Loja që bën trupi juaj sa herë ndizni një cigare, këto janë organet më të rrezikuara

A M — Tue, 01 Feb 2022 09:58:43 +0000

Tymi i duhanit përmban deri në 4 mijë substanca kimike, ku më të dëmshme për organizmin klasifikohen katrani, monoksidi i karbonit dhe nikotina.

Nikotina si alkaloid natyral, e pranishme 2 deri në 8% te duhani, përveçse përmban doza helmuese, krijon varësi për përdoruesit!

Stimulon çlirimin e dopaminës në Sistemin Nervor Qendror dhe adrenalinës nga gjendra mbiveshkore. Për aq kohë sa konsumon duhan, ky i fundit stimulon mendjen dhe trupin, por menjëherë më pas humori përkeqësohet, duke e nxitur kështu duhanpirësin të ndezë cigaren e radhës për të shijuar sërish emocionet pozitive.

Përveç varësisë farmakologjike nga nikotina, duhanpirësi krijon edhe një varësi psikologjike.

Kur ndalon pirjen e duhanit, manifestohen gjendje si:

• nervozizëm, zemërim, ankth;

• dëshirë e pakuptueshme për të pirë duhan;

• vështirësi në përqëndrim deri edhe pagjumësi.

Disa nga dëmet e duhanpirjes që shfaqen në aparatin e frymëmarrjes janë:

• irritim,

• mukus i shtuar,

• bronkit akut,

• më pas bronkit kronik dhe emfizemë pulmonare.

Nuk përjashtohet edhe mundësia për infeksione në rrugët e frymëmarrjes dhe astmë.

Kujtojmë se pirja e duhanit shton rrezikun për lloje të ndryshme të kancerit ku më të ekspozuara janë rrugët e frymëmarrjes.

Te duhanpirësit rreziku për kancer të mushkërive është 20 herë më i lartë se te personat joduhanpirës. I lartë edhe rreziku për kancer në veshka dhe në fshikëzën e urinës, duke qenë se substancat kancerogjene të duhanit eliminohen nga veshkat dhe dalin nga fshikëza me anë të urinës.

The post Loja që bën trupi juaj sa herë ndizni një cigare, këto janë organet më të rrezikuara appeared first on Albeu.com.

Mjekja e njohur: Omicron nuk i prek mushkritë, cilin organ dëmton më së shumti

A M — Tue, 11 Jan 2022 09:37:21 +0000

Ornela Ademi, drejtuesja e një prej komiteteve të EMA-s (Agjencia Evropiane e Barnave), ka thënë se që dy doza vaksine nuk të mbrojnë 100% nga varianti Omicron.

Në një lidhje me Skype për “ABC e Mëngjesit”, ajo tha që është vënë re me Omicronin, është se nuk i prek mushkritë në një nivel aq të rëndë.

Megjithatë, Ademi paralajmëroi se mjekët nuk e dinë ende se si Omicroni do të ndikojë në qendrën nervore, prandaj duhet të keni kujdes.

“Nga infektimi me Omicron, dy dozat e vaksinës mbrojnë rreth 40%. Kjo për faktin se Omicron është virus që përhapet më lehtë dhe po ashtu kalon më lehtë. Kështu që dy doza vaksine nuk të mbron 100%, nuk të mbrojnë me atë efiktivitetin siç të kanë mbrojtur nga varianti Alfa dhe 90% siç të ka mbrojtur nga versioni Delta. Prandaj edhe kemi një shkallë infektueshmërie të lartë, se është më rezist ndaj vaksinave. Po flasim thjeshtë për gradën e infektimit dhe jo për gradën e hospitalizimit.

Ajo që është vënë re me Omicronin, është se nuk i prek mushkritë në një nivel aq të rëndë. Por ne nuk e dim akoma se si Omicroni do të ndikojë në qendrën nervore. Prandaj është shumë e rëndësishme që edhe pse e kalojmë lehtë, të mos mendojmë që kjo kalohet lehtë sepse ti nuk i di pasojat e mëvonshme që ka”, u shpreh ajo.

The post Mjekja e njohur: Omicron nuk i prek mushkritë, cilin organ dëmton më së shumti appeared first on Albeu.com.

organe Archives - Albeu.com

Loja që bën trupi juaj sa herë ndizni një cigare, këto janë organet më të rrezikuara

Mjekja e njohur: Omicron nuk i prek mushkritë, cilin organ dëmton më së shumti