Chelsea po shqyrton një investim të rëndësishëm gjatë afatit kalimtar të janarit, teksa Pablo Barrios i Atletico Madridit është identifikuar si objektivi kryesor për forcimin e mesfushës.

Sipas gazetës Sport, drejtuesit e klubit londinez kanë nisur të mendojnë për riformatimin e repartit pas transferimit të papritur të Enzo Fernandez te Manchester City dhe dështimit për të afruar Lamine Camara, pasi Monaco e hodhi poshtë kërkesën e tyre.

Raportimet nga Anglia bëjnë me dije se Chelsea është gati të ofrojë 100 milionë euro për 23-vjeçarin e Atletico Madridit.

Xabi Alonso beson se Barrios ka profilin e duhur për të marrë drejtimin e mesfushës, ndërsa në fazën ofensive do të mund të krijonte një kombinim të përshtatshëm me ekuadorianin Moises Caicedo.

Megjithatë, arritja e një marrëveshjeje me Los Rojiblancos pritet të jetë veçanërisht e vështirë. Mesfushori është ndër lojtarët kyç në planin e Diego Simeones, ndërsa kontrata e tij përmban një klauzolë largimi prej 500 milionë eurosh.

Gjithashtu, forcimi i gjendjes financiare të klubit madrilen pas ardhjes së Apollos tregon se Atletico nuk ndodhet nën presion për të shitur futbollistët e saj kryesorë në mes të sezonit.

The post Chelsea përgatit ofertë prej 100 milionë eurosh për Pablo Barrios në merkaton e janarit appeared first on Albeu.com.