësit të Hezbollahut, Sayyed Hassan Nasrallah, sipas njoftimit të ushtrisë izraelite për vrasjen e tij. Sulmi në Bejrut erdhi pak para vrasjes së udhëheqësit të Hamasit Ismail Haniyeh në orët e para të së mërkurës në Iran, në një zhvillim që ka rritur më tej frikën për përshkallëzim më të gjerë rajonal. Hezbollahu është aleat i Hamasit./ VOA

The post Hezbollahu konfirmon vrasjen e komandantit të lartë Fuad Shukr appeared first on Albeu.com.