Hulumtimet kanë zbuluar tashmë se semaglutide, e njohur edhe me emrat e markave Wegovy dhe Ozempic – ul rrezikun e vdekjes tek njerëzit që ishin obezë ose mbipeshë dhe kishin sëmundje kardiovaskulare.

Por studimet e reja kanë zbuluar se Ozempic ka ndikime përtej asaj që ishte imagjinuar fillimisht për ilaçin. Njerëzit që morën ilaçin vdisnin me një shkallë më të ulët nga të gjitha shkaqet, jo vetëm nga shkaqet kardiovaskulare, zbuluan studiuesit.

“Semaglutide ka përfitime të gjera përtej asaj që ne fillimisht imagjinonim,” tha Prof Harlan Krumholz i shkollës së mjekësisë Yale. “Nuk është vetëm shmangia e sulmeve në zemër. Këta janë promovues të shëndetit. Nuk do të më befasonte që përmirësimi i shëndetit të njerëzve në këtë mënyrë ngadalëson procesin e plakjes.”

Studimet u prodhuan nga testi Select në SHBA, i cili studioi 17,604 njerëz të moshës 45 vjeç e lart, të cilët ishin mbipeshë ose obezë dhe kishin sëmundje kardiovaskulare, por jo diabet. Ata morën semaglutide ose një placebo dhe u gjurmuan për më shumë se tre vjet.

The post Studimi: Ozempic dhe Wegovy ngadalësojnë procesin e plakjes appeared first on Albeu.com.

Megjithatë, duke folur për British Vogue, Kylie Jenner e bëri të qartë se ajo ndjek vetëm një dietë specifike dhe shumë stërvitje, shkruajnë mediat e huaja. 

“Jam kthyer në peshën që isha përpara se të kisha vajzën dhe djalin tim dhe njerëzit ende e krahasojnë figurën time me atë se si dukesha tre muaj pas lindjes”, thotë ajo, duke shpjeguar se nuk ka kuptim.

Ajo më pas shtoi: “A harrojnë të gjithë që kam shtuar 27 kg me të dyja shtatzënitë? Unë isha 90 kg kur linda foshnjat e mia, të cilat ishin të dyja 9 kg secila. Më në fund humba të gjithë peshën e shtatzënisë pas vajzës sime dhe mbeta shtatzënë me djalin tim dy muaj më vonë. Ndihesha në formë dhe isha mirë dhe më pas pasi linda bëra të njëjtën gjë përsëri”.

Siç thotë ajo, nëse do të merrte ndonjë mjekim nuk do të hezitonte t’ua zbulonte fansave të saj, pasi herë pas here ka përmendur edhe procedurat estetike që ka bërë.

“Unë thjesht po përpiqem të jem e shëndetshme dhe e durueshme. Ecja dhe pilates janë kombinimi im i preferuar”, tha ajo në mbyllje, ndërsa theksoi se: “Që kur jam bërë nënë, mendoj se bota nuk ka fare ndjeshmëri ndaj meje”.

https://x.com/PopCrave/status/1823473303186760165?ref_src=twsrc%5Etfw%7Ctwcamp%5Etweetembed%7Ctwterm%5E1823473303186760165%7Ctwgr%5E5f0f6269471a261fc09ff451e3f45e021b8fecc5%7Ctwcon%5Es1_&ref_url=https%3A%2F%2Ficonstyle.al%2Fkylie-mohon-se-ka-perdorur-ozempic-ja-si-arriti-te-humbiste-peshe-pas-shtatzenise%2F

The post Kylie mohon se ka përdorur Ozempic, ja si arriti të humbiste peshë pas shtatzënisë appeared first on Albeu.com.

Shkencëtarët kanë ngritur alarmin se injeksionet për humbje peshe mund të shkaktojnë gjithashtu defekte të lindjes dhe nuk duhet të përdoren nga askush që shpreson të mbetet shtatzënë.

Humbja e peshës mund të përmirësojë fertilitetin sepse obeziteti ndërhyn me nivelet e hormoneve, por përbërësi “semaglutide” nuk është testuar tek gratë shtatzëna për të parë nëse është i sigurt.

Hulumtimet mbi kafshët duke përfshirë minjtë dhe majmunët sugjerojnë se mund të jetë toksik dhe të çojë në abort dhe anomali.

Prodhuesi i ilaçit, Novo Nordisk, nuk e rekomandon “semaglutide” për gratë shtatzëna ose që ushqejnë fëmijën me gji dhe thotë se ato duhet të ndalojnë marrjen e ilaçit dy muaj përpara se të përpiqen të mbeten shtatzënë.

Ekspertët kanë zbuluar se, disa gra që luftojnë me infertilitetin kanë mbetur shtatzënë papritur pasi kanë marrë “semaglutide”, i cili përdoret për trajtimin e obezitetit dhe diabetit të tipit 2 nën emrat e markave Wegovy dhe Ozempic.

Mjekët në Amerikë gjithashtu kanë filluar ta përdorin atë për të trajtuar sindromën e vezores policistike (PCOS), një gjendje që është një shkak i zakonshëm i infertilitetit dhe është i lidhur me obezitetin.

The post Studimi: Shtatzënitë që vijnë nga “Ozempic”, sjellin rrezik për abort appeared first on Albeu.com.