Rama bëri me dije se me këtë ndërhyrje paga minimale nga 32 mijë lekë do të shkojë 34 mijë lekë.

Sipas kreut të qeverisë rritje page do të ketë edhe për punonjësit e Administratës dhe Policisë së Shtetit. Rama tha gjithashtu se pensionet dhe ndihma ekonomike për personat me aftësi të kufizuara do të indeksohen për herë të dytë.

“Do të thotë për shembull për pensionet. Indeksohen zakonisht një herë në vit në muajin prill. Këtë vit janë indeksuar në këtë muaj duke marrë parasysh edhe efektin e inflacionit. Për herë të parë do të riindeksohen. DO të kemi riindeksim të llogaritur me normën e inflacionit që shkon në 6% duke u nisur nga indkesiomi i përparshëm por në 9.5% si indeksim tërësor i këtij viti. Kjo do të ndodhë edhe për personat me aftësi të kufizuara.

Do të rrisim me 10% ndihmën ekonomike, do ta dyfishojmë për gratë kryefamiljare me dy fëmijë. Të gjitha gratë që janë në kushtet e papunësisë do të marrin një ndihmë ekonomike të dyfishuar. Do të vazhdojmë programin e rritjes së pagave siç është paralajmëruar për sektorët prioritarë, pasi kemi rritur me efekt nga muaji korrik pagat për ushtarakët, mjekët me ndërhyrjen  dytë dhe me një paketë afatmesëm do të rrisim pagat për administratën. Do të rrimë po ashtu pagat për Policinë e Shtetit dhe Burgjeve. Rritja edhe njëherë e pagës mininale, nga 32 në 34 mijë lekë. Nuk do të ketë pagë më të ulët se 34 mijë lekë”, tha Rama./albeu.com/

The post Rama prezanton paketën: Rritet paga minimale, paga e Administratës dhe e Policisë së Shtetit appeared first on Albeu.com.

Arsimi Bajrami i quan militantë deputetët e PDK’së: Zhurma s’ka qenë asnjë…

Tash e disa vite punonjësit në Kosovë shpresat i kanë në ndryshimin e ligjit që do të përcaktonte pagën minimale.

E kjo deri tani në Kosovë është e ndarë në dy kategori: 130 euro për të punësuarit e moshës nën 35 vjeç.

Ndërsa 170 euro i marrin të punësuarit mbi këtë moshë.

Qeveria e Kosovës miratoi projektligj i cili parasheh rritjen e pagës minimale në 264 euro bruto.

Me këtë vendim, ora e punës duhet të paguhet së paku 1.5 euro.

Ligji për pagën minimale ka mbetur i pandryshuar që nga viti 2011.

Prandaj, vlera e kësaj page është 170 euro – sipas Agjencisë Evropiane të Statistikave, më e ulëta në Evropë.

E nga Aleanca Kosovare e Biznesit, e cila në Këshillin Ekonomik Social përfaqëson bizneset, thonë se Këshilli ka ardhur në përfundimin se paga minimale duhet të jetë 250 euro neto.

Kryetari i Sindikatës së Pavarur të Sektorit Privat, Jusuf Azemi, thotë se në bazë të një analize të bërë, shporta mujore e një familjeje katëranëtarëshe në Kosovë, kap vlerën prej 470 eurosh.

Në pagën minimale përfshihen punëtorët në sektorin e pastrimit, shërbyesit shtëpiakë, punëtorët e sigurimeve private e të tjerë.

Në sektorin publik, paga mesatare bruto është rreth 620 euro, ndërsa në sektorin privat rreth 380 euro.

Atdhe Hykolli, nga Bashkimi i Sindikatave të Pavarura të Kosovës, thotë se nëse çdo vit do të negociohej paga minimale, kjo pagë aktualisht do të ishte afro 450 euro.

Në bazë të Nenit 86 të Ligjit të punës, faktori kryesor që duhet të merret parasysh gjatë përcaktimit të pagës minimale, është kostoja e shpenzimeve jetësore, pastaj përqindja e shkallës së papunësisë, gjendja e përgjithshme në tregun e punës dhe shkalla e konkurrencës dhe produktivitetit në vend./Ekspress

The post Sfida e të gjitha qeverive: Pse nuk ka ndryshuar rroga minimale prej vitit 2011 appeared first on Albeu.com.