Protothema.gr raporton se çështja tashmë i ka kaluar Departamentit të Vrasjeve të Selanikut, i cili do të bashkëpunojë me policinë e Maqedonisë së Veriut për mbledhjen e provave që mund të “tregojnë” autorët.

Burime policore sqaruan se bashkëpunimi mes dy vendeve konsiderohet i domosdoshëm për zbardhjen e rastit për shkak të aktiviteteve që dyshohet se viktima ka pasur gjatë natës.

39-vjeçari, i cili kishte pseudonimin “Oki”, dyshohet se, sipas raportimeve nga shteti fqinj, ishte lider i njërës prej dy organizatave kryesore kriminale që vepronin në Shkup, ndërsa mënyra se si ai u ekzekutua ishte mafioze.

“Me shumë gjasa vrasja e 39-vjeçarit ka ndodhur për shkak të rivaliteteve mes organizatave kriminale. Oki ka qenë i njohur për autoritetet e shtetit fqinj, ndaj për identifikimin e autorëve duhet të ketë bashkëpunim mes dy forcave policore për mbledhjen e më shumë informacioneve”, theksojnë të njëjtat burime.

Një tjetër element që tregon se ekzekutimi i 39-vjeçarit ka qenë i organizuar është fakti se dy foto të 39-vjeçarit, duke qëndruar pranë një grupi meshkujsh, të cilët kishin në kokë, një “X” e kuq.

Në foton e parë, në kokën e 39-vjeçarit shkruhej “së shpejti” dhe në të dytën ishte zëvendësuar gjithashtu me një “X” të kuq.

Burime për mediat greke bëjnë me dije se 39-vjeçari merrej me biznese kazinoje, ndërsa zotëronte edhe një distileri. Njëkohësisht, të njëjtat burime sqaruan se me shumë gjasa 39-vjeçari e dinte se ishte nën kërcënim dhe kishte kërkuar strehim në Greqi.

Në ditën e vrasjes së viktimës, ai ndodhej në një apartament të marrë me qira, ku kishte shkuar të vizitonte katër shokë të tjerë. Autorët dyshohet se lëviznin me motoçikletë, ndërsa ishin të maskuar.

Pasi janë afruar në banesë kanë hapur zjarr për pasojë 39-vjeçari ka vdekur në vend dhe një nga shokët e tij ka mbetur i plagosur./albeu.com

The post “X” i kuq në fytyrë, vrasja e biznesmenit nga Shkupi e paralajmëruar, por zbardhja e krimit mbetet enigmë appeared first on Albeu.com.

Autoritetet spekulojnë se autorët e “importuar” tashmë kanë ikur jashtë vendit, me destinacione të mundshme në Shkup, Bullgari apo Turqi.

Sipas informacioneve të transmetuara nga ERT, 39-vjeçari, i cili merrej me kazino dhe tregti të pijeve alkoolike, ishte ulur në oborrin e vilës me qira dhe pranë tij ishte 45-vjeçari që mbeti i plagosur, si dhe një burrë dhe dy gra (njëra prej tyre partnerja e “Oki”) të cilët nuk u lënduan.

Sipas të njëjtave informacione, autoritetet janë njoftuar nga fqinjët të cilët kanë dëgjuar të shtënat dhe kanë telefonuar “112”.

Kontrata e vdekjes mes dy bandave rivale të Shkupit

Imazhi që është krijuar është se bëhet fjalë për një “kontratë vdekjeje” mes dy bandave rivale që veprojnë në Shkup.

Sipas raportimeve, 39-vjeçari, i cili u vra me një pistoletë të kalibrit 32, e dinte se ishte nën kërcënim dhe kishte kërkuar strehim në vendin fqinj (Greqi), ndërsa sot do të larohej nga vila e marrë me qira, dhe destinacioni i ardhshëm po përcaktohet.

Ndërsa 45-vjeçari ndodhet i shtruar në spital jashtë rrezikut për shkak të plagëve të marra në dorë nga plumbat.

Ai i kishte shpëtuar një atentati në mars, kur dy nga bashkëpunëtorët e tij u ekzekutuan.

Vlen të theksohet se në kuadër të rivalitetit mes dy bandave, në muajin mars në një lokal në Shkup janë ekzekutuar me 40 plumba dy bashkëpunëtorë të drejtpërdrejtë të “Oki”-t, ndërsa ai vetë është kursyer pasi sapo ka mbërritur në lokal në atë moment. Një muaj më vonë, një shkupjan u ekzekutua në Kosovë, ndoshta si hakmarrje për masakrën e lokalit të Shkupit, pasi jozyrtarisht dyshohej për vrasjen e bashkëpunëtorëve të “Oki”./Albeu.com. 

The post Biznesmeni nga Shkupi u vra në sy të gruas, çfarë thotë policia për ekzekutimin e “Okit” që kërkoi strehim në Greqi appeared first on Albeu.com.

Mediet greke shkruajnë se materialet nga kamerat e sigurisë që kanë regjistur lëvizjet e autorëve dhe dëshmitë e banorëve të zonës, si dhe profili profesional dhe personal i viktimës, janë në qendër të hetimeve të Polygyros Security.

Ngjarja ndodhi në orët e para të mëngjesit të sotëm në Chanioti të Halkidikit.

Në të njëjtën kohë, autoritetet greke po forcojnë kontrollet në kufirin me Maqedoninë e Veriut, pasi ka mundësi që autorët të jenë bashkatdhetarë të viktimës, ndërsa ka një kanal bashkëpunimi me policinë e vendit fqinj.

Provat e deritanishme të çështjes duket se po çojnë në përfundimin se bëhet fjalë për ekzekutimin e një “kontrate vdekjeje” që vjen si “përgjigje” ndaj ekzekutimeve të mëparshme mes grupeve rivale që thuhet se janë aktive në fushën e paligjshmërisë.

Mediat e Maqedonisë së Veriut raportojnë se muajt e fundit një shok i 39-vjeçarit është ekzekutuar, ndërsa një tjetër vrasje ka pasuar si “hakmarrje”.

Versioni i mësipërm mbështetet edhe nga mënyra e veprimit të autorëve, lëvizjet e të cilëve ishin “rrufe.”

Duke përdorur një pistoletë, dyshohet me silenciator, ata e “zbrazin” karikatorin mbi viktimën e tyre.

Vdekja e tij ka qenë e menjëhershme, ndërsa policia ka grumbulluar gjithsej 19 gëzhoja nga vendi i vrasjes.

45-vjeçari bashkatdhetar, miku i të vrarit, mbeti i plagosur nga prerjet dhe ndodhet i shtruar jashtë rrezikut për jetën në Spitalin e Përgjithshëm Polygyros.

Trupi i pajetë i 39-vjeçarit do të transportohet në Selanik ku do të kqyret nga mjeku ligjor.

Dëshmitarë okularë të ngjarjes duket se kanë qenë bashkëshortja e tij dhe një çift tjetër miqësor, pasi duket se të gjithë së bashku kanë qenë të pranishëm në Halkidiki, ndërsa sipas informacioneve do të ktheheshin në vendlindje në 24 orët e ardhshme.

Sa i përket profilit profesional të viktimës, informacionet që vijnë nga shteti fqinj e tregojnë atë si biznesmen, pronar i një dyqani “kazino”./Albeu.com.

The post Vrasja e 39-vjeçarit nga Shkupi, Greqia shton kontrollet në kufirin me Maqedoninë e Veriut, dyshime se autorët janë bashkatdhetarë appeared first on Albeu.com.

Viktima është Orhan Bajrami, një biznesmen i njohur shqiptar në Maqedoninë e Veriut. 39-vjeçai ishte pronar kazinoje dhe tregtar i pijeve alkoolike.

Ai u vra pas një sulmi me armë nga persona të maskuar ndërsa ishte duke qëndruar në apartamentin e tij të marrë me qira në një resort, ku ndodhej me pushime me shokun e tij, një 45-vjeçar,  Sead Slezoviq, i cili nga sulmi mbeti i plagosur.

Orhan Bajrami, njihej me nofkën “OKI” dhe ka pasur disa precedentë të mëparshëm penalë.

Vetëm disa muaj më parë në qendër të Shkupit u vra Jeton Krivanjeva, një bashkëpunëtor i ngushtë i Orhan Bajrami.

Vrasja ka mbetur ende e pazbardhur dhe dyshohet të ketë lidhje me biznesin e lojërave të fatit.

The post Del emri, kush është biznesmeni nga Shkupi që u vra në Greqi, para 3 muajsh i “eliminuan” shokun appeared first on Albeu.com.