Në sqarimin e tij, SPAK thotë se Petrit Çela, i është drejtuar drejtuesit të institucionit më 20 maj 2026 dhe 18 qershor 2026, duke kërkuar përjashtimin e prokurorit Altin Dumani nga procedimi penal, ku të pandehur janë Marjus Lulaj dhe Mario Çela, familjarë të Petrit Çelës.

Sipas SPAK, argumenti kryesor i paraqitur nga Petrit Çela ishte pikërisht kallëzimi penal i depozituar në Verona ndaj Dumanit.

“Në mbështetje të kërkesës për përjashtim, shtetasi Petrit Çela ka paraqitur pikërisht faktin e kallëzimit penal të ngritur në Verona, Itali. Drejtuesi i Prokurorisë së Posaçme pasi ka vlerësuar kërkesën e paraqitur dhe aktet ku ajo është mbështetur, me vendimin e datës 19.06.2026 ka vendosur “Mospranimin e kërkesës”, si e pambështetur në ligj dhe në prova. Nga dokumentacioni i paraqitur nga shtetasi Petrit Çela rezulton se në Prokurorinë e Republikës pranë Gjykatës së Veronës, Itali, është regjistruar procedimi penal nr. R.G.N.R. 3514/2026 – R.G. GIP 2877/2026, për veprën penale të “Shpifjes” (calunnia), të parashikuar nga neni 368 i Kodit Penal italian, mbi bazën e një kallëzimi të paraqitur nga shtetasi Petrit Çela ndaj prokurorit Altin Dumani, i cili ka ushtruar funksionin e Drejtuesit të Prokurorisë së Posaçme kundër Korrupsionit dhe Krimit të Organizuar nga data 19 dhjetor 2022 deri më 19 dhjetor 2025”, thuhet në sqarimin e SPAK.

Po sipas SPAK, i vetmi element që lidh Altin Dumanin me bashkëpunimin ndërkombëtar është nënshkrimi, në cilësinë e drejtuesit të SPAK, i një shkrese më 11 korrik 2024, si dhe i marrëveshjes për krijimin e një Skuadre të Përbashkët Hetimore mes mes SPAK-ut dhe Prokurorisë së Veronës më 26 gusht 2024, me nismë të autoriteteve italiane.

“Prokurori Altin Dumani nuk ka qenë pjesë e grupit hetimor të procedimeve penale nr.10792/2023 (Itali) dhe nr.123/2024 (Prokurori e Posaçme), nuk ka kryer veprime hetimore, marrje në pyetje, sekuestrime apo kërkesë për sekuestrim, si dhe ka marrë dijeni për ekzistencën e procedimit penal në Itali vetëm në muajin maj 2026, pra pas paraqitjes së kërkesës për arkivim nga ana e Prokurorisë italiane”, thuhet ne njoftim.

Njoftimi i SPAK:

Duke marrë shkak nga disa lajme dhe artikuj të publikuar në disa nga mediat vendase, të cilat i referohen burimeve të mediave lokale të Verona-s në Republikën e Italisë, sqarojmë opinionin publik si vijon :

Shtetasi Petrit Çela i është drejtuar Drejtuesit të Prokurorisë së Posaçme, më 20.05.2026 dhe më 18.06.2026, me kërkesë për përjashtimin e prokurorit Altin Dumani nga procedimi penal nr. 193/2023, ku janë të proceduar penalisht të pandehurit Marjus Lulaj dhe Mario Çela (familjarët e shtetasit Petrit Çela), procedim penal në të cilin prokurori Altin Dumani ushtron funksionin e prokurorit të çështjes.

Në mbështetje të kërkesës për përjashtim, shtetasi Petrit Çela ka paraqitur pikërisht faktin e kallëzimit penal të ngritur në Verona, Itali. Drejtuesi i Prokurorisë së Posaçme pasi ka vlerësuar kërkesën e paraqitur dhe aktet ku ajo është mbështetur, me vendimin e datës 19.06.2026 ka vendosur “Mospranimin e kërkesës”, si e pambështetur në ligj dhe në prova.

Nga dokumentacioni i paraqitur nga shtetasi Petrit Çela rezulton se në Prokurorinë e Republikës pranë Gjykatës së Veronës, Itali, është regjistruar procedimi penal nr. R.G.N.R. 3514/2026 – R.G. GIP 2877/2026, për veprën penale të “Shpifjes” (calunnia), të parashikuar nga neni 368 i Kodit Penal italian, mbi bazën e një kallëzimi të paraqitur nga shtetasi Petrit Çela ndaj prokurorit Altin Dumani, i cili ka ushtruar funksionin e Drejtuesit të Prokurorisë së Posaçme kundër Korrupsionit dhe Krimit të Organizuar nga data 19 dhjetor 2022 deri më 19 dhjetor 2025.

Prokuroria e Republikës pranë Gjykatës së Veronës, pas shqyrtimit të akteve, ka paraqitur më datë 21.04.2026 kërkesë për arkivim (richiesta di archiviazione) të procedimit penal, e depozituar më 14.05.2026. Ndaj kësaj kërkese, personi që ka paraqitur kallëzimin penal Petrit Çela ka paraqitur kundërshtim (opposizione) më 11.05.2026, çka ka çuar në caktimin e një seance gjyqësore pranë Seksionit GIP/GUP të Gjykatës së Veronës.

Nga aktet e administruara rezulton se, i vetmi element i identifikuar që lidh prokurorin Altin Dumani me bashkëpunimin ndërkombëtar në fjalë është nënshkrimi, në cilësinë e Drejtuesit të Prokurorisë së Posaçme, i një shkrese institucionale, më datë 11.07.2024, si dhe i një Marrëveshjeje, më datë 26.08.2024, për krijimin e një Skuadre të Përbashkët Hetimore (JIT) mes Prokurorisë së Posaçme dhe Prokurorisë së Republikës pranë Gjykatës së Veronës, nismë e ardhur nga vetë autoritetet italiane në kuadër të procedimit penal nr. 10792/2023.

Prokurori Altin Dumani nuk ka qenë pjesë e grupit hetimor të procedimeve penale nr.10792/2023 (Itali) dhe nr.123/2024 (Prokurori e Posaçme), nuk ka kryer veprime hetimore, marrje në pyetje, sekuestrime apo kërkesë për sekuestrim, si dhe ka marrë dijeni për ekzistencën e procedimit penal në Itali vetëm në muajin maj 2026, pra pas paraqitjes së kërkesës për arkivim nga ana e Prokurorisë italiane.

Nga kronologjia e sipërpërmëndur rezulton lidhja ndërmjet kallëzimit të paraqitur në Itali dhe interesit të drejtpërdrejtë familjar që kallëzuesi Petrit Çela ka në procedimin penal nr.193/2023 të Prokurorisë së Posaçme, si dhe përdorimi i vetë faktit të kallëzimit penal si bazë procedurale për kërkesën e përjashtimit të prokurorit të çështjes.

The post Padia e Petrit Çelës ndaj Altin Dumanit, reagon zyrtarisht SPAK: Autoritetet e Veronës ka kërkuar arkivimin e çështjes! Prokurori s’ka qenë pjesë e grupit hetimor në Itali appeared first on Albeu.com.

Çështja lidhej me deklarata publike të bëra nga Balla, për të cilat Shkëlzen Berisha, pretendonte se i dëmtonin reputacionin dhe përbënin shpifje ndaj tij.

Shkëlzen Berisha kishte depozituar padi në gjykatë, duke kërkuar përgjegjësi për deklaratat e bëra nga Taulant Balla, ndërsa ky i fundit ka qenë i përfshirë në disa përplasje publike politike me familjen Berisha.

The post Kërkesa e Shkëlzen Berishës ndaj Taulant Ballës për shpifje miratohet pjesërisht nga gjykata appeared first on Albeu.com.

Qendra për Raste Gjyqësore Strategjike, së bashku me organizatat Pishtarët, EcoZ dhe Gjethi, i janë drejtuar me padi Gjykatës Administrative në Prishtinë kundër Ministrisë së Mjedisit, Planifikimit Hapësinor (MMPH). Padia kundërshton vazhdimin e lejeve mjedisore për hidrocentralet Deçani dhe Belaja, të publikuara më 16 qershor.

Sipas njoftimit të Qendrës për Raste Gjyqësore, çështja nuk kufizohet vetëm te dy lejet mjedisore, por prek mënyrën se si institucionet marrin vendime dhe nëse në këtë proces është dëgjuar zëri i qytetarëve.

Organizatat kërkojnë nga gjykata shfuqizimin e lejeve mjedisore për HC Deçani dhe HC Belaja, si edhe kthimin e procedurës në fazën e diskutimit publik. Ato kërkojnë që Ministria të organizojë një konsultim të ri publik, të sigurojë me kohë qasje në të gjitha dokumentet dhe informacionet relevante, si dhe të arsyetojë se në çfarë mënyre janë shqyrtuar komentet dhe provat e paraqitura nga qytetarët para marrjes së vendimit.

Në komunikatë thuhet se qytetarët dhe organizatat e shoqërisë civile kanë kërkuar prej vitesh të drejtën e publikut për pjesëmarrje në procedurat që lidhen me lejet mjedisore. Sipas tyre, kërkesa u ngrit pas lëshimit të lejeve për hidrocentralet në Lumbardh të Deçanit në vitin 2020 dhe ishte mbështetur në atë kohë edhe nga ministrja aktuale e Mjedisit, fillimisht si deputete dhe më pas si kryesuese e Komisionit Parlamentar për Mjedis.

Organizatat theksojnë se, në bazë të Udhëzimit Administrativ të vitit 2025 për Lejet Mjedisore, duhej të zhvillohej diskutim publik për lejet e hidrocentraleve në Deçan.

Sipas reagimit të tyre, organizatat dhe aktivistët kanë dorëzuar komente, analiza teknike dhe prova që ngrenë shqetësime serioze për procedurën, duke u mbështetur në këtë të drejtë. Ato pretendojnë se publikut nuk i është ofruar në kohë qasje në dokumentet dhe informacionet e rëndësishme, çka ka pamundësuar pjesëmarrje të plotë dhe të informuar. Organizatat thonë se Ministria, ndonëse ishte në dijeni se procesi nuk po zhvillohej sipas ligjit, vazhdoi me lëshimin e lejeve mjedisore për HC Deçani dhe HC Belaja, pa iu përgjigjur dhe pa i marrë parasysh komentet dhe provat e paraqitura nga publiku.

Qendra për Raste Gjyqësore Strategjike funksionon si platformë e themeluar nga Grupi për Studime Juridike Politike (GLPS).

The post Padi ndaj Ministrisë së Mjedisit për zgjatjen e lejeve të hidrocentraleve në Deçan appeared first on Albeu.com.

Ajo kërkon që Gjykata Administrative të shpallë të pavlefshëm dekretin me të cilin Dado u emërua prokuror në vitin 2008. Përfaqësuesit e shoqatës kanë deklaruar se çështja ka interes publik dhe lidhet me integritetin e sistemit të drejtësisë. Gjë e cila përbën një nga objektivat kryesore të veprimtarisë së kësaj shoqate.

Kryebashkiaku i Tiranës, Erion Veliaj ka depozituar me 23 janar të vitit 2026 në Gjykatën Administrative të Shkallës së Parë Tiranë, një kërkesë-padi kundër institucionit të Presidentit të Republikës së Shqipërisë të vitit 2007-2012 dhe prokurorit të Posaçëm, Olsi Dado. Në këtë kërkesë, Veliaj ka kërkuar konstatimin e pavlefshmërisë absolute të dekretit të emërimit të këtij të fundit si prokuror nga noter që ishte në vitin 2008.

Sipas padisë, emërimi i prokurorit është kryer në kundërshtim flagrant me ligjin, pasi në momentin e dekretimit ai nuk plotësonte kriteret ligjore të detyrueshme për ushtrimin e funksionit të prokurorit pa shkollën përkatëse të Magjistraturës. Kryebashkiaku kërkon gjithashtu, që Këshilli i Lartë i Prokurorisë të detyrohet të marrë vendim për përfundimin e menjëhershëm të statusit të magjistratit dhe ushtrimit në mënyrë të paligjshme të detyrës të prokurorit në fjalë.

Në këtë padi, theksohet se të gjitha veprimet penale të kryera ndaj Veliajt, mbështeten mbi një akt emërimi ‘nul ab initio’, duke sjellë pasoja të rënda ndaj Bashkisë së Tiranës, Republikës së Shqipërisë, rendit kushtetues, institucioneve, familjes dhe individit.

The post Padia e Veliajt për prokurorin Olsi Dado/ Mbahet sot seanca gjyqësore në Gjykatën Administrative appeared first on Albeu.com.

Në aktvendim thuhet se Ministria e Drejtësisë, përmes Avokaturës Shtetërore si përfaqësuese e saj e autorizuar, e ka dorëzuar padinë ndaj OAK më 12 qershor 2026, raporton “Betimi për Drejtësi”.

Gjatë shqyrtimit paraprak, Supremja ka konstatuar se padia e paraqitur nuk ishte e qartë dhe as e kuptueshme sa i përket aktit që kundërshtohej, çka sipas gjykatës e pamundësonte vlerësimin e mëtejmë të bazueshmërisë së saj. Për këtë arsye, MD-ja ishte urdhëruar ta korrigjonte dhe plotësonte padinë.

Më pas, me parashtresën e 18 qershorit 2026, paditësja e ka plotësuar dhe saktësuar kërkesëpadinë, duke kërkuar nga Gjykata Supreme që të shfuqizojë si të kundërligjshme lartësinë e shpenzimeve të regjistrimit të Odës së Avokatëve të Kosovës.

Megjithatë, Gjykata Supreme ka vlerësuar se kjo çështje nuk bën pjesë në kompetencën lëndore të saj.

“Gjatë shqyrtimit paraprak të padisë, u vërtetua se aktin të cilin e konteston paditësja në këtë çështje administrative nuk është akt nënligjor posaçërisht një akt i nxjerrë në bazë të autorizimit të shprehur të një ligji të miratuar nga Kuvendi ashtu siç e percaktojnë edhe dispozitat e LKA-së”, thuhet në vendim.

Sipas arsyetimit të Supremes, në padi kërkohet shfuqizimi i lartësisë së shpenzimeve të regjistrimit, por këto shpenzime janë të përcaktuara te “Kërkesa për regjistrim në regjistrin e avokatëve”, e cila, sipas gjykatës, nuk i plotëson kushtet për t’u konsideruar akt nënligjor normativ.

“Sipas nenit 10 paragrafi 4 të LKA-së, Gjykata Supreme ka kompetencë të shqyrtojë vetëm: revizionet e paraqitura kundër aktgjykimeve të giykatës së shkallës së dytë, të cilat i paraqiten gjykatës së shkallës së parë dhe paditë për shfuqizimin e akteve nënligjore normative, që paraqiten drejtpërdrejt në këtë gjykatë. Andaj, nga peëmbajtja e padisë nuk rezulton se rasti ka të bëjë me ndonjë akt nënligjor normativ dhe as me revizion”, thuhet më tej në vendim.

Si rrjedhojë, gjykata ka ardhur në përfundim se akti i kontestuar nuk përmban elementet e një akti nënligjor normativ. Për pasojë, nuk janë përmbushur kushtet e përgjithshme dhe të veçanta për shqyrtim të mëtejmë, përfshirë edhe kompetencën ligjore të kësaj gjykate, ndërsa nuk ekziston as ndonjë aktgjykim apo lëndë që mund të trajtohet përmes mjetit të jashtëzakonshëm juridik. Në këto rrethana, padia është hedhur poshtë si e palejuar.

“Gjykata Supreme, në referim të nenit 10 paragraf 4 të LKA-së, vlerësoj se kjo gjykatë, gjykon sipas revizionit dhe si shkallë e parë dhe e vetme, ndaj kërkesëpadive për shfuqizimin e një akti nën-ligjor normativ, të gjitha paditë e tjera gjykohen në gjykatën e shkallës së parë si gjykatë kompetente”, thuhet në vendim.

Pas këtij vendimi ka reaguar edhe Oda e Avokatëve të Kosovës, e cila ka deklaruar se përpjekja e Qeverisë për t’i vënë në pikëpyetje aktet e Odës nuk e kaloi as fazën fillestare të lejueshmërisë procedurale.

“Oda e Avokatëve e Kosovës nuk do të njohë dhe nuk do të zbatojë asnjë vendim, akt apo urdhër të nxjerrë nga organe që veprojnë jashtë kompetencave të tyre ligjore. Çdo ndërhyrje e tillë është juridikisht e pabazuar dhe nuk prodhon pasoja juridike ndaj Odës së Avokatëve”, thuhet në reagim.

The post Supreme e shpall të palejuar padinë e Ministrisë së Drejtësisë ndaj Odës së Avokatëve për tarifat e regjistrimit appeared first on Albeu.com.

Sela ankimon përjashtimin e saj nga gara, duke e cilësuar procesin si jotransparent dhe të paarsyetuar. Sipas padisë, vendimi i organeve partiake shkel të drejtat statutore dhe barazinë në garë, ndërkohë që kontestohet edhe kandidimi i Sali Berishës.

Paditësja pretendon se, neni “Basha”, neni 46 sanksionon se kryetari që humb zgjedhjet duhet të largohet nga drejtimi i partisë.

Mereme Sela i është drejtuar gjykatës me 5 kërkesa:

1. Shpallja e pavlefshme absolute e vendimit për skualifikimin e paditëses nga gara për Kryetar të PDSH-së;

2. Detyrimi i palës së paditur për rikthimin e paditëses në garë;

3. Shpallja e pavlefshme absolute e kandidimit të Sali Berisha;

4. Konstatimi i shkeljes së rëndë të statutit dhe parimeve të demokracisë së brendshme;

5. Vendosja e masës së sigurimit të padisë: pezullimi i menjëhershëm i procesit zgjedhor të datës 23.05.2026 deri në përfundim të gjykimit.

The post Kundërshtoi përjashtimin e saj nga gara për drejtimin e Partisë Demokratie, padia e Mereme Selës appeared first on Albeu.com.

Gazetarja Klodiana Lala, raporton se çështja do të gjykohet nga gjyqtari administrativ i shkallës së parë, Hazbi Balliu.

Veliaj ka depozituar padinë, duke kërkuar pavlefshmërinë e emërimit në detyrë të prokurorit të posaçëm Olsi Dado.

Erion Veliaj, ndodhet që prej 10 shkurtit të vitit të kaluar në burg, ndërkohë që ishte Kushtetuesja që e riktheu atë në detyrë.

The post Padia e Erion Veliajt/ Hidhet shorti në Gjykatën Administrative, ja gjyqtari që do të shqyrtojë kërkesën e kryebashkiakut të Tiranës appeared first on Albeu.com.

Ai pohoi gjithashtu se biznesmeni e kërcënoi se do t’i shkatërronte karrierën nëse ai do të reagonte. Megjithatë, gjykatësi vendosi që padia ishte ngritur jashtë afatit, pasi afati i parashkrimit për raste të tilla në atë kohë ishte pesë vjet.

Pavarësisht një ligji të ri të vitit 2019 që e zgjat afatin e parashkrimit në 20 vjet, dispozita nuk është prapavepruese. Paditë kundër Bad Boy Entertainment dhe Combs Enterprises u rrëzuan gjithashtu.

Ky veprim vjen ndërsa Diddy ka parë raste të tjera civile kundër tij të rrëzuara, ndërsa dhjetëra ankesa mbeten aktive. Dënimi i tij në gjyqin federal pritet të shpallet më 3 tetor, per te mesuar nese do lirohet apo ajo.

The post Diddy triumfon në gjyq! Rrëzohet padia për abuzim seksual appeared first on Albeu.com.

Musk më parë ngriti një padi në shkurt në një gjykatë në San Francisko kundër Open AI, bashkëthemeluesve të saj Sam Altman dhe Greg Brockman dhe subjekteve të lidhura, duke pretenduar se të pandehurit shkelën marrëveshjet e tyre kontraktuale duke deklaruar se ata do të zhvillonin inteligjencën artificiale (AI) për përfitim të njerëzimit.

Ai më pas pretendoi se në vitin 2015, Altman dhe Brockman e bindën atë që të ndihmonte në themelimin dhe financimin e fillimit të atëhershëm “Open AI” dhe premtoi se do të ishte një organizatë jofitimprurëse e fokusuar në kundërshtimin e kërcënimit konkurrues nga Google.

“Në realitet, megjithatë, Open AI është shndërruar në një filial de facto të kompanisë më të madhe të teknologjisë në botë, Microsoft”, thuhet në padi, duke shtuar se Open AI po përsos inteligjencën artificiale për të maksimizuar fitimet për Microsoft, jo për t’i shërbyer njerëzimit.

Open AI më pas i mohoi këto akuza dhe deklaroi se Musk e dinte që në fillim se kompania do të ishte e orientuar drejt fitimit dhe gradualisht do të kalonte për të punuar në softuer me burim të mbyllur.

Në mbështetje të pretendimeve të saj, firma kaliforniane publikoi gjithashtu disa detaje nga korrespondenca e Musk me anëtarët e tjerë të ekipit të Open AI.

The post Çfarë e shtyu Elon Musk të hiqte dorë nga padia kundër kompanisë “Open AI”? appeared first on Albeu.com.

Një ditë më parë, TCh raportoi se çifti i ishte drejtuar gjykatës me padi divorci, pasi sipas tyre nuk po funksiononte më martesa, por të tjera detaje mësohen mbi këtë çështje.

Burime bëjnë me dije se Besi dhe Xhensila, para se të shkonin në Gjykatë, kanë tentuar që martesës së tyre t’i japin fund me marrëveshje, pa qenë nevoja për beteja ligjore.

Por në momente të fundit, Kallaku ka kërkuar që këngëtarja të heqë dorë nga pasuria e çiftit, gjë që nuk është pranuar prej saj.

Burime bëjnë me dije se pas këtij ‘ndryshimi’ në moment të fundit, këngëtarja i është drejtuar gjykatës me një padi për divorc, e po ashtu ka bërë edhe aktori.

Gjykata ua ka kthyer të dyve padinë, Xhensilës për shkak se nuk e kishte firmosur ajo, por kishte autorizuar avokaten e saj, e po ashtu për arsye procedurale i është kthyer edhe Besit.

Dyshja e kanë ridorëzuar padinë, këtë herë të plotësuar sipas kërkesave dhe procedurave, duke pritur një datë për caktimin e seancës.

Mësohet se të dyja këto padi për divorc, do të bashkohen tek e njëjta gjyqtare dhe do të caktohet një datë për të zhvilluar seancën, ku palët do të ngrenë pretendimet e tyre për pasurinë dhe të tjera detaje që rrjedhin pas ndarjes.

Por çfarë është divorci me marrëveshje? 

Të gjithë çiftet që i kanë dhënë fund martesës me mirëkuptim mund të divorcohen tek noteri. Ky diskutim ka përfshirë aktorët e drejtësisë dhe ka marrë shkas jo vetëm nga fluksi i dosjeve që presin në gjykata, por edhe nga fakti që shumë çifte paraqiten aktualisht tek noterët për të firmosur akt marrëveshje mbi ndarjen. Me këtë akt marrëveshje që firmoset tek noteri më pas dokumenti dorëzohet në gjykate dhe ajo e miraton.

The post I kërkoi Xhensilës të hiqte dorë nga pasuria, zbulohet manovra e Besart Kallakut në momentin e fundit… appeared first on Albeu.com.