Gazetarja Klodiana Lala, raporton se çështja do të gjykohet nga gjyqtari administrativ i shkallës së parë, Hazbi Balliu.

Veliaj ka depozituar padinë, duke kërkuar pavlefshmërinë e emërimit në detyrë të prokurorit të posaçëm Olsi Dado.

Erion Veliaj, ndodhet që prej 10 shkurtit të vitit të kaluar në burg, ndërkohë që ishte Kushtetuesja që e riktheu atë në detyrë.

The post Padia e Erion Veliajt/ Hidhet shorti në Gjykatën Administrative, ja gjyqtari që do të shqyrtojë kërkesën e kryebashkiakut të Tiranës appeared first on Albeu.com.

Ai pohoi gjithashtu se biznesmeni e kërcënoi se do t’i shkatërronte karrierën nëse ai do të reagonte. Megjithatë, gjykatësi vendosi që padia ishte ngritur jashtë afatit, pasi afati i parashkrimit për raste të tilla në atë kohë ishte pesë vjet.

Pavarësisht një ligji të ri të vitit 2019 që e zgjat afatin e parashkrimit në 20 vjet, dispozita nuk është prapavepruese. Paditë kundër Bad Boy Entertainment dhe Combs Enterprises u rrëzuan gjithashtu.

Ky veprim vjen ndërsa Diddy ka parë raste të tjera civile kundër tij të rrëzuara, ndërsa dhjetëra ankesa mbeten aktive. Dënimi i tij në gjyqin federal pritet të shpallet më 3 tetor, per te mesuar nese do lirohet apo ajo.

The post Diddy triumfon në gjyq! Rrëzohet padia për abuzim seksual appeared first on Albeu.com.

Musk më parë ngriti një padi në shkurt në një gjykatë në San Francisko kundër Open AI, bashkëthemeluesve të saj Sam Altman dhe Greg Brockman dhe subjekteve të lidhura, duke pretenduar se të pandehurit shkelën marrëveshjet e tyre kontraktuale duke deklaruar se ata do të zhvillonin inteligjencën artificiale (AI) për përfitim të njerëzimit.

Ai më pas pretendoi se në vitin 2015, Altman dhe Brockman e bindën atë që të ndihmonte në themelimin dhe financimin e fillimit të atëhershëm “Open AI” dhe premtoi se do të ishte një organizatë jofitimprurëse e fokusuar në kundërshtimin e kërcënimit konkurrues nga Google.

“Në realitet, megjithatë, Open AI është shndërruar në një filial de facto të kompanisë më të madhe të teknologjisë në botë, Microsoft”, thuhet në padi, duke shtuar se Open AI po përsos inteligjencën artificiale për të maksimizuar fitimet për Microsoft, jo për t’i shërbyer njerëzimit.

Open AI më pas i mohoi këto akuza dhe deklaroi se Musk e dinte që në fillim se kompania do të ishte e orientuar drejt fitimit dhe gradualisht do të kalonte për të punuar në softuer me burim të mbyllur.

Në mbështetje të pretendimeve të saj, firma kaliforniane publikoi gjithashtu disa detaje nga korrespondenca e Musk me anëtarët e tjerë të ekipit të Open AI.

The post Çfarë e shtyu Elon Musk të hiqte dorë nga padia kundër kompanisë “Open AI”? appeared first on Albeu.com.

Një ditë më parë, TCh raportoi se çifti i ishte drejtuar gjykatës me padi divorci, pasi sipas tyre nuk po funksiononte më martesa, por të tjera detaje mësohen mbi këtë çështje.

Burime bëjnë me dije se Besi dhe Xhensila, para se të shkonin në Gjykatë, kanë tentuar që martesës së tyre t’i japin fund me marrëveshje, pa qenë nevoja për beteja ligjore.

Por në momente të fundit, Kallaku ka kërkuar që këngëtarja të heqë dorë nga pasuria e çiftit, gjë që nuk është pranuar prej saj.

Burime bëjnë me dije se pas këtij ‘ndryshimi’ në moment të fundit, këngëtarja i është drejtuar gjykatës me një padi për divorc, e po ashtu ka bërë edhe aktori.

Gjykata ua ka kthyer të dyve padinë, Xhensilës për shkak se nuk e kishte firmosur ajo, por kishte autorizuar avokaten e saj, e po ashtu për arsye procedurale i është kthyer edhe Besit.

Dyshja e kanë ridorëzuar padinë, këtë herë të plotësuar sipas kërkesave dhe procedurave, duke pritur një datë për caktimin e seancës.

Mësohet se të dyja këto padi për divorc, do të bashkohen tek e njëjta gjyqtare dhe do të caktohet një datë për të zhvilluar seancën, ku palët do të ngrenë pretendimet e tyre për pasurinë dhe të tjera detaje që rrjedhin pas ndarjes.

Por çfarë është divorci me marrëveshje? 

Të gjithë çiftet që i kanë dhënë fund martesës me mirëkuptim mund të divorcohen tek noteri. Ky diskutim ka përfshirë aktorët e drejtësisë dhe ka marrë shkas jo vetëm nga fluksi i dosjeve që presin në gjykata, por edhe nga fakti që shumë çifte paraqiten aktualisht tek noterët për të firmosur akt marrëveshje mbi ndarjen. Me këtë akt marrëveshje që firmoset tek noteri më pas dokumenti dorëzohet në gjykate dhe ajo e miraton.

The post I kërkoi Xhensilës të hiqte dorë nga pasuria, zbulohet manovra e Besart Kallakut në momentin e fundit… appeared first on Albeu.com.

Përflitet se gjërat janë bërë më serioze dhe ish-çifti kanë nisur procesin e divorcit, por në fakt e vërteta e kësaj historie qëndron ndryshe.

Sipas “Prapaskena”, divorci i Bes Kallakut dhe Xhensila Myrtezajt, është një histori e stisur, si skemë për të shpëtuar miliona eurot pasuri me burim të dyshimtë.

Megjithatë, sipas së njëjtës media, thuhet se Xhensila ka hasur disa probleme në ndarjen nga aktori. Kjo pasi Gjykata e Tiranës, nuk ka pranuar kërkesën e këngëtares për t’u divorcuar nga Kallaku, duke kthyer aktet për plotësim.

Nga veprimet paraprake, gjykata konstatoi se kërkesëpadia nuk është e nënshkruar nga paditësja Xhensila Myrtezaj, por nga avokatja e saj Donata Lepenica, e cila sipas gjykatës nuk ka tagër të nënshkruajë atë.

Nga këqyrja e dokumenteve, rezulton se këngëtarja Xhensila Myrtezaj, në 3 maj 2024, përmes avokates së saj, ka kërkuar ndarjen nga aktori i humorit Besart Kallaku.

Në kërkesëpadi këngëtarja shpreh pretendime dhe ngre akuza të rënda ndaj aktorit, si motive për zgjidhjen e martesës. Ajo që dihet është se çifti zotërojnë apartamente dhe biznese në disa nga zonat më të shtrenjta të kryeqytetit, disa prej të cilave janë regjistruar në emër të familjarëve dhe me burim të dyshimtë.

Ndaj nuk përjashtohet mundësia që divorci të jetë skemë për t’i shpëtuar hetimeve. Duke qenë se nuk ka patur një veprim konkret nga ana e autoriteteve, për t’i shpëtuar “burgut” dhe sekuestros së pasurive me miliona euro, një tjetër skemë mund të jetë lidhja me familjen Meta-Kryemadhi të cilët i kemi parë shpesh në darka e festa me ish-çiftin.

The post Padia me akuza të rënda e Xhensila Myrtezajt ndaj Besart Kallakut, gjykata refuzon kërkesën, arsyeja appeared first on Albeu.com.

Me sugjerim të avokatëve dhe këshilltarëve në SHBA, Dr. Asllani dhe Z. Dervishi kanë aprovuar kërkesën e bërë nga Google dhe janë pajtuar për shtyrjen e afatit deri më 18 dhjetor 2023. Sipas avokatëve, kërkesa nga Google dhe dakordimi për shtyrjen e afatit përafron edhe më shumë palët dhe krijon mundësi për dakordim final për këtë çështje të rëndësishme për të dy palët. Kjo marrëveshje e nënshkruar nga paditësit dhe i pandehuri Google për shtyrjen e afatit deri më 18 Dhjetor 2023, është dërguar në Gjykatën e Lartë të Kalifornisë.

Kujtojmë se padia është ngritur sepse diskriminimi i vazhdueshëm i gjuhës shqipe nga Google ka bërë që folësit e gjuhës shqipe të diskriminohen nga pjesa tjetër e Evropës dhe botës në zhvillimin e biznesit, në marketing dhe gazetari, pasi janë të përjashtuar nga platformat Google Ads, Google Adsense dhe Google Admob.

Për padinë e bërë ndaj Google për diskriminim të gjuhës shqipe janë informuar edhe Ambasada e Republikës së Shqipërisë dhe ajo e Republikës së Kosovës në SHBA.

Investimi dhe kontributi i jashtëzakonshëm i Dr. Asllanit dhe Z. Dervishi do të krijojë mundësi dhe përfitime marramendëse financiare për portalet, kanalet televizive, gazetarët, blogerët, këngëtarët, agjensionet e marketingut dhe institucionet e tjera. Do të shtohen edhe të hyrat për të gjitha kompanitë të cilat do të reklamojnë në Google shërbimet dhe produktet e tyre. Këto do të ndikojnë në shtimin e punësimit, investimeve të huaja, dhe të hyrave nga taksat në fitim dhe qarkullim të mundësuar nga Google.

Bisedime shtesë të Dr. Asllanit dhe Z. Dervishi me avokatët dhe zyrtarët e Google do të zhvillohen gjatë muajit Dhjetor, 2023. Komunikimi është tejet miqësor, pritjet për zgjedhje të pranueshme për të dy palët janë reale.

Në këtë moment tejet të rëndësishëm të integrimit dhe mbështetjes së gjuhës shqipe nga Google, janë të mirëseardhur të gjithë ata që dëshirojnë të bëhen pjesë e ekipit për të kontribuar për këtë çështje me rëndësi ekonomike, financiare dhe kombëtare.

The post Gjykata e Lartë e Kalifornisë konfirmon padinë ndaj Google për diskriminim të Gjuhës Shqipe appeared first on Albeu.com.

“Unë do të shkoj në Atlanta të Xhorxhias të enjten për t’u arrestuar”, tha Trump në platformën e tij Truth Social.

Trump – i cili po garon për t’u zgjedhur sërish president i SHBA-së në vitin 2024 – e përshkroi padinë si përpjekje të motivuar politikisht për ta dëmtuar fushatën e tij zgjedhore.

Mediumi amerikan CNN ka raportuar më parë se Trump planifikon të dorëzohet në stacionin policor të Fultonit në Atlanta. Data e 24 gushtit u caktua gjatë negociatave midis avokatëve të Trumpit dhe zyrës së prokurorit të Fultonit më 21 gusht, sipas CNN.

Në një aktakuzë prej 98 faqesh, të zbuluar javën e kaluar, Trump dhe 18 të pandehur të tjerë u akuzuan me gjithsej 41 akuza penale në lidhje me përpjekjet për të ndryshuar rezultatin e zgjedhjeve në Xhorxhia në vitin 2020 – kur Trump humbi garën kundër presidentit aktual të SHBA-së, Joe Biden.

John Eastman, ish-avokati personal i Trumpit, i cili gjithashtu është paditur në rastin e Xhorxhias, planifikon të dorëzohet tek autoritetet në Fulton më 23 gusht, sipas një dosje gjyqësore të publikuar më 21 gusht.

Rasti i Xhorxhiast përbën aktakuzën e katërt të ngritur ndaj Trump. Ai përballet me një gjyq në Nju Jork lidhur me një pagesë të bërë ndaj një ylli të pornografisë dhe një gjyq në Florida për keqpërdorim të dokumenteve të klasifikuara federale.

Një tjetër aktakuzë, në Uashington, e akuzon atë për përpjekje të paligjshme për ta përmbysur humbjen e tij në zgjedhjet e vitit 2020. Prokurori i posaçëm Jack Smith ka kërkuar që gjyqi të nisë në janar, por ende nuk është caktuar një datë.

Trump është deklaruar i pafajshëm për të gjitha akuzat e ngritura ndaj tij.

Në Xhorxhia, Trump akuzohet se e ka shkelur “Aktin e Organizatave të Influencuara dhe të Korruptuara nga Raketuesit” (RICO). Dënimet e rënda që ndërlidhen me rastet RICO mund t’i nxisin të pandehurit të kërkojnë marrëveshje bashkëpunimi, dhe këto statute përdoren zakonisht si cak ndaj krimit të organizuar.

Sipas ligjit federal, kushdo që mund të jetë i lidhur me “një organizatë kriminale” përmes të cilës janë kryer shkelje, mund të dënohet na bazë të ligjit RICO.

Autoritetet në Atlanta nisën një hetim pasi Trumpi iu kishte telefonuar zyrtarëve në Xhorxhia disa javë para se të largohej nga Shtëpia e Bardhë, duke iu bërë presion për t’ia gjetur 11.780 votat e nevojshme për ta përmbysur fitoren e Bidenit në Xhorxhia.

Trump përballet me akuzat tashmë për konspiracion për ta mashtruar SHBA-në, pengimin e dëshmitarëve dhe konspiracion kundër të drejtave të qytetarëve.

Aktakuza ndaj tij u ngrit më 2 gusht, pas një hetimi ndaj ngjarjeve që ndodhën gjatë trazirave të 6 janarit 2021, në Kapitol të Shteteve të Bashkuara./rel

The post Trump planifikon të dorëzohet vetë për padinë lidhur me rezultatin e zgjedhjeve në Xhorxhia appeared first on Albeu.com.

Ndërsa i riu qëndroi në burg nën dyshimet e dhunës në familje, hetimet zbuluan se 45 vjeçarja, një nënë e divorcuar me dy fëmijë dhe që jetonte me qira në banesën e Arjet Xhetos prej muajsh refuzonte që të largohej nga banesa.

Në kulmin e konflikteve mes të dyve, njëri qiramarrës dhe tjetri qiradhënës, gruaja i bindi për pak ditë autoritetet në Tiranë se ishte dhunuar për shkak të marrëdhënies së fshehtë. Ky version u konsiderua i pambështetur në gjykatën e apelit të kryeqytetit. Avokatja Vjollca Pustina deklaroi për Top Channel se mbas arrestimit të 24 vjeçarit, konflikti për është zgjidhur nga të afërmit e tij që e kanë larguar qiramarrësen.

“Zonjës i është refuzuar kërkesa për urdhër mbrojtjeje disa herë, përpara se djali të arrestohej. Ajo e ka bërë t’i zaptojë shtëpinë. Gjykata ka urdhëruar që zonja me dy fëmijë duhet t’i qëndrojë larg djalit”, tha avokatja Vjollca Pustina.

Në Tiranë konfliktet që gjenerohen nga problemet mes qiramarrësve dhe qiradhënësve kanë gjeneruar një trend të ri krimi. Duke nisur nga fyerjet, sharjet, rrahjet deri tek plagosjet, që ndodhin midis të dyja palëve jo vetëm kur banesa është dhënë me qira përpara noterit, por edhe kur është lëshuar në mirëbesim.

“Ky është një trend që ka dy vjet që po ndodh, dhe më së shumti trajtohet si një çështje juridiko-civile”, tha avokatja Pustina.

Në një rast policisë ju kërkua ndihmë që të gjejë një qiramarrës, mbasi sipas denoncimit kur pronari mbërriti në shtëpinë pranë Tiranës së re ai e gjeti të boshatisur.

Por ngjarja më e rëndë e shënuar deri më tani është vrasja e Petrit Vuksanit i cili u qëllua nga qiramarrësi i shtëpisë Lek Vuksani. Ai tha në gjykatë se e vrau mbasi nuk kishte para për ta likuiduar të zotin e shtëpisë. Në pjesën dërrmuese të këtyre konflikteve, kur pronarët e banesave nuk i bindin qiramarrësit të lënë banesën, ata kërkojnë ndihmën e policisë që e konsideron mosmarrëveshjen si çështje civile që duhet zgjidhur në gjykatë.

The post Qiramarrsja padit pronarin që të mos e nxjerrë nga shtëpia, historia që “shpiku” në polici appeared first on Albeu.com.

Nga dyert e gjykatës, Kushi tha se ka ngritur këtë padi për shpifje sepse beson te disa vlera dhe parime që i ka respektuar që nga dita e pare.

Kushi: E kam ngritur ketë padi për shpifje sepse besoj te disa vlera dhe parime që i kam respektuar që nga dita e parë. Një politikë me e drejtë e ndershme me të verteta pa shpifja e akuza pa fakte.

I bëj apel Vokshit që të jemi të gjithë të vertete të kemi një politikë të ndershme.

Ndërkohë Vokshi tha për mediat se ministrja ka kërkuar që deputetja demokrate të tërheqë deklaratat e saj, gjë që nuk u pranua. Ajo akuzo Kushin dhe Ramën se ka degraduar sistemin arsimor.

Vokshi: Në këtë seancë vendosa të paraqitem personalisht në respekt të investimit që po bën kjo gjykatë , që po përdoret për arsye polituke për të na mbyllur gojën mua dhe kolegëve që të mos bëjmë denoncime, edhe në respekt të grevës së avokatëve për hartën e re gjyqësore.Ishte një seancë pajtuese, kerkoi që të tërhiqja deklaratat e mia, e ka degraduar sistemin arsimor. Ne do jemi në krah të nxënësve./alebu.com

The post Padia për tezat e provimit, Kushi përballet me Vokshin në gjykatë appeared first on Albeu.com.

Duke ju referuar çështjes që tashmë ka shkuar në gjykatën franceze, Berisha në “Foltoren” e organizuar prej tij në Lezhë  tha: “Jo vetëm gjykatësi ka pranuar shqyrtimin e padisë, por miqtë e mi më kanë njoftuar se ajo dosje ka zero fakte, zero prova, zero dokumente ashtu siç ju kam thënë unë ju. Megjithatë ftoj Sekretarin e Shtetit dhe cilindo shtetas, qytetar, institucion të atij vendi e mbarë botës, që çdo fakt, provë, dokument që të ketë, ta çojë në sallën e gjyqit në Paris”.

Por gazetari Albi Xhunga hedh poshtë deklaratën e ish-kreut të selisë blu në emisionin Zona Zero në Top News. Vetë gazetari thotë se kontaktoi me zv/Prokurorin Vincent Plymas, në gjykatën e Parisit. Dhe sipas përgjigjes zyrtare të këtij të fundit, nuk kemi të bëjmë me një pranim të padisë, por me regjistrim ose quajtur ndryshe protokollim të saj.

Zbuluam që nuk ka një padi të pranuar nga Berisha ndaj Blinken, por vetëm një protokollim të kësaj padie. Deklarata e Berishës se gjyqtari ka pranuar padinë e tij, është mashtrim publik. E bazuar në asgjë. Pse është gënjeshtër? Sepse kontaktuam gjykatën e Parisit dhe zyra e marrëdhënies me shtypin na informoi që nuk kemi të bëjmë me një pranim të padisë por me një regjistrim. Nuk është marrë asnjë vendim. Kërkova info shtesë dhe më ka ardhur dhe përgjigja,” tha Xhunga, shkruan gazeta Shqip.

Përgjigja zyrtare nga Vincent Plymas, zv/Prokuror në gjykatën e Parisit e publikuar nga gazetari

Këshilli i Gjyqtarëve të Tribunalit të Parisit ka marrë një padi për shpifje, dhe konform kodit dhe procedurës penale, një depozitë është e nevojshme, që të lejohet hapja e një procedure gjyqësore, shkruan gazeta Shqip.

The post Zv/prokurori në Gjykatën e Parisit nxjerr “blof” Berishën: Nuk është pranuar padia ndaj Blinken appeared first on Albeu.com.