Organizata e Veteranëve të Luftës së UÇK-së ka falënderuar shqiptarët nga Shqipëria dhe mërgatën shqiptare për protestat dhe angazhimin e tyre në mbështetje të drejtësisë për çlirimtarët.

Në një reagim publik, OVL UÇK u ka shprehur mirënjohje të veçantë bashkëluftëtarëve nga Shqipëria, ndërsa ka vlerësuar edhe kontributin e bashkatdhetarëve që jetojnë në vende të ndryshme të botës.

Organizata tha se mërgata shqiptare po zhvillon protesta dhe po e përcjell kërkesën për drejtësi në çdo cep të botës.

“Mirënjohje për vëllezërit shqiptarë dhe bashkëluftëtarët nga Shqipëria. Falënderim nga zemra edhe për të gjithë mërgatën tonë, e cila po organizon protesta dhe po kërkon drejtësi në çdo cep të botës”, thuhet në reagimin e OVL UÇK-së.

The post OVL e UÇK-së shpreh mirënjohje për shqiptarët që kërkojnë drejtësi për çlirimtarët appeared first on Albeu.com.