Pasuritë e tyre ishin vënë më parë në masën e sekuestros nga GJKKO e shkallës së parë, me kërkesë të SPAK, teksa të dyshuarit nuk kishin ushtruar të drejtën e ankimit.

Sekuestrot u vendosën pas operacionit të Prokurorise se Posaçme më 31 korrik, ku kërkoi arrestimin e 33 personave, por që u arrestuan vetëm 11, ndërsa për dy të tjerë, u komunikua akuza në burg, pasi janë arrestuar më herët për vepra të tjera penale. Për rastin po zhvillohen hetime edhe për një dekonspirim të mundshëm të operacionit.

Grupi në fjalë, ku bënin pjesë vëllezërit Hajdar e Franc Çopja, akuzohen nga Prokuroria për një sërë atentatesh e vrasjesh, ndërsa ndaj tyre nisi edhe hetimi pasuror.

Franc Çopja, u arrestua për llogari të Belgjikës, ndërsa Hajdar Çopja vijon të jetë në kërkim, ku ka të dhëna se ndodhet në Dubai.

Një pjesë e pasurive të organizatës kriminale të drejtuar nga Çopjajt, rezultonin në emër të Arben Lamçes, i arrestuar në Kosovë dhe i ekstraduar së fundmi në Shqipëri, ku akuzohet për sigurim kushtesh për vrasjen e Nuredin Dumanit dhe pastrim parash.

The post Goditja ndaj organizatës kriminale “Çopja”/ Apeli i GJKKO lë në fuqi sekuestrot e pasurive për anëtarët e grupit (EMRAT) appeared first on Albeu.com.

Drejtuesi i grupit kriminal dyshohet se ishin një shqiptar 38-vjeçar dhe një 45-vjeçare, ndaj të cilave është ngritur një kallëzim penal për krijimin, drejtimin dhe anëtarësimin në një organizatë kriminale me qëllim trafikimin e kokainës, raporton Protothema.

Për shkatërrimin e grupit kriminal operacioni i policisë zgjati për dy ditë, ndërsa policia vuri në pranga 5 shqiptarë dhe 5 grekë.

Mes të arrestuarve është edhe një polic veteran, i cili u arrestua në vitin 2020 për grabitje. Me hetimin e tyre njëmujor dhe metodik, policia verifikoi plotësisht aktivitetin e spirales.

Të bashkëakuzuar, për pjesëmarrje në organizatën kriminale, janë edhe 9 anëtarë të tjerë, mes tyre 3 të burgosur me role të ndryshme në të, transportues, grumbullues, ndërsa në dosje janë përfshirë edhe 26 persona të tjerë, të cilët kanë blerë lëndë narkotike nga anëtarët e organizata.

Drejtuesi me origjinë shqiptare ishte përgjegjës për gjetjen e sasive të kokainës, organizimin e bërthamës drejtuese si dhe delegimin e veprimeve tek anëtarët e tjerë duke u dhënë atyre udhëzime për trafikun e drogës.

The post 38-vjeçari shqiptar “koka” e organizatës kriminale të kokainës, policia arreston 10 persona në Greqi, 9 të tjerë shpallen në kërkim appeared first on Albeu.com.

Pjesëtarët e organizatave akuzohen për pjesëmarrje në grup të strukturuar kriminal me qëllim rafikimin e paligjshëm të drogës, zhvatje dhe marrjen e mallrave të vjedhura.

Fillimisht policia nisi dy hetime të ndara  të koordinuara nga magjistratët e Catanzaro DDA. Më pas hetimet u kombinuan në një të vetëm për përputhjen e rezultateve në lidhje me subjektet e përfshira dhe kontekstin kriminal të referencës.

Në mënyrë të veçantë, hetuesit goditën dy shoqata të veçanta të krijuara nga shtetas shqiptarë me bashkëpunëtorë italianë të dedikuar për trafikun e heroinës, e cila, e ardhur nga Shqipëria, importohej në Itali nëpërmjet portit të Barit dhe më pas përçohej në sheshet e trafikut të drogës në Crotone, Catanzaro dhe komunat fqinje.

Hetimet u kryen me përgjime si dhe me shërbime specifike vëzhgimi dhe kontrolli, të cilat kanë çuar në kontrolle të shumta në territor.

Një kontribut të mëtejshëm në hetime, dhanë deklaratat e disa bashkëpunëtorëve të drejtësisë, të cilët kishin përshkruar një tablo të saktë të aktiviteteve të paligjshme në fushën e drogës nga anëtarët e organizatave.

Në total, gjatë gjithë hetimeve janë arrestuar 34 persona dhe janë sekuestruar mbi 45 kilogramë drogë si heroinë dhe marihuanë, 18 mijë euro cash, rreth 70 kilogramë lëndë prerëse dhe dy armë të mbajtura pa leje./Albeu.com/

The post Heroina vinte nga Shqipëria përmes portit të Barit, detaje nga çmontimi i dy grupeve kriminale në Itali, 34 në pranga appeared first on Albeu.com.

Sipas medieve greke, një grua e së njëjtës nacionalitet me 40-vjeçaren e arrestuar është pikasur nga kalimtarë e varur në ballkonin e një pallati në qendër të Athinës. Një qytetar, i cili ka parë gruan dhe ka menduar se ishte një tentativë vetëvrasjeje, ka njoftuar policinë. Më pas gruaja e huaj, e cila u shpëtua së bashku me 40-vjeçaren e arrestuar u dërguan në Policinë e Omonias, ndërsa çështjen e mori Departamenti i Kundër Trafikimit.

Siç rezultoi nga hetimet paraprake, organizata kriminale shfrytëzonte seksualisht femra të huaja, nga Uzbekistani, të cilat ishin në një pozitë të cenueshme sociale dhe ekonomike, dhe i bindte të vinin në Greqi, duke u premtuar punë ligjore dhe shpërblime të mëdha monetare.

Kur gratë mbërritën në Athinë, duke ushtruar dhunë të fortë fizike dhe psikologjike ose me pretekstin e shlyerjes së një borxhi, ata i detyronin dhe i dërgonin në shtëpi publike, të cilat shfrytëzoheshin nga të pandehurit, duke i mbajtur të gjitha të ardhurat.

Bëhet e ditur se anëtarët e organizatës kriminale kanë dorëzuar pa dijeninë e të huajës që u shpëtua, një aplikim elektronik për dhënien e lejes së qëndrimit, ndërsa i kërkuan shlyerjen e një borxhi prej 1000 eurosh.

Sipas vlerësimit të ELAS-it, fitimi total i përfituar nga spiralja nga shfrytëzimi seksual i viktimës llogaritet të paktën 37 mijë euro. Në të njëjtën kohë, rezultoi se të paktën nëntë gra të tjera të huaja ishin të punësuara në shtëpi publike, të cilat shfrytëzoheshin nga të pandehurit.

Në kontrollet e policisë të kryera në dy shtëpi në Athinë, u gjetën dhe sekuestruan ndër të tjera: 2600 euro, një pasaportë, fotokopje të pasaportave dhe dokumente të grave të huaja, dokumente transferte parash, dokumente të përdorura si dokumente mbështetëse për lëshimin e lejeve të qëndrimit dhe një fletore me emrat e grave të ekstraduara dhe shuma parash.

Pacientes i është ofruar asistencë dhe mbrojtje, ndërsa është në prag të riatdhesimit, sipas dëshirës së saj përkatëse. Ndërsa 40-vjeçarja e arrestuar është dërguar në Prokurorinë e Athinës dhe është dërguar në hetuesi./Albeu.com.

The post Një grua e varur në ballkon çoi policinë në gjurmët e bandës që trafikonte qënie njerëzore, e përbërë nga shqiptarë dhe bullgarë appeared first on Albeu.com.

Një raport i ri nga Iniciativa Globale Kundër Krimit të Organizuar Transnacional ka studiuar se çfarë do të ndodhë me armët e përdorura në Ukrainë kur të përfundojë konflikti.

“Kur të përfundojë lufta aktuale, fushat e betejës së Ukrainës mund dhe do të bëhen arsenali i ri i anarkisë, duke armatosur të gjithë, nga kryengritësit në Afrikë e deri te gangsterët në rrugët e Evropës”, paralajmëroi ai.

Në ditën e parë të luftës, presidenti Volodymyr Zelensky tha se do të siguronte armë për këdo që “dëshironte të mbronte vendin”.

Vetëm në dy ditët e para, mbi 25,000 pushkë automatike, 10 milionë fishekë dhe numër të panjohur të granatahedhësve me raketa (RPG) iu dorëzuan civilëve, tha ministri i Brendshëm i ndjerë i Ukrainës, Denis Monastyrsky.

Një tjetër burim i madh i armëve kanë qenë ato të lëna pas nga ushtarët rusë të rënë dhe në tërheqje.

Iniciativa Globale kundër Krimit të Organizuar Transnacional është një organizatë jofitimprurëse me bazë në Zvicër./albeu.com

The post Çfarë do të ndodhë me të gjitha armët kur të përfundojë lufta? appeared first on Albeu.com.

The post 32 tonë kokainë dhe 7 mln euro pasuri, nis gjyqi ndaj organizatës shqiptaro-marokene në Belgjikë. Në dosje emri i vlonjatit dhe një i afërm i Erion Alibejt appeared first on Albeu.com.

Aksioni ka filluar mëngjesin e sotëm, ndërsa polikcia e Vlorës shprehet e rezevruar nëdhënien e informacionit.

Mësohet se edhe aksioni në fjalë po zhvillohet në mënyrë diskrete.

Priten informacione nëse edhe në Vlorë do të zbulohen ose jo kamera sigurie të kontrolluara nga krimi të cilat mund të hiqen në ditët në vijim.

Ditën e djeshme policia e Shkodrës realizoi fazën e dytë të operacionit “Fijet” dhe çmontoi 38 kamera të tjera që i shërbenin informimit të kontigjentit kriminal.

Kamerat ishin instaluar në 3 lagje shumë të frekuentuara të qytetit.

Kështu brenda pak ditësh, plani operacional “Fijet” çmontoi 59 kamera. /Albeu.com/

The post Kamera në rrugë të kontrolluara nga eksponentë kriminalë, policia aksion edhe në Vlorë appeared first on Albeu.com.

Pas hetimeve të Policisë dyshohet se kjo mund të jetë vepër e grupeve kriminale.

“Sipas informacioneve fillestare dyshohet se shpërthimi mund të jetë veprim kriminal nga strukturat e organizuara kriminale dhe vazhdim i përpjekjeve për të ngritur tensione dhe destabilizim të situatës, në funksion të shtrirjes së ndjenjës së pasigurisë dhe frikës”, thuhet në njoftimin e Policisë.

Po ashtu është Policia është duke punuar për të identifikuar sulmuesi.

“Policia e Kosovës me njësitet e saj, përfshirë edhe njësinë kundër terrorizmit po ndërmerr veprime intensive në hetimin e këtij rasti për identifikimin dhe sjelljen para drejtësisë kryerësve të këtyre veprave kriminale.

“Fushatat propaganduese të ditëve të fundit nga qarqe politike e media kryesisht serbe, kundërshtohen fuqishëm nga Policia e Kosovës dhe kërkohet nga qytetarët dhe mediat në përgjithësi që çdo informacion të ndjeshëm ta konfirmojnë përmes autoriteteve kompetente, respektivisht zyrës për media në Policinë e Kosovës, me qëllim të informimit të drejtë dhe posedimit të informatave të sakta dhe në kohë reale”, përfundon njoftimi. /Express

The post Thyerja e xhamave të disa biznese në veri të Kosovës, Policia: Dyshohet se mund të jetë vepër e strukturave kriminale appeared first on Albeu.com.

Sipas mediave italiane, nga operacioni, 36 persona kanë rënë në prangat e policisë financiare të Reggio Calabria, pasi ishin të përfshirë në trafikun ndërkombëtar të drogës, të lidhur me organizatën ‘Ndrangheta’.

Anëtarëve të organizatës kriminale iu konfiskuan edhe pasuritë, si dhe e gjithë asetet e korporatave të dy kompanive aktive në sektorin e transportit. Gjithashtu u sekuestruan katër ton kokainë, me vlerë rreth 800 milionë euro.

Masat shtrënguese në ekzekutim u dhanë me kërkesë të Prokurorit Publik të Reggio Calabria, Giovanni Bombardieri dhe zëvendësprokurorit Giuseppe Lombardo. Mbi 300 efektivë të policisë financiare janë përfshirë në operacionin, në të cilin merr pjesë dhe njësia e policisë ekonomike dhe financiare të Reggio Calabria./albeu.com/

The post Të lidhur me Ndrangheta-n, policia italiane “shkrin” organizatën mafioze: Kapet 800 milion euro “miell” appeared first on Albeu.com.