Ministria e Mbrojtjes bëri të ditur sot se anija Oriku e Forcës Detare shqiptare, e dislokuar në operacionin e NATO-s në detin Egje, ndaloi në zonën e saj të patrullimit një mjet lundrimi me 15 persona në bord nga Nigeria, Maroku dhe vendet e Lindjes së Mesme, për të cilët bashkëpunoi me Rojen Bregdetare turke për procedurat e mëtejshme.

MM nënvizon se lobimi për bazën detare të NATO-s në Porto Romano mbetet prioriteti kryesor.

“Mbetemi të angazhuar që në bashkëpunim me aleatët tanë italianë të rrisim numrin e anijeve patrulluese, ndërkohë që lobimi për bazën detare të NATO-s në Porto Romano mbetet prioriteti kryesor”, thekson MM në një postim në rrjetet sociale.

The post Operacioni i NATO-s në Egje, anija Oriku ndalon mjetin lundrues me 15 persona appeared first on Albeu.com.

Ditën e djeshme një aksident ka ndodhur në Orikum ku një shtetasi me iniciale A.M ka përplasur me makinë një fëmijë 8 vjeç.

I mituri ndodhet në spitalin e Traumës, nën kujdesin mjeksësor.

Ndërkohë policia ka arrestuar në flagrancë shoferin.

Njoftimi i policisë

Specialistët e Qarkullimit Rrugor në Komisariatin e Policisë Vlorë arrestuan në flagrancë shtetasin A. M., 27 vjeç, pasi ditën e djeshme, në Orikum, duke drejtuar automjetin, aksidentoi një fëmijë 8 vjeç, i cili aktualisht ndodhet në spitalin e Traumës, nën kujdesin mjeksësor.

Materialet i kaluan Prokurorisë, për veprime të mëtejshme./albeu.com

The post Përplasi rëndë me makinë të miturin në Orikum, arrestohet shoferi appeared first on Albeu.com.