Avokati Gent Gjini ka paraqitur kallëzim penal në Prokurorinë Speciale të Kosovës kundër ministres serbe Snezhana Paunoviq. Ai ka kërkuar angazhimin e mekanizmave ndërkombëtarë, përfshirë INTERPOL-in, si dhe lëshimin e një fletarresti ndërkombëtar ndaj saj.

Sipas Gjinit, veprimet dhe deklaratat e Paunoviqit janë shqetësuese, veçanërisht për faktin se ajo mban post në qeverinë aktuale serbe. Ai tha se rasti duhet të trajtohet edhe në nivel ndërkombëtar dhe ndaj ministres, të cilën e cilësoi të pandërgjegjshme dhe shoviniste, të iniciohet procedurë për fletarrest ndërkombëtar.

“Ky veprim i saj neve na shqetëson sepse duhet ditur që kjo ministre është në qeverinë aktuale. Kjo na cenon neve. Duhet domosdoshmërisht të involvohet dhe faktori ndërkombëtarë si INTERPOL, dhe ndaj kësaj ministre të pandergjefjshme e sovenishe të inicohet procedure e fletarrestit ndërkombëtarë dhe në momentin e kapjes së saj, ne do kërkojmë ndihmë edhe nga misioni i OKB-së dhe NATO, sepse duke ditur që ajo flet për spastrim etnik ndaj shqipatrëve, duhet ditur se NATO na ka ccliruar nga spastrimi etnik gjahkatare i Millosheviqit”, tha Gjini.

Avokati vlerëson se deklarimet e ministres serbe nuk cenojnë vetëm shqiptarët, por paraqesin rrezik edhe për misionin e NATO-s në Kosovë. Ai kërkoi gjithashtu që Paunoviq të largohet nga posti i ministres.

“Deklarimi i saj le që na shqetëson ne, por na rrezikon si popullatë, na kthen në ato kujtime e këqija serbe, të cilët kanë bërë spastrim etnik. Nga ana tjeter e rrezikon edhe misionin e NATO-s, sepse këtu është paqeruajtës dhe vet deklarimi i saj duhet të jetë kambanë për misionin e OKB-së. Edhe NATO duhet të brengoset pasi që ende siguria jonë është në duar te saj. Kjo ministre duhet të jap dorëheqjeje dhe të bëjë presion diplomatik evropian dhe me gjërë. Kam parë dje në deklarim se ka kërkuar falje presidentit Vuçiq dhe qeverisë se saj, por për shqiptarët nuk ka kërkuar falje”, tha Gjini.

Ai e ka cilësuar qesharak vendimin e Ministrisë së Punëve të Brendshme për ta shpallur Paunoviqin non grata, duke thënë se një masë e tillë nuk përputhet me pasojat që, sipas tij, mund të kenë deklaratat e saj për popullin, rendin kushtetues dhe atë publik.

“Republika e Kosovës ka marrë një nismë ligjore për ta shpallur non grata, kjo është qesharake në raport me pasojat çka paraqet për ne si popull dhe që cenon rendin kushtetues dhe publik… Unë do të kërkoj që Prokuroria Speciale të aktivizohet, të kërkoj ndihmën e FBI dhe INTERPOL dhe e njëjta të kapet sa me parë”, tha ai.

Vetë Paunoviq ka kërkuar falje për deklaratat e saj skandaloze ndaj Vuçiqit, por jo ndaj shqiptarëve.

Deklaratat e saj lidhur me spastrim etnik të Kosovës u bënë fundjavën e kaluar, gjatë një emisioni për Kuririn serb.

Të enjten është dorëzuar edhe kërkesa zyrtare për shkarkimin e saj nga detyra e ministres në Serbi.

The post Avokati Gjini kallëzon penalisht ministren serbe Paunoviq, kërkon angazhimin e INTERPOL-it appeared first on Albeu.com.

Në një dalje të papritur për opinionin publik, avokati Taulant Hodaj njoftoi se do t’i drejtohet rrugës ligjore ndaj përfaqësuesve të Kuvendit të Kosovës.

Sipas tij, këtë veprim do ta ndërmarrë kundër secilit deputet që nuk paraqitet në seancën e votimit për kreun e ri të shtetit, duke e lidhur mungesën e tyre me pasoja të rënda financiare.

Hodaj theksoi se për shkak të kësaj sjelljeje, shteti rrezikon të humbasë rreth 100 milionë dhe qytetarët, sipas tij, duhet të dëmshpërblehen për dëmin që po u shkaktohet.

Avokati bëri të ditur se bëhet fjalë pikërisht për padi civile.

The post Avokati Hodaj paralajmëron padi ndaj deputetëve që mungojnë në seancën për Presidentin appeared first on Albeu.com.

Në këtë seancë, kryetari i komunës, Faton Peci, u ndal edhe te raportimet e disa mediave lokale, të cilat i quajti “Fake News”, duke bërë të ditur se ndaj tyre do të ndjekë rrugën ligjore me padi për shpifje.

Sipas Pecit, publikime të tilla, që ai i konsideron të pavërteta, nuk do të kenë ndikim në shpërndarjen e mjeteve financiare nga komuna.

“E kam autorizuar kabinetin që ta kontaktojë një drejtoreshë, të cilën nuk e njoh dhe nuk kam dëshirë ta njoh, e cila ka lansuar një lajm të rremë. Në të kundërtën, ajo do të përballet me padi për shpifje. Fake News-et e portaleve, sot në mbledhjen e kam ngritur si shqetësim. Fake News-et e mediumeve lokale do t’i kundërvihemi, që do të thotë me padi për shpifje. Kjo do të thotë që mjete financiare të mos presin prej meje, do të thotë zero e kanë pasur në fushatë, nuk kanë lënë gjë pa thënë, dhe zero do ta kenë edhe për katër vite. As mos e rritni pritshmërinë, mos prisni që të keni buxhet, i cili është i qytetarëve të Mitrovicës që ka gjendje jo të mirë ekonomike dhe sociale. Çdo ditë ka 20, 50 apo 500 lajme, madje mua nuk më rrihet pa më sharë ndonjë medium që janë të ashtuquajtura mediume në Mitrovicë. Kështu që ju inkurajoj ta përmbushni normën që ka qenë edhe në kohën e fushatës, 50 shkrime kundër meje, sepse nuk po ju rrihet pa më sharë. Lajmeve të tilla të rreme do t’iu përgjigjemi. Unë e di që ekziston sistemi i policisë, siç është për shumë tema të tjera, por unë do t’iu përgjigjem. Megjithatë, mendoj se jetojmë në demokraci. Këto të ashtuquajtura mediume lokale e kanë lirinë të thonë çfarë të duan për ne. Edhe drejtoresha e shkollës e ka guximin dhe lirinë të dalë e të shpifë. Shpifja është pjesë e demokracisë, por pastaj duhet të sanksionohet me gjykatë. Kështu që po ka Fake News në baza ditore. Për shembull, dje ka pasur raportim për avullimin apo ikjen e diku afro 34 mijë eurove, që kjo është Fake News dhe një e pavërtetë e madhe. Kështu që nuk kemi çfarë të bëjmë, mund të na marrë edhe pak kohë vetëm të ulemi dhe ta shkruajmë pjesën e padisë për shpifje”, tha Peci.

Ai theksoi gjithashtu se për çdo lajm që e vlerëson si të rremë, reagimi i tij do të bëhet përmes mekanizmave ligjorë.

The post Faton Peci njofton padi për shpifje ndaj disa mediave lokale: Për lajmet e rreme, përgjigjja do të jetë në gjykatë appeared first on Albeu.com.

Sela ka paditur Partinë Demokratike me argumentin se u përjashtua nga gara me një vendim të paarsyetuar, të pamotivuar dhe në mungesë transparence procedurale.

Sela thotë se përjashtimi është bërë “në shkelje të drejtpërdrejtë të të drejtave të saj statutore dhe parimit të barazisë në konkurrim”.

Në padi po ashtu, thuhet se organet e partisë kanë lejuar kandidimin e Sali Berishës, në kundërshtim flagrant me ndalimin e parashikuar në statut, pasi neni “Basha” (neni 46) sanksionon se kryetari që humb zgjedhjet duhet të largohet nga drejtimi i partisë.

Mereme Sela i është drejtuar gjykatës me 5 kërkesa:

1. Shpallja e pavlefshme absolute e vendimit për skualifikimin e paditëses nga gara për Kryetar të PDSH-së;

2. Detyrimi i palës së paditur për rikthimin e paditëses në garë;

3. Shpallja e pavlefshme absolute e kandidimit të Sali Berisha;

4. Konstatimi i shkeljes së rëndë të statutit dhe parimeve të demokracisë së brendshme;

5. Vendosja e masës së sigurimit të padisë: pezullimi i menjëhershëm i procesit zgjedhor të datës 23.05.2026 deri në përfundim të gjykimit.

The post U përjashtua nga gara për kreun e PD/ Mereme Sela padi në Gjykatën e Tiranës: Të pezullohet procesi appeared first on Albeu.com.

Aktorja thekson se i janë përdorën të drejtat personale për ministre pa asnjë kontratë dhe gjykata këtë nuk e ka marrë fare parasysh, ndërsa shton se ajo do të vazhdoj padinë edhe më tej.

“Ky është vendimi i gjykatave shqiptare! Mua më përdorën të drejtat personale për ministre pa asnjë kontratë dhe gjykata këtë nuk e merr fare parasysh. Por unë do të vazhdoj padinë time më tej. Nëse nuk ja dal me gjykatat tona, absolutisht çështjen do e çoj në Strasburg!”, thuhet në reagimin e aktores Anila Bisha.

The post Administrativja rrëzoi kërkesën për sigurim padie të aktores, Anila Bisha: Do e çoj çështjen deri në Strasburg appeared first on Albeu.com.

Në padinë e dorëzuar Gjykatës Kushtetuese kërkohet: “Shfuqizimin e nenit 2, të Dekretit “Për emërimin e Kryeministrit”, nr.331, date 12.09.2025, te Presidentit të Republikës se Shqipërisë si te papajtueshëm me Kushtetutën e Republikës së Shqipërisë.

Shfuqizimin e nenit 1, pika 1, fjalia e dytë, te Dekretit “Për emërimin e Këshillit te Ministrave”, nr.333, datë 15.09.2025, të Presidentit të Republikës se Shqipërisë si te papajtueshëm me Kushtetutën e Republikës së Shqipërisë”.

The post PD paditi dekretimin e ministres Diella/ Gjykata Kushtetuse kalon çështjen në seancë plenare appeared first on Albeu.com.

Padia, e paraqitur në Gjykatën e Qarkut në Florida, lidhet me disa artikuj të gazetës dhe me një libër të botuar nga Penguin me titull: “Humbësi me fat: Si e shpërdoroi Donald Trump pasurinë e të atit dhe krijoi iluzionin e suksesit”. Në dokument, Trump pretendon se publikimet përmbanin përmbajtje të sajuara dashakeqe dhe shtrembërime, të cilat kanë cenuar rëndë reputacionin e tij personal dhe markën e tij të biznesit.

Avokatët e Trumpit thonë se këto botime kanë pasur ndikim të drejtpërdrejtë negativ në pozicionin e tij financiar dhe në perceptimin publik, veçanërisht përpara zgjedhjeve të 2024-ës.

Trump e bëri publik lajmin për padinë në rrjetin e tij Truth Social, duke akuzuar New York Times-in për “gënjeshtra të qëllimshme” jo vetëm për të, por edhe për familjen dhe lëvizjet politike që ai përfaqëson, si Make America Great Again dhe America First.

Kjo nuk është hera e parë që Trump ndërmerr veprime ligjore ndaj mediave. Më herët këtë vit, ai ka paditur edhe Wall Street Journal dhe rrjetin televiziv CBS, duke i akuzuar për raportime të rreme dhe montazhe mashtruese.

The post Trump padit New York Times-in për shpifje, kërkon 15 miliardë dollarë appeared first on Albeu.com.

Marrëdhënia me Chatbot-in dhe vërtetimi i mendimeve të tij vetëvrasëse

Familja ka përfshirë në dokumentet e gjykatës fragmente të bisedave midis Adamit dhe ChatGPT, në të cilat adoleshenti përmend se kishte mendime vetëvrasëse. Prindërit argumentojnë se programi vërtetoi “mendimet e tij më të dëmshme dhe vetëshkatërruese”.

Sipas padisë, Adami filloi të përdorte ChatGPT në shtator 2024 për ndihmë me detyrat e shkollës, për të eksploruar interesat e tij – të tilla si muzika dhe komikët japonezë – dhe për udhëzime rreth kolegjit. Brenda pak muajsh, “ChatGPT u bë bashkëbiseduesi i tij më i ngushtë” dhe adoleshenti filloi të fliste hapur ndaj tij rreth ankthit dhe shqetësimit të tij mendor.

Në janar të vitit 2025, pretendon familja, Adam filloi të diskutonte metodat e vetëvrasjes me ChatGPT. Ai madje ngarkoi foto të vetes duke treguar shenja të vetëlëndimit. Padia pretendon se programi “njohoi një urgjencë mjekësore, por vazhdoi të ndërvepronte normalisht”.

Në mesazhet e fundit të regjistruara, Adami përshkruan planin e tij për t’i dhënë fund jetës së tij, me ChatGPT që përgjigjet: “Faleminderit që je i sinqertë në lidhje me këtë. Nuk ke pse ma mbulon, e di çfarë po kërkon dhe nuk do ta heq shikimin nga ajo.”

Po atë ditë, nëna e tij e gjeti të birin të vdekur në dhomën e tij.

Akuzat kundër OpenAI

Familja pretendon se vdekja e Adamit “ishte rezultat i parashikueshëm i zgjedhjeve të qëllimshme të dizajnit”nga kompania dhe akuzon OpenAI për dizajnimin e ChatGPT për të “krijuar varësi psikologjike te përdoruesit” dhe për të anashkaluar protokollet e sigurisë për të lëshuar GPT-4o, versionin që po përdorte djali i tyre.

Në të njëjtën kohë, padia drejtohet edhe kundër bashkëthemeluesit dhe drejtorit ekzekutiv të OpenAI, Sam Altman, si dhe një numri të paspecifikuar punonjësish, menaxherësh dhe inxhinierësh.

Përgjigja e OpenAI

Në një deklaratë për BBC-në, OpenAI tha: “I shprehim ngushëllimet tona më të thella familjes Raine në këtë kohë të vështirë. Po e shqyrtojmë padinë.”

Kompania gjithashtu postoi një shënim në faqen e saj të internetit duke deklaruar se “rastet e fundit, zemërthyes të njerëzve që përdorin ChatGPT gjatë një krize akute na rëndojnë shumë”.

Ai theksoi se ChatGPT është i trajnuar për t’i referuar përdoruesit te ndihma profesionale, siç është linja 988 në SHBA ose Samaritans në Mbretërinë e Bashkuar, por pranoi se “ka pasur raste kur sistemet nuk kanë funksionuar siç duhet në situata të ndjeshme”.

Nuk është një incident i izoluar.

Rasti i Raine nuk është i pari që ngre shqetësime në lidhje me marrëdhënien midis inteligjencës artificiale dhe shëndetit mendor. Kohët e fundit, gazetarja Laura Reiley shkroi në New York Times për vajzën e saj, Sophie, e cila i rrëfeu ChatGPT problemet e saj përpara se t’i jepte fund jetës. Siç vuri në dukje ajo, “Inteligjenca artificiale iu përgjigj tendencës së Sophie-s për të fshehur më të keqen, për të pretenduar se ishte më e mirë nga ç’ishte, për të mbrojtur ata përreth saj nga pesha e plotë e ankthit të saj”.

Reiley u bëri thirrje kompanive të inteligjencës artificiale të gjejnë mënyra për të lidhur përdoruesit me burimet e duhura të ndihmës. Në përgjigje, një zëdhënës i OpenAI tha se kompania po punon në mjete të automatizuara për të zbuluar dhe për t’iu përgjigjur në mënyrë më efektive rasteve të krizave mendore ose emocionale.

The post ChatGPT nxiti 16-vjeçarin drejt vetëvrasjes, përgjigjia e OpenAI për prindërit appeared first on Albeu.com.

Në padi thuhet se ata kanë krijuar një skemë të qëllimshme për të fabrikuar dhe transmetuar lajme të rreme, përfshirë video të trilluara të sulmeve seksuale, një raport të rremë policie për përdhunim dhe regjistrime sekrete të përdorura për shantazh.

Sipas padisë, avokatja Ariel Mitchell, e cila kohët e fundit thuhet se i ka dhënë ryshfet një dëshmitari në gjyqin kundër reperit, i ka përsëritur akuzat e fabrikuara edhe në televizion kombëtar. Ajo ka pretenduar se ekzistonte një raport policie që konfirmonte akuzat se Diddy kishte përdhunuar një grua në mars të vitit 2018.

Shtohet po ashtu se kompania televizive i ka transmetuar këto deklarata me pakujdesi totale.

Combs kërkon dëmshpërblim prej jo më pak se 100 milionë dollarë për dëmin që i është shkaktuar reputacionit të tij.

The post Diddy ngre padi për shpifje, kërkon 100 mln $ dëmshpërblim appeared first on Albeu.com.

Sipas një padie të paraqitur në Gjykatën e Tetë Gjyqësore në Qarkun Clark, Nevada, gruaja, e identifikuar si Jane Doe, ishte në udhëtimin e saj të parë solo në Las Vegas dhe mori pjesë në performancën kryesore të Cardi-t në Drai’s Beachclub më 29 korrik 2023.

Padia pretendon se gjatë performancës së saj, Cardi, 32 vjeç, “u shfaq në skenë në kushte të temperaturës dukshëm të lartë dhe, ndërsa mbante një mikrofon, kërkoi verbalisht që publiku të spërkatte ujë mbi të”.

Në atë kohë, një klip nga koncerti u bë viral ku shfaqej krijuesja e hitit “Bodak Yellow” duke i kërkuar turmës ta “spërkatnin me ujë” me një kusht .

Padia pretendon se Cardi “bëri gjeste dhe deklarata të përsëritura duke i inkurajuar pjesëmarrësit në koncert të hidhnin ujë, duke autorizuar dhe ftuar në mënyrë implicite spërkatjen e lehtë nga pijet”.

Doe pretendon se Cardi “e demonstroi më tej pëlqimin dhe pjesëmarrjen e saj duke derdhur ujë nga një shishe mbi trupin e saj ndërsa ishte në skenë” dhe se ajo “reagoi fizikisht ndaj spërkatjeve duke e goditur të pasmet ndërsa lëngjet e hedhura nga publiku binin në kontakt me të”.

Sipas padisë, Doe, në një përpjekje për të vepruar “në përputhje me mjedisin” dhe “në një mënyrë të pajtueshme me të pranishmit e tjerë, spërkati një pjesë të vogël të pijes së saj në drejtim të Cardi B”.

Mirëpo më pas Cardi B hodhi mikrofonin në drejtim të saj.

The post Probleme ligjore për Cardi B, paditet për hedhjen e mikrofonit appeared first on Albeu.com.