Park Soo Ryun, 29 vjeçe, ra nga shkallët ndërsa kthehej në shtëpi në Korenë e Jugut të dielën pasdite, sipas mediave lokale.

Ajo u dërgua në spital për trajtim urgjent, por u shpall e vdekur, pavarësisht përpjekjeve për ta ringjallur.

Familja e saj ka vendosur t’i dhurojë organet e saj dhe tha se do të ‘ngushëllohej’ që zemra e saj t’i shkonte dikujt që kishte nevojë për të.

Nëna e Parkut i tha Soompi  të hënën: “Vetëm truri i saj kishte vdekur, kurse  zemra e saj ende rrihte”. Në të tilla raste ligji njeh vendimin e familjes për dhurimin e organeve.

The post Aktorja 29-vjeçare humb jetën tragjikisht pasi ra nga shkallët, familjat do t’i dhurojë organet (FOTO-EMRI) appeared first on Albeu.com.

Trupi i njeriut përmban 78 organe. Të paktën, kjo është shifra më e pranuar gjerësisht. Por ne e dimë se jo të gjitha janë absolutisht të nevojshme. Për shembull, shumë vetë vazhdojnë të pyesin se për çfarë shërben apendisiti, sidomos kur disa studime kanë sugjeruar se mund të jeni më mirë pa të. Atëherë, cili është numri minimal absolut i organeve që i nevojiten trupit? Cilat pjesë mund t’i heqim pa frikë, dhe cilat mund t’i humbasim me pak ndërhyrje mjekësore?

Apendisiti

Tek shumica e njerëzve, apendisiti është një rrip i vogël indi që qëndron në fund të zorrës, duke u kujdesur për mirëqenien e vet dhe duke mos bërë ndonjë gjë të madhe për funksionimin e trupit në përgjithësi. Por nëse ai pëson inflamacion, mund të shkaktojë shumë shpejt një urgjencë shëndetësore.

Ky është një problem i zakonshëm, veçanërisht tek fëmijët dhe të rinjtë. Shkaqet për këtë nuk janë kuptuar mirë, ndaj nuk ka asnjë mënyrë për ta parandaluar atë. Fatmirësisht, apendisiti përket kategorisë së organeve që kemi luksin t’i humbasim, prandaj trajtimi më i zakonshëm për të është thjeshtë heqja e tij.

Bajamet

Bajamet dhe adenoidet – një zonë e lidhur e indeve në pjesën e pasme të hundës – mund të shkaktojnë ndonjëherë probleme me frymëmarrjen gjatë gjumit. Mjekët në disa raste rekomandojnë heqjen e tyre, më shpesh tek fëmijët. Bajamet luajnë një rol në sistemin imunitar. Heqja e bajameve nuk e zgjidh gjithmonë problemin e infeksioneve kronike të fytit. Ndaj ka ende debate nëse kjo ndërhyrje është apo jo një opsion i mirë për fëmijët.

Veshkat dhe mëlçia

Një pjesë e mëlçisë – lobi i majtë tek fëmijët dhe lobi i djathtë tek të rriturit – përfshihet në të të njëjtën kategori si veshka. Ju mund t’i dhuroni këto organe dikujt tjetër dhe të vazhdoni të jetoni normalisht. Në Britani, gati 30 për qind e transplanteve të veshkave janë nga donatorë të gjallë, krahasuar me rreth 3 për qind të transplanteve të mëlçisë.

Fshikëza e tëmthit

Ajo ka një funksion: është një organ që ruan biliaren, lëndën për të cilën mëlçia juaj ka nevojë që të punojë. Por sistemi tretës mund të funksionojë edhe pa të. Gurët në tëmth dhe problemet që shkaktojnë ato mund të jenë shumë të dhimbshëm. Ndaj shpeshherë rekomandohet heqja e plotë e këtij organi.

Organet riprodhuese

Ndërsa është padyshim e mundur të mbijetosh pa organet riprodhuese mashkullore apo femërore, efektet e heqjes së tyre ndryshojnë. Për shembull, një grua që nuk dëshiron të ketë fëmijë biologjikë, ose më shumë sesa ka tashmë, mund t’i hiqet uterusi (mitra) pa ndonjë efekt të dukshëm. Mbajtja e të paktën një vezoreje, nënkupton vazhdimin e ciklit normal hormonal edhe pse menstruacionet do të ndalen. Por heqja e të dy vezoreve do ta futë një grua në menopauzë të menjëhershme.

Tek meshkujt, testikujt mund të hiqen në mënyrë kirurgjikale me një procedurë të quajtur orkidektomi. Nëse duhet të hiqet vetëm një nga testikujt, si për shembull në rastin e kancerit në to, nuk cënohet funksioni seksual dhe fertiliteti. Pra, kjo varet vërtet nga rrethanat individuale.

Mushkëritë

Është e vërtetë që ashtu si me veshkat, njeriu mund të jetojë pa njërën nga mushkëritë. Dhe një ndër shembujt më të famshëm së fundmi është Papa Françesku. Por ndërsa një veshkë mund të bëjë punën e të dyjave njerëzit që kanë hequr njërën nga mushkërië, mund të presin të rifitojnë 70 për qind të funksionit të tyre të mëparshëm. Kjo nënkupton se mund të mos jesh në gjendje të ushtrohesh fizikisht si më parë, dhe se në përgjithësi duhet t’i merrni gjërat pak më ngadalë.

Shpretka

Një nga rolet kryesore të këtij organi është të mbrojë sistemin imunitar. Ndaj heqja e saj e bën dikë më të ndjeshëm ndaj infeksioneve serioze. Prandaj njerëzit rekomandohen të marrin antibiotikë për periudha të gjata kohore, të vaksinohen rregullisht, të kenë kujdes nga pickimi i rriqrave dhe burimet e tjera të sëmundjes.

Pankreasi

Ndërsa teknikisht mund të mbijetoni pa të, pasojat e heqjes së pankreasit mund të ndryshojnë jetën. Mund të kryhet një pankreatektomi e pjesshme ose totale, përgjithësisht në një përpjekje për të trajtuar kancerin e pankreasit ose sëmundje të tjera të rënda të pankreasit.

Për shkak se pankreasi është vendi ku prodhohet insulina, heqja e tij e menjëhershme shkakton diabetin. Pacientët duhet të injektojnë insulinë për pjesën tjetër të jetës së tyre, si dhe të marrin enzima tretëse zëvendësuese që trupi i tyre nuk është më në gjendje t’i prodhojë pa pankreas. Do të nevojiten ndryshime thelbësore në stilin e jetës, por me këto është e mundur të mbijetoni edhe pas heqjes së këtij organi.

Zorrët dhe fshikëza

Zorra e trashë, zorra e hollë ose fshikëza e urinës, mund të hiqen plotësisht ose pjesërisht për të trajtuar kushte të tilla si sëmundja inflamatore e zorrëve ose kanceri. Lloji i saktë i operacionit varet nga ajo se cilat pjesë të organeve janë prekur dhe disa nga këto operacione mund të kërkojnë krijimin e një stome.

Pra vendosjen e një hapësire në bark që i lejon mbetjet nga sistemi tretës të kalojnë në një qese të veçantë. Këto mund të jenë ose të përkohshme ose të përhershme, dhe i japin mundësinë njerëzve të jetojnë pa pjesë të mëdha të organeve të tyre të tretjes.

Stomaku

Kjo mund t’ju habisë, por është e mundur të jetohet edhe pa të. Në përgjithësi, heqja e plotë e stomakut përdoret për të trajtuar kancerin. Njerëzit që u është hequr stomaku duhet të bëjnë ndryshime në dietën e tyre, si për shembull të hanë ushqime të ndryshme dhe vakte më të vogla dhe më të shpeshta. Mund të nevojiten suplemente vitaminash, sidomos vitamina B12 pasi është e vështirë që trupi t’i përthithë ato pa stomak.

The post Këto janë organet pa të cilat njeriu mund të vazhdojë të jetojë appeared first on Albeu.com.

Prindërit e vogëlushes morën vendimin e guximshëm për të dhuruar organet e fëmijës së tyre, duke shpëtuar kështu jetë të tjera.

Leja është dhënë dhe prej mëngjesit të sotëm, të dielën e 5 shkurtit, po vijon procedura e heqjes së organeve.

Kështu, u kryen analizat e nevojshme dhe siç theksoi drejtori i ICU-së së Fëmijëve në Rio, Andreas Iliadis , duke folur për pelop.gr, procesi aktualisht është duke u zhvilluar.

Sipas informacioneve të para, disa nga organet e vogëlushes do të udhëtojnë jashtë vendit për të ndihmuar fëmijë të tjerë.

The post Foshnja 5 muajshe ndërron jetë nga Covid në Greqi, prindërit i dhurojnë organet appeared first on Albeu.com.

21-vjeçarja Emmanuela u përplas nga një makinë e drejtuar nga një 26-vjeçar shqiptar dhe prej ditësh po luftonte me vdekjen në njërin prej spitaleve të qytetit, ndërsa dha frymën e fundit të dielën, siç rrëfejnë familjarët e saj, raporton abcnews.al.

“Është shumë e rëndësishme për mua që të di se jeta do të vijojë prej organeve të fëmijës tim. Ajo po dhuron jetë”, theksoi babai i 26-vjeçares i përlotur.

Gjykata greke ka caktuar sot dhënien e masës së sigurisë për 26-vjeçarin shqiptar, i cili akuzohet për plagosje të rëndë të studentes nag Chania e Kretës, e cila humbi jetën në Selanik dje.

I riu shqiptar akuzohet se ka përplasur vajzën dhe më pas është larguar nga vendi i ngjarjes duke tentuar të fshihet. Fillimisht ai akuzohet se ka hedhur targat dhe më pas ka bërë rregullime në makinë për të mos u dalluar që ka përplasur dikë. Ky është një element rëndues për të sipas mediave greke.

Ngjarja e rëndë ndodhi pas orës 01:00 të datës 22 nëntor në rrugën “Egnatia” të Selanikut, ku i riu shqiptar përplasi 26-vjeçaren greke duke e lënë në gjendje të rëndë në rrugë. Targa e makinës së tij u mbajt mend nga të pranishmit në vendin e aksidentit dhe iu dha policisë, ndërsa të tjerët shkuan për të ndihmuar të renë e shtrirë në rrugë pa ndjenja.

The post U përplas për vdekje nga i riu shqiptar, flet babai i 26-vjeçares nga Kreta: Si vendosëm të dhurojmë organet e saj appeared first on Albeu.com.

Beca Richards, 23 vjeç, kishte udhëtuar në shkollën fillore në Narberth, Pembrokeshire, përpara fillimit të një semestri të ri –i pari i saj si mësuese – për të ngritur klasën e saj më 20 gusht të vitit të kaluar.

Ajo kishte përfunduar vetëm kohët e fundit kualifikimet e saj të mësimdhënies, por ndërsa u kthye në shtëpi, Vauxhall Corsa e saj u përfshi në një përplasje kokë më kokë me një kamion çimentoje dhe vdiq në spital./albeu.com

The post Mësuesja humbi jetën teksa kthehej nga shkolla, familjarët i dhurojnë organet e saj për të shpëtuar 6 persona appeared first on Albeu.com.

Sipas tij indet e këtij organi dhjamosen kur kemi të bëjmë me lloje të ndryshme ushqimesh aq sa mëlçia nuk i indetifikon dot për të dërguar tretësit e posaçëm.

Merja tha se “alarmi” duhet ndezur kur fillojnë të varet barku dhe mëlçia e humb funksionin e saj.

Merja veçon bimën e tambëlgjakut për të pastruar mëlçinë duke pirë çaj 3 herë në ditë me një shkëputje të shkurtër e më pas duke iu kthyer kurës edhe për 15 ditë të tjera. Më tej Merja rendit edhe këshilla për një mëlçi të pastër e të shëndetshme./albeu.com

The post “Kjo është lulja që pastron tërësisht mëlçinë”, Ylli Merja tregon çfarë trajton tjetër ajo appeared first on Albeu.com.

Më poshtë ju tregojmë një listë të gjërave që janë ndryshe në trupin e burrave dhe grave.

1. Kujtesa është e lidhur me gjininë.

Kjo është e vërtetë, kujtesa e grave tejkalon atë të burrave që nga fëmijëria. Pas pubertetit, ky ndryshim bëhet më i dukshëm dhe vazhdon deri në moshën madhore.

Gratë zakonisht i kryejnë detyrat e kujtesës verbale më mirë dhe më shpejt se burrat – si takimet e disa rasteve të së kaluarës, duke shfaqur më shumë emocione kur tregojnë diçka që ka ndodhur dhe një nivel më të lartë detajesh kur bëhet fjalë për ngjarjet e ardhshme. Tani e kuptoni pse e dashura juaj kujton gjithmonë datën specifike kur ju i keni thënë diçka!

2. Ndjenja e nuhatjes është më e fortë për femrat.

Një studim tregoi se gratë kanë 50% më shumë neurone në “gjendrat e nuhatjes” së tyre, e cila është zona e trurit që interpreton erën, sesa burrat – kjo është e dukshme edhe për një foshnjë të porsalindur. Në të kaluarën, kjo ndjesi më e madhe e nuhatjes i ndihmonte gratë të zgjidhnin partnerët e tyre kur kërkonin të riprodhoheshin. Sot, studiuesit zbuluan se ne fjalë për fjalë mund të nuhasim personalitetin e dikujt.

Jo vetëm kaq, por gjatë ovulacionit, era e hormoneve të meshkujve tek femrat është 10,000 më e lartë. Gratë gjithashtu kanë më shumë gjasa të ndihen  keq kur nuhasin erë boje apo parfumi të fortë. Jo më kot  femrat njihen si më të ndjeshme!

3. Madhësia e zemrës është e ndryshme.

Të gjithë e dimë se meshkujt janë fizikisht më të mëdhenj se femrat, por kjo përfshin edhe zemrën e tyre! Burrat kanë një zemër më të madhe dhe për këtë arsye zemrat e tyre rrahin më ngadalë. Rrahjet mesatare të zemrës për një burrë janë midis 70 dhe 72 rrahje në minutë, ndërsa rrahjet e zemrës së një gruaje janë nga 78 deri në 82 rrahje në minutë.

4. Dallimet në aftësi.

Burrat mund të kryejnë disa detyra më mirë se gratë, dhe anasjelltas. Megjithatë, kjo nuk është për shkak se ata janë më inteligjentë, por ka të bëjë më shumë me përdorimin e hemisferave të ndryshme të trurit.

Për shembull, burrat kryejnë detyra dhe sfida të fokusuara që kërkojnë koordinim sy-dorë më mirë se gratë, ndërsa gratë janë më të mira në analizimin, arsyetimin dhe kryerjen e shumë detyrave njëheresh dhe kanë vëmendje më të mirë dhe performanca sociale. Kjo është më e dukshme tek fëmijët e moshës 12-14 vjeç dhe me rritjen e tyre, dallimet bëhen më të vogla.

5. Shijimi i ushqimeve lidhet me gjininë tuaj.

Gratë në përgjithësi kanë më shumë shije sesa meshkujt, që do të thotë se ato mund të shijojnë të gjitha llojet e shijeve të ndryshme duke përfshirë të thartat dhe të hidhurat më saktë se meshkujt (veçanërisht gjatë shtatzënisë).

Kjo nuk është e gjitha, gratë që janë pjellore gjithashtu kanë një shije më të fuqishme se gratë më të reja ose më të vjetra.

6. Grumbullimi i yndyrës në trup ndodh më shpejt tek femrat.

Për shkak se meshkujt kanë më shumë testosterone, ata kanë më shumë gjasa të humbin peshë më shpejt. Gratë kanë rreth 6-11% më shumë yndyrë trupore. Edhe nëse jeni femër dhe hani më pak kalori gjatë ditës, mund të keni akoma më shumë yndyrë trupore se një mashkull.

7. Kavitetet dentare lidhen me gjininë.

Gratë përjetojnë dalje të dhëmbëve më herët se meshkujt, duke i bërë ato më të prirura për të patur kavitete dentare. Kjo bën që dhëmbët e tyre të ekspozohen më herët  ndaj prishjes së dhëmbëve.

Gjithashtu, gjatë shtatzënisë, gratë janë më të uritura për shkak të hormoneve dhe kjo sjell më shumë pështymë çka nxit pastaj edhe prishjen e dhëmbëve. Prandaj zonja të dashura është një veprim I duhur të vizitoni më shpesh dentistin.

8. Dëgjimi ka të bëjë shumë me gjenetikën.

Hulumtimet tregojnë se meshkujt kanë 5 herë e gjysmë më shumë gjasa të humbasin dëgjimin sesa femrat, por kjo nuk është shumë e dukshme tek foshnjat e porsalindura.

Studiuesit thonë se ky fakt është për shkak të stilit të jetesës së meshkujve, si të qenit më të ekspozuar ndaj zhurmës dhe rreziqeve për sëmundje kardiovaskulare (të cilat prekin më shumë meshkujt). Megjithatë, të tjerë thonë se femrat kanë dëgjim më të madh, sidomos gjatë moshës së mesme, por kjo zvogëlohet me rritjen e moshës.

The post 10 gjërat që në trupin e femrave janë ndryshe dhe në trupin e meshkujve ndryshe appeared first on Albeu.com.

E ftuar në emisionin “ABC e Mëngjesit”, ajo u shpreh se pothuajse 19-20% e pacientëve që kalojnë Koronavirusin kanë ankesa të traktit tretës, si aneroksi, humbje të shijes apo intolerancën ndaj një kategorie të caktuar ushqimesh

“Trakti tretës është një prej atyre sistemeve që ka përjetuar dëme nga infektimi me Covid. Edhe pothuajse 19-20% e pacientëve që kalojnë Covidin kanë ankesa të traktit tretës, që me aneroksin, humbjen e shijes, mosushqimin në mënyrën e duhur, intolerancën ndaj një kategorie të caktuar ushqimesh. Mund të manifestohet me ndjenjën e të vjellave dhe një nga shenjat më tipike është diarreja. Në 10% të pacientëve ne gjejmë diarren, e cila është konstante, është shumë e shprehur në pacientët të cilët kalojnë forma shumë të rënda të Covidit”, tha Shosha.

Më tej, doktoresha theksoi se diarreja është një sindromë shumë e rëndë.

“Diarreja është një simptomë që dehidraton organizmin dhe shton debulesën e organizmit, edhe bëhet precedent për çrregullime të tensionit, u bie të fikët, nuk kanë më fuqi as të ushqehen. Është sindromë shumë e rëndë diarreja. Kjo e rëndon situatën dhe rehabilitimin e pacientëve, të cilët natyrisht duhet të marrin sërume në mënyrë që të marrin elektrolitët e njevojshëm, të dehidratohet organizmi, pasi krijon balanca shumë të theksuara. Sigurisht, që në fillim u mendua se ky virus prek vetëm mushkrinë, më pas u pa që goditesh truri. Më pas u pa që kishe edhe komplikacione kardiake”, deklaroi ajo.

The post Jo vetëm mushkërite, virusi prek edhe këto 3 organe të tjera sipas mjekes së njohur appeared first on Albeu.com.

Kardiologia Elona Dado ka shpjeguar se shpesh herë kjo sëmundje është e fshehtë dhe ka pacientë që nuk e ndjejnë fare. Sipas doktoreshës, hipertensioni ndahet në kategori, por ai që është më i zhvilluari prek organe të ndryshme.

“Nuk i jepet një rëndësi dhimbjes së kokës, e cila shpesh ka një hipertension. Duhet të drejtohesh te mjeku. Sot ekzistojnë disa suplemente efikase që duhen marrë për ta larguar.

Në këtë moment që flasim bëhet fjalë për një shifër 30% -40% të pacientëve të rritur që vuajnë nga hipertensioni.

Parahipertensioni fillon nga mosha 10 deri në 30-vjeç. Kemi të bëjmë me hipertensione fillestare. Pastaj kemi hipertensionin më të zhvilluar që prek organet si truri, veshka, këmbët. Që mund ta ndalojmë, duke ju drejtuar mjekut dhe aim err vendimin nëse duhet marrë mjekimi.

Një kategori ndjejnë shtrëngime në gjoks, ka edhe një kategori pacientësh që nuk e ndjejnë fare pasi kanë vite e vite që vuajnë nga tensione. Pacientët duhet të bëjnë dy vizita dhe në bazë të saj përcaktohen modalitetet”.

Më tej, Dado shpjegoi në “ABC News” se çfarë duhet të bëjnë pacientët fillestarë dhe se duhet të heqin dorë nga veset me ndërgjegjen e tyre të plotë, jo se çfarë dëgjojnë nga mjeku.

“Nëse kemi pacientët që vijnë për herë të parë, fillojnë me analizat e veshkës apo organe siç është mëlçia. Bëhet kontrolli i zemrës siç është aorta. Shikohet gjendja mbiveshkore, pastaj rekomandohet një kontroll te okulisti.

Çdo individ është përgjegjës për jetën e vetë. Ne mund të bëjmë kompromise me shëndetin. Gjërat duhen marrë me shkallë. Duhet të marrësh vetë vendime, jo të bëjmë atë që tha doktori. Lidhur me alkooli, tani thuhet që nuk dihet se kush dëmi evidencial i pijes”.

The post Tre organet që rrezikohen nga hipertensioni, mjekja kardiologe: Si parandalohet kjo sëmundje appeared first on Albeu.com.