Drejtori i Urgjencës, Ergys Miçi, thekson se konsumimi i alkoolit gjatë mbrëmjeve festive shpesh e kthen festën familjare në traumë, veçanërisht kur drejtuesit e mjeteve drejtojnë automjetin nën efektin e tij. Sipas tij, çdo vit gjatë kësaj periudhe regjistrohen aksidente të shumta rrugore, përfshirë edhe raste me humbje jete.

“Gjatë festave ka gjithmonë teprim në konsumimin e alkoolit dhe këshillojmë të gjithë qytetarët të tregojnë kujdes, në mënyrë që festa të mos kthehet në traumë. Çdo person që konsumon alkool duhet të ketë kujdes të mos drejtojë automjetin, pasi shpesh ajo që nis si festë familjare përfundon në tragjedi. Çdo vit kemi pasur raste të shumta aksidentesh, madje edhe me humbje jete”, thotë Ergys Miçi.

Një tjetër kategori e rrezikuar janë moshat e treta dhe fëmijët, të cilët përballen me pasoja serioze shëndetësore gjatë festave. “Moshat e treta duhet të tregojnë kujdes të shtuar, pasi edhe sasi të vogla alkooli ose teprimi me ushqimin, në prani të problemeve kardiake, mund të sjellin pasoja serioze, si edemë pulmonare. Gjithashtu, personat me astmë kronike duhet të kenë kujdes në klimat e ftohta. Fëmijët duhet të mbrohen nga fishekzjarrët; vitet e kaluara kemi pasur raste me djegie dhe dëmtime të gishtave”, thotë ai.

Sipas drejtuesit të Urgjencës, fluksi i pacientëve rritet ndjeshëm gjatë kësaj periudhe, duke kaluar shifrën e zakonshme. “Fluksi i pacientëve mund të arrijë deri në 300 persona në 24 orë. Në fundvit ka një rritje të ndjeshme të fluksit, si në shërbimin paraspitalor ashtu edhe në atë spitalor. Përgatitemi për datat 31 dhjetor, 1 dhe 2 janar, duke siguruar furnizime shtesë dhe rritur gatishmërinë. Numri i rasteve mund të arrijë 250–300 në 24 orë, një fluks i konsiderueshëm për Urgjencën”. thotë Miçi.

Autoritetet shëndetësore apelojnë për kujdes maksimal gjatë festave, duke theksuar se shmangia e alkoolit në drejtimin e automjeteve dhe përdorimi i kujdesshëm i fishekzjarrëve janë thelbësore për të mos e kthyer festën në urgjencë spitalore.

The post Festat e fundvitit mbingarkojnë Urgjencën e Elbasanit, mjeku: Mbi 300 pacientë në 24 orë appeared first on Albeu.com.

Dr Rakesh Khuran kreu operacionin urgjent prej dy orësh në Muzaffarnagar të Uttar Pradesh. “Pas inspektimit të mëtejshëm, ne kuptuam se objektet e huaja ishin lugë çeliku,” tha Dr Khurana. Në fillim, mjekët besonin se pacienti mund të kishte tumor.

Familja e pacientit beson se ai ishte gëlltitur lugët ndërsa po trajtohej për varësinë nga droga në një klinikë lokale.

The post Besojeni ose jo, mjekët gjejnë 63 lugë në stomakun e pacientit appeared first on Albeu.com.