Në atë skuadër franceze, gjithsesi, ishte një futbollist që dukej se zotëronte cilësitë për ta hapur sërish një ditë atë diskutim. Ai ishte Kylian Mbappé, i cili në finalen spektakolare të Lusailit realizoi het-trik dhe fitoi Këpucën e Artë të turneut, duke shënuar më shumë se Messi.

Me golin e barazimit në kohën shtesë, Mbappe e çoi në katër totalin e golave në finalet e Kupës së Botës, duke kaluar emra si Geoff Hurst, Vavá, Pelé dhe Zinedine Zidane.

Në atë periudhë ai ishte vetëm 23 vjeç dhe shumëkush mendonte se epoka e tij sapo kishte nisur. Por katër vjet më pas, sulmuesi francez ende nuk ka fituar as Topin e Artë dhe as Ligën e Kampionëve.

Në krahun tjetër, Ousmane Dembélé, shoku i tij i skuadrës, mund ta mbyllë këtë verë me dy Topa të Artë dhe dy trofe të mëdhenj në kabinetin personal.

Ironia është se bëhet fjalë për të njëjtin Dembélé që në finalen e Botërorit 2022 regjistroi një nga paraqitjet më të dobëta të karrierës, aq sa e përditshmja prestigjioze franceze L’Equipe zgjodhi të mos i vendoste fare notë.

Mes talentit të madh dhe zhgënjimit të vazhdueshëm

Në Katar, shpejtësia e Dembélé ishte një element i rëndësishëm për Francën. Njësoj si Mbappe, ai kishte aftësinë për të lënë pas mbrojtësit me lehtësi.

Por ngjashmëritë mes tyre ndaleshin aty. Mbappe përbënte vazhdimisht rrezik për portën kundërshtare dhe spikaste në ndeshjet e mëdha, ndërsa Dembélé shpesh vihej në shënjestër për rastet e humbura dhe pamundësinë për të bërë diferencën kur duhej më shumë.

Një nga episodet më të hidhura të kohës së tij te Barcelona mbetet gjysmëfinalja e Ligës së Kampionëve ndaj Liverpoolit në vitin 2019.

Në fundin e takimit të parë, Messi i kishte krijuar mundësinë ideale për të mbyllur llogaritë e kualifikimit, por Dembélé e shpërdoroi atë rast, teksa argjentinasi mbeti i dëshpëruar në fushë.

Finalja në Katar i forcoi reputacionin negativ

Gjithsesi, asgjë nuk u krahasua me atë që ndodhi në finalen e Kupës së Botës kundër Argjentinës. Dembélé luajti në krahun ku vepronte Ángel Di María dhe diferenca mes tyre ishte e dukshme.

Di María e dominoi tërësisht atë zonë, fitoi penalltinë prej së cilës Messi shënoi golin e parë dhe më pas realizoi edhe vetë për 2-0.

Ish-mbrojtësi anglez Gary Neville u shpreh se Di María e luajti Dembélé “si një fëmijë të vogël”.

Paraqitja e futbollistit francez ishte kaq e dobët, sa Didier Deschamps vendosi ta zëvendësonte pas vetëm 41 minutash lojë.

Edhe ish-reprezentuesi anglez Stuart Pearce e cilësoi atë si një nga paraqitjet më të dobëta që kishte parë ndonjëherë nga një futbollist profesionist.

“Ai humbi topa, shkaktoi penallti dhe nuk i doli pothuajse asgjë. Ishte si të shikoje një aksident automobilistik”, u shpreh Pearce.

Nga zhgënjimi te figura qendrore në Paris

Për një pjesë të madhe të tifozëve, ajo finale e vulosi imazhin e Dembélé si një prej talenteve më të shpërdoruara të futbollit modern.

Ai kishte shpërthyer te Borussia Dortmund në sezonin 2016/17 dhe ishte pjesë e Francës që fitoi Kupën e Botës në vitin 2018, por periudha te FC Barcelona u mbyll mes shumë zhgënjimesh.

Kur u largua nga Barcelona në vitin 2023, shumëkush e shihte atë si një nga transferimet më të dështuara në historinë e klubit katalanas.

Megjithatë, lëvizja te Paris Saint-Germain i ndryshoi rrjedhën e karrierës. Nën drejtimin e Luis Enrique, Dembélé është transformuar tërësisht, duke kaluar nga një talent i paqëndrueshëm në një nga lojtarët më vendimtarë të futbollit evropian.

Tani, në Kupën e Botës 2026, ai ka shansin ideal për ta plotësuar këtë rrëfim të pazakontë. Nëse arrin të udhëheqë Francën drejt titullit botëror, Dembélé jo vetëm që do të fitojë trofeun më të madh në futboll, por mund të hedhë një hap shumë të fortë edhe drejt Topit të Artë.

The post Nga nata e errët në Katar te shansi për lavdi të përjetshme: Dembélé mund të hyjë në histori me Topin e dytë të Artë appeared first on Albeu.com.

Rikthim në të kaluarën me grafikën dhe ngjyrat që njihen tashmë prej një çerek shekulli, por edhe me një efekt modern, me sfumatura të zeza dhe vjollcë, që ndryshojnë.

Topi do të përdoret gjatë dy javëve të fundit të fazës së kampionatit 2025/26 të Champions League, që starton të martën e 20 janarit.

Yjet e futbollit janë gjithmonë në fokus. Në spotin zyrtar të Adidas marrin pjesë disa nga lojtarët që kanë lënë shenjë në rrugëtimin e kupës me veshë të mëdhenj gjatë 25 viteve të fundit: Zinedine Zidane, Lionel Messi, Toni Kroos, Mo Salah, Ousmane Dembele dhe Lamine Yamal.

The post Topi i Champions-it 25 vjet histori! Versioni i 2026-ës prezantohet nga Zidane, Messi e Yamal appeared first on Albeu.com.

Ai u shpall lojtari më i mirë i vitit 2025, pasi shënoi 35 gola në 53 ndeshje në të gjitha garat, duke fituar 5 trofe me PSG-në.

Duke folur drejtpërdrejt nga skena gjatë ceremonisë së ndarjes së çmimeve si fituesi i ri i “Topit të Artë”, anësori francez foli për ditën e tij me thjeshtësi të plotë: “Si zakonisht. Këtë mëngjes (dje në mëngjes) u stërvita, ende duhet të shërohem nga dëmtimi im. Iu nënshtrova disa terapive, madje u ktheva pak në fushë sepse fillova ta prekja përsëri topin. Ishte një ditë krejtësisht normale deri në orën 8 të mbrëmjes dhe kur mbërrita këtu (buzëqesh)”.

Lojtari i PSG-së, foli gjithashtu për mbërritjen e tij në Parc des Princes me disa nga shokët e tij të ekipit:

“Kisha ardhur në shtëpi për t’u përgatitur për të dalë, u takuam me shokët e mi të ekipit në Parc des Princes, me Desire Doue, Zhoao Neves dhe u bashkuam. Kaq… Dhe pastaj? Nuk e di kush e organizoi pjesën tjetër, por nuk isha unë (buzëqesh). Nuk e di çfarë është planifikuar (për pjesën tjetër të mbrëmjes). Çfarë do të doja? Gjithçka dhe asgjë. Do ta shohim!”, deklaroi francezi.

The post Fitoi “Topin e Artë”, Ousmane Dembele bën deklaratën e papritur appeared first on Albeu.com.

Me paraqitjet e tij mbresëlënëse, ai tashmë është një nga kandidatët kryesorë për Topin e Artë.

Në një rrëfim për revistën prestigjioze France Football, Dembélé foli për periudhën e tij te Barcelona dhe për ndryshimet në qasjen e tij profesionale që sollën rilindjen e karrierës.

“Kthehesha në shtëpi, luaja NBA 2K dhe shikoja televizor. Isha më i ri dhe kjo ishte normale, por në fund e paguan një çmim të lartë. E ndjeva sidomos te Barcelona”, u shpreh ai me sinqeritet.

Francezi u transferua te Barcelona në vitin 2017 nga Borussia Dortmund për 135 milionë euro. Gjatë gjashtë viteve në “Camp Nou”, ai zhvilloi vetëm 185 paraqitje, duke shënuar 40 gola dhe dhënë 41 asistime.

Edhe pse fitoi tre tituj të La Ligës, karriera e tij në Spanjë u shënua nga dëmtime të shpeshta, përfshirë tri këputje muskujsh dhe probleme në kofshë e gju.

Në total, ai mungoi për 799 ditë për shkak të dëmtimeve, duke humbur 141 ndeshje për Barcelonën dhe Francën.

“Kam mësuar shumë nga ajo periudhë. Tani e njoh trupin tim shumë më mirë dhe e di kur të ndaloj ose të përshtas stërvitjen time. Kjo ka bërë diferencën”, deklaroi Dembele.

Dembele ka bërë një transformim të plotë në karrierë – nga një talent i lënduar te Barcelona, në një lider dhe kampion i Evropës me PSG.

Vlera e tij aktuale në treg arrin në 90 milionë euro dhe me këtë sezon të jashtëzakonshëm, ai është më afër se kurrë ëndrrës për të ngritur Topin e Artë.

The post “Kthehesha në shtëpi, luaja video-lojëra dhe shikoja televizor, kjo më kushtoi” – Dembele flet për periudhën te Barcelona appeared first on Albeu.com.

Ylli i PSG-së e bëri të qartë se nuk flasin shumë për çmimet individuale, por dha një ide sa i përket fituesit të çmimit prestigjioz.

“Topi i Artë? Me Kylianin, nuk folëm për këtë, nuk flemë për këtë”, ka thënë fillimisht Dembele.

“Gjithmonë kemi thënë se fitimi i titujve kolektivë ishte më i rëndësishmi nëse doni të fitoni Topin e Artë”.

Dembele shpjegoi se çfarë ka më shumë rëndësi sipas tyre.

“Çelësi është të shkojmë deri në fund në garat e mëdha dhe të kemi një sezon të shkëlqyer”, përfundoi francezi.

The post Dembele për Topin e Artë: Unë dhe Mbappe nuk flasim për këtë, e dimë që fitimi i titujve kolektivë është çelësi appeared first on Albeu.com.

Megjithatë, francezi dha edhe një herë një kontribut të pamatshëm dhe regjistroi dy asiste.

This is Ousmane Dembélé’s year.

• 54 games
• 35 goals
• 13 assists
• 48 G/A in 54 games
• Ligue 1 Golden Boot 🎖️
• Ligue 1 🏆
• Coupe de France 🏆
• French Super Cup 🏆
• Champions League 🏆
• Nations League ⏳
• Club World Cup ⏳ pic.twitter.com/C7XuRctZvc

— The Touchline | Football Coverage (@TouchlineX) May 31, 2025

Ishte në minutën e 20-të kur ai i dha asist Doue për 2-0 dhe në minutën e 73-të kur i dha asist Kvaratskhelias për 4-0.

Dembele kurorëzoi kështu një sezon fenomenal, të cilin e përfundoi me 54 ndeshje të luajtura me fanellën e PSG-së.

Ai shënoi një shifër marramendëse prej 35 golash dhe shtoi 13 asiste, që do të thotë se mori pjesë në 48 gola të ekipit të tij në 54 ndeshje të luajtura.

Dembele ishte golashënuesi më i mirë në Ligue 1 dhe gjithashtu mund të mburret me fitimin e katër trofeve këtë sezon.

Ce n’est plus un rêve… Champions d’Europe !!! 💥🙌🏿 On écrit l’histoire ensemble, ALLEZ PARIS !!! 🏆❤️💙 pic.twitter.com/vZLytKHf3C

— Ousmane Dembélé (@dembouz) May 31, 2025

Pasi fitoi Ligue 1, Coupe de France dhe Superkupën Franceze, mbrëmë ishte radha e Ligës së Kampionëve për të përfunduar një sezon fantastik në të cilin ai do të jetë një kandidat legjitim për Topin e Artë.

Dembele shoqërohej nga gruaja e tij marokene dhe vajza dyvjeçare në festimin e fitimit të Ligës së Kampionëve.

The post Një sezon fantastik i Ousmane Dembele: A mjafton kjo për Topin e Artë? appeared first on Albeu.com.

Mesfushori i talentuar sulmues duket se nuk përshtatet me planet e Luis Enrique për sezonin e ardhshëm.

Pavarësisht ardhjes së tij me pritshmëri të mëdha, Dembele nuk ka arritur të lërë impaktin e dëshiruar në kryeqytetin francez.

Siç raportohet nga RMC Sport, klubi do të ishte i gatshëm të dëgjonte ofertat për lojtarin, duke sugjeruar kështu që largimi i tij mund të ishte një mundësi konkrete.

Për trajnerin spanjoll, ka opsione të tjera më tërheqëse për të përforcuar sulmin e skuadrës, gjë që e lë në dyshim vazhdimësinë e Dembeles në PSG.

Kjo situatë paraqet një kthesë të papritur në karrierën e lojtarit, i cili mbërriti te PSG me shpresa dhe pritshmëri të mëdha.

Megjithatë, performanca e tij nuk i ka përmbushur pritshmëritë, gjë që ka bërë që trajneri të shqyrtojë alternativa të tjera për të forcuar frontin sulmues të skuadrës.

Pasiguria për të ardhmen e Dembeles me ​​siguri do të gjenerojë spekulime dhe thashetheme në tregun e transferimeve.

Klubet e interesuara për shërbimet e tij mund të jenë të vëmendshme ndaj kësaj situate, duke ditur se PSG do të ishte e gatshme të negocionte transferimin e tij.

Një nga klubet që e kanë në sy është Chelsea, ndonëse për momentin nuk kanë bërë asnjë lëvizje për ta nënshkruar duke qenë se fillimisht duhet të pastrojnë skuadrën e tyre. /Telegrafi/

The post Ousmane Dembele do të largohet nga PSG appeared first on Albeu.com.

Ousmane Dembele, anësori francez i klubit në fjalë, i cili erdhi nga Barcelona verën e kaluar, ka rishikuar se si po shkon qëndrimi i tij në skuadrën franceze, largimi i tij nga katalanasit dhe aspiratat e tij si futbollist.

Aspiratat te PSG

“Pres që PSG të fitojë tituj. Për momentin jemi në krye në të gjitha garat. Objektivi është që sezoni të përfundojë sa më vonë, në qershor, me finalen e Champions League, të mund të përfundojë me sa më shumë trofe të jetë e mundur.”

Pristshmëritë te PSG

“Klubi po rindërtohet. Mundohem të jap më të mirën time, gjithmonë të jap më të mirën dhe të jem vendimtar.”

Përshtatja me klubin francez

“Kurrë nuk dyshova për veten apo aftësitë e mia. E dija se do të kthehesha shumë i fortë. Disa lojtarë janë të jashtëzakonshëm që në momentin që vijnë dhe të tjerë kanë nevojë për kohë. Në dortmund shpërtheva menjëherë dhe në Barcelonë, ishte pak nga pak. Në Paris është e njëjta gjë, me më pak dëmtime. Sot më duket se më në fund kam gjetur veten. Jam në rrugën e duhurm, por dua të jap edhe më shumë, të jem edhe më vendimtar.”

Lëvizja e tij nga Barça te PSG

“Barcelona është një klub shumë i madh, ne e dimë këtë. Por PSG është gjithashtu një klub i madh, e shoh në fushë dhe jashtë saj. Sinqerisht, përveç motit, për mua nuk ka ndryshime të mëdha. E njëjta gjë vlen edhe për stadiumin.”

Për ndryshimet e tij në stilin e jetës dhe dëmtimet

“Kam ardhur në Barcelonë kur isha 20 vjec, në një proces mësimi. Është vendi ku u rrita më shumë në jetën time personale dhe profesionale. Kam vuajtur shumë atje, kam kaluar kohë shumë të vështira. Dhe pastaj, pak nga pak me kalimin e viteve, gjithçka u bë më mirë.” /abcnews.al

The post Dembele: Te Barcelona kam vuajtur shumë, shpresoj të fitoj sa më shumë trofe me PSG appeared first on Albeu.com.

Ai është shprehur se kjo dëshirë qëndron mbi gjithçka tjetër në futboll.

Madje ai shprehet se më shumë ëndërron trofeun e Champions League me Barcelonën sesa fitimin e “Topit të Artë” apo Kupën e Botës me Fracën.

“Për mua, fitimi i Champions Leagues me Barçën është mbi të gjitha. Ata kanë shkuar në shtatë vite pa e fituar këtë. Kanë fituar La ligan, por jo Championsin, prandaj mendoj se është më e rëndësishme”, përfundoi ai./albeu.com

The post Befason Dembele: Më parë dua të fitoj Champions-in me Barcelonën sesa Kupën e Botës me Francën appeared first on Albeu.com.

Francezi vazhdon të jetë i pavendosur për të ardhmen e tij, edhe pse së fundmi emri i tij është lidhur ngushtë me Chelsean.

“Sport” bën të ditur se lojtari ende nuk ka një marrësveshje me “blutë e Londrës”, edhe pse një gjë e tillë është aluduar.

Ndodhur në këtë situatë, Xavi kërkon edhe një aksion tjetër nga bordi i skuadrës për t’i bërë një tjetër ofertë anësorit.

Gjithçka mbetet në ajër për të ardhmen e lojtarit francez./albeu.com

The post Dembele nuk ka marrëveshje me Chelsea, çfarë i ka kërkuar Xavi klubit të Barcelonës? appeared first on Albeu.com.